رواية ياقوت قلبي البارت السادس 6 بقلم اية عزازي
رواية ياقوت قلبي الفصل السادس 6
ياقوت:يانهار اسود ايه ده
حمزه:ايه؟
ياقوت:ياسين ابن عمى وراك!
حمزه:بجد،تحبى اروح انادى عليه..
(مسكته من أيده وخرجنا بره بسرعه وركبنا العربية وطلبت منه يطلع بسرعة وبعد نص الطريق...)
حمزه:أنتى مش عايزة ابن عمك يشوفك ليه؟
ياقوت بحزن:لو شافنى هيودينى لبابا..
حمزه:طب انتى مش عايزة تروحى لأبوكى ليه؟
(بدأت احكيله على كل حاجة،والسبب ال خلانى امشي من الطريق ال خبطنى فيه بالعربية والغريب أنه كان بيبتسم)
حمزه:انسي كل ده،يلا عشان اوريكى المركز الطبى بتاعى
(روحنا المركز الطبى بتاعه وأول ما دخلنا كان كله بيرحب بينا،والضحكة مرسومة على وشهم)
ياقوت:باين عليهم بيحبوك اوى.
حمزه بابتسامه:وهيحبوكى انتى كمان
(كنا واقفين مع بعض بنتكلم وفجأة دخلت علينا واحده ملزقه يخرب بيت جمالها البت بيضه بياض ربانى وخدودها حمره زى الفراوله وشعرها بنى وطويل وعندها من فوق حاجات ومن تحت حاجات ياخرابى ،دخلت حضنت حمزه)
ريناد:حمزه حبيبي وحشتنى اوى.
حمزه:رنوده انتى اكتر والله ياقلبى
ياقوت لنفسها:يارب يتكسر قلبك
(لقيته اندمج معاها وبدأ يتكلم وانا كيس جوافة واقف )
ريناد بسخرية:مش تعرفنى ياحموزتى..
حمزه:اه دى ياقوت. ،ودى ريناد ال روحى فيها كده.
ريناد:يا حياتى انت..
(سبتهم ومشيت ماانا مش هقعد دمى يتحرق على بتاع البنات المهزأ ده الدموع كانت مكتومه جوايا يمكن دى اول مره اغير على حد،هو انا حبيته ولا ايه؟بس انا غبيه مش كان ينفع انزل واسيبهم،روحت الڤلة وكنت بعيط جامد بعيط بحرقة ،وبعدها بساعة الأستاذ همزه نور البيت..)
ياقوت لنفسها:مش تديله اهتمام اعتبريه مش موجود يا عبيطة.
حمزه:الكتكوته سابتنى ومشيت ليه؟
ياقوت:كان لازم اسيبك مع الست ريناد هانم حبيبة قلبك.
حمزه:هههه،اعتبر دى غيرة ولا ايه!
ياقوت بسخرية:وانا هغير عليك ليه وانا مش بحبك...
(حمزه التزم الصمت وفضل ساكت بص ليا بضيق وسابنى وطلع أوضته وانا كمان طلعت اوضتى وكل ما افتكر الموقف اعيط وقلبى يتحرق قررت اهرب من مشاكلى بالنوم،تانى يوم صحيت ونزلت لحمزه كان قاعد بيفطر وبيقضى يومه عادى وانا بس ال قايده نار)
ياقوت:انا عايزه اشتغل
خد رشفة من كوباية القهوة واتكلم...حمزه:تشتغلى ايه؟
ياقوت:اى حاجه..
خد رشفة تانيه من كوباية القهوة واتكلم..
حمزه بجديه:جهزى نفسك عشان هنسافر اسوان بكره
ياقوت:سافر لوحدك
حمزه بعصبية:انا قولت هنسافر مش هسافر
(طلعت جهزت شنط السفر وانا بعيط ده اول مره يتعصب عليا..)
________________________
تانى يوم:-
ياقوت:احنا هنروح اسوان ليه؟
حمزه بجدية:هروح ازور اختى ونقضي معاها كام يوم..
ياقوت:ماشى
(المسافه كانت طويلة من القاهرة لأسوان وانا نمت فى الطريق،صحيت وكنا وصلنا اسوان ،دخلنا بيت واسع جداً مبنى على الطراز الأسوانى شوفت ناس سمرا بالضحكة ال تخطف قلبك لو شوفتها وبعدين سلمنا على واحده وجوزها تقريباً دى اخت حمزه بس هو ليه مش حكالى عنها .،حمزه فهم أخته أن انا خطيبته أخته كانت طيبه جدا عملت لينا اكل أشكال وألوان واخت حمزه طلبت منه أنه ينزل يفسحنى بالرغم من كل المشاكل ال كنت فيها بس فرحت جدا لما ركبنا مركب فى النيل..)
_________________________
فى المركب:-
ياقوت:انت ماقولتليش انك عندك اخوات؟
حمزه:بابا وماما انفصلوا عن بعض وانا فضلت عايش مع ماما في روسيا ولما ماما اتوفت وانا عندى 17سنة نزلت مصر وعشت مع بابا وقتها بابا كان متجوز طنط لمياء ومخلف منها فريده ،ولما فريدة اتجوزت سافرت اسوان مع جوزها عشان شغله هنا.
ياقوت:اممم ماشي.
حمزه قرب منها ولف أيده على وسطها:ايه رأيك فى النيل
ياقوت بتنهيده:جميل...
حمزه:تعالى نقف زى البطل والبطلة في سفينة تايتنك
ياقوت:تايتنك بس النسخة المصرية,ههههههه
حمزه:أنا آسف لو كنت اتعصبت عليكى يا ياقوت
ياقوت بإبتسامة كلها حب: عادى محصلش حاجه،ويلا بقى عشان اكون زى البطلة في سفينة تايتنك ههه.
حمزه بحب:انتى بطلة بس بطلة حياتى...
(فعلاً وقفنا في المركب كنت حاسه اني طايره كأنى في حلم،حلم جميل وبيتحقق..)
------
(زورنا أماكن كتير فى أسوان ،واتفرجت على جمال أسوان وطيبة أهلها بالضحكه السمرا والقلب الأبيض،وبعد ما رجعنا من اسوان وبعد اجمل ايام حياتى ال عشتها مع حمزه والفرحة ال كانت ماليه قلبى،رجع طبعاً لشغله كان بينزل كل يوم ويسبنى لوحدى ،وفى مرة قررت ادخل عليه بقلب جامد واطلب منه اشتغل واسلي نفسي،فى الأول كان معترض واعتراضه ده لأنه خايف حد من أهلى يشوفنى ،بس لما اقنعته أن اكيد كل حاجه اتغيرت دلوقتي،وافق وقالى أنه هيشغلنى معاه في المركز الطبى بتاعه كان طيب جداً معايا كان بيعلمنى كل حاجة خطوه بخطوه ولما لقى أن الانجليزي بتاعى على قدى بدأ يعلمنى ويجبلى اكتر من مدرس فى البيت حقيقى حمزه كان حنين جداً وكان بيهتم بكل تفاصيلي)
________________________
فى يوم:-
(لبست جيبه سودا قصيره وفردت شعرى ولبست بلوزه بيبى بلو وضفت للبس ساعه رقيقه،وخرجت عشان انا وحمزه نروح الشغل لما شافنى عيونه وسعت اوى وبص ليا بذهول.)
حمزه:شوف ياعم القمر ال هيكمل 19 سنة بعد ساعات.
ياقوت:فين هديتى بقى.،هههه
حمزه:هههه،فى الشغل وهمس في ودانها.محضرلك مفاجأة ياجميل ههه.
ياقوت بفرحه:بجد ايه هى..
حمزه:هتعرفى فى الشغل.
________________________
فى الشغل:-
(كنت قاعده مركزه جدا فى الشغل.،وزمايلى كلهم مركزين دخل حمزه فجأه...)
حمزه:يا جماعه انا عايز اقولكو حاجة مهمة جداً
(وبإبتسامه خرج علبة من جيبه فيها خاتم ألماس وقرب منى)
حمزه: ياجماعه انا قررت أخطب ياقوت.
حمزه بإبتسامه:تتجوزيني..؟
يتبع الفصل السابع 7 اضغط هنا
- الفهرس يحتوي على جميع الفصول (رواية ياقوت قلبي كاملة)