رواية نرجسي بقلم الكاتبة المصرية المتألقة دائما روزان مصطفى الرواية متوفره حصريا كاملة عبر دليل الروايات
رواية نرجسي كاملة
- رواية نرجسي الفصل الأول
- رواية نرجسي الفصل الثاني
- رواية نرجسي الفصل الثالث
- رواية نرجسي الفصل الرابع
- رواية نرجسي الفصل الخامس
- رواية نرجسي الفصل السادس
- رواية نرجسي الفصل السابع
- رواية نرجسي الفصل الثامن
- رواية نرجسي الفصل التاسع
- رواية نرجسي الفصل العاشر
- رواية نرجسي الفصل الحادي عشر
- رواية نرجسي الفصل الثاني عشر
- رواية نرجسي الفصل الثالث عشر
- رواية نرجسي الفصل الرابع عشر
- رواية نرجسي الفصل الخامس عشر
- رواية نرجسي الفصل السادس عشر
- رواية نرجسي الفصل السابع عشر
- رواية نرجسي الفصل الثامن عشر
- رواية نرجسي الفصل التاسع عشر
- رواية نرجسي الفصل العشرون
- رواية نرجسي الفصل الواحد والعشرون
- رواية نرجسي الفصل الثاني والعشرون
- رواية نرجسي الفصل الثالث والعشرون
- رواية نرجسي الفصل الرابع والعشرون
- رواية نرجسي الفصل الخامس والعشرون
- رواية نرجسي الفصل السادس والعشرون
- رواية نرجسي الفصل السابع والعشرون والأخير
تمت بحمد الله
أتمنى من قلبي إنها تكون عجبتكم وشكراً لكل اللي تابعها وقال كلمة حلوة في حقي أو في حق الرواية ❤❤
مقدمة رواية نرجسي
" شفتها الكرزية والخط الفاصل بينهم بيفقدني أخر ذرة تماسك فيا ..
نرجسي ، ياء الملكية اللي مبقدرش أنطقها غير في خيالي
مبقدرش أضمك ليا ولا ألمس شعرك ووشك غير لما أغمض عيني بس
لكن في الواقع اللي مش قادر أتقبله إنك من كُتر كرهك ليا مبتبصيش في عيوني حتى وقت سلامي عليكي "
كتبت دا في مذكراتي قبل ما أروح لشقتها ، للمكان اللي هي عايشة فيه ، كُنا معزومين أنا ووالدي ووالدتي هناك و .. ومراتي
مشيت في الطُرقة لحد ما وصلت لباب شقتهم ، ملست بصوابعي على أوكرة الباب وأنا بتخيل صوابع نرجس بتلمسهم عشان تفتح باب الشقة كل يوم ، فجأة فتحت هي الباب وشعرها الإسود بيطير حوالين وشها وبيهدى على كتفها ، حسيت بنبضات قلبي بتسرع بطريقة جنونية
مقدرتش أتمالك أعصابي ف شرقت وفضلت أكح
جريت عليا مراتي بكل أسف ، ونرجس فضلت واقفة بتبص بسخرية
بتبص ! نرجس كانت بتبص عليا !!
مراتي : ليث حاول تاخد نفسك ، خد نفس عميق وخرجه
نرجس ربعت إيديها وقالت : والله أنا اللي حقي نفسي يتقطع وقلبي يوقف ، تخيلي أفتح الباب ألاقيه في وشي من غير سبب
مرات ليث وهي بتطبطب على ظهره قالت : إحنا معزومين في بيتكم يا أنسة نرجس وجوزي لسه جاي ف ميصحش يعني
نرجس وهي بتزيح خصلات شعرها على جمب : إنتي اللي هتعلميني إيه يصح وإيه ميصحش ؟ على العموم متزعليش يا ستي
بدأ ليث ينتظم نفسه أخيراً ، رفع نظره ل نرجس ك عادته مبيفكرش يقاوم وجودها
ليث الصفتي ، ٣٢ عام .. عنده عرج بسيط في رجله الشمال إثر إصابة عمل تسببت في إنه يتقاعد .. ظابط شرطة متقاعد ، خصلات شعره كستنائية وبشرته قمحاوية .. طوله متوسط لكنه أطول من نرجس ، ذو جسم رياضي ويُتقن الرسم .. عنده متلازمة دي كليرامبو * الهوس بشخص * وسبب المتلازمة دي نرجس .. وسبب إصابته كمان نرجس ودا هيوضح مع الأحداث
نرجس شهاب ، ذات بشرة قمحاوية .. خصلات شعر سوداء كالفحم طويلة ، قصيرة الطول جسدها ضعيف لإنها عندها فوبيا زيادة الوزن ف بتتعمد إذا أكلت كمية زيادة تحاول ترجع الأكل غصباً عنها ، متعددة العلاقات والتعارف .. إجتماعية بطريقة بتوقعها دايماً في مشاكل ، ورغم آجتماعيتها دي إلا إنها مبتقبلش ليث بأي شكلاً كان .. بتعتبره شخص متطفل عليها وبيسببلها مشاكل مع والدها
لمياء السيد .. زوجة ليث الصفتي وطبيبة نفسية ، كان بيروحلها ليث برجاء من والدته عشان يتعالج من هوسه ب نرجس اللي طول الوقت رفضاه ، جلسات العلاج طولت لدرجة إنها هي اللي عرضت الجواز على ليث ! وأقنعته إن بكدا نرجس هتغير وهتكون ملكه ، وبكل أسف الشخص اللي بيعاني من هوس بيصدق أي كلام داير حوالين الشخص المهووس بيه ، إتجوزوا وفضل كل يوم يحكيلها عن نرجس وعن تخيلاته وعن إنه بيرسم نرجس وبيرسم نفسه معاها في أماكن مختلفة .. كانت بتسمعه بكل حُب وأمل إنها تعالجه لأن دا كان أتفاقهم ، لكن مع الوقت مدام لمياء حبت جوزها ، حبت حبه لنرجس رغم علمها ك طبيبة نفسية إن دا هوس لكنها تمنت تكون نرجس ومن هنا بدأ التعقيد ..