رواية حب طفولتي البارت الرابع 4 بقلم مريم حسن
رواية حب طفولتي الفصل الرابع 4
" وقفنا البارت اللي فات لما...
سليم : بما انكو متجمعين كدا ف حبيت اقولكو علي خبر حلو اوي
ماجدة مامت سليم = خير يحبيبي في اي واي الخبر الحلو اوي دا
سليم بص لفريدة وقال : انا قررت اخطب
كلهم بصولو واتفاجئو الا فريدة كانت مصدومة جدا
مامت فريدة : ومين بقي اللي هتيجي تنور العيلة
سليم بص لفريدة جااامد وفريدة كانت بصالو = حبيبة
ماجدة مامت سليم : حبيبة ؟! حبيبة مين يسليم
سليم = واحدة صحبتي معايا ف الكلية ، ورجع بص لفريدة تاني وقال وبحبهااااا
فريدة قامت وقفت قدام سليم : مبرووك ، مبروك يبشمهندس
سليم ببرود = الله يبارك فيكي يا ي ديدا
فريدة : عن اذنكو
سليم = لسة بدري
فريدة : عن اذنك
_ دخلت فريدة اوضتها بهدوء قعدت علي سريرها وقعدت تعيط دموعها عمالة تنزل مش قادرة تقف هيا غبية كان المفروض تقولو ان بتحبو من زمان يمكن كان خد بالو منها بس هيا كانت مستنياها منة بس الواضح كدا ان هيا مش جاية خالص ^.
...................
تاني يوم " ف بيت هنا "
هنا : اييهههه بتهزريييي ازاااييي يعني هيخطب العقربة دي هاااا وانتي هتسكتي يعني ي ديدا
فريدة بهدوء وتعب = ونا هعمل اية ي هنا هروح اقولو لا متتجوزهاش اصل انا بحبك سيب حبيبتك اللي انت مرتبط بيها عشاااني !!
هنا : طب والحل هتعملي اية
فريدة = الحل عند ربنا بقي
" فريدة وهنا نزلو للجامعة وهناك قابلو حبيبة وكان معاها سليم ، اول م شافوهم كانو هيمشو لحد م سمعو صوت سليم وهو بينادي علي فريدة "
سليم : فرررييدة
فريدة بصتلو وسكتت.......
سليم = اييي الخرااا اللي انتي لبساة دا هاااا اي فكرة نفسك جاية ايهه واية الهباب اللي انتي حطاة ف وشك وفي بوقك دا حسابك تقل معايا يفريدة هانم
فريدة بصتلو ب استغراب : انت عبيط ؟! لا لا ثانية مهو يا اما عبيط ي اما عبيط مفيش حل تالت يعني
سليم = عبيط ؟؟؟ انتي اتجننتي
فريدة : سليم الله يخليك سبني ف حالي و خليني امشي ، يلا يا هنا
وجت فريدة وهنا يمشو لقو زياد اخو هنا نازل من العربية وجاي نحيتهم ، سليم اول م شاف زياد جري ع فريدة ع طول وكان باين علية ان هياكل زياد
زياد شاف ردة فعل سليم ف حب يغيظة....
زياد : ازيك ي هنون ، ازيك ي ديدا يحبيبتي
فريدة بسرحان واستغراب= هاااااا ؟
سليم : اهلا يحضرت الظابط خير جاي لية الكلية هنا في حاجة
زياد = والله يبشمهندس اه في اتنين هنا يخصوني وبص لهنا ولفريدة ، اختي وخطيبتي
سليم : ممييييننن خطيبتك ، خطيبتك ازاي مش فاهم مين خطيبتك هنا
زياد بضحك = فريدة خطيبتي اكيد مش هنا اختي هتبقي خطيبتي
سليم : نعاااااام يحبيبي خطيبتك ازاي يعني من امتاااا داااا انااا مش موااافق علي القرف دا
زياد = تؤتؤ هدي اعصابك كدا يبشمهندس في اي والله حضرتك توافق متوافقش حاجة متخصنيش ولا اصلا يهمني رأيك ، وراح باصص لفريدة وقال انا يهمني رأي العروسة والعروسة موافقة يبقي انت ملكش فية
سليم بعصبية : انتي بتستهبلي يست هانم ولا اية اتخطبتي ووافقتي امتا دا انتي بتوافقي علي مزاجك ولا اية علي جثتي ان الخطوبة دي تتم فاهمة يفريدة علي جثتي
_ فريدة دا كلة واقفة مصدومة من اللي بيحصل حواليها هيا مش فهمة اي حاجة خالص ، قعدت تعيط وسابتهم ومشيت وهنا مشيت وراها تلحقها
زياد قعد ينادي علي فريدة ، وراح باصص ل سليم : انت عارف لو قربتلها ولا عملتلها حاجة مش هتعرف اي هيحصلك مني يبن ماجدة فاهم !؟ خليك ف حالك بقي انت مش هتخطب وبتحب اللي بتخطبها سبها ف حالها بقي ، وسابو ومشي يلحق فريدة
زياد : فريدة فريدة اهدي استني اقفي
فريدة وقفت وبصتلو وهيا بتعيط
زياد : انا اسف جدا اسف والله علي اللي حصل بس دا....
فريدة = متتأسفش ي ابية خلاص اللي حصل حصل علاقتي انا وسليم اصلا بايظة خلقة يعني عادي خربانة خربانة
زياد : خربانة خربانة؟! انتي بتجيبي الكلام دا منين
فريدة = مش مهم المهم دلوقتي هنعمل اي ؟
زياد بغموض : قوللهم ف البيت ان جايلك عريس
فريدة = اي دا انا جالي عريس مين دا وفين وامتاا شافني فين ؟؟؟
زياد : تصدقي انا غلطان عشان عاوز اساعدك كتك القرف رغاية
فريدة = خلاص خلاص ي ابية حقك عليا بجد مين دا
زياد : انااااا
فريدة = انتتت ؟؟؟!
...........................
_ مش هتتجوزية يا فريدة لو اخر راجل ف الكون كله مش هتتجوزية فهمة !؟
فريدة : وانت مااااالك اصلا بياااا متسبني بقي اشوف حالي زي منت كمان مشوفت حالك وخلاص خطبت ، مبروك يا هه ي عريس
سليم ببرود = الله يبارك فيكي احنا الاتنين ف ليلة واحدة بس بردو مش هتتجوزية يا فريدة وسابها ومشي
فريدة وراحت مصوتة وبتزعق جامد: شااايفة ي ماااماااا شايفة يا خالتوو ابنك هو مالو بيااااا هاااا هو ملهوش دعوة بياااا ملهوش اتجوز مين ولا اتخطب لمين انشالله لو هتجوز حرامي غسيل هو ملهوش دعوة بيا اية هو مش شاف حياتة ومقاليش ان بيحبها وبيكلمهااا انا بجد مش فهمااااة هو اي البني ادم دااااا هو لييهه كدااااا انااااا هتجوز زيااااااد واعلي مفخلو يركبو هو مش هيتحكم فياااا
ماجدة = لا حول ولا قوة الا بالله العلي العظيم يارب اهديهم اي العين اللي صابتهم دي اهدي يحبيت خالتك ممكن هو بس تلاقية مدايق شوية وقال كدا دا سليم بس بيحب يناكشك
فريدة بصتلها وسكتت وقامت جري فتحت باب اوضة سليم ،سليم كان قاعد ع السرير
سليم : مش في باب تخبطي علية الاول وتستاذني انك تتدخلي ولا لا ؟
فريدة بصتلو بذهول هو بجد ازاي بارد كدااا ازاي قادر يتحكم ف نفسو ف دقيقة كدا دا لو اتقارن بالواح التلج اللي ف العالم مش هيكفي بردو والله
فريدة = انت عبيط ؟!!
سليم بصوت عالي : فريييدة
فريدة بعصبية وبزعيق = ايييههه كل شوية فريدة فريدة ولا متعمليش كذا لا متلبسيش كذا اي الهباب اللي انتي حطاة ف وشك دا اي الخرا لبسك دا غيري دا اعملي دا متعمليش دا كل شوية عمال تتحكم فيا ونا بنفز وبعمل اللي يرضيك زي الهبلة بس انك تتحكم فيا وف حياتي تاني لااااااا ي سليم لاااا وملكش دعوة ب حياتي انت فاهم اتخطب ولا احب ولا انشالله حتي اموت انت ملكش فية خليك ف حالك اناااا نفسي افهم انت لية بتعمل كداااا
سليم بعصبية : عشااان أأنا بحبك.
يتبع الفصل الخامس والأخير اضغط هنا