رواية وقعت في شباك صعيدي البارت الحادية عشر 11 بقلم ميروولا ممدوح
رواية وقعت في شباك صعيدي الفصل الحادية عشر 11
ادهم راح جاب شاش ومرهم للكدمات وراح بسرعه لفرح بس اتصدم لما شاف فرح نايمه ع الارض مكانها
ساره بصوت واطي = شششش متصحيهاش عاد، روح انجلها تنام جوه ف اوضتها بس براحه هااااا
ادهم بصوت واطي _ ماشي ياما
راح وداها وحطلها المرهم ولف رجلها بالشاش
ادهم بإبتسامه = عاملة زي العيال يخربيتك، بقي انا اتعلم اتكلم زيكوا وبتاع علشان ف الاخر تقوليلي اعدل لسانك، انا غلطان اصلا اني بدي ودني ليكي، بس عليكي حتة ضحكة تجيب بوليس الاداب من اخر الدنيا ههههههه
فرح وهي نعسانه _ ب..بابا خ..خليك معايا شويه تاني، ط..طب خودني معاك ب...باباااا
ادهم وقتها بصلها بنظرة شفقه وكانت صعبانه عليه اوي، اللي هو هي طول اليوم بتلعب وتضحك بس ف نومها بتبان مشاعرها الحقيقية وبيبان حزنها
بس رجع سمع منها كله تاني خلته يتجمد مكانه
فرح وهي نايمه = ا...ادهم
وقفت الدنيا من حوله وقلبه قعد يدق بسرعه، ياتري هي بتنادي اسمي ليه، معقوله تكون....؟!؟!؟ لأ لأ مش ممكن متنساش انها اتخطبت انهارده يا ادهم خلي بالك من افكارك واوعي تنسي نفسك انت تبقي ابن خالها مش اكتر
طلع وهو بيفكر فيها وف اللي قالته، وعاد كمان ذكراياته كلها معاها قبل م يروح ينام
ف نص الليل وتحديدا الساعه ٣ كده فرح صحيت
فرح وهي بتتمطع _ هو انا نمت كتير ولا ايه، هيييييح الواحد جسمه مكسر كده زي ميكون كنت فاتحه التكييف طول اليوم
جيت اقف لقيت رجلي واجعاني اوي ف افتكرت اللي حصل
فرح _ااااااااااه رجلي ياني ياما ده انت هتشوف ايام سوده يا ادهم بس الصبر ااااااه
ابن المجنونه حطلي البتاع الملزق ده يععععع مبحبش المرهم بيلزق كده والجو حر لوحده اصلا اوووف عيل غتت
سندت ع الحيطه ونزلت وطلعت بره خالص وقعدت ع السلم
الجو كان بليل اوي، كان هواء شديد والسما كانت رايقه اوي، النجوم شكلها جميل اوي اوي انا عمري م شوفت المنظر ده قبل كده، وكأنهم بيتلموا علشان يعملوا لوحه فنيه جميله مع سحاب خفيف كده بيكمل اللوحه دي، حقيقي منظر لو فضلت ابص عليه الليل كله بتأمل فيه مش هشبع من جماله
كنت قاعده شويه بتأمل ف السما وشويه بفتكر الاحداث اللي حصلت بدايه من حبي لوليد واللي هو اووووه ع الكسفه اللي انت فيها يا حازم بعد م قولتله اني بحبه وطلع بيحب ياسمين مرورا بمجيئي للصعيد وموت بابا وحبي لادهم بعد م فكرته بيهتم بيا علشان بيحبني بس طلعت غلطانه لحد م اتخطبت ليامن مديري ف الشغل،
عدت احداث كتير اوي منها الحلو ومنها المر بس اكترها كان مؤلم بالنسبه ليا بس الحمد لله على كل شيء أحسن من غيرنا كتير، ربنا بس يجيب الباقي كويس احسن انا تكه كمان وهضيع
= قاعده هنا ليه
سمعت الجمله دي وانا بأتنفض من مكاني ورجلي وجعتني اكتر بس حاولت اكتم الوجع ده وابان طبيعيه، اه م انا مبحبش ابان مكسوره او ضعيفه قدام حد خصوصا ادهد ده
فرح _ هاااه ل..لأ مفيش
ادهم = مالك ؟
فرح _ مليش
ادهم جه وقعد جمبي
ادهم = حبيتي المكان
فرح _ يعني
ادهم = شوفتك بتبصي كتير للسماء
فرح _ اه، شكلها جميل
ادهم = مبتشوفوش المنظر ده ف القاهره صح
فرح _ عندنا عربيات كتير ومصانع ف الدخان او العوادم بتغطي علي السماء ومش بنشوف حاجه ده غير الزحمه اللي عندنا طبعا ده انت روح بس عزبة النخل الناس هناك فوق بعضها
ادهم = انتي هناك ؟
فرح _ لأ بس في واحده صاحبتي هناك ف روحتلها زياره وشوفت الدنيا
ادهم = افهم من كلامك ان البلد عجبتك
فرح _ كل مكان فيه عيوبه وفيه مميزاته، يعني عندنا احنا مثلا كل واحد عايش ف حاله، محدش بيتدخل ف حيات حد ده غير القرايب طبعا، انا بأتكلم عن الجيران عموما بعكس عندكوا هنا لو طفل بيلعب ف الشارع ووقع بتلاقي الخبر وصل للبلد كلها قبل م يوصل لام الطفل ده اصلا
ادهم بضخك = معاكي حق ف دي الصراحه ههههه
فرح _ ايه ده انت بتضحك زينا كده عادي
ادهم = اومال اضحك زي مين
فرح _ اصلك علطول مكشر وبتجري ورايا ف مشوفتكش بتضحك قبل كده
ادهم بضحك = اديكي شوفتيني اهه
فرح _ ممكن اسأل سؤال
ادهم = اسألي
فرح _ هو انت اتعلمت تتكلم زينا كده امتي وليه اصلا
ادهم = يابنتي متحسسينيش اني كائن غريب م انا زيي زيكوا ههههه
فرح _ جاوب علي قد السؤال ممكن
ادهم بتنهيده = طب ممكن اسألك انا سؤال الاول
فرح _ متجاوبش عليا بسؤال
ادهم = هو السؤال ده بس وهرد علي اي سؤال تسأليه بعد كده
فرح لنفسها _ الله الله ده انا شكلي هلعب لعبة الصراحه هنا وهظبطة بأسئلتي القاتله هههههه
ادهم = بتفكري ف ايه
فرح _ هاااه لأ ولا حاجه، خلاص تمام إسأل
ادهم = هو انتي بتحبي يامن
فرح _ ملكش دعوه، مإتفقناش نسأل أسئلة شخصيه
ادهم = السؤال ده بس
فرح لنفسها _ يابت خلي عندك كرامه وقولي اه م انتي يعني مش هينفع تهيني نفسك اكتر من كده
فرح خدت نفس وبعدها قالت = اه، بس بتسأل ليه ؟
ادهم بحزن _ كنت عايز اقولك بس ان انا بح...
- تابع الفصل التالي عبر الرابط: "رواية وقعت في شباك صعيدي" اضغط على أسم الرواية