رواية شارع الحب البارت الخامسة عشر 15 بقلم فرح وائل
رواية شارع الحب الفصل الخامسة عشر 15
بعد ما نزلوا
راضى : فيروز تعالى ورايا
فيروز دخلت مع بباها الاوضة : نعم يا بابا
راضى : انتى عارفة الواد ده من امتى؟؟!
فيروز بتوتر : واد ..واد مين
راضى : يوسف ..تعرفيه من امتى
فيروز اتوترت اكتر : انا عارفة انه صاحب خالد ..بس معرفهوش شخصيا
راضى : متكدبيش ..انتى عارفاه ومن بدرى ..لو مش عارفاه من بدرى كنتى سلمتى على احمد او بمعنى اصح هو مكانش هيغير عليكى ويعمل صوت عشان ينبهك
فيروز : بصراحة ..انا عرفته من اولى ثانوى ..وهو كلن بيبعتلى مسدجات و انا وريتها لماما ..وماما ساعتها هزقته بس انا ...كنت حبيته ساعتها ..و هو بعدها سافر ..بس
راضى : يعنى محصلش بينكم حاجة
فيروز : زى ايه #Farah_Wael
راضى : ....قرب منك يعنى
فيروز : لا والله يا بابا ...انا متربية ويوسف محترم
راضى : يعنى انتى عايزاه
فيروز : لو حضرتك موافق ..انا موافقة
راضى : انا مش موافق ...انتى دكتورة ومتاخديش غير اللى زيك ...
فيروز بصدمة : واللى زيي سيف ؟؟!
راضى : بالظبط كده
فيروز : لا يا بابا ...انا مبحبهوش ولا هو بيحبنى
راضى : بس اتقدملك ..وانا مش هسيب المحامى واديكى طباخ ..
فيروز : يا بابا يوسف مجتهد ف شغله .. مش بعيد بعد سنة ولا سنتين تلاقى عنده سلسلة مطاعم
راضى : وانا قولت سيف ...مفيش كلام تانى ( سابها وخرج) #Farah_Wael
فيروز قعدت تعيط ومامتها دخلت
مامتها : يا لهوى ايه كل ده ..
فيروز : ماما ...فهمى بابا ..لو متجوزتش يوسف ..مش هتجوز ..انا بحبه يا ماما ..
مامتها : يا حبيبتي ..ابوكى عايز مصلحتك ..وهو عنده حق
فيروز بتبصلها بصدمة : يعنى انتى كمان موافقة !!! ...
مامتها : الواد كويس يا فيروز ..مش هتلاقى زيه
فيروز : لقيت الاحسن يا ماما ... يوسف ..انا بحبه وهو بيمووت فيا ...اسيبه ليه واروح لواحد مبحبهوش ولا هو بيحبنى
مامتها : يا حبيبتي سيف عينه منك من وانتى صغيرة واظن ان انتى كمان كنتى كده #Farah_Wael
فيروز : كنت يا ماما ..انا دلوقتي بحب يوسف ..ومش هحب غيره ومفيش غيره ف عنيا ..خلاص
مامتها : يا بنتى ابوكى عايز يريحك ف المستقبل
فيروز : لو عايز يريحنى فعلا يجوزنى يوسف
مامتها : اصلا يوسف ولد مش كويس ..ازاى صاحبه متقدملك قدامه وتانى يوم ييجى يتقدملك
فيروز : لا يا ماما اللى مش كويس هو سيف .. لأنه عارف ان يوسف بيحبنى وانه مسافر يشتغل عشان لما يرجع يتقدملى يبقى عنده حاجة يقولها لبابا ..لكن سيف اختار اليوم اللى يوسف رجع فيه من سفره و جه اتقدملى عشا يقهره ..عشان يقهر صاحبه يا ماما
مامتها : اخس ..هو فى صحاب كده #Farah_Wael
فيروز : ماما ...مش هتجوز غير يوسف ..فاهمانى مش هتجوز غير يووسف ..قولى الكلام ده لبابا ..فيروز ليوسف مش لغيره ..ولو هتبقى لغيره ف الاحسن ليها الموت يا ماما ...الموت
مامتها : بعد الشر عليكى يا حبيبتى ..خلاص انا هقوله
فيروز : ياريت يوسف ميعرفش انى كنت معجبة بسيف
مامتها : حاضر يا حبيبتي
يوسف رن عليها
يوسف : افرحى يا عرووسة انا العرييس
فيروز : بتعمل ايه
يوسف : استلمت الشقة ..
فيروز : انت مش قولت كمان كام يوم
يوسف : لما خرجت من عندكوا ..لقيت الراجل بيتصل بيا وبيقولى ان الشقة على الإستلام ..روحت دفعت الفلوس وخدى دى بقى #Farah_Wael
فيروز : ايه
يوسف : كتبتها بأسمك
فيروز : بأسمى !!! ليه كده
يوسف : انا وانتى واحد يا حبيبتي ..
فيروز : لا يا يوسف ...رجعها بأسمك تانى ..عشان خاطرى
يوسف : مالك ..مش مبسوطة ليه
فيروز : ( سكتت ومعرفتش ترد عليه ) هكلمك تانى يا يوسف
يوسف : فيروز .. ما تردى .. (بهزار ) لاتكونى مش عايزة تتجوزينى
فيروز : خلاص يا يوسف هكلمك بعدين
يوسف : ماشى يا فيروز ..سلام
فيروز : طب هيعمل ايه لما يعرف ان بابا مش موافق ..ايه احساسه لما يشوفنى قاعدة ف الكوشة جنب صاحبه ...لا يارب متكتبش عليه الوجع ..خلينى اموت قبل ده ما يحصل ...يارب ( قعدت تعيط مسكتتش غير لما نامت تانى يوم صحيت على صوت ف البلكونة قامت تشوف فى ايه لقت يوسف جايب دى چاى و مشغل اغانى وبيرقص وبيوزع بيبسى ) #Farah_Wael
سيف من البلكونة : بتوزع بيبسى ليه يا يوسف
يوسف : عيد ميلادى
سيف : يسطا احنا ف شهر 6 عيد ميلادك الشهر اللى فات
يوسف : اى ده بجد ...يا عم اعتبرنى اتولدت النهاردة
فيروز : ماما النهاردة كام 6
مامتها : 29 ....كل سنة وانتى طيبة
فيروز : عيد ميلادى ...يا لهوى عليييك
يوسف : كل سنة وانا طييب
فيروز فى سرها : وانت طيب يا حبيبي
بعد ساعتين
سيف : خالد بباك قال ايه
خالد : والله ما عارف اقولك ايه يا صاحبى
سيف : ايه
خالد : بص هو بابا موافق ..بس بصراحة فيروز مش موافقة ...انت عارف اتقدملها عريس تانى
سيف : ازاى يعنى
خالد : وبابا مش موافق ..بس هى موافقة
سيف : طب وبعدين ..
خالد : بص انا رأيي تطلع تكلم بابا ...وشوفه
ف بيت فيروز #Farah_Wael
سيف : رأيكوا ايه يا عمى
راضى : احنا موافقين يا بنى
فيروز خرجت من الاوضة : لا انا مش موافقة ...مش عايزاك يا سيف ..مش عايزااااه
راضى : ادخلى جوه
فيروز : بابا ...انا مش هتجوز غير يوسف
راضى : قولت ادخلى جوه
خالد : تعالى يا يوسف
فيروز : لا مش هدخل ..انا بحب يوسف ..مش هتجوز غيره
( يوسف واقف مش فاهم فى ايه )
راضى ضربها بالقلم وهى وقعت على الارض من قوته : قولت ادخللى جوووه
فيروز راحت استخبت ف يوسف : مش هتجوز غيره ..مش هتجوز غير يوسف
راضى كان هيروح يضربها بس يوسف مسكها : خلاص يا عمى ( بص لفيروز ولقى دم عند فمها عينه دمعت ومسحلها فمها وقال : فيروز ادخلى اوضتك
فيروز : لا يا يوسف ...متسيبنيش #Farah_Wael
يوسف : متخافيش انا معاكى ...ادخلى جوه يلا
فيروز دخلت اوضتها ويوسف بص ل راضى
راضى : بص يا يوسف ..انا معنديش بنات للجواز ..فيروز مخطوبة ل سيف
يوسف : انا هحترم رغبة حضرتك رغم انى عارف ان فيروز بتحبنى مش هقرب منكوا تانى ..بس لو سمعت ان حضرتك مديت ايدك عليها تانى ..مش هيحصل كويس ..(بص ل سيف ) مبروك يا صاحبى ..ده لو كنت صاحبى ..كسرتها ..وكسرتنى عشان نفسك ..سلام
سيف : متنساش تيجى الخطوبة يوم الخميس الجاى
يوسف : حد بردو يغيب عن فرح حبيبته ( مشى )
خالد : استنى يا يوسف جاى معاك ..
يوسف وقفه على السلم : خالد فيروز أمانة ف رقبتك ..متخليش ابوك يمد ايده عليها ..اختك مش حمل قلمين من دول #Farah_Wael
خالد : هتوصينى على اختى ياض ولا ايه
يوسف : بص حاول تكرهها فيا ...اعمل اى حاجة يا خالد ..بس خليها تكرهنى
خالد : ايه ياض شغل الافلام الهندى ده ...على اساس انى مش حاضر قصة حبكوا من الاول ..فاكر لما جيت تقولى انك بنحبها وانت متعرفش انها اختى لما جريتك الشارع كله
يوسف ابتسم بوجع : فاكر ..انا هروح صحيح انا هسافر الاسبوع الجاى
خالد : اسكندرية
يوسف : اه ...هشوف المطعم اللى هناك
خالد : ربنا معاك يسطا ..سلام
فيروز ف اوضتها منهارة من العياط ومامتها جنبها
مامتها بتبطب عليه : خلاص يا حبيبتى بقى
فيروز بعدت عنها : انا بحبه ...مش هسيييبه ...مستحيل اسيييبه #Farah_Wael
راضى : ام خااالد ...
مامتها : حاضر
فيروز بترفع عينيها بتشوف ازازة الاكسچين السائل بتاعت الشعر ..وبتفكر ...يا يوسف ...يا المووت
تانى يوم
مامتها بتدخل اوضة فيروز بس فجأة
مامتها بصدمة : فيرووووووز
- تابع الفصل التالي عبر الرابط: "رواية شارع الحب كاملة" اضغط على أسم الرواية