رواية يعز عليا أقول كنا البارت الثاني 2 بقلم دعاء زينة
رواية يعز عليا أقول كنا الفصل الثاني 2
بعد ما خلصت صلاة قعدت ومسكت الفون بتقلب فيه تلهى نفسها ودموعها لسه منشفتش جات ليها مسدج من أكونت اسمه صانع اللذة والسعادة♥️
(لعل مايأتى يكون خير لعل مامضى كان اختبار لصدق حبك استقوى فهناك من يأخذ قوته كلها من عيناك أيها الصغير ♥️(
فرحت لما قرأتها والباب خبط ودخل إياد بوجه غاضب جداً وحزين
إياد بحدة:أنتى موافقة على أدهم
حور خفت عينها ومسحت دموعها: اه موافقة ولاا عشان
إياد خد باله من دموعها قرب عليها بحب اخوى :حور معقولة بتعيطى عشان رفضته وبنخزة فى قلبه طيب ياحور هعملك اللى أنتى عاوزة بس خليكى فاكرة كله عشان خاطرك ميهونش عليا دموعك دى
حور فى سرها:كله عشان خاطرك أنت ي إياد عشان لو عرفت الحقيقة مش هطيق تبص فى وشى اصلا من اللى حصل وتبتت فى حضنه جامد وبصوت مسموع ليه أحضنى يا إياد احضنى جامد جامد اوى
إياد بخضة على اخته:مالك ياقلب اخوكى فيكى ايه
حور بتهز دماغها:لا ابدا بس اخلى أدهم يجى امتى
إياد بوجه عابس: الخميس الجاى كتب الكتاب انا مش هيجلى نفس اقعد معاه اكتر من مرة
حور بزعل: معقول ي إياد عاوزه اما يزعلنى يقول مالكيش حد ومصدقوا يرموكى ويخلصوا منك
إياد بحنان أخ:قطع لسانه انا ضهرك وابوكى واخوكى ياعبيطة ومحدش هيفقلك غيرى وخليه بس كده يفكر يزعلك وشوفى انا هعملك فيه ايه ويلا بقى تصبحى على خير وباس دماغها وقام خرج
حور:ياريتك هتفضل حنين كده لو عرفت الحقيقة ياريتنى اقدر اقولك كل حاجه ولا أخاف بدل ما هرمى نفسى الرمية السودة دى
ونامت ✨✨✨✨✨
عند إياد فى اوضته
إياد قاعد سرح بخياله وافتكر من كام سنة
فى سنتر الأوائل قاعدين هو وأدهم
أدهم: بيقولوا فيه وافدين جديدة
إياد: والله يامرحب بالزائرين
أدهم:خفة يالاااا
إياد:قولى بس جنس ناعم ولا غشيم
أدهم بخبث:ماتيجى وانا اقولك
إياد :وماله وبعدين استوعب كلامه اجى فين يلا ده انت ليلة ابوك سودة
وفجأة سلو موشن حصل ودخلت بنت زى القمر حرفيا شعر اصفر ليس وعيون زرقاء ولا ولاد الامريكان قلعت النضارة وبصت بلا مبالاة علي الاتنين اللى مسكين فى بعض(ادهم وإياد) وقعدت
إياد بصفارة:اواووووو احبك يأجنبى ياملخبط كوكبى
أدهم: بلا مبالاة عادى ياعم كله صناعى وبعدين دى واحدة شايف نفسها ولا تدخل ذمتى بمليم
إياد باستغراب:وانت عرفت أزاى
أدهم:بيبان يابنى كله بيبان انت بس اللي شكلك هتريل
إياد:عيب عليك وحياة امك لظبطها بس انت استنى بقولك
أدهم:امممم
إياد :انت هتتعشى معانا النهاردة
أدهم :انت شايف كده
إياد:اهممممم
أدهم: قشدة 🤝
فاق إياد من سرحانه وقرر يهرب من واقعه بالنوم
بس السرحان كمل مع حد تانى
وضحكوا ودخل المدرس وبدأوا الحصة وجه الليل على خير وراح أدهم بيت إياد فى مدخل البيت فى طلعة بنوتة زى القمر بفستان كحلى مع طرحه بيضة ممزوجة بنفس لون الفستان بص أدهم عليها ياريته مابص عينه اتخطفت وقلبه اتاخد ومبقاش ليه بقى عامل زى اللى اتسحر
_ايه قلة الذوق دى
أدهم:بيبص حواليه وبيشاور على نفسه اللى هو انا
_وهو فيه غيرك يابنى ادم بتبحلق فى ايه هااا نفسى أفهم
أدهم بغمزة: هو انا لحد دلوقتي مبحلقتش بس لو عاوزانى ابحلق قشدة وماله
_أنت قليل الادب
أدهم:اه ومستنيه مفعوصة زيك تعلمهولى
_هو هعلمهولك حاضر وراحت دايسه على رجله بكعب جزمتها وخبطته بالكتاب على راسه وطلعت تجرى
أدهم :اه يابنت المجنونة وحياة امى ماهسيبك
وطلع جرى وبعدين البنت كأنها اختفت من قدامه فص ملح وداب دخل بيت صاحبه
ام إياد:ادخل ياحبيبى نورت
أدهم :تسلمى ياحبيتى
أم إياد:ياواد يابكاش
وقعدوا على السفرة وهما لسه قاعدين خرجت بنوته مسيبها شعرها الاسود شبه ظلام الليل وواصل لحد بعد ضهرها ولبسه بيجامة بناتى
_ماماااا كنتتتتتتتتت
وقطعت كلامها لما شافت أدهم اللى بخ المياه من فمه
أدهم بتعجب وفتح بقه:حوووور
طلعت تجرى اعاااااااااااااااااااااااا
الأم:يابنت المجنونة معلش يا بنى معيشانا فى سواد زى مانت شايف وبعدين مكنتش تعرف انك هنا
أدهم باستغراب:هى لبست الحجاب امتى
الأم:يقطعك يادى البت انت شوفتها بيها بقالها يجى شهرين اهى بس انت اللى مبتجيش
أدهم بتوهان : احسن احسن انى مجيش
إياد:ايه ياعم أدهم دانت تيجى وتمشينا كلنا وبعدين مانت اخوها زى واكتر
أدهم بنخزة فى قلبه: طبعاً
(فى الفترة دى حور كانت فى تانيه اعدادي وادهم مكنش بيشوفها كتير ومببخدش باله منها اوى لحد النهاردة )
أدهم فى نفسه:معقول كبرت امتى كده بقت كده امتى معقول تبقى أنتى
وفاق من سرحانه على هزت إياد وفاق من الزكريات كلها على أيد صاحبه
✨✨✨✨✨✨
أدهم بحنين:ياريتك فضلت ياصاحبى ياريتك ملعون ابوها حرباية دخلت حياتنا وخربتها
ورجع تانى سرح
✨✨✨✨✨✨
إياد:أدهم
أدهم:أممممم
إياد:بحبها وعاوز اتجوزها
أدهم: والله طب مبروك وبعدين فهم هو قال ايه تف القهوة فى الكوباية
إياد:الله يقرفك يأخى
أدهم:الله ياخدك هى مين دى اللى عاوز تتجوزها
إياد:نريمان
أدهم:البت الجديدة
إياد بعصبية: ايه بت دى ياعم
أدهم:ايه ياعم إياد مالك هى هتخسرنا بعض من أولها
إياد:مش شايف غيرها اكمل معاه أنت عارف بقالى اكتر من 3شهور بحاول معاها وهى مفيش
أدهم:ماطبيعى مفيش وفى سره اصلها بتحاول مع غيرك ياصاحبى بس مش انا اللى هكون الشوكة اللى تبقى فى ضهرك
إياد:قصدك ايه
أدهم:مقصديش ياصاحبى بس البنات كتير اشمعنا دى
إياد:مانا قولتلك
أدهم :مش مبرر ياصاحبى مش معنى انها مطنشاك انها كده هى اللى هنا وعى اللى هناك
إياد:ايه مطنشاك دى يأدهم
أدهم: خلاص ياعم حقك عليا متقفش
إياد :بلا حق بلا بتاع ركز بقى
وسكتوا على كده ومن هنا كانت بدابت الفجوة (اللى حصلت واللى بسببها الصحاب اتفرقوا اكتر من اربع سنين دلوقتي حور فى اولى جامعه والشباب مخلصين الكليه بقالهم سنه)
لك أنت تتخيل حياتى بدونك ياصديقى فوالله انها لصحراء بلا زرع ولا ماء عكف الطير على المجئ إليها فقد بارت ارضها وجف بئرها وصداء قلبها بعدك ياعزيز القلب ورفيق الدرب🥺💔
فاق من سرحانه على رنت فونه
أدهم شاف الفون قلبه رقص من الفرحه بس اول مارد بنبرة تشبه الجليد:عملتى ايه
حور:كتب الكتاب الخميس الجاى
أدهم:ومين حدد بقى
حور:اخوى
أدهم:هشوف لو كنت فاضى هاجى مش كده نبقى نأجله ليوم افضى فيه
حور:انت هتبيع وتشترى فينا على ايه
أدهم:أنت اللى محتاجانى مش انا اللى محتاجك
حور: وانا كنت ضربتك على ايدك عشان تعمل اللى عملته هااااا
أدهم بيجز على سنانه:لا عشان محدش يقدر يجبرنى وانتى عارفة ويلا وقتك معايا خلص وقفل السكة فى وشها رنت تانى
أدهم:خير
حور بغيظ: كل خير طبعاً انا بس متصلة عشان ابقى انا اللى قفلت فى وشك وقفلت قبل مايرد
أدهم بضحك : لسه مجنونة🤦🏻♂️
وعدت الايام وجه يوم الاربعاء بالليل✨
رنيت حور على أدهم رد
حور:أقدر اعرف جانبك فاضى لبكرة ولا لا
أدهم ببرد: والله لسه هشوف
حور:شافك عذرائيل يابعيد
أدهم:طولة لسان هاجى اقصهولك خدى بالك
حور: والله مبخافش وابقى فكر تتأخر بكرة وهتشوف هعمل فيك ايه
أدهم باستفزاز: أيه
حور:فراغ بنيه نيهههههههههه وقفلت الفون فى وشه
أدهم ليكى روقة يابنت ممدوح بس اصبرى وبيعدل ياقة القميص وبيظبط الطقم اللى هيروح بيه يكتب كتابها بكرة
أدهم لنفسه :أه لو تعرفى انا مستنى بقالى اد ايه يارب قرب البعيد بقى مش مستحمل اكتر من كده يارب بكرة يجى بسرعه يارب يجى كمان ساعة لا كمان عشر دقايق عشان مش قادر نفسى اخدها فى حضنى
وجه تانى يوم الحمد لله وراح أدهم البيت إياد اللى بقاله سنين مدخلوش واول مادخل
الأم: حمدالله على السلامه نورت بيتك
جرى عليها ووطى على أيدها يبوسها :وحشتينى ياست الكل
الأم:لو وحشتك كنت اطمنت عليا مش طنشتنى
أدهم: معاكى حق عارف انى مقصر بس غصب عنى اعذريني
الأم:عذرك معاك ياضنايا
من بعيد كانت حور شايفة اللى حصل من غير ماحد يشوفها وفى سرها :هو ازاى كده بجد ايه كمية الحنان والحب اللى فى قلبه لأمى دى ومسحت دمعه فرت من عينها ودخلت تكمل لبسها
والناحية التانيه كان إياد واقف بيمسح عينه من الدموع اللى غدرت بيه ونزلت على صاحب عمره اللى نفسه يضمه لحد مايكسر ضلوعه وافتكر
أدهم:إياد
إياد:اممم
أدهم:أنت عارف ماليش حد فى يوم فرحى عاوزك فى ضهرى ياصاحبى
إياد: أنت عبيط يلا من غير ماتقولوا انا علطول فى ضهرك ياصاحبى حزنك قبل فرحك
ومسح عينه ودخل استقبل الناس والمأذون وصل وطلب من اخو العروسة انه يجيبها عشان ياخد رأيها قام إياد وهو ماشى خبط فى واحدة بتشرب عصير
_مش تفتح يابنى أدم
إياد:اسف انااا
_إياااااااد ازيك عامل ايه
إياد:معلش مش واخد باااااا استنى مش معقول مريييم سمير
مريم هزت راسها بمعنى اه
إياد:عامله ايه اتغيرتى خالص عن زمان يامريوم
مريم: محدش بيفضل على حاله بس تصدق انا فرحانه اوى انكوا واخيرين رجعتوا تانى بعد مالحرباية اللى اسمها مريهان دى عملت اللى عملته
إياد بعدم فهم: استنى بس رجعنا مين ومريهان عملت ايه مش فاهم
مريم :بصراحة انا كنت عارفة كل حاجه ويوم ماقررت اقولكم كل حاجه سافرت تانى يوم علطول ومعرفتش اقولك بس انا
إياد: استنى بس انا مش فاهم حاجه قصدك ايه وايه اللى عملته مريهان
مريم:اظاهر كده عكيت بس اللى حصل زمان بينك وبين أدهم كان ..
يتبع الفصل الثالث 3 عبر الرابط التالي: "رواية يعز عليا أقول كنا" اضغط على أسم الرواية