رواية بنتين من الصعيد الحلقة العاشرة 10 بقلم اسراء القاضي

رواية بنتين من الصعيد البارت العاشرة 10 بقلم اسراء القاضي

رواية بنتين من الصعيد الفصل العاشرة 10

ايه ده يا مريم بلال اهو 

-وايه يعني هخاف هضعف ابدا اطلاقا

_خيبه عليكي امشي الأول بس

سلام عليكم 

نور _وعليكم السلام  ازيك يا استاذ بلال 

الحمد لله يا بشمهندسه

مريم انا هسبقك بقي بس متاخريش

مريم في نفسها_ اه يا كلب البحر يازفته انتي

قطع السكوت ده بلال 

_لسه زعلانه مني 

_ازعل ازعل من ايه وليه يا استاذ بلال

_طالما فيها استاذ بلال تبقي زعلانه يا مريم

_انت عارف يا بلال عملت ايه 

انت شكيت انت مأمنتنيش علي بنت لبني انت سمعت الكلام مفكرتش فيه هو للدرجادي انا هاشه يا بلال  للدرجادي اول موقف اتعرضله معاك تيجي عليا 

انت عارف زي مبتقولي فعلا راح اللي بيسندوكي  يا مريم دوست علي جرحي وهو لسه مَبردش يا بلال  فين انك ابويا واخويا وصديقي فين يا بلال 

الحـب في هـذه الحياة  أن تجـد من يفهمك .. حتى قَبل أن تتكلّم.  يا بلال مش تيجي عليا 

_خلصتي كل ده معاكي حق فيه بس والله  والله لما شوفت ليلي معرفتش اتحكم في اعصابي 

انتي عارفه ان ليلي بنتي من ساعه ما لبني ماتت بقيت هي كل حياتي بخاف عليها من الهوا...  انا اسف يا مريم وانتي عارفه عمري مبتأسف لحد.. بس انتي مش حد يا مريم انتي القلب واللي فيه يا مريم سامحيني واخر مره عمرها مهتتكرر والله حقك عليا يا ست البنات وادي الشكولاته اللي مريومتي بتحبها 

ابتسمت تلقائيا بيعرف يوصل لثغراتي..

_هترجعي البيت النهارده 

_لا يا بلال انا هفضل في بيت بابا عشان ابقي مرتاحه  مش عايزة صفيه تعملي حاجه او اضايقها كفايه اللي حصل

_صفيه انا هخليها تروح بيت جوزها راهنت وجودي بوجودها في البيت

_بتهزر يا بلال بتهزر  انت بتصلح الغلط بغلط احتويها يا بلال وشوف ايه من ناحيتها وصلحه 

مريم يا مريممممممم

_يالهووووي نور يلا سلام يا بلال _هستناكي النهارده  

_سيبها بظروفها 

هنتغدي يا مريم كلنا هستناكي

سلام  يا بلال

_كل ده  يا ست عملتي وشك منور ليه اتصالحتي صح ضحك عليكي بكلمتين 

_اصل هو معاه حق يا نور 

_شوف شوف  دلوقتي بقي معاه حق  ومش هصالحه وابدا يا نووور يلا يا جزمه

_الله مش جوزي  قره عيني

_يلا يا ام جوز عشان نوصل بدري ولينا كلام تاني

بعد المغرب  في بيت العمده 

سلام عليكم يا اهل الدار 

الجميع وعليكم السلام  يا دكتوره

وه وه كل ده بره يا بت عمي متشوف مراتك يا اخوي  كل ده كانت فين الناس مبتسكتش وهي دلوقتي ملزومه منك عمي ومات

كنت بمسك دموعي بالعافيه 

العمده_صفيه لمي نفسك عااااااد المرادي انا اللي هقفلك دي بت اخوي واللي يمسها يمسك ويمسني 

=بعد اذنك يا عمي عندي كلمتين 

بصي يا صفيه  انا ان كنت بسكتلك وبابا عايش دلوقتي لا 

انا قادره اصون بابا في حياته  هصونه  في موته يا صفيه وبعدين جوزي عارف انا فين وبعمل ايه وواثق فيا 

بلال بصلي وضحك 

_حقك عليا انا يا بنتي 

_لا يا مرات عمي مفيش حاجه  يا قمر انت يا بطوط

_يهدك يا ادي البت يلا معايا يا بنات علي المطبخ نخلصو الاكل

_روحنا قعدنا علي السفره وبلال همسلي  حلوه جوزي دي إثبتي بقي علي كده وراح غمزلي

_بيوقعني المش محترم ده 

_مريم يا بتي

_نعم يا مرات عمي 

_تعالي يا بتي عايزاكي

_روحنا قعدنا في البلكونه 

_عارفه يا مريم يا بتي طول عمرك شبه امك كانت كيفك كده كيف القمر  كانت متعلمه كانت بت بندر بقي اللي جات البلد عمك وجدك في بدايه الجواز مكنوش قابلينها  كان جدك رافضها خالص  وكيف وكيف ابوكي ياخد بت بندر بره العيلة بس عارفه بعقلها وضحكتها كانت عليها ضحكه ترد فيكي الروح  يبتي  قدرت تقنع جدك  بيها وقدرت تخليه يحبها كيف عمتك صفيه بالظبط  كانت شاطره قووووووي وكانت عليها شويه واكل غريب بس كان حلو  ورغم انها بت البندر الا انها كانت بتحبنا ومعاملتها كانت حلوه معانا قوي 

في يوم دخلت لاقيتها بتقرا في المصحف  وصوتها كان حلووووو  قووووي حسيت اني عايزة اقرا زيها  قعدت جمبها بقولها يا زينيه صوتك كيف الكروان ضحكت 

كانت بتفهمني من عنييا 

قالتلي اعلمك 

قولتها اتهبلتي يا زينه عاد عايزه  عمك العمده يطربقها علينا 

قالتلي يطربقها ليه ده كلام ربنا عشان لما تتخنقي لما تبقي عايزة تقربي لربنا تفتحي المصحف وتقرأي مستنتش تسمعني  عمتك صفيه ساعتها كانت جت وكانت موافقه امك وانا كنت خايفه  وبدأت تعلمنا انا وعمتك صفيه ويوم ما جدك عرف طربق الدنيا علينا احنا التلاته  بس ابوكي كان مع امك في صفها انما عمك كان مع جدك بس أقنعتهم ووقفت قصادهم وعلمتتنا  وشرحتلهم بالدين يا  بتي اني اللي راح يعملوه ده حرام وظلم لينا   واتعلمنا  وعلمتنا نفك الخط ونقرأ  في المصحف كانت دايما واقفه في صفي كانت اختي هي وعمتك الله يرحمهم 

فهمتي انا قصدي اقولك ايه يا مريم يا بتي  اللي بدأته امك متنههوش انتي بالسهوله دي عمك هيلين يا مريم يا بتي وهتكسبي ثووواب كبير في بنات كتير

_يعني انتي وعمتي ماما علمتكم يا مرات عمي

_ايوه يا بتي

_وفي وحد يعرف كده؟

_ يبتي انا وعمك وبلال بس

_يعني بلال عارف ومقاليش

_متزعليش يا بتي مكنش ينفع الحوار ده يتفتح تاني بس انتي هتفتحيه يا مريم وتكملي مشوار بدأ من سنين 

_الا صحيح يا مرات عمي

هو حسن وزينب ولاد عمتي مبيكلموناااش ليه واخبارهم مقطوعه ليه

=من ساعه موتت عمتك ومن ساعه ما سافرو مع ابوهم السعوديه فين وفين لما بنكلموهم  كان عمك مختار كيف ابوكي اكده كانت متعلم كان صاحب ابوكي في المُدرسه  ودعم عمتك الاخر يلا ربنا يرحم الجميع ويبارك في اللي باقي 

المهم تكون فهمتي يا بتي انا قصدي ايه  وتكوني متاكده ان بلال في صفك دايما يبتي دانت دعوه العمر ليه

_فهمتك يا مرات عمي ربنا ميحرمنيش منك ولا من حنيه قلبك عليا ابدا

ستي فاطمه ستي فاطمه الحقي ستي صفيه وهي وبتقطع التُفاح السكين قطعت يدها والجرح واعر...

يتبع..

"" يكفيني شخص واحد يمنحني الشعور بالأمان، شخص يأخذني من ذاك العالم المليء بالسوء فيكون هو عالمي، قادرًا على عودة الشغف بداخلي، شخص يتسبب في ابتسامتي حينما يضيق بي كل شيء ..

يجعلني اطمئن دائمًا فأنا ممن يسكن الخوف قلوبهم، وجوده سيكون سببًا كافيًا لأكون بخير..

فكيف يعيش الإنسان دون شخص يؤنسه، ولو حدث ذلك سيحتاج يومًا لأحدهم، أنا ممن يكتفون بأشخاصهم ولا يودون شيئًا آخر!🖤

• تابع الفصل التالي عبر الرابط: "رواية بنتين من الصعيد كاملة" اضغط على أسم الرواية