رواية محبوبتي طفلة الفصل السادس عشر 16 بقلم رحمة سامي

رواية محبوبتي طفلة البارت السادس عشر 16 بقلم رحمة سامي

رواية محبوبتي طفلة الفصل السادس عشر 16

*كانت روح واقفه في البلكونه وسرحانه وبتفتكر اللي حصل زمان...

فلاش باااك...

خالد: روح انا هسافر النهارده غصب عني دا شغل ولو مسافرتش الفرصة هضيع من ايدي

روح: طب متسافر يا خالد مستني اي

خالد: كنت عايزة اقولك اني بحبك يا روح وعايزاك تستنيني انا عارف اني اتاخرت وان مينفعش اجي اقولك وانا مسافر بس غصب عني لازم تعرفي اني بحبك وعايزاك في الحلال

روح من وراء قلبها: بتحبني ازاي يعني مينفعش يا خالد وانا مش بحبك ومستحيل احبك

خالد: ليه يا روح مش انا اقرب حد ليكي

روح: هو عشان اقرب حد ليا لازم احبك يعني ولا اي بص يا خالد ايوة انت اقرب حد ليه بس انا مش بحبك ولا هحبك سافر وشوف مستقبلك وربنا يرزقك بالاحسن مني

خالد: انا عايزاك انتي مش عايز حد تاني يا روح ولا انتي في حد في حياتك قوليلي يا روح مخبيش

روح: ولا حد تاني ولا حد تالت يا خالد انا مش بفكر في الموضوع دا اصلا انا عايزة اشوف مستقبلي وادخل كلية الطب ومش هخلي حاجه تعطلني عن حلمي

خالد: وانا مش هعطلك يا حبيبتي بس انتي كدا طمنتيني انا هسافر وهرجعلك يا حبيبتي واوعدك هخليكي تحبيني بس انتي استنيني

روح: اللي ربنا عايزوا هيكون يا خالد ان شاء الله

خالد: عايزك تخلي بالك من نفسك ومن صحتك ومن دراستك كويس اوي عايزاك تكوني احلي دكتورة يا حبيبتي

روح: ان شاء الله سافر انت وخالي بالك من نفسك وابقي طمنا عليك

خالد: ماشي هبقي اكتب وابعتلك اكيد... روح... حافظي علي نفسك يا حبيبتي واوعي تضعفي واستحملي شوية وانا مش هتاخر عليكي

روح: قولتلك يا خالد متتعشمش انا مش هتجوز قولت ويلا عشان طيارتك

خالد: وانا قولتلك هخليكي تحبيني يا قمري يلا همشي عشان متاخرش هتوحشيني يا حبيبتي سلام

روح: تروح وترجع بالسلامه يارب سلام

*اول ما خالد مشي وقعت روح علي الارض وفضلت تعيط وتقول انا اسفه يا حبيبي انا بحبك وبحبك اوي كمان بس مقدرش اقف في وش مستقبلك انا عرفاك كويس لو عرفت اني بحبك مش هتسافر وهتفضل هنا جانبي بس انا مش هكون انانية سافر يا حبيبي وانا مستنياك هتوحشني اووووي..

باااااك...

*فضلت روح تعيط وسانده علي سور البلكونة وبتقول جواها جيت متاخر يا خالد انا اكتشفت ان حبي ليك كان وهم كان تعود بس مش اكتر ايوة انا اتجوزت غصب بس انا حبيته وحبيته اوي يا خالد حمزة بقي كل حياتي حته لو وجعني بس مقدرش احب غيره وانت لازم تعرف دا وتبعد عني يا خالد الحمدالله اني معترفتش زمان بحبي دا لازم تنساني يا خالد لازم... فضلت روح سرحانه والسور كان بيتحرك وهيقع بس منه كانت دخلت وشديت روح...

منه: روح مش تخلي بالك كنتي هضيعي انتي وابنك مالك يا حبيبتي انتي كويسه

روح: ايوة الحمدالله بس كنت سرحانه شوية مش اكتر

منه: مالك يا حبيبتي احكيلي مش احنا صحاب واخوات ولا اي

روح: اكيد طبعا بس صدقيني مفيش انا كويسه ولو في حاجه هجيلك علي طول

منه: طيب يا قلبي يلا بينا ننزل بقي الاكل جه وحمزة مستني تحت

روح: يلا يا حبييتي

حمزة: اي كل دا الاكل برد

منه: معلش روح كانت بتلبس بس وصحيح يا حمزة شوف حد يصلح سور البلكونه عشان هو بيتحرك وممكن اي حد يقع منه

حمزة: ان شاء الله يا حبيبتي يلا ناكل بقي

منه: حاضر يلا بينا

روح وهي بتاكل بصيت لحمزة وقالت: بقولك صح يا حمزة هي نسمة السكرتيرة بتاعتك عامله اي

حمزة بص لروح وشرق وقال: اي نسمه اه كويسه بس خير بتسالي ليه

روح: عادي يعني بسال اصلها شاطرة اوي

حمزة بتوتر: ايوة فعلا هي بنت غلبانه وبتشوف شغلها كويس

روح: اه تمام ربنا يعينها

حمزة في نفسه: هو اي حصل وانا مش موجود ياتري عرفتي اي يا روح غيرك كدا من ناحيتي يارب متكنيش عرفتي حكاية نسمه بس انا اللي غبي كان لازم احكيلك كل حاجه لازم تعرفي مني انا

منه: بقولك يا ابيه... ابيه ابيه

حمزة: ها اي يا حبيبتي معاكي كنتي بتقولي اي

منه: اللي واخد عقلك

حمزة: بطلي لماضة قولي عايزة اي

منه بكسوف: اصل زياد كان عايزنا ننزل بكره نشتري الدبل بتاعت الخطوبة قبل الفرح ممكن انزل انا و روح معه

حمزة: مفيش مشكله بس شوفي روح لو هتقدر تنزل انا مش ممانع

منه: ها اي رايك يا روح هتنزلي معايا

روح: مفيش مشكله يا قلبي ننزل سوي بكره لاني برضو عايزة اشتري حاجات

حمزة: تمام انزلوا وانا هخلص شوية شغل وهاجي اخدكم

منه: ماشي يا ابيه يلا تصبحوا علي خير

حمزة وروح: وانتي من اهل الخير

حمزة: ممكن نتكلم شوية يا روح

روح: معلش يا حمزة انا تعبانه ومش عايزة اتكلم دلوقتي

حمزة: تمام اللي يريحك انا هقوم انام تصبحي علي خير

روح: تمام وانت من اهله (وفي نفسها انا اديتك فرصة تتكلم يا حمزة ليه مصمم علي السكون انت ليه مصمم تخسرني انا وابنك خلي في شوية ثقه وتعال اتكلم صدقني هسامحك ساعتها ربنا يسامحك يا حبيبي)

*قامت روح تقعد في الجنينه شوية وجالها تلفون...

روح: الووو

نسمة: ازايك يا روح عامله اي انا نسمه

روح: الحمدالله انتي عامله اي

نسمة: الحمدالله... انا اسفه اني بتصل دلوقتي بس حمزة نازل بكره الشغل كنت حابه اعرف لو قولتيله حاجه

روح: لا يا نسمة متكلمتش معه في حاجه وبتمني ميعرفش انك قولتيلي حاجه

نسمة: حاضر بس انتي ناوية علي اي

روح: لسه مش عارفه بس متقلقيش لو ليكي حق انتي هتاخديه

نسمة: شكرا يا روح بجد مش عارفه اقولك اي

روح: متقوليش حاجه انا بعمل اللي يرضي ضميري وبس

نسمة: ربنا يخليكي هسيبك ترتاحي بقي

روح: تمام تصبحي علي خير

*قفلت روح وفضلت تعيط وطلعت اوضتها خدت حمام ولبست الاسدال وصليت ودعيت ربنا ينزر طرقها ويدلها علي الصح وقامت نامت...

*تاني يوم في المول...

زياد: ها يا عروسة مفيش حاجه عجبتك

منه: مش عارفه يا زياد كلهم حلوين وبقيت محتارة متختار انت

زياد: هو انا اللي هلبس انا مش بفهم في الحاجات دي متساعديها يا روح

روح: حلو دا يا منه

منه: تصدقي حلو فعلا خلاص هاخده يا زياد

زياد: اخيراً الحمدالله كنتي فين يا روح من بدري بقالنا ساعتين وقفين

روح: معلش بقي عروسة وبتدلع

منه: قوليله يا روح والنبي هو بيظلمني

زياد: لا يا قلبي براحتك علي قلبي زي العسل

روح: طب هسيبكم وهروح ابص علي حاجه وهاجي

زياد: تمام بس متبعديش يا روح هنستناكي في الكافية اللي تحت

روح: تمام مش هتاخر..... اول ما مشيت فتحت التلفون وكلمت حد وراحت تقابله..

مجهول: اتاخرتي كدا ليه

روح: معلش عقبال ما عرفت اخلع منهم

مجهول: ولا يهمك قوليلي بقي ناوية علي اي

روح: مش عارفه بجد محتارة اوجه ولا استني يتكلم هو

مجهول: انا مش عارف اقولك اي بس انتي لازم تتاكدي من كلام اللي اسمها نسمة دي

روح: ما انا اتاكدت امبارح بليل سالته عليها اتوتر اوي وشرق ومكنش عارف يرد

مجهول: بس دا مش دليل برضو لازم نتاكد عشان منظلمهوش

روح: ما عشان كدا انا سمعت منك ورجعت البيت

مجهول: روح انتي عارف غلوتك عندي عامله ازاي وانا معاكي في اي حاجه بس بلاش تخربي بيتك انا بساعدك لاني شوفت في عين جوزك انه بيحبك اوعي تتسرعي

روح: ربنا يخليك ليا بس متقلقش انا مش هعمل اي حاجه غير لما ارجعلك

مجهول: ربنا ييسر الحال

روح: تمام انا لازم اروحلهم لان حمزة هيجي ياخدنا كمان شوية

مجهول: تمام بس انا من راي تسالي حمزة علي الموضوع بتاع نسمه دا

روح: مش عارفه هشوف حاضر يلا سلام

*نزلت روح لزياد ومنه وبعد شوية حمزة جه ومنه ركبت مع زياد وروح ركبت مع حمزة وفي الطريق...

روح: حمزة ممكن نروح اي مكان نتكلم شوية

حمزة: اكيد طبعا اي رايك نروح علي البحر

روح: تمام

*اول ما وصلو نزلوا وقاعدوا...

حمزة: خير يا روح اتكلمي مالك في اي

روح: طبعا عايز تعرف انا طالبة الطلاق ليه واي مغيرني كدا بعد ما كونا قربنا لبعض

حمزة: ياريت يا روح تتكلمي وتريحي قلبي

روح: حاضر يا حمزة بس توعدني ترد بصراحه

حمزة: اوعدك يا حبيبتي

روح: حمزة انت متجوز من نسمة السكرتيرة بتاعتك

حمزة اتصدم ومعرفش يرد...

يتبع....

• تابع الفصل التالي عبر الرابط: "رواية محبوبتي طفلة كاملة" اضغط على أسم الرواية