رواية أحببت رئيس العصابة البارت السادس 6 بقلم الاء فرج
رواية أحببت رئيس العصابة الفصل السادس 6
مراد & رودينا
انا اسفه جدا على التأخير بس والله غصب عني كنت برا البيت وما عرفتش اقول اني هأخر شويه في نزول البارت)
مراد بغموض :عايزك معايا في عمليه تبع المافيا
شرقت رودينا اللي كانت بتشرب وفضلت تكح
رودينا بصدمه : انت اتجننت اي اللي بتقوله ده
ساب مراد الأكل بغضب وقام وقف :استغفر الله العظيم يارب لمى نفسك بقا مش كل ما اقولك حاجة تشتمي لمي نفسك
سابت رودينا الأكل وقامت وقفت قدامه بغضب : ايوه اتجننت فعلاً انت عايز تعرضني للخطر
مراد بزعيق :انت كده كده في خطر انت متجوزه راجل من المافيا، كل الحكاية ان انا رايح مهمه ومحتاجك وهتعملي المهمه غصب عنك يا رودينا
رودينا بعند :مش هعمل حاجة، انت عايزني ابقى مجرمه زيك يا مجرم يا قاتل
اتعصب مراد من طريقه كلامها ولسه هيضربها بالقلم مسكه أحمد بسرعه من ايده
أحمد :صلي على النبي يا سيد الناس، ما ينفعش كده يا مراد دي مراتك ومش معنى أن هي مراتك تبقي كل حاجة بالضرب، اتفهموا براحه، عيب في حقك يا سيد الناس لما تضربها
مراد بعصبيه : نتفاهم اي بس، اوعي ايدك كده دي واحده متخلفه ما بتفهمش، طب بالعند فيكي يا رودينا هتعملي معايا العمليه وغصب عن عينك كمان
رودينا بزعيق : لو راجل اجبرني انا مش هعمل حاجة غصب عني
مراد بغضب :شايف شايف يا أحمد طريقتها، اوعي اوعي يا زفت انت من وشي، خليني اعلمها الأدب
رودينا بزعيق : سيبه سيبه يا أحمد، هخاف منه يا عني ولا اي، لأ يا مراد فووووووق ولا انت ولا عشره زيك يقدروا يضربوني، انا ولا حكومه تهزني ولا بوكس يلمنييييي
أحمد بضحك :تصدقي بالله حلال فيكي الضرب يا مستفزه
مراد بغضب :سبني سبني يا أحمد بقولك
ترن ترن ترن ترن
أحمد بهمس :هشش اسكتوا، جرس الباب بيرن هات يا مراد المسدس اللي وراك ده
خد أحمد المسدس وحاطه في ايده وبص من عين السحريه واتصدم من اللي شافه
مراد بهمس :مين اللي علي الباب يا أحمد
أحمد بهمس :جدك وجدتك
مراد بصدمه :نعم اي اللي جابهم، افتح الباب طيب
فتح أحمد الباب ودخل جد وجدته مراد ورودينا
الجد بضيق : انت هنا ليه يا واد يا معفن انا مش قولتلك يا مراد اقطع علاقتك بأبن ****
أحمد بضيق :طب ليه الغلط طيب يا جدو
الجد بغضب :جد في عينك يا بغل انت، انا ما يشرفنيش انك تبقى حفيدي يا بلطجي انت يا معفن، ما اعرفش انت الزاي صاحب حفيدي وحبيبي مراد ده محترم وعمره ما مسك سلاح مش زيك يا مجرم
أحمد بهمس لمراد :ده علي اساس إنك بتبيع سبح قدام الجامع ولا اي
كتم مراد ضحكته بالعافيه وضرب أحمد بالبوكس في بطنه عشان يسكت
مراد بجديه :احم خلاص بقا يا جدي مش لازم كل ما تشوف الزفت، احم قصدي أحمد تفضل تهزق فيه
مراد بهمس لأحمد : انت كرامتك بقت سجاده هههههه مش قادر
أحمد بغيظ :ماشي يا مراد دا انتوا عيله زباله الا الكراميل مراتك رودينا حته سكره مش زيكوا
بصله مراد بغضب وأحمد بلع ريقه وسكت
مراد :احم اتفضلوا اتفضلوا هتفضلوا واقفين علي الباب كده
الجد بجديه :انا مش هدخل غير لما الزباله دي تطلع برا
أحمد بغباء :زباله اي انتوا عندكوا زباله جوا
مراد بضحك :قصده انت هههههههه
أحمد بغضب :استغفر الله العظيم، ليه قله القيمه والكرامه ليييه كده يا حج دا انا وحيد وغلبان والدنيا جايه عليا اوي
رودينا بضحك : خلاص يا جدو معلش ادخل وسيبك من أحمد معلش سيبه عشان خاطري انا، عسى برودا نطرد الضيوف من بيتنا
أحمد بصدمه :ضيوف انا بقيت ضيوف يا عالم يا زباله، ده بيتي انا ومراد يا معفنين
مراد بجديه :خلاص بقا، خير يا جدي في حاجة
الجد بهدوء :ما فيش لأ يا ابني حاجة، انا جاءت اطمن عليك انت ورودنيا ، لأن انتوا اصلا دايما بتتخانقوا، جيت اطمن عليكم يا ابني
مراد بأبتسامه :اي نتخانق ابداََ دي رودينا دي نسمه وهاديه وما بتعملش صوت، وما فيش خناق اصلا
أحمد بهمس:ااه يا كداب
الجده :ربنا يصلح حالكم ياابني
فضل الجد والجده قاعدين معاهم لمده ٣ ساعات ومراد قاعد مش طايق نفسه لأنه المفروض يفهم رودينا دورها في العمليه، ورودنيا قاعده مبسوطه ان حد جاء وانقذها من غضب مراد، الجد والجده قاعدين يهزوا معاهم، وأحمد مش طايق نفسه وماسك نفسه بالعافيه بسبب الجد ان كل شويه يشتمه
وفي وسط وهما بيتكلموا قام مراد وقف واتكلم
مراد بقله ذوق : طب انا عايز انام انا ورودينا
الجده بأحراج :ااه معلش يا ابني زهقناكم، طب سلام احنا بقا
الجد بحده :والبغل ده هيفضل معاكم هنا
أحمد بغضب : بس بقا يا حج انت
مراد بزعيق :خلاص وطي صوتك يا أحمد وانتوا شرفتوا
أحمد بهمس :ياريت ما تتكررش تاني
مشي الجد والجده وزفر أحمد بأرتياح
أحمد :يا ساتر يارب جدك ده فظيع
مراد بغموض :انا حاسس ان في حاجة غلط في الموضوع
(انا كتبت البارت وهروح انام عايزه اصحى الاقي كومنتات حلوه زي قلبكم ♥️)
أحمد بتركيز :في اي
مراد بشرود : جدي ما كانش بيحبني اوي يعني ما كانش بيكلمني الا قليل جدا، كان دايما يبصلي بنظرات غامضه اوي ما كنتش بفهمه وبخاف منه، وكان دايما يزعق فيا بسبب انك صاحبي، انا مستغرب جدا انه جاء ده غير انه طول القاعده عمال يبص في الشقه يمين وشمال وبيبصلي نظرات اتهام مش عارف في اي، بس اللي اعرفه ان في سبب كبير وراه وما رضيش يحكي حاجة عشان انت ورودنيا موجودين،، انا متأكد ان في حاجة وحاجة كبيره كمان
رودينا ببمل :عادي مش شايفه فيها حاجة يعني هو كان قاعد عادي وكان عمال يهزر
مراد بشرود :خلاص قفلوا علي الموضوع ده انا هتصرف
رودينا بضحك :اه صح ليه جدو بيكرهك يا أحمد
أحمد بضحك :ما تفكرينش يا اختي، ده في مره كنت في الثانويه وعيال اتلموا علينا وانا كنت بلطجي اوي من وانا صغير ومراد كان طيب ساعتها اوي، المهم العيال اتلموا علينا انا ومراد عشان كانوا بيغيروا منا جدا لأن البنات بقا كانت هتموت علينا وشغل الروشنه ده، راح شله عيال بايظه اتلموا علينا انا اسكت لأ مسكت الطوبه وضربتهم في دماغهم واغم عليهم ما عدي واحد كان عامل زي الحيطه عمال اضرب فيه وهو مش عايز يغم عليه روحت مسكت السكينه وضربتها في كرشه راح اغم عليه، وساعتها انفصلت من المدرسه وانا ما كنتش عايز اكمل تعليم اصلا وخرجت من الثانويه وما كملتش تعليم وبس يا ستي من ساعتها وجدك مسميني بلطجي وبيبعد عني مراد علي اساس حفيده شيخ مثلاً
مراد بضيق :اتلم يا زفت ، يلا يا رودينا عشان اقولك تعملي اي في أم العمليه
رودينا :طب انا عايزه اكل ناكل الأول وبعدين بقا تقولي أتفقنا
مراد بتنهيده :ماشي يا رودينا لما نشوف أخرتها، طب انا هنزل انا و رودينا يا أحمد خليك هنا هننزل نجيب شويه طلبات ونيجي سلام
في الشارع
رودينا :الله الجو حلو اوي
مراد بصلها بنص عين وضحك
رودينا بغيظ :بتضحك على اي
مراد بضحك :عايز تاخدي الجاكت صح زي الافلام وكده انسييي
رودينا بضيق :انا ما كانش قصدي كده علي فكره
مراد :ما هو باين
=مش معقول رودينا ازيك وحشتيني اوي فينك يا بنتي بقالك كتير مختفيه
رودينا بخوف :احم ازيك يا سليم، انا كويسه الحمد لله
سليم :مين ده يا روحي ابوكي
مراد بغضب : اي وحشتيني، ويا روحي، وابوكي انا ابوها، انا جوزها يا روح أمك وانا بقا اللي هطلع روحك يا مايص
يتبع الفصل السابع 7 عبر الرابط التالي: "رواية أحببت رئيس العصابة" اضغط على أسم الرواية