رواية مراهقة البارت الخامس 5 بقلم أروى طارق
رواية مراهقة الفصل الخامس 5
حور بصدمه: سااافر!!!
امل : اه ..هو مسلمش عليكي قبل ما يمشي ؟
حور: اااا....انا هروح
امل: يبنتي هو انتي دخلتي اصلا ...تعالي اقعدي مع فريده شويه
حور: لالا شكرا ...سلام
_____________________
امل: يا فريده..فريده
فريده: ايوا يا ماما....نعم
امل: هي حور بنت عمتك مالها؟
فريده باستغراب: مالها!.....انتي شوفتيها
امل: اه جاات دلوقت تسأل ع فارس
فريده: فارس! معقول مسلمش عليها قبل ما يمشي!!.....طب هي فين
امل : اول ما عرفت أنه سافر مشت ع طول
فريده : غريبه فعلا! ...تمام هبقى اشوفها بس هخلص مذاكره
امل : طيب
____________________
عند فارس
فارس لنفسه: انا غبي جدا والله...مكنش ينفع امشي من غير ما اقولها....بس هي برضه ضايقتني ف المره ال فاتت.....يمكن مكنش قصدها كنت المفروض اسلم عليها...تباً لغبائي والله بجد
_____________________
عند فريده
ماسكه الفون مستنيه مسدج
فريده: ياربي بقاا هو مبعتش حاجه ليه انهارده ! اوووف
_يا فري ازيك معلش مبعتلكيش انهارده حقك عليا
فريده شافت المسدج دي و ضحكتها مافرقتش وشها و ردت
=الحمد لله....عادي ولا يهمك
_مذاكرتك أخبارها اي انا بدعيلك ع طول
=الحمد لله
_انا عايز مجموع يشرف
=حاضر متقلقش ثق فيا
_انا واثق اهو
الايام بتعدي و مؤمن كلامه بيزيد مع فريده و هي ...بتتعلق بيه بس بطريقه مختلفه ...بعيده تماماً عن الصحاب !!
______________________
حور و فريده قاعدين مع بعض و فريده جتلها مسدج و اول ما شافتها ابتسمت و بدأت تكلم ال بعتلها
حور: بتكلمي مين و انتي مبتسمه كده يبت!
فريده: ااا...بكلم ..بكلم مؤمن
حور: مش شايفه أن أستاذ مؤمن حواراته كترت و كلامه بيزيد ولا اي
فريده بملل: قولت قبل كده احنا صحاب عادي مفيش حاجه يعني
حور بعصبية: قولت مليون مره مفيش حاجه اسمها أصحاب افهمي بقا
فريده بعصبية و تسرع: خلاص يا حور ..اعتبرينا مرتبطين
حور: انتي مجنونه ولا اي!! ازاي تقوليلي كده اصلا ...مفيش حاجه اسمها أصحاب و مفيش حاجه اسمها ارتباط .. الارتباط ده علاقه حراام اصلا و ال بتعمليه ده حرام يا فريده حرااام و نهايته وحشه اوي
فريده بعصبية: بطلي كل حاجه تقوليلي حرام ولا حلال ملكيش دعوه بحياتي اتحكمي ف حياتك و ف نفسك و ملكيش دعوه بيا
حور: يعني اي مليش دعوه ! انتي بنت خالي و اختي
فريده: لا مش اختك و انتي ملكيش حق تقوليلي كده و تتحكمي فيا و ف تصرفاتي كده
حور: تمام...انا مليش حق بس اخوكي ليه حق و انا هقوله ....
فريده بصت بصدمه و ...
تابع الفصل التالي عبر الرابط: "رواية مراهقة كاملة" اضغط على أسم الرواية