رواية عتيق قلبي الفصل الثاني 2 - بقلم سمسمة

رواية عتيق قلبي البارت الثاني 2 بقلم سمسمة

رواية عتيق قلبي الفصل الثاني 2

• بعد الفرح ما خلص وطلعت عتيق مع أدهم الشقه واتقفل الباب عليهم دخل ادهظ وقعد على الكرسي وعتيق فضلت واقفه متوتره وخايفه 

• أدهم : ما تدخلى بقي هتفضلى واقفه عندك كده كتير إنجزى 

• عتيق : أدهم انت ليه بتكلمنى بالطريقه دى ده حتى اليوم اول يوم جواز لينا 

• أدهم : والله بجد متأكده ولما إنتى عارفه ده ليه عملتى كده وفضحتينى قدام الناس وبينتيلهم ان انا أخدت الشقه غصب عنك 

• عتيق : أنت بتقول إيه ما انا مضيت علشانك يا حبيبي 

• أدهم : بعد إيه يا ختى كل الناس في الفرح كانت بتتكلم علينا وإنى إتجوزتك علشان بس أخد شقتك 

• عتيق قربت من أدهم وقعدت قدامه ومسكت إيديه : أدهم يا حبيبي انا بحبك ومش عايزه حاجه من الدنيا دى غيرك يا حبيبي ولا فلوس ولا شقه ولا حاجه انا عايزاك أنت وبحبك أنت والشقه بإسمك ولا بإسمى مفرقتش دى كلها شكليات وبس 

• أدهم يبعد إيديها عن إيديه : كلام وبس كل ده كلام ومفيش منه حاجه حقيقيه كنتى بينتيلى بالفعل مش بالكلام 

• عتيق بصدمه : فعل !!! فعل إيه أكتر من كده انا كتبتلك الشقه ومتكلمتش ولا فتحت بقي فعل إيه أكتر من كده 

• أدهم ضرب عتيق بالقلم : وكمان بتعايرينى باللى عملتيه خديها ياختى 

• وجرس الباب بيرن جامد فتح بسرعه أدهم الباب لقي أخته رهف بتنهج وبتقوله إلحق ماما تعبت جامد ومش عارفين يتصرفوا 

• جري أدهم على تحت بسرعه هو وأخته وعتيق ولقوا امه على الارض وتعبانه واتصلوا بالدكتور وجه وقال إنها تعبانه ومرهقه من الفرح وكده ولازم ترتاح ومحدش يزعلها خالص وكتبلها على ادويه ومشي 

• أم أدهم : خلاص يا حبيبي يا أدهم روح اطلع شقتك بقي انت وعروستك 

• أدهم : أسيبك إزاى بس يا حبيبتى وأمشي انا هفضل معاكى هنا ومش هسيبك لحدما تخفي يا ست الكل 

• أم أدهم بصت لعتيق بخبث وقالت : لا يا حبيبي روح أحسن مراتك تقول عنى بتدلع وبعمل كده علشان أبعدك عنها 

• عتيق بغصه : لا يا طنط مفيش مشكله خالص المهم إنك تخفي 

• أم أدهم : خلاص بقولك خلى أدهم حبيب قلب أمه يطلع يرتاح أحسن تعب يا حبه عينى وإنتى أفضلى معايا 

• أدهم : والله فكره حلوه يا ماما خلى عتيق هنا تساعدك بدال ما هى ملهاش لازمه في حاجه 

• عتيق بصدمه بصت لأدهم وقالت في نفسها : هو ده أدهم اللى كنت هموت وأتجوزه انا كنت مخدوعه فيه إزاى كل ده وقطع صوت تفكيرها صوت أدهم 

• أدهم : إطلعي غيري الفستان ده وإنزلى بسرعه 

• عتيق بكسره وألم : حاضر 

• وطلعت غيرت ونزلت ومكانتش عارفه إيه اللى مستنيها 

• ونامت على الكنبه جنب ام أدهم وفي الصباح 

• أم أدهم : عتيق يا بنتى أعمليلى حاجه أشربها 

• عتيق : حاضر 

• أم أدهم : بس من غير سكر إنتى عارفه أنا عندى السكر 

• عتيق وهي تتجه للمطبخ حاضر ودخلت عملتلها قرفه باللبن وندهت عليها رهف وقالتلها تاخد الهدوم دى تحطها في الغساله وعتيق أخدت الحاجه ومشيت رجعت المطبخ أخدت القرفه لحماتها وأدتهالها 

• أم أدهم : إيه القرف اللى عملاه ده إنتى مش بتفهمى انا مش قولت من غير سكر إيه كل السكر اللى حطاه ده إنتى بتعاندينى 

• عتيق : والله يا طنط محطيتش اى سكر لحضرتك 

• أم أدهم : هتبله عليكى يا بت إنتى ولا إنتى فاكره نفسك أما تعملى كده هسيبك تطلعي في شقه إبنى حبيبي وأعزلك ده إنتى هنا خدامه يابت 

• رهف : في إيه يا ماما مالها دى على الصبح 

• أم أدهم : بصي قليله الربايه دى المسهوكه قولتلها تعملى حاجه اشربها من غير سكر حطيتلى سكر قد كده 

• أدهم : في إيه على الصبح إيه كل الدوشه دى 

• أم أدهم ببكاء : يابنى يا حبيبي بقول لمراتك تعملى حاجه أشربها من غير سكر واهو خد دوق كده وأحكم إنت أحسن بتقول عنى كدابه 

• داق أدهم القرفه لقاها مسكره قوى 

• رهف : دى من أول ما صحيت يا أدهم وعماله تزعق في ماما وبقولها عايزه أحط الهدوم في الغساله بتقولى مش كفايه قاعده معاكم غصب عنى كمان عايزين تدوشونى بالغساله والقرف ده على الصبح 

• عتيق ببكاء : والله يا أدهم ما حصل معملتش كل ده والله العظيم مظلومه 

• أم أدهم : انا كدابه يا بنتى ربنا يسامحك خد يابنى مراتك واطلع شقتك متنزلهاش وانا رينا يتولانى يا حبيبي كبرتك وجوزتك علشان مراتك تقول عنى كدابه 

• أدهم بص لعتيق بكره وغيظ وضربها بالقلم وشدها من شعرها وأخدها على شقتهم وعتيق بتصرخ من الالم وجرجرها على السلم وراه لفوق على الشقه وفتح الباب وزقها لجوه وهي بتستنجد وبتقوله إنها معملتش كده وقلع أدهم الحزام ونزل في عتيق ضرب لحدما فقدت الوعي 

• أم أدهم بصت لرهف بفرحه وادهم بيشد عتيق على فوق وقالتلها بسعاده : أدهم اخوكى مش بيتفاهم هيموتها من الضرب بس يا بنت اللذينه إنتى بتمثلى حلو قوى 

• رهف : انا طول عمري ما بحبش البت اللى إسمها عتيق دى وبتمنى أخلص منها النهارده قبل بكره 

• أم أدهم : إحنا عملنا كل اللى عايزينه باقي بس نكرهها في حياتها وتطلب تطلق من أخوكى ونطردها من هنا بقي وناخد الشقه ونجوز أدهم الجوازاه اللى بحلم بيها 

• رهف : صوتهم وقف يا ماما 

• أم أدهم : تعالى نلحقهم لحسن يكون موتها 

• رهف : ولا تكون الحيه اللى إسمها عتيق دى بتتسهوك على أدهم 

• أم أدهم : بنت الايه اللئيمه تعالى نلحقهم 

• وطلعوا يشوفوا حصل إيه لقيوا عتيق غرقانه في دمها 

• أم أدهم : ياللهوى يا أدهم ياإبنى عملت فيها إيه هتموت في إيدك 

• أدهم ما تموت ولا تغور في داهيه انا أصلا مبحبهاش يا ماما مبحبهاش إنتى الى أجبرتينى عليها طول عمرى بكرهها 

• رهف : وانا والله يا أدهم بكرهها قوى يارب تموت بقي ونخلص منها 

• أم أدهم : تموت بسببكم وتدخلوا السجن إنتوا بتفكروا إزاى خلينا في المهم بقي 

تابع الفصل التالي عبر الرابط: "رواية عتيق قلبي كاملة" اضغط على أسم الرواية