رواية لماذا البارت الثالث 3 بقلم حبيبة وليد
رواية لماذا الفصل الثالث 3
شفت حماتي كانت قريبة مني جدا و مبرقالي و مبتسمة ابتسامة مرعبة و معاها مقص ، قمت مفزوعة و قاتلها
_آنتي بتعملي أي هنا و أي المقص دا
=انا... أنا كنت جاية اطمن علي اياد، و المقص كان فإيدي و نسيت و طلعت بيه
_جاية تطمني علي أياد ف نص الليل و بعدين مش كام المفروض تخبطي علي الباب
=معلش يا بنتي آنتي عارفة رجلي واجعاني و مقدرش أقف كتير
_ماشي يا حماتي تقدري تتفضلي
مشت و أنا ماكنتش قادرة أخد نفسي من الرعب و لعنت اللحظة إلي جوزي ادى فيها حماتي نسخة من المفتاح ، أنا كنت متأكدة إنها جاية عشان حاجة تانية بس مقدرتش أعرف هي كانت عايزه إيه. يومها مقدرتش أنام قمت صليت
و رحت أشوف مين إلي كان بيرن عليا لقيتها أختي ف رنيت عليها
~آلو
+ أيوة يا سارة
~ في أي يا علا مالك بتعيطي لي
+ لقو رهف
~ طيب الحمد لله بتعيطي لي بقا
+ الشرطة رنت علينا و قالت إنهم لقو وحدة نفس المواصفات مرمية ف الشارع و ودوها ال مستشفي و لما رحنا الدكتور قال إن في آكتر من واحد اغتصبوها و هي أصلا زي ما آنتي عارفة مريضة و عندها القلب و مقدرتش تستحمل و ماتت
~أنا لله وأنا اليه راجعون ، مين إلي عملة فيها كدا
+ مش عارفين لسة
~ طيب أنا جيلكم الصبح
و قعدت شوية و لما ايادصحي لبستو و رحت عشان اعزي نزلت لقيت حماتي و سلفي قاعدين و لما حماتي سألتني رايحة فين حكيتلها كل حاجة و لاحظت إن علي متوتر شوية
العزا خلص و إنا راجعة جبت كالون جديد و أول ما وصلنا البيت قفلت الباب بالترباس و عملت كباية نسكافيه و قعدت أشربها و قعدت أفكر ف رهف ، هي مش قريبة مني يدوب كنت بشوفها ف العزايم بس كانت قريبة جدا من أختي علا ، زعلت جدا عليها و علي إلي حصلها و بعد شوية رحت في النوم علي الكنبة بس بعد شوية صحيت علي صوت حد بيحاول يفتح الباب اترعبت و قمت أشوف من العين السحرية لقيتها حماتي و معاها مقص مرة تانية إستغربت من إصرارها ، يومها عرفت إن المقص دا وراه سر قعدت أحط احتمالات كتير لحد ما رحت في النوم
، و في الشهر دا كنت بأخد بالي كويس إن حماتي متدخلش الشقة و اتلككت عشان اركب الكالون الجديد لحد ما فيوم ماما اتصلت بيا و كانت تعبانة جدا اياد كانت نايم فسبتو و رحت بسرعة و من لغبطتي نسيت اقفل الباب هو غلط صغير بس أنا دفعت تمنو غالي آوي ، رحت لماما و وديتها ال مستشفي و اتصلت علي أخواتي و لما اطمنت عليها روحت ، أول ما وصلت لقيت الباب مقفول فتحتو و دخلت رحت أشوف اياد لقيتو لسة نايم كنت لسة هخرج من الاوضة بس جسمي اتسمر مكانو لما شفت طرف جلبية حماتي إلي مستخبية ورا السرير..
يتبع الفصل الرابع 4 اضغط هنا
- الفهرس يحتوي ع جميع فصول الرواية (رواية لماذا كاملة)