رواية بنت قلبي الفصل الثالث عشر 13 بقلم منة العدوي

رواية بنت قلبي البارت الثالث عشر 13 بقلم منة العدوي

رواية بنت قلبي الفصل الثالث عشر 13

كان وسيم ينظر امامه وملامح الصدمه علي وجهه..كيف حدث ذلك ومن هؤلاء..فقد اختفي ذلك المنزل وظهرت اشخاص امامه..انتوا مين..اي دا فارس انت ازاي..ازاي ظهرت علي الكورة دي

اما علي الجانب الآخر..

"وقفت فيروز امامها وهي تاخذ انفاسها بصعوبة..ايسل تعالي بسرعة في حاجة غريبة حصلت..ثم اكملت بخوف..الكورة

"امسكتها ايسل من اكتافها وهي تنظر لها وهي تحاول ان تطمئنها..فيروز حبيبتي اهدي..حصل اي والكورة مالها

_هدات فيروز قليلا ثم قالت..بصي تعالي معايا وانتي هتعرفي..بس دي حاجة عجيبه..ثم سحبتها معها وذهب

واتبعهم انس وعندما وصلوا نظروا للكورة بصدمه فقال انس بصدمه..وسيم انت ازاي ظهرت

-تحدث وسيم من الجانب الاخر..انس..هو انت كمان ازاي ده حصل..وانتوا فين دلوقتي اي المكان ده

"قاطعتهم ايسل بهدوء وهي شاردة في شئ..اهدوا يا جماعة في حاجة غريبة بتحصل..ثم وجهت حديثها لانس..انس معلش هو مين ده انت تعرفه

*انس بهدوء وهو مازال غير مستوعب لما يجري..اه ده وسيم خالد صاحبي ويبقي ظابط مخابرات

"يعني واثق فيه

-قاطعهم صوت وسيم وهو يقول..وسيم اي اللي بيحصل ومين دول

*انس بتوضيح..دي ايسل خ..

قاطعه صوت خالد المتلهف.. معلش بس هو اسمه وسيم خالد اي

نظر له الجميع باستغراب فاجابه وسيم بابتسامه..وسيم خالد مح

قاطعته صوت صفية والدموع متلألئة في عيناها..اسمك وسيم خالد محمد الجندي صح

-وسيم باستغراب..ايوا صح بس انتوا عرفتوا ازاي

نظرت صفية لخالد والدموع منهمرة علي وجنتها وهي تبتسم بفرحة..خالد ده هو..هو يا خالد

_لكن هنا تحدثت فيروز وهي تنظر لشقيقتها التي تنظر لها بصدمه لا تقل عنها..لا معلش هو اي اللي بيحصل..وانا اسمي فيروز عصمت محمد الجندي..ثم نظرت لخالد واكملت..يعني انت تبقي اخو بابا يعني عمي

خالد بقهر..لا يا فيروز انتي بنتي انتي واختك..ثم اكمل وهو ينظر لوسيم بحب..وده وده وسيم ا..ابني..اللي ضاع مني من زمان وكنا مفكرينه مات

"ايسل بهدوء بعد ان خرجت من صدمتها..اهدوا يا جماعة ده تلاقيه تشابه اسماء مش اك

قاطعتها صوت صفية وهي تنظر لها بدموع وبسمه..ويبقي تشابه لو قولتلك ان وحمه في دراعك اليمين 

"نظرت لها ايسل بصدمه..فهي لم تتوقع ان تعرف كل هذا احقا هي والدتها وهو والدها..لكن كيف كيف حدث ذلك..واذا كان هذا حقا وهؤلاء اهلها.. فماذا عن والدتها بدرية ووالدها عصمت

اخرجها من صمتها صوت صفية وهي تقول بدموع..هاا اتاكدتي اني امك ودا ابوكي

_فيروز بجمود وبرود امتلكته في تلك اللحظة..اهدوا بس يا جماعة دا يمكن مجرد تخمين مش اكتر او زي ما ايسل قالت ان ده عمي فاكيد شافنا واحنا صغيرين وعرفت

-اما علي الجانب الاخر فقد كان وسيم ينظر لهم بدقة وهو يشعر بالم في راسه واشياء تظهر امامه غير واضحة..معلش استنوا عايز اسمع منها دا حص..لكن قبل ان يكمل كلامه شعر بالم رهيب في راسه..اااه..كانت تلك صرخته ومن بعدها لم يشعر بشئ وفقد الوعي

امسكت صفية الكورة وهي تنظر لها وتقول بلهفة..وسيم حبيبي فوق انت مالك كدا..ثم ظلت تصرخ وهي تبكي.. ووسيم حبيب ماما قوم..قووووم..قوم ماما جنبك

ذهب لها خالد بلهفة واحتضنها وهو يحاول تهدئتها..هش اهدي هيبقي بخير..ثم صرخ علي انس..اتصرف اعمل حاجة هيروح مننا اتصرف بسرعة

*انس بحيرة وهو غير قادر علي التفكير..مش عارف مش عارف هنعمل اي..لكن فجاة تذكر ان هاتفه معه فقال بلهفة موجه حديثة الي ذلك الذي يدعي ماثيو..ماثيو هو انتوا عندكم شبكه يعني اقدر اتصل باللي في العالم التاني واكلم اي حد

صمت الجميع فجأة وهما ينظروا الي البلورة بلهفة عندما استمعوا الي صوت طرقات علي الباب..

خالد بلهفة..ايوا ادخل ادخل بسرعة

دخل الطارق فقالت فيروز بهدوء..اطفوا البتاعة دي يا جماعة بسرعة مش عايزين حد يكتشف حاجة

كادوا ان يطفئوا ها لكن اوقفهم صوت انس وهو يقول بسرعة..لا لا استنوا انا عارفة..ثم حاول ان يتذكر فقال بعدها..اه افتكرت ده اياس صديق وسيم متخافوش..ثم رفع صوته ووجه حديثه لاياس الذي يحاول مساعدة وسيم..اياس يا اياس

=علي الجانب الاخر ظل اياس ينظر حوله باستغراب علي مصدر الصوت..

'احنا في البلورة اللي وراك يا اياس

=التفت اياس خلفه ولكن رجع للخلف قليلا من صدمته..د..دا حصل ازاي

*انس بتوضيح..اياس مش وقت صدمه دلوقتي انا انس اكيد عارفني وعارف فارس..متخرجش وسيم من هنا بس هاتله دكتور هنا عشان نقدر نشوفه ونشوف الدكتور هيقول اي..اياااس

=فاق اياس من صدمته وحاول ان يتدارك الامر..هاا

*غضب انس وقال..اياس مش وقت صدمه دلوقتي..ركز معايا انت هتخلي الدكتور يكشف عليه هنا عشان نراقب اللي هيحصل..ولو اطر يروح المستشفي تاخد البلورة دي معاك ومتخليش حد يشوفها اهم حاجة نكون احنا شايفين وسامعين...يلا اتحرك مستني اي

=اوماء له اياس وقام بالاتصال علي الاسعاف وقد اطروا لاخذه الي المشفي

بعد مرور وقت كان اياس واقف امام الغرفة المتواجد بها وسيم..وجد الطبيب يخرج فذهب له سريعا ومعه البلورة وهو حريص الا يراها احد فقال بلهفة..هاا يا دكتور هو ماله

الطبيب بعملية وهدوء..واضح ان المريض اتعرض لصدمه وضغط علي افكاره..دا غير انه واضح انه فاقد الذاكرة بقاله كتير وده ممكن ياثر عليه..هيفضل هنا تحت المراقبة..وادعي يقوم بخير

=اوما اياس بهدوء واكمل بامتنان..تمام يا دكتور شكرا..طيب معلش ممكن ادخله..معلش

ابتسم الطبيب وقال..هو مع انه ممنوع بس تمام بس يدوب خمس دقايق وبلاش الازعاج للمريض..يلا عن اذنك انا

=ابتسم اياس..تمام..بعد ان ذهب الطبيب دخل اياس الي الغرفة المتواجد بها وسيم..فتحدث موجه حديثه لهم..اهو نفذت ودخلت هتعمل اي..وممكن افهم بقي ازاي ظهرتوا علي البلورة دي حاجة علي ما اعتقد لسه محدش اخترعها..واي المكان الغريب ده وازاي عندك انتوا بالليل واحنا دلوقتي بالنهار

*انس بحيرة..مش عارف حصل ده ازاي..ثم صمت قليلا وقال بغموض..بس عارف مين اللي يقدر يوضح ده بس مش دلوقتي في الوقت المناسب

مر الوقت ولم يستيقظ وسيم بعد وكان الطبيب يباشر حالته..جاء الليل علي اياس ووسيم ولم يستيقظ بعد وكان اياس جالس بجانبه الي ان شعر انه بدا في تفتيح عينه ببطأ فقال بلهفة..وسيم انت فوقت..ثواني هنده للدكتور..ذهب اياس سريعا واتي بالطبيب وقام الطبيب بفحصة وقال..هو الحمد لله دلوقتي كويس ثم وجه حديثة لوسيم..سيادة الرائد وسيم ممكن اعرف انت حاسس بايه دلوقتي..او فاكر حاجة

-وضع وسيم يده علي راسه وهو ينظر امامه بشرود الي ان قال..انا..انا بقيت فاكر كل حاجة..ثم قال بفرحة..اياس انا فاكر والصور البيضه اللي كانت بتظهرلي وضحت

=ذهب له اياس واحتضنه بفرحة..الحمد لله الحمد لله..الف حمدالله على سلامتك

-ابتسم وسيم..الله يبارك فيك..ثم خرج من احضانه ووجه حديثة للطبيب..شكرا يا دكتور علي تعبك بس معلش انا عايز اخرج من هنا

تحدث الطبيب بهدوء..بس مش هينفع دلوقتي لازم ترتاح هنا لحد الصبح علي الاقل

-معلش بس ضروري امشي مش هينفع افضل هنا اكتر

اوماء الطبيب بعملية..تمام عن اذنكم انا عشان اكتبلك علي خروج واحم يعني مصاريف المستشفي

-اوماء وسيم بتفهم..اه تمام وانا خارج هروح ادفع

اوماء الطبيب له وخرج بهدوء..

-تحدث وسيم بغموض بعد ان خرج الطبيب..اياس فين البلورة

=اعطي اياس لوسيم تلك البلورة..ناوي تعمل اي وعرفت اي اللي بيحصل ده

-اوماء له وسيم بهدوء..اهاا..عايز اشغلها عشان اقدر اكلمهم وافهم منهم

بدا فعلا وسيم في تشغيلها و..يا جماعة

اما علي الجانب الاخر كانت فيروز جالسه تاكل بشهية كبير..

'بلاعة مفتوحه اهدي شويه الاكل مش هيطير..كان ذلك صوت فارس الذي جلس حانبها وظل يضحك عليها

_تركت فيروز الاكل من يدها وهي تنظر له بقرف..يا اخي حسن الفاظك.. وبعدين اهو سديت نفسي

'ضحك فارس وقال..كل ده وجاية تقولي دلوقتي سديت نفسك..اومال لو مكنتش اتسدت كنتي ناوية تكلينا

_نظرت له فيروز بتقزز..اعوذ بالله بتقر عليا

'قرب فارس وجهه منها وهو يضحك..وهو انا اقدر يا بطتي

_ابتعدت فيروز عنه قليلا وهي تنظر له بنصف عين..في اي ارجع لورا شويه

'ابتسم فارس بخبث وعاد واقترب منها مرة اخري وفجاة بدا ان يمسح لها اثر الطعام من جانب فمها..في اكل حولين بوقك

_توترت فيروز وابتعد عنه ومسحت فمها بكف يدها بسرعا وقامت من جانبة..انت بقيت قليل الادب

'ضحك فارس ووقف حانبها وهمس لها..بقيتي بتتكسفي يا بطتي

_توترت فيروز وكادت ان تجيبه لكن فجاة انتفضت علي اثر ذلك الصوت

*بالله عليكم الحكاية مش ناقصة محنكم..كان ذلك لم يكن الا صوت انس الذي يتحدث بسخرية

"بس بس اهدوا وتعالوا كدا عشان صاحبك دا فاق وعايزنا كلنا نتجمع عشان عايز يكلمنا ويفهم مننا اي اللي حصل

اوما لها انس وذهبوا جميعا معها فوجدوا الجميع منتظرهم

-تحدث وسيم بجدية..ممكن افهم بقي اي اللي حصل وانتوا فين وليه الوقت مختلف كدا

*اوما له انس بتفهم وقال بهدوء..هحكيلك كل اللي حصل...بس كدا هو ده اللي حصل..وادينا في طريقنا لكتاب الاسطورة ده..بس لحد دلوقتي مش عارفين نفسر برضه ازاي اتنقلنا هنا..وبرضه هل انت فعلا ابنهم ولو ابنهم ده ازاي وايسل وفيروز

-نظر وسيم لخالد وصفية وقال بهدوء..انا عارف انهم عارفين كل حاجة بس انا حاليا في المستشفي بس لما اروح شغلوها بقي عشان نقدر نتكلم وهما يحكوا اي اللي بيحصل

"اوماءت ايسل له بابتسامه..تمام والف سلامه عليك

اغلق وسيم تلك البلورة ووجه حديثة لاياس.طيب يا اياس زي ما اتفقت معاك نفذ في اسرع وقت وانا هروح ادفع مصاريف المستشفي وهاخدك في طريقي اوصلك

=اوما له اياس بهدوء..بعد مرور وقت قام وسيم بتوصيل اياس الي منزله وانطلق الي منزله هو الاخر..وصل وسيم الي فيلته ودخل لكن قد كان الظلام يسود المكان فجاء ان يصعد الدرج حتي يرتاح قليلا لكن فجاة شعر بخطوات احد..فتحدث بحزر..مين اللي هنا..لم يجد وسيم رد ولكن راي ظله يتحرك بسرعة فلحق به وقام بامساكه..

'صرخت هي وهي تقول ببكاء..لا لا دا..لم تكمل كلامها وصرخت عندما شعرت انها سوف تقع من علي السلم..

-لكن تدارك وسيم الامر وامسكها من خصرها قبل ان تقع

'كادت هي ان تصرخ لكن توقفت عندما تقابلت عيناهم..انت مين..

-لم يجيبها وسيم بل ظل ينظر الي عيناها بشرود لكن ابتسم عندما وجد خصله من شعرها جاءت علي عيناها فقام بارجاعها للخلف وهو يبتسم..

لكن فجاة انتفضوا وابتعدوا عن بعض سريعا..يخربيتكم انتوا بتعملوا اي..

• تابع الفصل التالي عبر الرابط: "رواية بنت قلبي كاملة" اضغط على أسم الرواية