رواية أحببت خائناً البارت الثالث 3 بقلم دعاء زينة
رواية أحببت خائناً الفصل الثالث 3
الشخص المتكتف ابتدأ بفوق
ليل رشته بالمياه فى وشه:فوق يابابا فوق
_بخضه ايه كح كح كح أنتى ليلة ابوكى سودة
ليل باستهزاء:وأنتى ليلتك هتبقى بامبى يابن عطيات بياعة الترمس
_ببرود فكى الهبل اللى رابطة ايدى بيه ده
ليل :مش قبل ما أعرف أنت مين وازاى دخلت هنا
_صدقنى كل اللى أنتى بتعمليه ده مش فى مصلحتك امممم وقطع الكوفيه اللى كانت ليل رابطة ايديه بيها وبحركة تشبه الفهد فى سرعته وقف وشد ليل عليه وحاصرها بين ايديه
ليل بشهقة :انت اتجننت أبعد ياحيوان وبتحاول تفك نفسها بس كان مسكها بقبضة من حديد
ليل خدتها نفسها ونزلت على رجله بكعبها وشبت خبطته فى دماغه (بالرُسية بالرُسية يامنى دا أنتى ليلتك مش معديه😂)
_الخبطه مأثرتش فيه للأسف بس مفأجاة الحركة خلتها تفلت من بين ايديه ده أخرك ياحلوة
ليل خدت نفس:أخرى لسه مشوفتوش ياحضرة وابتدت تهجم عليه مرة تانيه
كان ابتدأ الكل يحس أن فيه حركة غريبة فى المكتب وشوية شوية ابتدوا يتحركوا على هناك
_مكنش بيعمل حاجه غير أنه بيتفادى الضربات وكان بيبص ليها بنظرة سخرية (اللى هى دى😒) وده كان ببجننها أكتر ويخليها تهجهم عليه بشكل أسرع
عاشور راح المكتب لاقى موظفين كتير واقفين ومعظمهم مسهمين دخل وسطهم:فى ايه وسع كده أنت وهو واول ماوصل فتح بوقه وقف مسهم زي الموظفين
ليل شافت عاشور:استاذ عاشور أطلب البوليس للكائن ده
_وياريت معاه الاسعاااف للأمورة عشان شكلها تعبت
ليل استفزاها كلامه طارت ولفت على ضهره ووقفت قدامه ونزلت على وشه بالكمة قوية جداً
مالك:يانهااااااااار أسود ياجدعااان ايه اللى بيحصل ده ايه اللى أنا شايفه ده 😳 وبص لعاشور اللى مفيش على وشه غير الاذبهال
ليل جات ترفع ايديها تانى مسكها بإيد من حديد ولفها وراء ضهرها
_عارفة اللى رحمك من إيدى ايه أنك بنت غير كده أقسم بالله لكنت دفنتك
ليل باستفزاز وغضب :اخرك هاته البنت دى تقوم بيك وبكتيبة شبهك
مالك بصدمة:لا لاااا كده كتير وبص لعاشور أنت هتفضل متنح كده كتير اتصرف ياعم الواد ممكن يتحول وياكل البت فى أى لحظه انجز
عاشور بلا وعى:تفتكر
مالك : جدا 😌
عاشور بسرعه وبصوت عالى:بس يالييييييل
ليل:هو النظر بعافيه شوية هو اللى مسكنى يامفتح
عاشور:ليل لسانك
ليل:هخنق الحيوان اللى مسكنى ده بيه أقسم بالله
عاشور :ليل ده إسلام ابن عمى ومالك من ضمن مُلاك المجموعة
إسلام بنظرة نصر ساب ايديها ووقف حط ايده فى جيبه
ليل بصدمه:مين الحيوان
عاشور بضحكه مكتومة:لا إسلام
ليل بصدمة مسيطرة عليها لسه:لا متقولش بقى إنسان الغاب طويل الناب ده ابن عمكوا
مالك:تخيلى ياستى
إسلام بص لمالك:حسابك بعدين ياحيوان
مالك بتأفف: وأنا مالى يالمبى وبهمس هو انا اللى ضربتك
عاشور سمعه:لو سمعك مش هتروح لأمك
مالك:يااااا ياباشورة أد كده خايف عليا
عاشور :أنت ايه اللى رجعك أنت مش كنت مشيت
مالك بدلع : وحشتنى
إسلام بحدة:كل واحد على مكتبه يلااا
طبعاً اتحركوا كلهم بدون نقاش لان عندهم كلام إسلام الخديوى أمر لازم يتنفذ ومفيش مفر منه عالرغم أن طبع عاشور صعب جداً بردوة بس ده بالنسبة ليهم أشد صعوبة
مالك بهمس ل ليل:عملتيها ازاى
ليل باستغراب:عملت ايه
مالك بغمزة 😉:لا صغير بس يحير عااش
إسلام :أنت ياحيوان اللى رجعك
مالك بخضة اتلفت حواليه وبصوت مش طالع :أنا اناااا
إسلام:لا أمى
مالك:بتسلم عليك ياناقص وبتقولك وحشتها
إسلام :قرب يامالك
مالك بيحرك راسه علامة على النفى
إسلام بحدة :تعااال
مالك قرب عليه فى لمح البصر:أؤمرنى💃 ومسكه إسلام من ياقة قميصه وهو مسك ايده التانيه أسمعنى بس هشرحلك أنا اصلا كنت هنا وفونى نسيته فى مكتب عاشور فرجعت أخده أدى كل الحكاية 😊
إسلام:طيب خده وروح
مالك:عدل بدلته ايوه كده ناس مابتجيش الا بالعين الحمرا لازم ازعق يعنى
عاشور بص ليه 😳اللى هو ياراااجل
إسلام بصله ببرود ومهتمش
ليل :أهم حاجه الثابت على الموقف
مالك وهو بيجرى:معاكى حق وخرج ورجع تانى سلومتى هجيلك بالليل أنا والشلة يلا سلاموز ياروحى
ليل ضحكت ضحكة خطفت نظر واحد من اللى واقفين بس محدش كان بيان على وشه حاجه والظاهر كده أنهم درجه اولى فى إخفاء المشاعر
إسلام قام ببرود:خلصنا ضحك ولا نديكى كمان نصاية تخلصى الضحك اللى جواكى
ليل بجدية:حاسه أنى شوفتك قبل كده مش عارفه ليه
إسلام:فكرى كده
ليل بتفكير :اممم ايوه افتكرتك أنت اللى هزقتك الصبح مش كده
عاشور بسرعه:ليل
إسلام بحدة:نعاااام
ليل بوعى هى قالت ايه:يادى النيلة أنا عارفة أن مش مكتوبلى أكمل فى المخروبة دى
عاشور: ماشاء الله عليك جيتى تكحليها
إسلام:لا دى بتعمى علطول معندهاش وقت تكحل أصلا
ليل:طيب بص كده على الموضوع من وجهة نظرى واحدة دخلت مكتب المدير لقت واحد غريب فى مكتبه ومش بس كده لا وفاتح خزنته كمان المطلوب أيه اللى يتم بقى
إسلام:تنادى للأمن تتصلى بالبوليس
عاشور :ترقعى بالصوت ده أقل واجب والله
ليل بتفكير أنه فعلا كان فيه مية طريقه غير اللى عملته بس نفضت الفكرة من دماغها
ليل:معرفش انا مفكرتش فى كل ده أنا اتصرفت على حسب تفكيرى وطبعى
إسلام :وطبعك ده أنك تهجمى على أى واحد من غير تفكير من غير خطوات محسوبة
ليل بعصبية:معرفش انا معملتش غير اللى انا شوفته صح
إسلام بحدة :لا مش صح مش صح انك تاخد وضعية الهجوم تقدرى تقولى معرفتش ليه تسددى ضربة واحدة ليا على الرغم انى موجهتلكيش ولا ضربة
ليل بضجر:معرفش
إسلام: عشان غبية خطواتك متهورة بتلغى عقلك وتهورك بيقودك للأسف وده غلط فى فن القتال او الدفاع عن النفس عموماً محتاجه تتدربى أكتر وتكثفى جهودك ومتغليش عقلك بإن خصمك يقع قدامك أد ماتشغليه بإن ضربتك تسيب أثر وتاخدى بالك متكونش فى أماكن حيوية ممكن تعمل مشاكل معاه قدام لعل وعسى ممكن تحتاجيه تانى وتركزى اكتر انها تكون فى أماكن حساسة تضعف قوته متزودهاش
ليل فتحت بقها ووقفت مبلمه اول حد يلاحظ كل ده فيها فعلاً
عاشور:خف عالبنت يا إسلام ده موقف وعدى انت فاكرها فى المخابرات معاك ولا ايه
ليل اخيرا نطقت:مخا برات هو انت
إسلام:الرائد إسلام الخديوى رائد فى مبنى المخابرات العامه أكتر الاجهزة الحساسة فى البلد
ليل بغباء:طيب ازاى دخلت هنا وبتعمل ايه هنا اصلا
إسلام :بعمل ايه فعاشور ابن عمى على ماظن واظن بردوة أنه قالك أنى من ورثة عيلة الخديوى بمعنى أنى أحد ملاك المجموعة شئتى أم أبيتى دخلت ازاى فدخلت من الباب اللى المفروض أنتى قاعدة قدامه وللاسف دخلت من غير ماحد يسألنى رايح فين أقدر اعرف بقى ساعتك اللى كنتى فين
ليل:كنت فى الح وانت مالك
إسلام:لسانك غالبا عاملك 99٪ من مشاكلك
ليل:لا وانت الصادق ده 100٪وحط عليهم خمسين كمان من عندى😂
إسلام:مش مشكلة هحلهالك انا القصة دى
ليل لعاشور:وحضرتك كمان كنت فين
عاشور :انا كنت
إسلام قاطع عاشور: ايه ياما ده استجواب مش سؤال
ليل:دى طريقتى
إسلام بحدة خفيفة:تتغير
ليل اتاخدت كده بس مبينتش انها خافت من نبرته:محدش بيغير طبعه ياكابتن
عاشور:أهدوا حصل خير انا خرجت من الباب التانى ياليل للمكتب كنت محتاج حاجه من الارشيف وكان لازم اجيبها بنفسى
ليل هزت راسها :اتفضل الشغل جاهز من بدرى
عاشور مسك الملف وبص فيه وبإعجاب:هايل ياليل براڤو عليك شغلك كويس اوى
ليل مش مصدقة ان حد بيشكر فى شغلها:بجد
عاشور:بجد فعلاً عظيم جدا طب وفى رأيك العقد كويس ولا لا
ليل بثقة :مبدأئياً كفكرة التعامل مع الشركة دى هايلة جداً بس العقد مش فى صالحنا للأسف حضرتك لو خد بالك العقد كل الصالحيات اللى فيه ليهم هما هما اللى يحددوا وقت الاجتماعات الشئون المالية 60٪تكلفة لينا و40٪بس تكلفه ليهم النسبة الأكبر من صافى الأرباح الشرط الجزائي كبير بالنسبة لكل الامتيازات اللى هتبقى عندهم
عاشور باقتناع: رهيبة ياليل خدى بالك من كل ده فى الوقت القصير ده بس
إسلام بنهر :وأنت أزاى مخدتش بالك من كل الحاجات دى
عاشور: أهدى بس ياسليم العقد لسه تحت الدراسة وبعدين ده شغلى وأنا عارف بمشيه ازاى
إسلام بتريقه:واضح وسابه وخرج
ليل :ابن عمك ده غريب أوى الصراحة ماله قفوش
عاشور :مين إسلام لا عشان أنتى متعرفيهوش وبعدين بحكم شغله فهو كل طريقة كلامه كده يلا روحى كملى شغلك خرجت ليل تكمل شغلها
إسلام خرج وهو خارج كان هيخبط فى حد بس الحمد ماخبطش لانه لو اللى قدامه اتخبطت فيه هيتكسر 😂
إسلام :أنتى تانى
فيروز😳:أنت اقصد أناا أسفه
إسلام:وهو أنتى ماشية توزعى اعتذرات
فيروز:أفندم
إسلام: خلى عندك شوية ثقة فى نفسك مش كده وسابها ومشى ،فيروز مفهمتش قصده ومهتمتش
خلص اليوم وليل خدت فيروز ومشيوا
***فى بيت الخديوى الكبير(الجد)
عند البوابة من برا
=ايه ده هو القمر ساب السما ونزل يمشى معانا على الأرض ولا ايه
_بضحك يابكاش
=والله ابداً بقول الحقيقة
_ياواد ده أنا لو خلفت كنت جبت زيك
=مين أنتى طب والنبى اللى يشوفك يقول اصغر منى أنتى هتهزرى
_اه بتهزر
=أنا لا خدى بالك دا انا جد جدا وراجل جداً كمان
عاشور مسكه من قفاها: وايه كمان ياعم الجامد جداً
=بإحراج شوفتى اهو ميقدروش يستغنوا عنى أبدا
_واضح واضح تشرفنا يأستاذ
عاشور: الشرف لينا أهلا وسهلاً وبص ليه مش يلا بقى ياعم سليم ونسيب المدام ا......
_ بابتسامة يسرا أسمى يسرا جارتكم الجديدة
عاشور :نورتى المكان كله يابسرا هانم يلا بقى ياسولم عشان نسيبها ترتاح
وجم يتحركوا
يسرا بدلع:سورى بس متشرفتش بحضرتك
عاشور لف ليها وبثقة:عاشور عاشور الخديوى
يسرا اكتفت بإيماءة رأس ونظرة تدل على الإعجاب
ومشى عاشور وسليم
عاشور:بتهبب ايه ياحزين
سليم:برحب بالسادة الضيوف
عاشور: حنين يلا
مالك:طول عمره يابنى بس أنت اللى مش واخد بالك
عاشور :ويارتنى ماخدت يأخى وسبقهم خطوتين وبعدين سلييم
سليم قرب الخطوتين ليه:اممم
عاشور:أنت ثانويه عامة خُد بالك
سليم:متقلقش ياكوتش أنا عارف انا بعمل ايه
عاشور: ماهى بتبدأ بكده وبعدين نشيل بدل المادة مادتين مش كده
مالك:مالك ياجدع مسودها فى وش الواد كده ليه طلع يابو سليم سيبك من الواد الغم ده تعاال انا هديك المفتاح لمعرفة كل طرق النجاح مش كده ياباشورة
ودخلوا البيت
عاشور:وانت زين من ينصح وزين من يدى الصراحه وبعدين قولتلك متقولش زفت دى تانى
سليم:أنا معرفش انت بتضايق عاشور ليه ياعم أنت
عاشور:صدق يلا أنك بتفهم ياواد ياسليم
سليم:حبيب يابو البواشير
مالك ضحك جدع ياض ياسليم gave me fife
عاشور:عجبتك اوى مش كده
مالك عالحالته من الضحك:الصراحه اه
عاشور:طب تعالى هنا أنت وهو وابتدأ يجرى وراهم
وهما كمان جريوا
سليم :لا مكنتش فاكرك كده ياشورى والله اخس عليك ياجدع زعلتنى
مالك:قموصة اوى أنت يا عاشور مش كده ولسه جاى يكمل خبط فى شخص
سليم شاف كده اتسحب ودخل اوضته فوراً
ومالك بتوتر:جدددى جدى أنا ااا
عاشور : مساء الخير ياجدى
الجد(عبدالحميد الخديوى) بحدة: هما دول ولاد الخديوى بيجروا ورا بعض ولا كأنهم فى الشارع
سليم خرج من أوضته بمنتهى البرأة:في ايه ياجدو ايه الصوت العالى ده مش قادر ازاكر ولا عارف اركز
الجد:معلش ياسليم أصل الاساتذة الكبار مش عاملين اعتبار أن فيه فى البيت ناس بتزاكر وناس محتاجه هدوء
عاشور بصدمة من برأة سليم:جدى
الجد: حتى أنت ياعاشور مش ممكن طب المعتوه ده ومعلش (وخبط مالك على رأسه)أنما أنت ياعاقل ياأكبر أحفادى
عاشور:ياجدى من فضلك أكبر أحفادك هو إسلام ولا نسيته
الجد: اللى يخرج عن طوعى مش حفيدى ولا ليه فيا حق
عاشور:كل ده لمجرد أنه قالك ا
مالك: عاشور خلاص أحنا اسفين ياجدى احنا بس كنا بنهزر
الجد: الهزار ده للعيال الصغيرة ولا أى حد برة عيلة الخديوي مفهموم
مالك : طبعاً ياجدى مش هتتكرر إن شاء الله وعاشور واقف كاظم غيظه وساكت
الجد:اتفضلوا على اوضتكوا تصبحوا على خير
عاشور بغيظ:وانت من أهله بس احنا مش هنام هناخد الشباب ونروح لإسلام
الجد :أنت بتتحدنى ياولد
عاشور:أنا
مالك:ياجدى العفو طبعاً بس حضرتك أحنا هنروح نزوره ونقعد معاه شوية بقالنا كتير مشوفنهوش
الجد :وحد كان زنقه
عاشور:حضرتك ولا نسيت وبعدين انت اللى منعته من أن يدخل هنا بس مش من ان احنا نروحله وإذا كنت نسيت أنه حفيدك فاحنا منسناش انه أخونا الكبير وصاحبنا الوحيد والراجل الوحيد اللى فى ضهرنا عن إذنك
الجد بغضب:فهم أبن عمك أنه لو فكر انه كده بيتحدانى يبقى ياخد شنطته ويقعد عن الاستاذ إسلام
مالك بسياسة:ياجدى انت هتاخد على كلامه
سليم: وبعدين ماحنا كلنا عرفين إسلام ده عندك فين يابو الحوامد
الجد:ولد احترم نفسك
سليم:أسفين يابو الجدود
الجدبحدة:ولد
سليم:أنا شايف أنى أسكت
مالك:يكون أفضل ايه ياجدى بقى قلبك ابيض
الجد:لا أنا لسه عند قرارى وافق على اللى قولته يبقى أمين غير كده يبقى يفضل مكانه وسابهم ومشى
****************
طلعوا لعاشور اوضته
مالك:ايه ياعم عاشور خلقك بقى ضيق ليه كده
سليم:ايوه ياعاشور طول بالك كده يأخى وخلى خلقك استرتش
عاشور بغضب:ماله ياخويا
مالك:أنسى يابا قولى بقى مالك فى ايه
عاشور:بقولك ايه اتنيل البس يلا عشان لو هنلحق نتصل بالعيال يجوا عشان نمشى
سليم:عنيا هوا ياحياتى
عاشور مسكه زى الكتكوت: انا بكلم مالك وجهتلك كلام ياشبه عقب السيجارة المشروبة أنت
سليم:ينفع المسكه دى مسكة مش أدمية خالص على فكرة وبعدين متنسوش ياجدعان أنه أخويا اخويا والله في ايه
عاشور: اخوك لو عرف انك عندك امتحان وسبت اوضتك ورايحله هيطريقها عليك وعلينا مابالك بقى لما يعرف انك ماشى تشقط كمان
سليم:وعلى ايه الطيب أحسن انا اصلا مش فاضى وعندى مزاكرة كتيرة يلا إنچوووووى ياشباب
وسابهم وخرج
عاشور: يلا يابنى اجهز
مالك: مانا جاهز اهو
عاشور:هتروح ل إسلام كده
مالك : ماله كده
عاشور:بالبسك وبالشكلك ده
مالك :يانصيبتى أخر مرة شوفتها فيها كان كويس ومالوش فى الناشف معقول بقى ليه يانصبتى
عاشور:اه ياو*****خ
مالك:ايه الألفاظ السويقية دى ماهذه الاخلاق تؤ تؤ تؤ
عاشور:امشى امشى قدامى يامعفن
مالك:متحسسنيش ان إسلام مراتى والليلة دخلتى الله يخليك
عاشور: الله ياخدك ياجدع
مالك:كتر خيرك
عاشور: وخيرك ياخويا ويلا اتصل على حسن ابن عمتك وعمرو ويلا
مالك: ياحلاوووووة دى السهرة صباحى شكلها
عاشور: زقه ياعم غور
نزلوا وعاشور شافوا ريان (ده يبقى أخو مالك الصغير وبيدرس فى طب سنة خمسه)(وعشان حساكوا تهتوا هنزل تعريف لكل شخصية بإذن الله بعد البارت ده علطول 😂 وأعرفكم صلة القرابة بينهم ايه😂)
عاشور:ايه ياريان قوم تعالى معانا يلا عند إسلام
ريان بحزن من اهتمام الكل بإسلام:لا معلش عندى مزاكرة كتير وبعدين عندى نبطشية بدرى
عاشور:يابنى
جه مالك قاطعه:سيبك منه ياعم ده واد كائيب اوقات بحس انه ابويا يلا
ريان بتأفف قام ومهتمش حتى يرد على اخوه
عاشور:أنت واد معندكش دم
مالك:عندى ثوبيا تاخد
عاشور: ياجدع بقى وخبط فى كتفه
واتصلوا على حسن وعمرو واتجمعوا ووصلوا لشقة اللى سليم قاعد فيها بعد ماساب بيت الخديوي الكبير
فى شقة إسلام الخديوي
**"**"**************
عمرو نازل ترن رن رن رن
إسلام من جوه: جاى
عمرو:أفتح ياسافل افتح بقى كده بعد كل اللى عملتهولك تعمل فيا كده
مالك بدلع:عمل ايه ياحبيبتي السافل قليل الأدب ده
عمرو بصوت أنثوي:خدنى لحم ورمانى عضم انا وابنه اللى فى بطنى ياخالتشى
واحدة ست طالعة بصت ليهم نظرة استحقار من الدرجه الاولى وقالت توب علينا يارب
كان فتح إسلام الباب وبص شاف عاشور ومالك وحسن وعمرو وقفين
إسلام:شد عاشور تعال أنت وشد حسن وتعال أنت وأنت وهو أدى دقنى لو دخلتوها تانى وراح قافل فى وشهم الباب (أحسن😂)
ودخلوا إسلام وعاشور وحسن
إسلام باستغراب:أنت لابس نضارة شمس بالليل ياحسن
عاشور:ايوه صح انا لسه واخد بالى دلوقتى لابس نضارة ليه
مالك:اصل الأمورة قالتلوا متبينش عينك لا صبح ولا ليل لتقعد تفتن البنات يرضيك تكون مفتن اخاف عليك الله
حسن :أنت دخلت منين ياض انت وهو
عمرو:مش هقولك مأنت لو مهتم كنت عرفت لوحدك😏
حسن جه يرد قاطعه عاشور عشان فونه رن
عاشور:ثوانى ياشباب ورد الوووو
_السلام عليكم
عاشور:وعليكم السلام
_.................
عاشور بعصبية وصوت عالى:ايه ازاى ده حصل
وبسس خلص البارت على كده ✨
كإنك من العدم أحييتى قلب من ركنته كان خلاص اتردم♥️
يتبع الفصل الرابع 4 عبر الرابط التالي: "رواية أحببت خائناً كاملة" اضغط على أسم الرواية