رواية حبيبتي المسترجلة البارت الثامن عشر 18 بقلم روميساء عصام
رواية حبيبتي المسترجلة الفصل الثامن عشر 18
سليم بأبتسامه:نص ساعه وابقى قدامك يا حبيبتي
قفل سليم التليفون ولقى عربيه جايه عليه وبتقف قدامه ونزل منها شويه شباب
سليم بقلق نزل:فى اى يا شباب وقفين كده ليه
جه واحد وقف قدامه وقال:معلش يا سليم باشا بقى محتجينك فى مشوار( الشاب ضرب سليم على راسه جامد وأغمى على سليم)
واحد من الشباب :راقبو إذا كان حد جاى ولا لا
راح اتنين يراقبو المكان وواحد وقف مع الشاب إلى طلع حقنتين ورفع دراع البدله بتاع سليم وضرب فيهم الحقنتين
الشاب إلى واقف:هو دول مش كتير كدا هيموت
الشاب بضحك:لا مش هيموت يا بو قلب حنين دا بس كدا جرعتين لحد بكره الصبح هيروقو مزاجه اووى ويخليه يجرى على عماد بيه
الشاب بخوف وهو بيبص حواليه:طب يلاا بسرعه بقى قبل أما يفوق
وقف الراجل وشال سليم ودخله العربية بتاعته وحط فى جيبه ورقه ونزل الشاب وقال:يلاا يا رجاله نمشى قبل أما يفوق
مشوا وسابو سليم فى العربية بتاعه
______________________________
عند خالد رن على رقم اسماء
اسماء كانت نايمه وصحت على صوت التليفون
اسماء بنعاس:الو مين معايا
خالد بصدمه:مين معاكى اى اوعى تكونى مش مسجله رقمى لا ازعل
اسماء انتبهت لصوت واتعدلت فى قاعدتها: خالد فيك حاجه ولا اى
خالد بضحك :لا مفيش حاجه وحشنى صوتك قولت اسمعه والصراحة كمان مش جايلى نوم
اسماء بضحك : امممممم انا كنت نمت وأحمد كان بره مش عارفه جه ولا لا عشان كدا نمت
خالد بضحك:احمد احمد ركزى فى خالد عايزك علطول تقولى خالد خالد
اسماء بضحك: هو اخويا يا خالد فهزكره كتير
خالد بخبث:طب وانا اى بقى
اسماء سكتت بخجل ومردتش-------
خالد بضحك:اى روحتى فين كدا
اسماء بخجل:ايه احم معاك اهو
خالد بأبتسامه: معايا دا انتى زمانك عامله زى الفراوله عارفه كان شكلك حلو اووى بلحجاب الى كان لايق مع لون عينك البحر دى
اسماء بضحك:هو انت عجبك عينى اووى كدا
خالد:اووى
اسماء بشهقه: مش هينفع كدا
خالد بصدمه وقلقل:هو اى إلى مش هينفع انتى فيكى حاجه ولا حد عندك
اسماء بضحك:معلش يا خالد اصل افتكرت أن انا عايزه أبدأ اعيش صح وإن انا المفروض مكلمكش عشان مفيش حاجه تربطنى بيك
خالد بضحك:دا انتى خلعتى قلبى يا شيخه طب وبعدين يلاا مع السلامه بدل ما اخد ذنوب انا كمان
اسماء بضحك:خلعت هههههههههه وعليكم السلام بكره اشوفك
____________________
عند سليم بدأ يفوق والرؤيه توضح قدامه سليم افتكر إلى حصل
وقال:طب هو انا مين ركبنى العربية تانى
_بدأ يفتش فى جيبه ويشوف لو فى حاجة انسرقت
سليم بأستغراب:غريبه دا مفيش حاجه اتسرقت(لاحظ الورقه إلى ما بين الحاجة فتح النور ولقى مكتوب عليها تعيش وتاخد غيرها لو حسيت انك تعبان عماد صاحبك موجود)
سليم بصدمه: يا بن***** هو عمل اى وبعدين انا ليه دماغى مصدعه كدا (مسح على وشه واستغفر وافتكر أن ياسمين لوحدها لف المفاتيح ومشى بلعربيه)
عند ياسمين قاعده قلقانه عليه
ياسمين بقلق:بقاله اكتر من ساعه رانن عليا ومش بيرد عليا ليه يارب استرها معاه يارب
سمعت صوت العربية بتقوف راحت عند الشباك ولاحظت أن سليم مش قادر يمشي فتحت باب الاوضه ونزلت ليه
وراحت عنده وسندته
ياسمين بقلق:مالك يا سليم فيك اى
سليم وهو حاسس بصداع وأنه عايز ينام:مش قادر ياياسمين وصلينى الأوضه
سليم بخوف وقلق :فيك اى بس قولى
وصلوا للاوضه وراحت بيه على السرير اترمى عليه بتعب وهى بدأت تقلعه الشوذ
سليم بزعيق:حران حران افتحى التكييف
ياسمين ببكاء من منظره: حاضر
فتحت التكيف ورجعت تبص ليه لقته راح فى النوم وجسمه بيترعش جابت البطانيه و حاطتها عليه وقامت تتوضى وتصلى عشان تدعيله
__________________________
فى صباح اليوم التالي:-
عند عماد واقف معاه مصطفى وبتكلم معاه
عماد وهو بيشرب سيجار:عملت إلى قولتلك عليه
مصطفى بشر:آه عملته والرجاله بيقولو أنهم سيبينه مش قادر يقوم من مكانه
عماد بِغل : انا مش هرتاح غير لما القيه مرمى تحت رجلى
فات جات وحضنت عماد وعماد شاور ل مصطفى أنه يمشى
فاتن وهى بتمشى ايديها على دقنه:الرجاله عملو اى
عماد بضحك وهو يحتضنها:عملو الصح معاه بكره هتلاقيه جاى يشمشم بعدها بقى عايزك تظبتيه على الاخر
فاتن بضحك وبدلع:متخفش يا بيبى انا عارفه شغلى كويس
_____________________________
عند سليم كل شويه يصحى وينام تانى وينادي على اسم ياسمين
سليم بتوهان: ياسمين
ياسمين راحت وقعدت جنبه وومسكت أيده وبستها :انا جنبك يا سليم قولى بس فيك اى واى إلى عمل فيك كدا
سليم بتعب:البيبى خدى بال..ك منه وروان روان يا ياسمين
سليم رجع تانى ونام تانى
ياسمين بصدمه ودموع:روان روان مين يا سليم
حست ياسمين بسليم بيترعش قامت جابت الكمدات وبدأت تحط عليه
ياسمين بغيره وفى نفسها:مش وقته يا ياسمين يقوم ويحكيلك على كل حاجه بس مين روان دى إلى بيقول عليها
لاحظت أن حرارته بتترفع اكتر ياسمين بخوف وعياط :طب انا معرفش ارقام دكاتره هنا ولو رنيت على خالد هيقلق يارب يارب ساعدني
_______________________________
عند عشق كانت واقفه قدام العمليات مع دكتور چاك من المانيا لكن بيعرف يتكلم عربى وكان جاسر داخين بيه غرفه العمليات عشق بدموع وهى تمسك السرير:ندخل معاه مش هسيبه لوحده
الدكتور:يا مدام مش هينفع
عشق بزعيق:مين انت عشان تقولى مش هينفع لا انا هدخل وغظب عنك متعرفش انا مرات مين
الدكتور بنفاذ صبر قال للممرضين يعقموها
كانت واقفه معاه فى العمليات وماسكه ايديه وبتقرأ قرأن وبتدعى بعد أربع ساعات العمليه نجحت واتنقل فى غرفة عادية بس هيبقى تحت المتابعة لمده يومين
عشق قاعده جنبه على الكرسى : الحمد لله الحمد لله يارب نفسي تفوق يا جاسر عشان تعرف انك خلاص بقيت بتمشى وتفرح يا حبيبي
عشق لنفسها:انتى بتعملى اى هنا قومى عشان تصلى ركعتين شُكر لله
______________________________
عند راندا حست بوجع فى بطنها وكان مراد فى الشغل وشادى مش فى البيت راندا عرفت المربيه أنها خارجه ولو جه مراد تعرفه أنها راحت تشترى حاجه
*بعد قليل*
سمعت الممرضه بتنادى على اسمها دخلت للدكتوره
الدكتوره بأبتسامه:اهلا يا مدام اتفضلى
قعدت راندا وقالت ليها الدكتورة: بتشتكى من اى
راندا بخجل وصفت ليها مكان الوجع وقال:من يوم ما اتجوزت وانا حاسه بكده
الدكتوره:طب ممكن تتفضلى على السرير عشان اعملك السونار
راحت راندا ونامت على السرير وبدأت الدكتورة تعمل السونار
الدكتوره بأبتسامه:اعدلى هدومك يا حبيبتي وتعالى
عدلت راندا هدومها وراحت وقعدت قدام الدكتورة : طمنينى انا فيا اى
الدكتوره بحزن وحاولت تألف اى حكايه عشان تخفف عنها شويه إلى هتقوله ولكن ابتسمت وهى بتكلم راندا:بصى يا حبيبتى انتى عارفه انا عندي ابنى مش بيسئل عنى خالص هو ابنى الوحيد بيعاملنى اوحش معامله هو ومراته
راندا بأستغراب: حضرتك بتقولى ليا الكلام دا ليه
الدكتوره بحزن:بصى يا حبيبتى انتى عندك مشاكل فى الرحم انك مينفعش تخلفى وصدقينى يمكن دا خير ليكى وربنا عايز كده
راندا بصدمه:ازاى طب مهو ممكن يكون مش باين لانى متجوزه من ست ايام بس
الدكتوره: صدقيني دا إلى باين قدامى وممكن تطلعى من هنا وتروحى تتأكدى
_خرجت راندا بقلب موجوع وطلعا وراحت لدكتوره تانيه وكان كلامها نفس كلام الدكتورة الاولى روحت ودخل البيت جرى عليها شادى واحتضنها:مامى انتى كنتى فين بابى قلقان عليكى ومتعصب اووى
راندا حضنته جامد:كنت بشترى ليك شيكولاته يا شادي ابقى خدها من الشنطه
مراد جه وبعصبيه:كنتى فين يا هان...
قاطع كلامه لما اترمت فى حضنه وقعدت تعيط
مراد بقلق:مالك يا حبيبتي بتعيطى ليه
مراد فضل ماشى بيها و قعد وهى فى حضنه ولسه بتعيط وهو بيحاول يهديها هدأت بعد وقت ليس بكثير
مراد بعدها شويه:قوليلى بقى اى إلى مخليكى عامله فى نفسك كدا جاسر فيه حاجه
راندا بدموع وما بين شهقتها:لا جاسر كويس الحمد لله
مراد بحنان:طب قوليلى فى اى
راندا بعياط: حسيت بوجع جامد الصبح و..وروحت للدكتور وكشفت عليا وقالت قالت انى مش هخلف يا مراد
مراد بصدمه بس اتكلم بهدوء:طب مايمكن هى مش شاطره يا حبيبتي نشوف دكتوره تانيه
راندا بعياط:روحت لدكتوره تانيه وعملت اشاعه مستعجله وكله قال انى مش هخلف يا مراد يعنى انا مش هبقى ام ولا انت هيبقى ليك ابن مِنى وكمان انت كان نفسك فى ولاد
مراد حابس دموعه بسبب وجع قلبه عشانها مسح دموعها وخدها فى حضنه: مين قالك يا حبيبتي انى عايز ولاد ربنا يديم لينا شادى يا حبيبتي وبعدين انتى بنوتى يعنى انا دلوقتي عندى ولد وبنت جمال وانتوا كفايه عليا وبعدين انتى وجعه قلبك ليه قل لن يصيبنا الا ما كتبه الله لنا وبعدين أن شاء الله هو شادى مش عاجبك ولا اى
شادى وهو بيمسح دموعها بكف أيده الصغير: متزعليش يا مامى متعيطيش انا بزعل اووى
راندا احتضنه وطبعت قبله على رأسه: مش زعلانه يا شادي بدل انت فى حضنى
ضمهم مراد ودعى أن ربنا يديم ليه عيلته الصغيرة إلى هو بيحبها
________________________
عند ياسمين كانت بتعمل اكل لسليم سمعت صوت تكسير
ياسمين طلعت على السلم بفزع وصرخت لما لقت سليم بيتوجع فى الارض
سليم كان حاسس ان جسمه بيوجعه ودماغه مصدعه صداع رهيب مكنش قادر يقف على رجله حس بوجع فى بطنه قام ودخل إلى الحمام وياسمين كانت بتسنده وهى منهاره من العياط سليم خرج إلى فى معدته كله وياسمين سندته يقعد سليم حضنها وكأنه بيطمنها بس من وجع جسمه إلى حاسس أنه بياكله والصداع إلى مش قادر منه ووقع واغمى عليه
______________________
عند عشق فاق جاسر وجرت عليه عشق وحضنته وبفرحه: مبروك يا حبيبي العملية نجحت
جاسر بفرحه: الحمد لله يا رب الحمد لله كدا اقدر امشى صح
عشق بضحك:لا مش علطول كدا الدكتور قال هناخد يومين كدا علاج طبيعي
جاسر بأبتسامه: الحمد لله يارب إن رجعت امشى تانى عارفه انا اى اول حاجه هعملها لما اقوم
عشق بفرحه:اى يا حبيبي
جاسر بأبتسامه:هروح اصلى فى المسجد ورا الإمام نفسى احس بنعمه انى ارجع اقف على رجلى تانى واصلى
عشق بأبتسامه: الله يا جاسر ويسلام بقى لو بعدها صلينا سوا وانت الامام
جاسر بخيث:آه يسلام انتى مش واخده بالك انى اول مره احضنك
عشق بخجل :اتلم يا جاسر من فرحتي لقيت نفسي فى حضنك
ضحك جاسر بشده و اول مره يضحك من قلبه وشاركته عشق الضحك
- تابع الفصل التالي عبر الرابط: "رواية حبيبتي المسترجلة" اضغط على أسم الرواية