رواية بنتين من الصعيد البارت الحادية عشر 11 بقلم اسراء القاضي
رواية بنتين من الصعيد الفصل الحادية عشر 11
ستي فاطمه ستي فاطمه الحقي ستي صفيه وهي بتقطع التُفاح السكين قطعت يدها والجرح واعر...
_يالهوي يابتي
_ يلا يامرات عمي بسرعه نشوفها
هاتوووو الحكيم ابسرعه اااه يا ايدي الحقونااااي
_يالهوي ياصفيه ايدك بتنزف جامد وريني كده
_بَعدي يدك عني ومالكيش صالح بياا خالص انتي يازفته ياللي اسمك سميره إندهي ع الحكيم يابت
_جراا ايه يابت انتي ده جزاتها انها عاوزه تساعدك ومحدش هينده علي الحكيم ومريم هيا اللي هتشوف الجرح ياصفيه
_خلاص يا مرات عمي سبيها براحتها واندهو الحكيم
_احم استني يامريم تعالي شوفيها
ضحكت مريم وهيا بتمسك ايد صفيه _ما كان من الأول لازم تعملي موال كل شويه
_بس ياستي اديني خيط الجرح اهوو ومحصلكيش حاجه اهوو
_احمم تُشكري يابت عمي نجدتيني في المراتين مع اني كل شويه كنت بأذيكي سامحيني يامريم وتعالي نبدأ صفحه جديده يابت عمي
مريم بعدم تصديق _صفيه انتي بتتكلمي جد ولا هتغدري بيا زي كل مره
_لا يامريم بتكلم جد الجد كمان انتي خلاص بقيتي واحده منا وانا تعبت من خناقات القط والفار دي يابت عمي
_الحمدلله يابنتي ان ربنا هداكي اخيراا
_ ايه مالك ياصفيه جرا ايه اللي حصلك
_ حساان! خير ياولدي انت جيت ازاي وعرفت منين
_كنت تحت مع ابويا العمده وسمعت البت سميره وهيا بتنده علي الضكتوره وبتقولها ان صفيه اتعورت
مريم_ مفيش حاجه ده جرح بسيط وخيطه خلاص متقلقش عليها
حسان_ تشكري يامريم
_طب يلا يامرات عمي نكمل كلامنا بره
_تعالي يابتي،لو عوزتي حاجه ياصفيه ابقي اندهي علينا.
ابقي تاخدي بالك المره الجايه ياصفيه وخلي بالك من نفسك يابت عمي
_يهمك قوي يعني
ده يهمني قوي يابت عمي ده انتي مراتي واختي وبنتي ودنيتي كلها ياصفيه ميهمنيش ازاي بقا،الا قوليلي شكلك اتصافيتي انتي ومريم اخيرا
محصلش حاجه يعني انا شكرتها علي اللي عملته معايا بس
لا ياصفيه انتي قلبك طيب قوي فيكي حته حلوه بس انتي اللي بتخلي الكل يكرهك بسبب تصرفاتك لكن انتي يابت عمي طيبة ومبتعرفيش تشيلي من حد وعلشان إكده بحبك
_ خلاص بقي ياحسان قولتلك اتصافينا ومبقاش في بينا حاجه
_ياريت يابت عمي ونبقي خُلصنا من لعبة القط والفار دي
صح انا كنت بقول لأبويا العمده اننا نحدد معاد الفرح بقي ولا ايه
_لا ياحسان انا مش هسيب بيت ابويا دلوقتي وبعدين مش شايفني تعبانه هتعمل فرح ازاي بقي
براحتك ياصفيه براحتك انا ماشي بقي عايزه حاجه..
_تسلم يابن عمي
كنت قاعده في الفرانده فرحانه ان مرات عمي طلعت متعلمه وانها قررت تساعدني وتقف معايا كنت بفكر ازاي هفتح موضوع التعليم تاني مع عمي لقيت مرات عمي بتنده علي البنات وكأن حصل حاجه
_يلاا بسرعه يابنات عايزه الشقه بتاعت المرحومه صفيه تبقي زي الفل وبتُبرق
_خير يافطوم هتنضفي الشقه بتاعت عمتي ليه دلوقتي
_الشَمل هيتلم من تاني يابتي عمك مختار هينزل البلد بكره هو وحسن وزينب قال لأبو بلال هيقضو الاجازه بتاعتهم هنا ياااه يامريم واخيراا هنتلم تاني يابنتي الله يرحمك ياصفيه وحشتيني قووي
_ربنا يرحمها يارب، طيب انا همشي بقي يامرات عمي الوقت اتأخر
_وه وه عيب يابتي والله ماينفع هتباتي هنا الليله معانا انتي واخوكي
_مش هينفع والله عندي كليه الصبح ونور لو راحت البيت ومالقتناش هتعمل الف خناقه يلا سلام يابطووط
_براحتك يابنتي بس ابقي تعالي اول ما ترجعي من كليتك بقي علي هناا علشان نتلم كلنا عاد.
روحت البيت وانا جوايا الف سؤال وسؤال ولاد عمتي عندهم كام سنه ومتعلمين ولا لاء نمت من كتر التعب وصحيت تاني يوم روحت الكليه ورجعت علي بيت عمي بس كنت داخله وانا قلقانه خايفه يكونو ضدي ومش متعلمين او زينب تعاملني زي صفيه وتكرهني فوقت من شرودي لما لقيت بلال جاي يمسك ايدي ويدخلني عندهم
_ يلا يامريم الكل مستنيكي جوه
_انا خايفه يابلال انا بقالي كتير مشوفتهمش وحاسه انهم مش هيحبوني
_مين دول اللي مش هيحبوكي تعالي بس
سلام عليكم يا أهل الدار
وعليكم السلام،تعالي يابنتي سلمي علي عمك مختار وولاده
دخلت لقيت بنت جميله وحلوه اوي وشاب قاعدين جمب مرات عمي
زينب وهيا بتحضن مريم_انتي مريم صح! ياااه بقالي كتير اوي مشوفتكيش لما مشينا من البلد كنتي صغيره اوي
_الحمدلله بخير هههه دلوقتي الي واقفه قصادك دي في كليه وعلي وشك التخرج خلاص
حسن _ كلية ايه! ايه ياخالي انت سمحت للبنات تتعلم معقوله!.
لقيت عمي بيبصلي وكأني عملت حاجه غلط وبعدين بص لحسن وقاله
_ خالك سالم الله يرحمه أصر ان مريم بته تتعلم وكملت علامها هيا وواحده صحبتها بس في البلد
زينب_بس اللي بيحصل ده حرام المفروض البنات هنا كلهم يتعلمو زي بعض
بصيت لزينب وحسن وانا فرحانه وبعدين بصيت لمرات عمي اللي هو لقيت ناس كمان هتساعدني وهنعّلم البنات
يااااه علي الفرحة ياريتك كنت معايا يانور دلوقتي
مختار بصدمه_سالم مات امتي وازاي ومحدش قالي ليه معقوله ياعمده ده صاحب العُمر ربنا يرحمك ياسالم كنت فاكر اني لما هنزل البلد هشوفك وهنقعد مع بعض زي زمان
بص مختار لمريم_البقاء لله يابنتي شدي حيلك
مريم_البقاء لله وحده ياعمي
فاطمه _يلا ياصفيه يابنتي خدي ولاد عمك وروحو اقعدو بره في الهوا
_يلا ياجماعه تعالو
قعدنا بره وقعدت جمب زينب انا وصفيه وبلال وفارس وحسن مع بعض
= وانتي بقي يامريم في كليه ايه انتي وصاحبتك
مريم _انا في كليه طب ونور في هندسه
حسن_زيي يعني بضحك_معاكي المهندس حسن مختار
زينب_وانا ياستي الدكتوره زينب مختار بس دكتور في الجامعه، بس حقيقي برافو عليكي يامريم انك اتعلمتي ومستسلمتيش للأمر الواقع
صفيه _ وهو يعني اللي اتعلمو خدو ايه ما كله زي بعض
تاني يا صفيه
وه مقصودشي حاجه عاد يبت عمي طب متعلموني معاكو ول انا مشبهش
ليه بتقولي كده يا صفيه محاولت معاكي قبل كده وانتي اللي غدرتي
قلبك ابيض عاد يا بت عمي مخلاص انتي لسه شايله مني.
ابدا والله خلاص من بكره هبتدي معاكي انا ونور انتي وساره
وانا معاكو يا مريم
ده انتي تتشرفي يا زينبو
ستي مريم ستي مريم
خير يا سميره
ستي نور بره بتسال عليكي
دخليها بسرعه
نور بعياط وهي بتترمي في حضن مريم الحقي يامريم..
نور مالك
يتبع..
"لابد أحياناً من لزوم الصمت ليسمعك الآخرون جيدا بل هو أفضل بكثير في التعبير مما تفعله الكلمات المضطربة بل هو أجمل وأصدق من كلمات بلا معنى علما بأن الشيء الذي لايمكن التعبير عنه بالكلمات لايمكن إدراكه الا بالصمت💜💭
- تابع الفصل التالي عبر الرابط: "رواية بنتين من الصعيد كاملة" اضغط على أسم الرواية