رواية حمقاء في الموساد البارت الثاني 2 بقلم إيزيس
رواية حمقاء في الموساد الفصل الثاني 2
ملك بجدية.....وايه المطلوب مني يا فندم
حازم اتنهد بصوت عالي .....انك تسافري إسرا....ئيل ...
ملك.......طب سؤال يا باشا ازاي هسافر اسرا...ئيل وانا مش معايا باسبور🤔لا وايه خد التقيلة ازاي هاسافر اصلا وبحجة ايه يعني انزل من الطيارة امسك مايكروفون واقول يا اهالي البلد الكرام فيه واحد ضايع مني اسمه شريف أو أبصر ايه دا ديفيد قولي هاسافر ازااااااي يا باشا
حازم والدم بيغلي ف رأسه من ام الذكاء الخارق بص لسيف...رد يا سيف
سيف....عندها حق يا باشا البت بتفكر صح هتسافر بأي حجة
الراجل هيتشل منهم قال ..... ملك هو انتي قاعدة فين دلوقتي انتي ف مبني المخابرات يا ماما يعني كل خطوة بتبقي مدروسة بدقة قبل ما نخطيها ولا انتي شايفة غير كده .ف ممكن تسيبي حتة التفكير والتخطيط عليا أنا ومافيش داعي تستخدمي ذكائك تاني
وبص لسيف ....وانت تخرس خالص ماتفكرش زيها
سيف ....تمام يا فندم
ملك ....طب أنا هروح البيت ولا هبات هنا ولا ايه بالظبط
حازم .....نفس العربية اللي جابتك هتوديكي بيتك والصبح تروحي شغلك عادي جدا وتطلبي إجازة بحجة انك هتسافري لجماعة قرايبك تمام ...وبعدين تستني نفس العربية قدام المستشفي و هتيجي تاخد تاني
ملك....ايوا بقا شغل المخابرات ابتدا وشكلها هتبقا فللة
سيف ....هي الهانم مدركة حجم الموقف ولا الصدمة لسة مأثرة
ملك ...ليه بتقول كده يا برنس
حازم ....ممكن تبطلي تعاكسيه
ملك ...تكونشي عاوزني اعكسك انت يا باشا 🤭
حازم....نعم😠
ملك ....آسفة يا باشا ..كنت بتقول حاجة يا كابتن سيف
سيف...ونفسه يضحك الغلبان بس خايف ....احم بقول انك مدياها طناش ومش همك حاجة و بتتصرفي عادي كأننا قولنالك رايحين الملاهي
ملك.....وتبدلت نظرتها للحزن ....أنا رايحة اجيب حق اهلي وكرامتي اللي خسرتها ودي حاجة مفرحاني ونفسي انتقم منه اشد انتقام ومش مهم بعدها اعيش ولا لا أو ارجع ولا لا
حازم ...برافو عليكي كده بدأت اطمن أنه ملك بنت مصر هتشرفنا ف المهمة
ملك ما رديتش وقفت وخرجت من سكات وفعلا الشباب وصولها لغاية بيتها ...طلعت الشقة اللي هي عايشة فيها لوحدها واول ما دخلت انهارت في البكاء
وبعدها اتوضت وصلت العشا ودعت ربنا كتير أنه يوفقها ويقويها وتقدر تنتقم من اللي دمرها ودمر عيلتها وبعدين مددت ع السرير وسرحت وافتكرت اول مرة تكلم فيها اللي ما يتسمي ديفيد
فلاش باااك
من اربع سنين كان أول يوم رمضان
في منزل والد ملك
الكل قاعد حوالين السفرة ومستنين المغرب يأذن
والدة ملك....خدي يا بت يا ملك الطبق دا وديه لجارنا الساكن الجديد شاب اعذب يا قلب أمه تلاقيه هيقضيها اكل من السوبر ماركت وماحضرش افطار لنفسه
ملك ....هاات يا واد يا حنين انت يا ابيض يا جااامد يا ابو قلب كبير
والدتها تضحك ...شوف البت بتعاكس امها دا ابوكي عمره ماعملها
محمود(والدها)....عشان ابوها مؤدب يا ولية
فاطمة....ونعم الادب يا اخويا لدرجة أنك بتعتبرني اختك دلوقتي هههه
محمود ...منك لله يا مسيحالي ف المنطقة
ملك ...يوووووه ما كانتش كلمة قولناها هاتوا الطبق بقا بدل ما افطر فيكوا دلوقتي
احمد اخوها يجي من ورا يضربها علي قفاها ...بطلي لماضة
تخرج ملك من شقتهم وتخبط علي شقة جارهم
يفتح شاب لابس بنطلون شروال وبس ومش لابس تي شيرت وشكله لسة صاحي من النوم
ملك .....ياختييييي استر نفسك يا مفضوح اللهم إني صايمة
شريف.....؟؟؟؟؟!!!!!!!
ملك....مالك مصدوم من ايه أنا اللي حيائي اتخدش خد ماما بعتالك الطبق دا وبتقولك كل سنة وانت طيب عشان انهاردة اول يوم رمضان
شريف ...بشك .....الطبق دا فيه ايه
ملك .....فيه فيل ...انت أعمي فيه مكرونة بشاميل
ايتا ايتا أن شكلك لسة صاحي من النوم صح وماحضرتش فطار لنفسك طب تعالي افطر عندنا
شريف ....لا شكرا يا آنسة
ملك .....يا عم تعالي بعزمك بجد مش عزومة مراكبية ادخل انت البس تي شيرتك وتعالي
ابتسم لها .....حاضر وفعلا اخدته وفطر عندهم وفضلوا يهزروا ويضحكوا طول الليل
باااااااك
ملك والدموع مغرقة عيونها.....غمضت ونامت بسرعة عشان تهرب من واقعها المؤلم
في الصبح بقا ملك نفذت كل كلام حازم وركبت العربية مع نفس الشابين اللي اد الحيطة
وصلت مقر المخابرات ودخلت عند حازم
ملك وهي ماسكة شنطة هدومها ...أنا جاهزة يا باشا يلا فين الباسبور واللذي منه
سيف .....انتي كان ليكي خال اهبل يابت
ملك ....وليه الغلط دا كابتن مانا ممكن اغلط عادي يعني
سيف.....طب جربي اغلطي كده هيبقي آخر كلمة تقوليها في الدنيا وهقطع لسانك وارميه ع الأرض جربي بس
حازم ربع ايديه ...خلصتوا ...ملك انتي عايزة تسافري وانتي كده
ملك .....مالي يا باشا مانا زي القمر اهو ربنا يحفظني 😎
سيف....ضحك ...أمر أمر بالستر يا قطة ....دانتي لو سافرتي كده هتجرسينا وهتشوهي صورة نادية الجندي المحفورة ف ام دماغ ولاد التيت دول
ملك ....مش هرد عليك يا برنس أنت أنا هسيب الرد للباشا
حازم صلها وهو رأسه يمين شمال ....عنده حق انتي لازمك علي الاقل تلات شهور تدريب
ملك.....😳😳
سيف.....ها القط اكل لسانك ولا ايه
ملك وهي يتبص للسقف ....اني ابحث عن جبهتي الم تراها
يا اخي فقد قُصفِت مني
سيف....احم عشان تعرفي بس انك ما ينفعش تتحديني😎
حازم ...سيف. خد دا مفتاح البيت اياه هتاخد ملك لأنك أنت اللي هتدربها
سيف بصدمة....أنا ؟؟؟؟!!!دي تشل بلد يا باشا أعفيني أنا الله يباركلك
حازم ....واحنا من أمتي بنعتذر عن مهمة يا سيف وبعدين اومال أنا مرسيك ع الحكاية من اولها ليه ...عشان انت بتعرف تتكلم عبري كويس جدا ...خد ملك واطلع ع البيت اياه
سيف ....قدامي يا بلوة
ملك .....لا لحظة حضراتكم كده افهم يعني أنا هاروح اعيش مع البني ادم الموزززز دا في بيت لوحدنا والشيطان ثالثنا
حازم ....انتي ايه هو مخك ديما بيحدف شمال كده ...البيت فيه اكتر من خمس أشخاص غيركم ...ودي منطقة سرية جدا ومافيش سكان حواليها ... ويلا بطلي غلبة قدامك يوم شاق بكرة
وفعلا سيف اخد ملك وطلعوا ع البيت اللي مافيش حواليه اي حد في مكان غريب جدا شكله بيت عادي صغير وحولينه
جنينة ووسع كتيررر جدا
كل واحد انشغل بترتيب هدومه وسيف فهم ملك انها لازم تنام بدري عشان تصحي بدري للتدريب
نامت ملك سريعا من التعب وسيف كمان نام زيها بسرعة بعد ما صلي كل واحد فيهم العشا واتعشوا
في الصبح بقا صحي سيف بدري ونادي علي ملك كتير وخبط علي بابها ولا حياة لمن تنادي
فتح الباب ودخل ومعاه كوباية مية متلجة وقام دالقها علي ملك
ملك.....يالهووووييييي بغرق بغرق الحقونييي. يا ماما يا صحابي يا اهلي يا جيراني
سيف .....😳انت هتغني ...قوم يا عندليب عندنا تدريب فيه حد ينام لغاية دلوقتي
ملك ....ليه هي الساعة كام
_ستة
=نهارك اسود ومهبب مصحيني ستة ليه😾
_عشان نبيع لبن ...وقام ماسكها من التي شيرت بتاعها وقال ماهو أنا مش جايبك هنا عشان تستجمي فوقي يابت بدل ما اظبطك كده
ملك فتحت عيونها وقالت ....يااااااه هو ف حد بيصحي من النوم قمر كده يخربيت جوز عيونك يا شيخ
سيف ....بتريقة ....وخايفة من الشيطان دا الشيطان هو اللي يخاف انك تتحرشي بيه قومي يابت قومي اتاخرنا
ملك ....انت فهمت ايه اوعي تتغر ف نفسك يا كابتن دانا بس بارفع معنوياتك عشان لقياك كده سنجل وشكله ما حدش معبرك😎
سيف بصلها بغضب .....قومي مش عايز اسمع نفس قومي
وفعلا قامت ملك مع سيف وجريوا شوية وبعدين قعد ساعة كاملة يعلمها ازاي تمسك السلاح واخيرا
سيف ....يلا صوبي
ملك فضلت تضرب يمين شمال المهم ولا طلقة جات ف الهدف
سيف بعصبية وعيونه زي الدم....انتي بتعملي كده ليه ولا طلقة جات ف الهدف
ملك ....اهدي يا وحش وفهمني بالراحة مش اهم حاجة الطلقة ما تصيبش الراجل التمثال دا
سيف .... يخرب بيت الغباء صبرني يارب ...دا هو دا ديفيد اللي الطلقة لازم تيجي فيه أنا هاروح اظبطه اكتر من كده عشان تعرفي
تركزي ولسة سيف هيتحرك وملك كل تفكيرها أنه التمثال لديفيد وقامت ضربة طلقة جات ف سيف
ملك صرخت ....سيييييييف..
يتبع الفصل الثالث 3 اضغط هنا
- الفهرس يحتوي ع جميع فصول الرواية "رواية حمقاء في الموساد كاملة"