اسكريبت احببتها رغما عني بقلم الكاتبة الصغيرة
اسكريبت احببتها رغما عني كاملة
وتصحى بطلتنا على صوت مامتها وهيا بتقولها قومى الهى تنشكى فى معاميعك كل ده نوم
زهره :ايه يماما موال كل يوم ده
الام:قومى يابت
زهره:مش قايمه هااااا
وفجاه قبل متنام لاقيت هوب شبشب ابو ورده فى وشها
زهره:اهههههه يا وشى 🥲
الام :قومى يلا يابت يلا على شغل البيت فى شغل الكتير النهارده احنا هنقلب الشقه كلها وعايزاكى كده ايه تكونى جامده عشان نخلص قبل ما ابوكى واخوكى يجى و***
زهره :خلاااااص يماما ايه براحه هقوم اهو
الام :ماشى دقيقه ولقيكى ورايه سامعه
زهره:حاضر ،واول ما امها مشيت رجعت تكمل نوم ولسه هتروح فى سبات عميق واتفجات ب شبشب ابو ورده فى وشها
الام:مش انا قولتلك همشى وتكونى ورايه يلااا يابت قووومى نامت عليكى حيطه
زهره:وهيا بتنفخ حاضر يماما جايه اهو قامت زهره وامها ونضفو الشقه وخلوها زى الفل وجهزو الاكل وعملوا كل حاجه وبعد وقت صغير جى ابو زهره وأخوها وقعدو كلو وسط ضحك وهزار ،،،
استوووووب نسيت اعرفكو بنفسى( انا زهره عندى3 2سنه فى اخر سنه كليه هندسه حلمى وحلم عيلتى والحمد لله حققته عندى اخ واحد اسمه يوسف عنده 25سنه خلص جامعه ودلوقتى هو بقى مهندس فى شركه كبيره اوى وقالى لما اخلص جامعه هيخدنى اشتغل هناك وده كان حلمى أنى اخلص واشتغل فى شركه كبيره وابقى ناجحه ومشهوره ،،عايشه مع عيلتى ماما وبابا فى بيت متوسط والحمد لله مبسوطين 🌚♥️)
نرجع بقى لموضوعنا
★★★★★★★★★★★
فى مكان آخر شركه الجرحى بالتحديد كان داخل بهيبته المعتادة وغروره فهو حقا مراد الجرحى (مراد الجرحى 28سنه من أغنى اغنياء العالم وهو الحفيد الاكبر لعيله الجرحى وهو اللى ماسك كل شركات الجرحى لانه اكبر حفيد فى العيله وعايش مع عيلته فى أحد القصور الفخمه فهو حقا مراد الجرحى التى يتميز بوسامته الجذابه فهو ذو جسم رياضى قمحوى البشره وله عيون زرقاء وغمازتين تزين وجهه)
نرجع لموضوعنا
★★★★★★★★★★★
فى بيت زهره تحديدا
كانت زهره تستعد للامتحانات فكانت جالسه فى غرفتها تذاكر ليلا ونهارا
زهره:يارب بقى انا تعبت امتى امتحن واخلص واشتغل واحقق حلمى ،،
وبعد وقت قصير ذهبت زهره فى سبات عميق بعد مجهود كبير ،،
فى قصر الجرحى
**★******************
دخل مرادالقصر ووجد كل أفراد العائلة جالسه تضحك وتتكلم فبتسم ابتسامه جذابه وصعد إلى الأعلى وقبل ان يصعد نادته أمه ،،،
ام مراد:مراد انت جيت يا حبيبى
مراد:اه يا ست الكل مش شايفانى ولا ايه😂
الام:طب تعالى يا حبيبى اقعد معانا
مراد:لا يأمى انا تعبان وعايز ارتاح
الام:طب أخليهم يجهزولك الاكل يا حبيبى
مراد:لا يأمى مش جعان
الام:ماشى يحبيبى
**********************
صعد مراد إلى الجناح الخاص به الذى لا يمكنه أحد صعوده معادا الداده نعمت هيا المسؤوله عن تنظيف جناحه الخاص به
دخل مراد غرفته وغير ملابسه ولبس بنطلون قماش وعارى الصدر وذهب فى سبات عميق
**********************
فى بيت زهره
كانت زهره جالسه منتظره قدوم أخيها لتعرف النتيجه وكانت قلقه جدا وما الا بعض دقائق وكان جرس الباب يرن يعلن عن وصول أحد
فذهبت زهره مسرعه لتفتح الباب
زهره:ها يا يوسف جبت كام
يوسف بحزن مزيف :للاسف يا زهره جبتى 80 فى الميه
زهره :اييييييه انت بتقول ايه يا يوسف مستحيل ده انا حليت كويس
يوسف قام فجاه :وحضن زهره وقالها مبرووووووك يا زهره جبتى 99فى الميه
زهره:بتهزر صح هيييييي جبت 99 هيييىى اخيرا هحقق حلمى واشتغل فى شركه الجرحى وابقى مهندسه ناجحه وابقى مشهوره هيييييي مش مصدقه
الام :مبروك يا حببتى هتبقى احسن مهندسه فى الدنيا
زهره :حضنت امها الله يبارك فيكى ياست الكل
والكل كان فرحان بزهره لأنها جابت مجموع عالى
زهره :ماما انا عايزاكى بقى ايه تعمليلى البيتزا اللى نفسى فيها لانك قولتيلى يوم نجاحك هعملك كل اللى نفسك فيه
الام:حاضر يا حبيبت ماما هعملهالك
الاب :زهره يا حببتى
زهره:نعم يا بابا
الاب :مش أنا وعدتك لو جبتى مجموع حلو هجبلك التليفون اللى نفسك فيه
زهره :اه يابابا
الاب:وانا يا حببتى وفيت بوعدى ليكى وجبتلك التليفون
زهره بفرحه:بجد يا بابا
الاب :بجد يا حبيبت بابا
زهره باستغراب :بس انت عرفت منين انى كنت هجيب انت منزلتش حتى من البيت
الاب:انا كنت واثق يا حببتى انك هتجيبى مجموع حلو فعشان كده جبتهولك امبارح وانا جى بس مقولتلكيش
زهره بحب:ربنا يخليك لينا يا حبيبى
الام:انا هدخل بقى اعملكو البيتزا
كلهم فى صوت واحد:ماشى بس بسرعه عشان هنموت من الجوع
الام بضحك عليهم :ماشى اهو رايحه اعملها
**********************
فى قصر الجرحى
**************
مراد:صباح الخير
كلهم فى صوت واحد:صباح النور تعالى افطر يا مراد
مراد:لا انا اتاخرت على الشغل لازم أمشى سلام
الام :سلام يا حبيبى ربنا معاك
مراد :يارب
*********
في بيت زهره
كانو قاعدين كلهم بيكلو
زهره:بقولك ايه يا يوسف
يوسف :نعم يا حببتى
زهره :هنروح امتى الشركه عشان اقدم على الشغل
يوسف:حاضر يحببتى هقول لمراد باشا ولو وافق نروح بكره يشوف الملف بتاعك
زهره :ماشى بس يارب يوافق
يوسف :انشاء الله هيوافق هو بيعزنى ومش هيرفضلى طلب
زهره :يارب بس يا اخويا
وبعض من الوقت رن هاتف زهره باتصال من صديقه عمرها والبيست بتاعتها وهى ملك (ملك بيست زهره وأقرب حد ليها نفس سن زهره ونفس الكليه وهيا جميله فلديها شعر اسود حرير وعيون واسعه خضراء وبشره قمحويه وقصيره القامه)
ملك:الو يا زهورتى مبروك النجاح يا قلبى
زهره :الله يبارك فيكى يا قلبى انتى عملتى ايه
ملك : الحمدلله جبت 98
زهره :الف مبروك يا قلبى
ملك :الله يبارك فيكى يا حبيبتى بقولك ايه يا زهره
زهره : ها قولى
ملك :ماتيجى نخرج نروح اى حته
زهره :انا معنديش مانع بس اسال بابا الاول
ملك : ماشى اسالى وقوليلى دلوقتى
زهره : ماشى ثانيه واحده
بابا هو ممكن اخرج انا وملك
الاب : ماشى يحببتى أخرجى بس متتاخريش
زهره : ماشى يا حبيبى
ملك بابا وافق
ملك :ماشى هستناكى تحت
زهره : ماشى
دخلت زهره اخدت شاور ولبست بنطلون تلجى وتيشيرت ابيض عليه رسمه رقيق وفردت شعرها ووضعت بعض الميكب الخفيف فكانت جميله جدا جدا والقت السلام على أهلها ونزلت
ملك : ايه يابنتى كل ده بقالى ساعه مستنياكى
زهره : معلش بقى محدش قالك تيجى بدرى
ملك :بس ايه الحلاوه دى😉
زهره بغرور :دى أقل حاجه عندى😌
ملك : الله على التواضع 😂
زهره : اه يابنتى أنا متواضعه جدا صح 😂
ملك بضحك:اه مهو باين😂
وظلو يضحكون حتى قالت زهره مش يلا بقى بقلنا ساعه واقفين تحت البيت
ملك :ماشى يلا هنروح فين
زهره :اممم تعالى نروح ناكل ايس كريم وبعد كده نشرب عصير وبعد كده نروح الملاهى
ملك :ماشى يلا بينا
****************
فى شركه الجرحى
**************
كان جالس فى مكتبه شارد.فى شئ ما ثم قطع هاذا الشرود دخول صحبه الأنتيم (مازن الصياد صديق مراد وصاحبه الأنتيم نفس عمر مراد ولديه شركته الخاصه فهو ابن عائله الصياد وسيم جدا ليه بشره قمحويه ولديه جسم رياضى وشعر ناعم وعيون بنى فاتح تجعله وسيم جدا)
دخل مازن وقال بمرح ميمو قاعد سرحان فى ايه فبتسم مراد واخد مازن بالحضن
مراد:وحشتنى يا واد
مازن :وانت والله ياض
مراد :بقى انا مراد الجرحى يتقالى ياض
مازن : خلاص خلاص ده انا صاحبك حبيبك
مراد :عشان انت غالى عندى مش هعملك حاجه لكن لو حد تانى اقسم بالله كنت نسفته من على وش الأرض
مازن وهو يضحك:ايوه بقى يا ميمو يا جامد😂
مراد :ايه فينك مش باين بقالك فتره
مازن :والله كان عندى شغل ليل ونهار مكنتش فاضى خالص
مراد :ماشى يا حبيبى بقولك ايه انت معزوم عندنا النهارده على العشا
مازن :ايوه والله وحشنى الاكل بتاعكو يعم
مراد :ماشى يلا عشان نمشى كفايه شغل كدا
مازن:ماشى يلا
فذهبو من المكتب ومن الشركه بأكملها وذهبوا إلى القصر
*************
عند ملك وزهره كانو بيكلو ايس كريم وبيضحكو وبيهزرو وبعد انتهاء من اكلهم قالت زهره
زهره:يلا بقى نروح نشرب العصير وبعد كده نروح الملاهى
ملك : ماشى يلا وراحو محل العصير وهما فى طريقهم كان فيه عربيه جايه عليهم وهما مش واخدين بالهم وفجاه العربيه وقفت والبنات اتخضو نزل شابين من العربيه وكان باين عليهم الغضب
مراد :ايه مش تفتحو عمال ازمر عشان تاخدو بالكو وانتو ولا هنا
زهره :فى ايه يا ض انت بتزعق كدا ليه مبراحه
مراد :يااض ؟ ويا اخ؟
انتى مش عارفه بتتكلمى مع مين يا بت انتى ولا ايه
زهره :هتكون مين مثلا مراد الجرحى ولا مازن الصياد يا عنيا
مراد بغضب:اه يا ياختى مراد الجرحى وشاور على مازن اللى كان سرحان فى ملك وده يبقى مازن الصياد يا روم امك
زهره كانت خايفه معقول ده مراد الجرحى وسرحت فى وسامته ولكن عندما استوعبت قال ايه راحه تشجعت وقالت نععععممم مين دى اللى روح امها يا حيوان انت وراحت صفعته قلم (مقولكش بقى على رنه القلم ادته حته قلم انما ايه جامد😂😂)
مراد لما استوعب اللى حصل قام كان لسه هيمد أيده ولكن وقفه صاحبه مازن
مازن:بس يا مراد دى مهما كانت بنت ومينفعش تضربها
مراد :انت مش عارف هيا عملت ايه
مازن :عارف بس مينفعش يلا بقى نمشى وكفايه مشاكل وقبل ممراد يمشى قرب منها وهمس حسابك معايا هيكون عسير وصدقينى هتندمى على اللى عملتيه ده وراح سيبها ومشى
زهره :يالهوى انا عملت ايه يختاااى هينفوخنى هيبسنى يا حستك السوده يا زهره كدا مفيش شغل هترفد يا ملك يختااااى بس بردو اللى انا عملته صح ده غلط فيا وكان لازم اخد حقى
ملك :خلاص يا زهره مفيش يا عنى غير الشركه دى مفى شركات كتيره اوى هتقبلك
زهره :بس كان نفسى اشتغل فيها كده خلاص مفيش شغل اهههه يا حستك السوده يا زهره
ملك:طب يلا نمشى بقى كفايه كدا
زهره :يلا يا ختى ومشيو كل واحده روحت بيتها من غير ميكملو الخروجه
*************
فى عربيه مراد الجرحى
مراد:بقى انا حته بت زى دى تضربنى طب والله ام ما وريتها مبقاش مراد الجرحى
مازن وهو يضحك:بس كان شكلك يضحك اوى😂😂
مراد :بتضحك عليا ماشى أنزل يلا مفيش اكل يلا انزل غور
مازن :لا خلاص أنا اسف
مراد : ماشى يا حلو بس انت كنت واقف سرحان فى ايه
مازن وهو بيفتكر ملك:هاا
مراد :ها ايه انت روحت فين يا حلو انت
مازن :البنت اللى كانت معاها
مراد:ملها
مازن :حلوه اوى
مراد :اه قول بقى كده وظل يضحك على صديقه وذهبوا إلى القصر ودخلوا ووجدوا الجميع جالس على السفره فجلسو يأكلون
ام مراد:ازيك يا مازن يا حبيبي
مازن : الحمدلله يا طنط
ام مراد :مالك مختفى بقالك فتره كده ده احنا قلقنا عليك
مازن :كان عندى شغل كتير فعشان كده مكنتش باجى
ام مراد : ماشى يحبيبى ربنا معاك
مازن :يارب يا طنط
وبعد انتهاء تناول الأكل جلسو يشربون القهوه ويضحكون
************
فى بيت زهره كانت زهره جالسه فى غرفتها تفكر فى كلام مراد فهيا تعلم أن مراد الجرحى سينتقم منها وفجاه قطع هاذا التفكير دخول أخيها يوسف فسألها مالك سرحانه فى ايه
زهره :النهارده قبلت مراد الجرحى
يوسف : قبلتى فين وليه
فقصت له زهره كل ما حدث وتهديده لها
يوسف يخربيتك ضربتى مراد الجرحى اللى الكل بيخاف منه
زهره : اهو اللى حصل بقى بس هو اللى استفذنى
يوسف :تقومى تضربيه بالقلم يا حستك السوده يا يوسف هتترفد من الشغل
زهره:ايه بس هو ميعرفش انى اختك بس للاسف خلاص مش هقدم فى الشركه لانى كده كده مرفوده وهو هددنى أنه مش هيسيب حقه
يوسف:اهدى هو يمكن يكون بيقولك كده عشان تخافى وهو اصلا يمكن نسى شكلك ده عنده مشاغل كتيره يعنى مش هيفتكرك اصلا
زهره اطمنت من كلام اخوها وقالت طيب ماشى يلا تصبح على خير
يوسف وانت من أهله
*******★*************
فى صباح يوم جديد على ابطالنا ،، استوووووب نسيت اوصفلكم زهره( هيا بنت متوسطه القامه ولها عيون خضرا وبشره بيضاء وشعر دهبى حرير )نرجع لموضوعنا
قامت زهره بكل نشاط واخدت دش ولبست وخرجت
زهره :صباح الخير
الجميع صباح النور جلست زهره لتفطر مع عائلتها وقالت موجهه كلامها لي يوسف
زهره :بقولك ايه يا يوسف انا عايزه اشتغل متعرفش اى شركه تانيه تكون كويسه
الام والاب:شركه تانيه ليه مش انتى هتشتغلى مع يوسف فى شركه مراد الجرحى
قصت لهما زهره ما حدث معها
زهره:كده هيرفدنى عشان القلم اللى ادتهوله بس هو يستاهل
الاب :طب متروحى يابنتى تقدمى مش يمكن يوافق ويكون نسى القلم
زهره : مستحيل يا بابا يوافق ده انا ضربته وهو هددنى يعنى كده انا مرفوده من غير حتى ميشوف الملف بتاعى
الاب :يابنتى الدنيا تلاهى وكل واحد شغله حجات كتير يعنى اكيد نسى ويمكن بيقولك كدا عشان تخافى منه بس روحى يا بنتى وقدمى مش هتخصرى حاجه
زهره ببتسامه : حاضر يبابا هروح مع يوسف واقدم
الاب يبتسامه :ربنا يريح بالك يا حببتى
يوسف :طب ادخلى يا زهره البسى وتعالى معيا نقدم
زهره :ماشى هقوم لبست زهره بنطلون اسود وتيشيرت ابيض وعليه جاكت اسود وفردت شعرها وحطت بعض الميكب الخفيف فكانت فى غايه الجمال وخرجت وذهبت مع أخيها الى الشركه بعد وقت قصير وصلو الى الشركه ودخل يوسف ومعاه زهره وكانت زهره خايفه اوى ومتوتره وكانت عارفه انها هتترفد فظل جالسون بعض الدقائق حتى جاءت السكرتيره وأخبرتهم بأن يدخلو فدخل يوسف ومعه زهره وكانت خايفه ومتوتره واول ما مراد شافها اندهش من جمالها ثم قطع الانهداش ده صوت يوسف وهو بيقولوا ازيك يا مراد باشا
مراد : الحمدلله يا يوسف هيا دى بقى الانسه زهره اختك
يوسف : ايوه هيا دى انا عرفت اللى حصل وانا بعتذرلك نيابه عنها
مراد :خلاص حصل خير
يوسف ده الملف بتاعها شوفه حضرتك
مراد : اخد الملف وبدأ يقرأ فيه وعجبه الملف
مراد لسه هيتكلم وقطع كلامه زهره
زهره :انا عارفه انى هترفد فعلشان كده مكنتش عايزه اجى وانا اسفه على اللى حصل ويلا يا يوسف نمشى من. هنا مش عايزه اعملك مشاكل ولفت هيا وأخوها عشان يخرجو بس سمعو صوت مراد وهو بيقول
مراد : استنى يا انسه زهره انا مقولتش حاجه لسه عرفتى منين انك مش مقبوله
زهره :مهو اكيد بعد القلم ده هترفد
مراد:*******
زهره بصدمه :ايييييييه
يتبع الفصل الثاني اضغط هنا