اسكريبت احببتها رغما عني البارت الثاني بقلم الكاتبة الصغيرة
اسكريبت احببتها رغما عني الفصل الثاني
مراد:موافق تشتغلى هنا بس بشرط
زهره:ايه هو الشرط
مراد:تتجوزيني
زهره بصدمه:اييييييه انت بتقول ايه
مراد :ايه عايز اتجوزك فيها حاجه دى
بقولك ايه يا يوسف ممكن تسيبنى مع الانسه نتكلم شويه
يوسف:اه ممكن عن اذنكو
وخرج يوسف من المكتب
مراد :اتفضلى اقعدى هتفضلى مصدومه كده كتير
زهره قعدت من غير كلمه
مراد بخبث:بصى بقى يا حلوه انا مش عايز اتجوزك عشان جمال عيونك انا هتجوزك عشان انتقم على اللى انتى عملتيه
زهره:عايز تنتقم منى تقوم متجوزنى ايه اللى انت بتقوله ده
انا مش موافقه طبعا وقامت عشان تمشى
مراد :استنى قبل متمشى اسمعى الكلمتين دول وحطيهم حلقه فى ودنك
بصى بقى يا حلوه أنتى لو موفقتيش على الجوازه اخوكى هيترفد من الشركه وابقى قبلينى بقى لو فى شركه قبلتك انتى واخوكى لأن هوصى عليكم توصيه جامده اوى فيا أما توفقى ياما بقى استلقى وعدك انتى وعيلتك
زهره كانت قاعده والدموع كانت لحظه وهتنزل من عينيها ومكنش فى قدمها غير أنها توافق ياما اخوها هيترفد ومش هيلاقى شغل
زهره بدموع:موافقه
مراد ببتسامه خبث:ايوا كده احب البنات الشاطره
زهره :امتى الخطوبه
مراد :لا خطوبه ايه يا قمر احنا هنيجى نتقدم النهارده باليل ويوم الخميس كتب الكتاب
زهره بدهشه:ايه احنا ملحقناش نتعرف على بعض حتى وكمان كتب الكتاب بعد بكره ايه اللى انت بتقوله ده
مراد :نبقى نتعرف فى بيتنا يا قمر وبعدين هو ده اللى عندى عاجبك يبقى حلو اوى مش عاجبك يبقى أستلقى وعدك انتى وعيلتك ولو انى مكنتش حابب كده بس انتى اللى غلطى غلطه كبيره اوى يوم مفكرتى تضربى مراد الجرحى
زهره بدموع :ماشى يا مراد بيه هبلغ بابا انكو جايين
مراد:ماشى بس ياريت متقوليش لحد على الاتفاق اللى مبينا عشان عقابك ميكنش اكبر من كده
زهره بدموع:لا متقلقش مش هقول لحد لان لو قولت ساعتها مش هيوفقو وساعتها انت هتعمل اللى بتقول عليه وانا مرضاش انى اخويا يتبهدل وميلقيش شغل فعشان كده مش هقول لحد وغصب عنها انهارت فى البكاء
مراد بستفزاز :لا يا حلوه خلى دموعك دى بعدين لسه مش دلوقتى
زهره بدموع:عن اذنك ومسحت دموعها وخرجت وكانت حزينه جدا على حالها
يوسف:ايه كان عايزك فى ايه كل ده
زهره ببتسامعه صانعه :كان بيقولى أن عايز يتجوزنى عشان اعجب بيه
يوسف:ازاى وهو قلك أنه هينتقم منك عشان القلم
زهره وهيا باين عليها الحزن بس خفياه :هو قالى أنه نسى كل حاجه وعايز نبدا صفحه جديده وهو جى النهارده هو وأهله عشان يتقدملى
يوسف وهو عارف انه فى أن فى الموضوع قال لزهره ماشى ينور
زهره :طب يلا نمشى
يوسف :اه صحيح قالك هتشتغلى امتى
زهره :من بكره اقدر اشتغل
يوسف :طب تمم يلا بينا نروح
زهره :يلا
وركبوا السياره وكانت زهره تفكر فى حديث مراد لها وأنه إن لم توافق سيدمر حياتها كانت حزينه على حالها فكانت لا تفكر فى الزواج ابدا ولكن جاء الذى سيغير حياتها كانت سرحانه وعينيها مليانه دموع وغصب عنها نزل دمعه على وشها ولاحظ يوسف
يوسف باستغراب :ايه ده انتى بتعيطى
زهره انتبهت إلى نفسها والى الدموع الذى على وجنتيها
وقالت
زهره:لا ده فى حاجه دخلت فى عينى بس
يوسف :اه تمم يلا وصلنا نزلت زهره واخيها يوسف وصعدو إلى منزلهم
***************
فى مكان آخر فى قصر الجرحى
*************
دخل مراد إلى القصر ووجد عائلته يأكلون
ام مراد:تعالى يا حبيبى كل معانا
مراد:لا يا امى مش جعان كلو انتو وهم بالذهاب إلى الأعلى ولكن تذكر شئ ثم قال
مراد:اه صحيح أجهزو على. الساعه 8 عشان هروح أخطب
ام مراد باستغراب :تخطب مين وامتى ده حصل ومين هيا دى
مراد: هيا مين دى موظفه عندى وامتى ده حصل انا اعجبت بيها وقررت اروح اتجوزها وقولتلها وهيا موافقه وخدت معاد مع عيلتها
الام:ماشى يا حبيبى طلما البنت دى انت عايزها وانت هترتاح فأنا موافقه هعمل اللى يريحك وانت ايه رايك يا حج
ابو مراد:انا موافق طلما انت مبسوط ومرتاح فأنا هعمل اللى يريحك
مراد ابتسم :ماشى يحبايبى انا هطلع ارتاح شويه
الام والاب :ماشى يحبيبى
صعد مراد إلى الأعلى وذهب إلى جناحه الخاص ثم دخل وابدل ملابسه وجلس على السرير يفكر فى الذى قاله لزهره وكان حزين لما عمله ولكن تذكر ما فعلته وغضب ونفض هذه الأفكار من عقله
وقال
مراد فى نفسه :بس هيا تستاهل واتستجرت وضربتنى وانا محدش يقدر يعملها ده حتى ابويا معملهاش هتيجى بنت زى دى وتعملها ده انا أما ورتها مبقاش مراد الجرحى وتذكر شكلها وبراءتها وقال فى نفسه بس هيا جميله اوى وبعد ذلك تذكر القلم ثم غضب ونفض تلك الأفكار من عقله واغلق عينيه وذهب فى سبات عميق
****************
فى بيت زهره
***********
كانت زهره جالسه فى غرفتها حزينه على حالها وتتذكر كلام مراد ثم قطع هذا التفكير دخول امها
الام:مالك يابنتى سرحانه فى ايه
زهره :مفيش يا ماما
الام : بس انا مستغربه ازاى مراد الجرحى بعد القلم ده وبعد تهديده ليكى ازاى هيتجوزك
زهره بكذب: يماما خلاص هو قالى أنه نسى اللى حصل وعايز نبدا صفحه جديده
الام :طب قومى يلا أجهزى هو كلم اخوكى وقالو أنه جايين الساعه 8 ودلوقتى 7ونص قومى يلا اجهزى
زهره:حاضر يماما
وخرجت الام من الغرفه
و دخلت زهره خدت شاور وطلعت لبست فستان رقيق لونه نبيتى وبتلت كم وبعد الركبه وكان شكله جميل جدا وفردت شعرها وحطت بعض الميكب الخفيف فكانت مثل الحوريه كانت جميله جدا
ثم رن جرس الباب وكان مراد وأبيه وأمه فرحب بهم يوسف وأبيه وأمه ثم دخل مراد وأهله وجلسو يتحدثون حتى قال مراد اكيد حضرتك عارف احنا جايين ليه
ابو زهره :ايوه عندى فكره عن الموضوع
مراد :طب انا جى عشان اطلب ايد الانسه زهره
ابو زهره:ده شرف ليا والله بس نشوف رأى البنت الأول دى مهما كانت دى حياتها وهيا اللى هتعيش
مراد ابتسم بخبث :اه اكيد
ام مراد بابتسامه :طب نشوف العروسه
ابو زهره:اه طبعا ثم قال لزوجته ام زهره
يلا يا ام يوسف نادى العروسه
ام زهره:حاضر ثانيه واحده ثم دخلت لغرفه ابنتها
ام زهره:يلا يا حببتى أهل العريس عايزين يشوفوكى
زهره بابتسامه صانعه :حاضر يلا ثم خرجت زهره وامها واول ما شفها مراد قام وقف واندهش من جمالها ثم قطع هاذا الاندهاش صوت أمه وهيا تقول بسم الله مشاء الله اكبر قمر يا حببتى
زهره بابتسامه :ده زوق حضرتك ياطنط
ام مراد:لا طنط ايه بقى قوليلى يا ماما ممكن
زهره:اه طبعا يا ماما
ثم قال ابو مراد: نسيبهم شويه
ابو زهره:اه طبعا اتفضل ثم ذهبوا وظل مراد وزهره زهره كانت بصه فى الأرض
مراد بخبث :على فكره انتى قمر
زهره بجمود: شكرا
مراد :ده بدل متقوليلى حبيبى ولا قلبى
زهره بعصبيه خفيفه : هو انت مش ملاحظ أن جوازنا مش طبيعى عشان اقولك كده
مراد :ومالو ده احنا كلها يوم وتبقى معايا فى بيتى
ثم جاء أهله واهل زهره وقالو ها يا ولاد خلصتو
زهره :اه خلصنا
ثم قال مراد :بوقلك ايه يا عمى انا عايز كتب الكتاب يكون الخميس الجى
ابو زهره : ده اللى هو بعد بكره
مراد:اه يا عمى ده إذا كنت معندكش مانع
ابو زهره : بس يابنى بالسرعه دى ده انتو ملحقتوش تتعرفو على بعض
مراد:يا عمى نبقى نتعرف فى البيت بقى وبص لزهره بخبث وبعدين ده إذا زهره معندهاش مانع
ابو زهره:دى حياتها وهيا حره الرأى رأيها ثم وجه حديثه لزهره وقال لها :ها يابنتى موافقه
زهره بتوتر كانت هترفض بس مراد بصلها فراحت قالت بدون تردد اه يبابا موافقه
ابو زهره:يبقى على بركه الله
ابو مراد :نقرأ الفاتحه
ابو زهره:اه ماشى يلا
وبعد انتهاء حدثهم ذهب اهل مراد إلى منزلهم ودخلت زهره غرفتها وظلت حزينه
**********************
يوم كتب الكتاب كان مراد يجهز لكتب كتابه ويتوعد لزهره ثم اتجه خارج القصر هو وعائلته
******************
عند زهره كانت تجهز ليوم إعدامها
فكانت لابسه فستان ابيض رقيق ساده بحزام حول الوسط وفوق الركبه وكان بأكمام شيفون مشجره وفردت شعرها ووضعت بعض الميكب الخفيف فكانت جميله جدا جدا ثم بعد قليل اتى مراد ومعه المأذون وجلسو ثم بعد دقائق خرجت تلك الزهره الجميله وعندما راها مراد تفاجا من جمالها ثم جلسو وكتبو الكتاب وأنها المأذون بكلمته الشهيره بارك الله لكما وبارك عليكما وجمع بينكما في خير وبدن قصد نزلت دمعه من عين زهره ثم مسحتها بسرعه وبعد ذلك بكت ام زهره لأن ابنتها ستتركها وحضنت زهره وظلت تبكى
ابو زهره:خلاص يا ام يوسف متعيطيش انتى عايزاها تقعد جمبك على طول
ام زهره :دى مهما كانت دى بنتى وبعدين انت مش زعلان ولا ايه على بنتك
ابو زهره:لا طبعا زعلان بس ده نصيبها مش هتفضل قاعده معانا العمر كله
ثم ودعت زهره أهلها وسلمت على اخوها يوسف الذى كان زعلان على رحيلها وذهبت مع مراد
(طبعا يجماعه مراد اتفق معاهم أنه مفيش فرح هو كتب الكتاب وبس)
فى سياره مراد كان يسوق وبجانبه زهره التى كانت تبكى فى صمت وكان أبيه وأمه فى سياره اخرى
مراد بيقول لزهره:ايه هتفضلى تعيطى كده كتير خلاص يا حلوه
زهره كانت تبكى ولم ترد عليه
فغضب مراد لأنها لم ترد عليه وقال
مراد بغضب:ايه مش بكلمك
زهره : ؛؛؛؛؛؛؛؛
مراد اتعصب ووقف العربيه مره واحده وقال بصوت عالى
مراد: لما اكلمك تردى عليا سامعههه
زهره اتخضت من صوته وقالت بخوف وعياط:سامعه
ثم حرك السياره مره اخرى وذهب إلى القصر الخاص به فهو لديه قصر خاص به ثم اوقف السياره وقال لزهره انزلى نزلت زهره وعندما نزلت اندهشت من جمال القصر فهو قصر فخم جدا وحلو اوى فضلت واقفه دقائق وبعد كده مراد قال لها
مراد:ايه عجبك القصر
زهره:جدا ده حلو اوى
مراد :طب يلا ياختى ثم ذهبت زهره وكان وراءها مراد وعندما دخلت القصر شاهدت شئ لم تتخيله شاهدت ا******
يتبع الفصل الثالث والاخير اضغط هنا