رواية مصائر مجهولة البارت السادس 6 بقلم سما محمد
رواية مصائر مجهولة الفصل السادس 6
عمر:طب استني مش عاوزة تعرفي هي مين؟
ملك:مين؟
عمر بمكر:البنت هي زميلتي في الجامعة
ملك قالت بحزن: تمام ربنا يوفقك،بعد اذنكوا
فريدة: استنيني جاية معاكي
زين قال في سره:اية اللي هببته ده يا ابني
زين بصله وقاله:انت هتخطب زميلتك فعلا؟
عمر:اكيد لا انا معرفش بنات في الجامعة أساسا
زين بعصبية:امال بتتهب تقول هتخطب لية يا اهبل
عمر:انا ملاحظ أنك بتشتم
زين:انا فعلا بشتمك
عمر:انا عملت كدة لسبب علي فكرة
زين: سبب اية ده أن شاء الله
الجد بذكاء: عشان يشوف رد فعلها من اللي قاله لانه معجب بيها وكان بيتأكد أن الاعجاب من الطرفين مش طرف واحد صح ولا أنا غلطان يا عمر
عمر:بسم الله ماشاء الله ذكي جدا يا جدو أيوة فعلا ده السبب
زين: الله عليك يا جدو.
الجد:ولد انا جدو بردو
عمر:ده احنا نتعلم منك يا جدو
الجد قال بجدية:هزرنا وضحكنا بس مش هسمح أنك تكسر بقلبها ولا تخليها تزعل لو معجب بيها اتقدملها واخطبها وشوف في فترة الخطوبة ده كان مجرد اعجاب ولا حب انما تلعب بحفيدتي ده اللي مش هسمح بيه
عمر بتفاهم: مستحيل العب بيها أو اجرح مشاعرها وحابب اطلب أيدها من حضرتك دلوقتي
الجد: لو عليا أنا موافق بس الرأي رأيها
عمر: خلاص فاتحها في الموضوع وابقي قولي يا جدو
الجد:هتوافق وانا متأكد متقلقش وكلام جدو مبيخيبش
عمر ضحك:حصل والله
بص في الساعة لقاها ١٠
فقال:يااه ده الوقت أتأخر جدا يدوب امشي
زين:ما تقعد معانا حبه
عمر:لا يوم تاني بقي
بص للجد وقال:معاك رقمي يا جدو لما ملك تقرر ابقي عرفني
الجد:انت بس اللي متغيبش علينا وتزورنا علي طول
عمر:أن شاء الله ،يلا السلام عليكم
زين والجد: وعليكم السلام
زين قال بعد ما عمر مشي:اية رأيك فيه
الجد:انت عارف اني عندي نظرة في الناس واللي شايفه أنه محترم ومتربي ولو ملك وافقت عليه متأكد أنه هيتقي ربنا فيها
زين:هو فعلا باين عليه أنه محترم
الجد:باين عليه! هو مش صاحبك؟
زين :عاوز الحقيقة
الجد:قول
زين:فاكر الشاب اللي قولتلك ضربته لما طلب ايد فريدة مني؟
الجد: اوعي تقول هو
زين:هو بعينه
الجد:بس الصراحه باين عليه محترم وانت ابقي اتحكم في اعصابك شوية
زين: بحاول والله وان شاء الله فريدة هتساعدني
الجد:ربنا يتمملكوا علي خير ،يلا يدوب ننام الوقت أتأخر
زين:يلا
فريدة:ايه بقي مش علي بعضك من ساعة ما قال هيخطب زميلته
ملك :مش عارفه حاسة بحاجه غريبة ناحيته مع انها اول مرة نتكلم ونتقابل الا اني حاسة اني اتعلقت بيه ومعجبه بطريقته وشخصيته بس لما قال كدة اتخنقت اوي
فريدة:طالما بيحب واحدة تانية انسيه وان شاء الله نسيانه هيبقي سهل لانه هو يوم واحد شوفتيه فيه
ملك:ربنا يوفقه في حياته
فريدة:بصي أنا عاوزة اكلمك في موضوع كدة
ملك:اية هو
فريدة:يعني انتي شكلك حلو من غير ما تحطي حاجه ماشاء الله بس ليه لما بتطلعي برا البيت بتحطي ميكب؟
ملك: صراحة أنا نفسي مش عارفه بعمل لية كدة بس زي ما تقولي سلمت للأمر الواقع من كتر خنقتي من كلام امي المستمر
كل شوية هتعنسي ،محدش هيبصلك ،حطي والبسي والعرسان هتقفلك علي الباب، خليك عايشة سنك
ف بقيت اتخنق وأجبر اني احط وللأسف علا نفس الوضع
وعاوزة اقولك يوم ما زين رجع اكيد شوفتينا بنتسهوك أو بنتمايص بس للاسف دي مش شخصيتنا وان احنا مش كدة ولا حابين كدة احنا من كتر الزن اللي علي وداننا بقينا للاسف كدة
فريدة: متزعليش انتي بإيدك تغيري كل ده بإيدك مش تحطي ميكب تاني وتظبطي من لبسك وترضي ربنا فيه اياكي تطيعي امك في معصية ربنا
ملك:عندك حق وصراحة انا بكره الميكب جدا ومش بحب الحاجات دي علي وشي من النهارده مش هحط تاني ولو حبيت احط هبقي احط في اوضتي
فريدة:صح كدة
ملك: وصراحة لبسي كله مش مناسب كله بناطيل وبلوزات
فريدة:متشيليش هم بكرة الصبح ننزل انا وانتي وهشوف علا ونجيب لبس جديد
ملك حضنت فريدة وقالت:شكرا اوي انك في حياتي بجد
فريدة:ده انا اللي عاوزة اشكر ربنا ان القمر دي بنت عمي
ملك:لو هشحت كدة مبحبش الا انت😂💖
فريدة: حبيبي حبيبي حبيبي 😂💖
زين في اوضته عمال يفكر في اللي شاغله باله واول لما افتكرها افتكر معاها الصلاة فإبتسم وقام توضئ
وصلي ركعتين قيام ودعي ربنا وقال:يارب تب عليا واغفرلي انك أنت الغفور الرحيم
يارب اكرمني واكتبها من نصيبي
وقام فرد نفسه علي السرير ونام
تاني يوم
العيله كلها متجمعه
الجد قال : اتقدم لملك عريس
ملك شرقت وهي بتشرب وقالت:عريس؟ مين ده
الجد :عمر صاحب زين
ملك:اييييه؟ ازاي؟
يتبع الفصل السابع 7 اضغط هنا
- الفهرس يحتوي على جميع الفصول "رواية مصائر مجهولة كاملة"