رواية دار الايتام البارت التاسع عشر 19 بقلم أميرة أسامة
رواية دار الايتام الفصل التاسع عشر 19
تمارا..حضناهم وبتعيط عياط هستيري
عشق..في ايه ياتمارا اهدي بقى احنا كويسين ادامك اهو
زهره..يابنتي اهدي من ساعة ما جيتي وانتي فتحاها مناحة
تمارا..يعني اللي حكيتوه ده كله واللي حصلكو ده من غير ما تعرفوني وتقوليلي قلباها مناحة
عشق..خلاص يا تيمو بقى احنا كويسين اهو والله وعموما احنا هنا اظن في امان اكتر
تمارا..بس بردو انا معرفتش مين دول وليل يقصد ايه بأنهم تبع حد ومين الحد ده اللي هما تبعه
عشق..انا كمان زيك مش مستوعبه انا متأكده ان الولاد دي شوفتهم فالحته قبل كده يعني مش تبع حد يعرفه ليل وحتى لو تبع حد وحابب يضايق ليل احنا مالنا
نور..فعلا في حاجه مش مظبوطه
زهره..بس عارفين ايه اكتر حاجه مفرحاني فاللي حصل ده كله
البنات..ايه
زهره..اننا هنشتغل في نفس المكان
تمارا..اه والله بجد دي اكتر حاجه فرحتني اوي
عشق..بس معرفش ليه انا قلقانه
نور..من ايه
عشق..معرفش بس احساسي بيقولي ان اللي جاي مش مريح
تمارا..ابوس ايدك مش نقصاكي عشق ابعدي باحاسيسك واحلامك دي عننا شويه
زهره..اه والنبي احنا مبنلحقش نفرح غير لما تقولي على حاجه وتحصل فعلا ويتنكد على اهلنا
عشق..خلاص بقيت انا النكد اديني هسكت اهو
نور..بقول ايه انا محتاجه ورق مهم جدا بكره
عشق..وانا كمان
زهره..انا وتمارا معانا اخر ورق نزل جبته اخر مره كنت فيها معاكي
نور..طيب انا لو قدرت هستأذن بكره واروح اجيبه وارجع هعمل كده بس مش عارفه بقى هعرف ولا لاخصوصا اني اول يوم ليا كان انهرده
عشق..تمام عموما لو روحتي هقولك على ورق محتاجاه
نور..خلاص تمام ماتيجو ننام بقى عشان نصحى بدري
زهره..ايه ده البت دي محكتلناش اللي حصل معاها فالسفر
تمارا..لاده حوار كبير وانا مش قادره خلوها بكره الخميس واكيد هنسهر مع بعض وناعد نرغي براحتنا
زهره..ماشي يا اختي
عشق..بقول ايه انا كنت محتاجه انزل اجيب لبس وحاجات نقصاني ماتيجو ننزل يوم الجمعه
نور..اه ياريت وانا كمان محتاجه لبس خصوصا اننا بقينا شغالين في شركة السيوفي لازم نبقى واجهه
عشق..والله لازم نبقى وجهه للشركه ولا للي شغالين فالشركة
نور..يعني من ده على ده
زهره..لابجد فعلا انا كمان محتاجه حاجات فكرة حلوة ننزل الجمعه نقضي اليوم مع بعض ونجيب اللي ناقصنا ونتغدى بره وتبقى اول مره نخرج فيها مع بعض
تمارا..ماشي انا معنديش مانع فكرة حلوة بقول ايه انا تعبانه اوي ومحتاجه ارتاح..انا هنام فين
نور..عندك اوضتين هناك فاضيين شوفي اللي تعجبك فيهم وخديها
تمارا..طبعا اختارتو الاوض الحلوة
نور..والله ابدا الاوض اصلا كلها تجنن
تمارا..طب يلا قومو بقى عشان ننام شويه
عشق..يلا تصبحو على خير
البنات وانتي من اهله
دخلو البنات ينامو وكل واحده فيهم جواها كلام ومشاعر مختلطه
اما عند ليل..فامن اول ما روح من عند عشق وهو نايم حتى بعد مانوح وادم روحو اطمنو عليه وسابوه يكمل نوم وراح كل واحد فيهم ينام بعد تعب يوم طويل في الشغل
في صباح يوم جديد صحي ابطالنا بنشاط على غير المعتاد
ابتدوا البنات يجهزوا بنشاط نور وزهره مستعدين ليوم جديد ومتحمسين للشغل تمارا متحمسة للرجوع للشركة خصوصا انها هتشوف جاسر مشاعرها متلغبطه من ناحيته حاسه باهتمامه وغيرته لكن لسه مفيش بينهم حاجة صريحه بتحاول تصدق احساسها باهتمامه ليها وترجمه على انه إعجاب حب غيره لكن بترجع تفوق نفسها لما تفتكر ان في فحياته حد. وخاطب
اما عشق فا كان احساسها نفس احساس تمارا حاسه بحاجات حلوه مبسوطة وطايرة باحساس اول مره تحسه وفنفس الوقت مضايقه من شعورها اللي هي حاسه بيه نفسها تتكلم مع البنات بس مش عارفه تقول ايه خصوصا انها كانت بتنصحهم بكلام عن الحب والارتباط وانه في جزء من الحرمانيه بس صدقت نور لما قالت غصب عني وعرفت ان فعلا الحب ملهوش كبير وادام القلب دق لايمكن حد يقدر يقف ادامه كمان شعورها بليل تحديدا كان مختلف ليل بالنسبالها غامض قوي قاسي طيب حنين ليه هيبه ورهبه شخص ابعد من انها توصله خصوصا انه عارف حقيقتها خايفه تتعلق بيه وهي مش في باله او زي ما قال مجرد حد بيهتم بيه عشان دي كانت وصيه حاج محمد وفنفس الوقت نظراته ليها من بعيد لبعيد تركيزه معاها وتحكيم رأيه معاها هي بالاخص حضنه ليها لما كانت خايفه منه واحساسها بالامان وسط خوفها منه كلمته اللي بتتردد في ودنها متسبنيش!
احاسيس متخبطه مش قادره تفسرها ولا قادره تتكلم فيها مع حد وعشان كده قررت تسيب كل حاجه تمشي زي ماربنا كاتبها لكن شعور القلق كان مختلط مع مشاعرها ومش قادرة تتجاهله
لبسو البنات وخرجو يفطرو لحد ما يجي السواق
اما عند الشباب كان الوضع مختلف
لما صحيو على صوت واحشهم جدآ وهو صوت والدتهم اللي وصلت من السفر اعدو كلهم عالسفره يفطرو معاها بعد ما جهزو ولبسو عشان يروحو عالشركه
ليل..نورتي البيت يا امي
سهام..منور بيك ياحبيبي وحشتني اوي
ليل..انتي وحشتيني اكتر
ادم..واحنا ايه
سهام..وانت نور عيني يا دومي وحشتني اوي
ادم..وانتي اكتر والله يا امي البيت من غيرك وحش بجد
نوح..ايوه افضلي وزعي سلامات على سي ليل وسي ادم وانا ابن البطه السوده
سهام..بضحك اهو انت اكتر واحد بقى وحشتني تخيل ووحشني لماضتك وطولة لسانك وضحكك
نوح..ايوه بقى ياسوسو
سهام..أتلم ياولد
نوح..انتي وحشتيني اكتر وبجد فعلا البيت من غيرك هادي
سهام...وده حلو ولا وحش؟
نوح..وحش طبعا انتي عرفاني مليش فالهدوء ابدا سبتيني مع واحد هادي ومع نفسه يقصد ادم
ومع واحد بيخانق دبان وشه
ليل..رفع حواجبه تقصد مين
نوح..انا لا انت فهمت ايه ياكبير اقصد الواد جاسر بقى عصبي اوي يا سوسو
سهام..بضحك جبان
نوح..مشوفتيش رفعه الحاجب انا لسه صغير ومدخلتش دنيا
ليل..طب خاف على نفسك بدل ما اخرجك منها بدري
سهام..اخس عليك ياليل متقولش كده ده نوح الفاكهه بتاعت البيت
ليل..بسخريه اه الفاكهه بتاعت البيت صح
نوح..لا هنتريق هزعل واجيب ناس تزعل
ليل..طب ازعل وهات الناس دي عشان اخرجهم معاك زعلانين من الدنيا بحالها
نوح..لا وعلى ايه يا بوص انا مقدرش ازعل منك
ادم..بضحك والله مجنون
سهام..بجديه وانت مالك ياليل قالولي انك تعبان
ليل..لا يا امي متقلقيش انا احسن تقلت فالشرب بس
سهام..ارحم نفسك شويه ياليل انت كل يوم بتقلقني عليك اكتر من اللي قبله
ليل..يا امي مفيش داعي للقلق والله انا احسن كل الحكايه تقلت فالشرب وكنت محتاج انام وارتاح شويه وانهرده انا احسن بكتير
سهام..يارب ديما بس عشان خاطري يا ليل خف شرب شويه مش هقولك عشان حرام وعشان متضيعش نفسك وصحتك والكلام اللي بيضايقك ده بس عشان مفيش حاجه مستاهله كل ده ياحبيبي مفيش حاجه مستهله تخليك تخسر دينك وتضيع صحتك انت مكنتش بتسيب فرض ياليل ايه اللي حصل لده كله
ليل..امي عشان خاطري
سهام..حاضر ياليل هسكت خالص
ليل..قام ناحيتها أعد على ركبته ادامها ومسك اديها الاتنين باسهم اسف يا امي مقصدش اني ازعلك بس كل اللي بتقوليه ده انا عارفه وعارف انك عندك حق وانك خايفه عليا بس صدقيني غصب عني بس اوعدك ان الفتره الجايه هحاول ارجع زي ما بتتمني تشوفيني
سهام..وهي بترفع ايده تبوسها اتمنى اشوفك احسن الناس يا ابن عمري يا اول فرحتي
ابتسم ليل وقام وقف ورجع تاني وقف بكل هيبه
بعد ما كان ادام والدته اضعف كائن عالارض ووجهه كلامه لادم ونوح
ليل..طب ايه هتفضلو اعدين عجبتكم الاعده ورانا شغل على فكره
نوح..عدو الفرحه ياعم سبنا اعدين اللحظه الرومانسيه دي مابنشوفهاش كتير
ليل..طب اخلص عشان مزعلكش وعشان انهرده في اجتماع معانا ومع البنات عشان اعرفهم بشغلهم
سهام..بنات مين ياليل انتو جبتو موظفين جداد
ليل..ايوه ياامي دي بنت حاج محمد نور حضرتك عرفاها وبنات قرايبه كانو عايشين معاه الفتره الاخيره
سهام..ربنا يرحمه يارب كان راجل ميتعوضش حقيقي نور عامله ايه صحيح
ليل..الحمد لله يا امي بتتحسن
سهام..عايزه اروح يوم اعزيها ياليل شوفها موجوده امته الراجل ده كان محترم وغالي علينا ولازم نفضل مع بنته دي ملهاش حد
ليل..طبعا يا امي هنبلغها حاضر
سهام..بس غريبه انت بتقول قرايبهم انا اللي اعرفه ان حاج محمد كان شبه منقطع عن اهله
ليل..وهو بيبص هو وادم ونوح لبعض كمل بثبات دي حقيقه يا امي بس الفتره اللي فاتت من قبل حتى ما تسافري بس مجاش فرصه اني اقول ادامك بنات قرايبه جم يأعدو هنا لانهم بيدرسو هنا بس كانو بيسافرو فا كان تعب عليهم فاقررو يأعدو هنا في سكن لكن حاج محمد مرضيش يسيبهم لوحدهم فاعدو معاهم
سهام..مش بقولك راجل ميتعوضش ربنا يرحمه يارب عموما خدلي معاد من نور عشان اروح اعزيها وكمان اشوف الحسين وخان الخليلي المكان هناك واحشني جدا
ليل..رجع بص تاني لنوح وادم ايوه يا امي بس هما مش اعدين الوقت فالخان
سهام..ايه ده عزلت ليه كده امال هما اعدين فين
ليل..في برج الزمالك في الشقه بتاعتي
سهام..باستغراب نعم وده ليه وغريبه انك تسيب الشقه حد يأعد فيها دي جابتلك ملايين ورفضت تبيعها وانت بسهوله تأعدهم فيها
ليل..مش كده يا امي بس حاج محمد قبل ما يموت وصاني على نور والبنات والفترة اللي فاتت حصل حاجات كتير اوي وحضرتك مش هنا طبعا هحكيهالك بعدين بس اخرهم او سبب اني اوديهم الشقه ان في شباب من المكان عندهم استغلو موت حاج محمد وانهم معهمش راجل وللاسف اتهجمو عليهم فالشقه ولحقناهم على اخر لحظه
سهام..وهي مبرقه عنيها ياخبر انت بتتكلم جد
ليل..ايوه
سهام..ربنا يسترها عليهم وكويس ياليل انك اتصرفت كده ربنا يحميك يا ابني ودايما تكون سند لاي حد يحتاجك
ليل.وهو بيبوس راسها ويخليكي لينا ياست الكل اطلعي يلا انتي نامي وارتاحي من السفر واحنا هنروح عالشركه
سهام..ماشي يا حبيبي يلا عشان انا اخرتكم ومتنساش تاخدلي معاد عشان اعزيهم
ليل..حاضر يا امي يلا سلام
خرج..ليل ونوح وادم ركبو عربياتهم وانطلقو الى الشركه عدي وقت بسيط ووصلو اخيرا الشركه نزلو بكل هيبه ادام كل الموظفين اللي واقفين باحترام يلقو عليهم التحيه
وصل ليل مكتبه
ليل..نوح جاسر وصل
نوح..معرفش شوفه كده اتصل ليل بمكتب جاسر مكنش حد بيرد
ليل..شكله كده موصلش ثواني وكان الباب بيخبط وقبل ما ليل يرد كان اتفتح الباب
جاسر..صباح الفل
حضنه نوح وحشتني ياواطي
جاسر..بضحكه جميله انت اكتر
ادم..وهو بيحضنه والله عملت فراغ
جاسر..وحشتني ياض يادومي
ادم..ما بلاش دومي دي برستيچي هيضيع وسط الموظفين
نوح..بأبتسامه وبالنسبه لياض عادي
ليل..وهو بيسلم عليه ليك وحشه ياصاحبي
جاسر..انت اكتر راح اعد ايه الاخبار
ليل..تمام
جاسر..ايه اللي حصل ده صحيح
ليل..لا لينا اعده طويله مع بعض
جاسر..امته انهرده بقى انتو واحشني
ليل..بلاش انهرده سهام لسه واصله واكيد هتعلقنا لو قولنا هنسهر
جاسر..عندك حق انا كمان ملحقتش اعد مع ماما يا دوب سلمت عليها واطمنت عليها واعدت معاها شويه وجيت
نوح..خلاص خلوها بكره
ليل..تمام بس انهرده بعد الشغل عايزكم معايا مشوار كده لحد الكلاب اللي متلقحين في المخزن دول
جاسر..اتأكدت هما تبعهم ولا فعلا من الحته
ليل..هما فعلا من الحته بس انا شاكك انهم وراهم حد بس الرجاله اللي معاهم فالمخزن مروقينهم وبيقولو أن كل كلامهم انهم ميعرفوش حد ولا تبع حد
فاللحظه دي خبطت السكرتيره
ليل..ادخل
السكرتيره مستر ليل البنات وصلو ومنتظرين حضرتك
ليل..خليهم يستنونا في اوضه الاجتماعات
السكرتيره..تحت امر حضرتك وخرجت
ادم..نقوم احنا نروحلهم
ليل..لا خليهم شويه ياخدو عالمكان
جاسر..صحيح يا ليل انت مروحتلهمش من ساعتها
ليل..ده هما بقالهم يومين كل الحكايه انا قولت بس يفوقو من العلقه اللي كلوها ويجيلهم دكتور يظبطهم ويروقهم واروحلهم تاني عشان يبقو فايقين وهما بيتروقو تاني
نوح..قاسي اوي
ليل..رفع حواجبه
نوح..سكت
ادم..بضحك لسانك ده قريب هيوديك ورا الشمس
جاسر..خلاص نخلص شغلنا ونروح نمسي عليهم
ليل..صحيح عامل ايه مع هايدي
جاسر..بقرف وليه السيره دي عالصبح
ادم..جاسر باشا مبقاش عاجبه سيره هايدي دي معجزه
جاسر..انا مبقتش اكره حد أد مابكرهها بس اللي مخليني ساكت ليل
ليل..هانت ياصاحبي وساعة الحساب خلاص قربت الكل هيتحاسب بس يوم ما ليل السيوفي هيكشف ورقه
الحساب هيبقى جامد
ادم..اهو انا مش قلقان غير من ساعة الحساب دي
ليل..متقلقش انا مستنيها بقالي زمن..المشكله اني كنت عارف عدوي وعارف اخره من اوله بس مع الوقت اكتشفت ان الدايره بتوسع وبتزيد اعداء
نوح..عندك حق في اطراف زادت مكنتش اتخيل انهم يدخلو الدايره اصلا
جاسر..بس انا اللي قالقني ان البنات دخلو معانا الدايره دي
ادم..للاسف دخلو دايره مش بتاعتهم وحرب كبيره على انهم يدخلوها
ليل..متقلقوش البنات هيفضلو في حمايتي ومش انا بس انتو معايا هنفضل عنينا عليهم طول الوقت وبعدين انا جبتهم معانا فالشركه ليه ماهو عشان منبقاش طول الوقت عنينا على كل واحده فيهم في مكان مختلف لما نجمعهم في مكان واحد هنقدر نحميهم اكتر وعموما اللي مطمني انهم سابو المنطقه بتاعتهم واي حد من الكلاب بيحوم وراهم ويعرف انهم ساكنين في مكان يخص ليل السيوفي مش هيقدر يقرب منهم
جاسر بقلق يارب بس تمشي زي ما احنا مرتبين ومفيش حاجه تحصل تاني خصوصا ان كمان هايدي مش هتشيل تمارا من دماغها
ليل..حبيتها يا جاسر؟
جاسر..بص بصدمه لليل من سؤال بعد عينه عنهم لثواني ورجع بص لليل اه يا ليل حبتها وحبتها اوي كمان يمكن اكون حبتها من اول يوم شوفتها فيه لما روحت لهايدي المستشفى كانت بالنسابلي مختلفه ابتسم حد لسانه اطول منه
شدتني فالاول بطريقتها المختلفه لما طلبت منها اوصلها ورفضت رفض تام كانت نقطه التحول بالنسبالي حاجه من جوايا خلتني اروح وراها بالعربيه ودي كانت بدايه المفاجأه بالنسبالي فاكر ياليل لما كلمتني وانا كنت وراها عشان تطمن على هايدي فاكر لما قولتلك اني تحت بيت حاج محمد
ادم ونوح بصو لبعض بصدمه
فلاش باك
ليل..الو
جاسر..ايوه ياليل
ليل..ايه الاخبار هايدي كويسه
جاسر..اه الحمد لله هي تمام بس البنت اللي خبطتها هي اللي ايدها حصل فيها شرخ بس بسيط.
ليل..طيب اجيلك
جاسر..لا انا مشيت بس بس مش دي المشكله
ليل..في ايه ياجاسر مالك
جاسر..انت عارف انا فين الوقت يا ليل
ليل..فين
جاسر..انا تحت بيت حاج محمد
ليل..وايه اللي وداك هناك هو تعبان كلمك ولا ايه
جاسر..لا بس بعد ما هايدي مشيت عشان شدت مع البنت اللي خبطتها طلبت من البنت اني اوصلها بس هي رفضت انا وقفتلها تاكسي بس مش عارف حاجه جوايا خلتني امشي وراها متسألنيش ليه بس المفاجأه انها خدت نفس الطريق لبيت حاج محمد وانا استغربت بس بعد كده قولت يمكن ساكنه في نفس المكان عادي
ليل..عادي يعني بتحصل ياجاسر هو مفيش حد ساكن فالحسين والخان غير حاج محمد ياجاسر
جاسر..بس هي دخلت نفس الشارع ومش بس نفس الشارع دخلت نفس البيت كمان ركنت العربيه ورحت وراها براحه لقتها دخلت شقه حاج محمد
ليل..وهو سرحان ومش بيتكلم
جاسر..انت معايا ياليل
ليل.جاسر لما جاتلك المكالمه من هايدي جه لحاج محمد هو كمان مكالمه من بنته نور وقالتله ان قريبتهم عملت حادثه
جاسر..يبقى صح دي تبعهم
ليل بعد ما مشيت هو قفل معاها وقال لازم يمشي عشان نور بلغته ان قريبتهم عملت حادثه
جاسر..بس صدفه غريبه
ليل..لا ياجاسر في حاجه غريبه دي مش مجرد صدفه
جاسر..ليه بتقول كده انا كنت مستغرب انها دخلت عنده بس بعد كلامك يعني طلعت قريبتهم ايه الغريب بقى في كده
ليل..ياجاسر انت ناسي ان حاج محمد بقاله سنين ملهوش حد وبعدين مش بس كده انت مشوفتش منظره لما سألته مين دي كان مرتبك ومتلغبط ومش عارف يقول ايه
جاسر..خلاص بكره لما يجي نسأله
ليل..هعمل كده المهم امشي بقى انت من عندك
باااااك
ادم ونوح مستغربين
ادم..يعني انت من الاول يا جاسر كنت عارف ان تمارا تعرف عم محمد من قبل ما تشتغل معاك
ليل..اه انا اللي طلبت منه يعمل كده
اصل بعدها سألت حاج محمد وفضل زي ما كنتو بتشوفوه كده مرتبك ومتلغبط وكل شويه كان يخلينا نشك مش فيه بس كنا شايفين حاجه غريبه بتحصل وبعدها جه حاج محمد طلب شغل لقريبته وسعتها انا قولتله تمام يجبها وجاسر قاله انه محتاج سكرتيره عشان هو مشى السكرتيره بتاعته
جاسر..ويوم ما جابها معاه انا عملت نفسي متفاجئ بوجودها
وبعدها انتو عارفين الباقي وعرفتو هما طلعو ايه لحاج محمد
نوح..أنت أصلا لو مكنتش روحت وراها كنت لما شوفتها اتفاجأت بس السؤال بقى انت اصلا ايه اللي خلاك تمشي وراها
جاسر..هتصدقني لو قولتلك معرفش بس يمكن اكون فكرت فالسؤال ده بيني وبين نفسي لاقيت اني لو مكنتش مشيت وراها وجه حاج محمد طلب لقريبته شغل انا عن نفسي مكنتش هقول اني محتاج سكرتيره وكان ممكن ليل يقبلها وتشتغل في اي قسم بعيد عننا ومشوفهاش اصلا بس كل ده اقدر افسره بأنه ليه حكمه من ربنا عشان لما الراجل ده يموت كلنا نقرب منهم ومنسبهمش
ليل..جاسر عنده حق لولا معرفته بتمارا مكناش عرفنا اي حاجه عنهم والاهم من كل ده مكناش عرفنا مين اعدائنا شغل تمارا معانا خلى اعدائنا يظهرو واللي دفع تمنها حاج محمد ومن وقتها البنات رجلهم جت معانا وهما ميعرفوش حاجه بس وجودهم وضح حاجات كتير
نوح..عندك حق
ادم..طيب انتو عرفتو انهم كانو عايشين في دار قبل ما يقول عم محمد
ليل..طبعا انت عارف يا ادم اني مبشغلش حد من غير ما اعرف اصله من فصله يمكن لو كان حصل وطلب حاج محمد الشغل في ظروف غير اللي حصلت مكنتش دورت وراه بس اللي خلاني اجيب اصل وفصل تمارا ان الموضوع بالنسبالي كان غريب ارتباكه ولغبطته واحنا اصلا عارفين ان ملوش حد كل ده كان دافع ليا اني ادور وراه
ادم..عمري ماشكيت في ذكاءك لحظه
ليل..طب ايه مش هنقوم بقى عالاجتماع
جاسر..ايوه صح البنات بقالهم ساعه مستنين فالمكتب
ليل..طب يلا بينا
نوح..تمام
اما في اوضة الاجتماعات
عشق..اعده مضايقة ان لحد الوقت محدش سأل فيهم
تمارا..في ايه ما تفكي شويه
عشق..افك ايه وزفت ايه في حد يسيب حد الفتره دي كلها انا غلطانه اصلا اني جيت
زهره..صحيح هما اتأخرو اوي كده ليه وليه انا وانتي ونور عالاقل مروحناش على مكاتبنا
تمارا..معرفش بصراحه بس هو المفروض كده في اجتماع
نور..طيب يمكن في حد عندهم او في اجتماع مهم
تمارا..اي اجتماع بيتم هنا
نور..غريبه فعلا
عشق..بنرفزه ولا غريبه ولا زفت انا همشي
زهره..بقلق لا والنبي ياعشق اصبري شويه اللي خلاكي تستني كل ده مش هتستني الحبه دول
عشق..انتي خايفه كده ليه هو هياكلنا بقولك ايه انا ماشيه خليكو انتو واللي عنده بقى يبقى يعمله انا مش بخاف من حد هو فاكر ان هو هيتحكم فيا قامت عشق ومشيت ناحيه الباب
تمارا..ونور جريو وراها
نور...عشق عشان خاطري مش ناقصين مشاكل انتي شوفتي من كلامهم واضح ان في حاجه كبيره حاصله عشان كده خلونا نشتغل كلنا معاهم وخلونا نمشي من البيت وواضح ان في حاجه ورا اللي دخلو علينا البيت دول
تمارا..اسمعي الكلام ياعشق طب بصي عشر دقايق كمان لو مجاش ياستي اعملي اللي انتي عيزاه
عشق..بنرفزه ولا دقيقه كمان ولما يجي الباشا اللي راعبكم ده ابقو قولوله اني مشيت عشان هو قليل الذوق وادام غصب علينا نشتغل معاه يبقى يكون موجود قبلنا مش يلطعنا ساعه اوعو من وشي بعدتهم وراحت على الباب
تمارا..بصوت عالي استني بس يا عشق
فاللحظه دي لقت اوكره الباب بتتفتح وظهر ادامها الوحش زي ما لقبته ووراه ادم ونوح وجاسر بطلتهم المرعبه
ليل.صباح الخير
البنات بارتباك صباح النور اما عشق فاوقفت في صمت وعنيها بتطلع شرار
ليل..موجهه كلامه لعشق على فين يا انسه عشق
تمارا..بسرعه ابدا يا مستر ليل دي كانت بس هتروح التواليت
نور..بسرعه اه اه صح
عشق..بثقه ومن غير خوف لا انا مكنتش رايحه في مكان انا كنت ماشيه
البنات والشباب اتصدموا من صراحتها
ليل..وجواه اعجاب فظيع من جرأتها وهي واقفه ادامه ماشيه على فين
عشق..مروحه
ليل..انتي لحقتي تيجي عشان تروحي وبعدين انتي لسه ابتديتي شغل
عشق..حضرتك بتقول انك بتلتزم بالمواعيد وانا جيت هنا في معادي والمفروض ان ده اول يوم ليا يعني المفروض الاقي حد يوجهني وللاسف من ساعة ما جيت وانا مرميه في اوضه اجتماعات داخله على ساعه وربع من غيرما اشوف حد ولا حد يعرفني المفروض ابدأ ازاي ولا اعمل ايه مشوفتش غير السكرتيره اللي بلغتنا نترمي هنا لحد ما حضرتك تفتكر اننا منتظرينك
ليل..بابتسامه صدمتهم كلهم عندك حق يا انسه عشق انا اسف دي غلطتي كان في حاجات مهمه بنخلصها والوقت خدنا بكرر اعتذاري
الكل واقف مصدوم و في زهول تام من رد ليل حتى عشق اتصدمت من رده كانت عارفه انه هيطلع فيها بس مقدرتش متعبرش عن غضبها لكن متوقعتش رد فعله
ليل.نقدر بقى نبتدي الاجتماع
عشق..بصدمه هزت دماغها وراحت اعدت مكانها من غير كلام اعدو كلهم والزهول باين على ملامحهم
ليل..فالبدايه تمارا انتي عارفه طبعا شغلك بقى ماشي ازاي فا انتي بره اي حاجه هوضحها
تمارا..تمام يامستر ليل
ليل..بس قبل ما اوضح للبنات طبيعة شغلهم
احب اقولك مبروك انتي اتثبتي في شركة السيوفي واجتزتي الاختبار في اقل من الوقت المحدد ومستر جاسر مبسوط بشغلك جدا معاه وطلب مني انهي فتره الاختبار وتكوني معانا ضمن مجموعة السيوفي
تمارا..بابتسامه فرح كبيرة شكرا يامستر ليل
ليل..بأبتسامه العفو تستاهليها ياتمارا
بصت على جاسر اللي كان باصصلها بابتسامه جميله على فرحتها شكرا يامستر جاسر
اكتفي جاسر..بهز دماغه بابتسامه
ليل.نكمل زهره ونور
طبعا انتو فهمتو طبيعة شغلكم من مستر نوح ومستر ادم..بس احب انا اعيد كلامهم عشان تعرفو اهمية شغلكم
نوح وادم.شغلهم في قسم المراجعات وعلى اد ما القسم ده يبان سهل بس هو اخطر قسم موجود فالشركة
باختصار وهما بيقومو بمراجعة كل ورقة داخلة او خارجة من الشركة وانتو هتشتغلو معاهم هتسلمو المراجعات لبعض طبعا مش عايز اقولكم اد ايه التركيز مهم الشغل مش متعب بس محتاج دماغ صاحيه وعشان الغلطه بفوره واي غلطه فالارقام توقع المجموعه كلها خصوصا ان الارقام اللي داخله وخارجه من الشركه مش مجرد ارقام بسيطه احنا بنتكلم في ملاين وبما انكم لسه جداد طبعا هما عرفوكم انكم لسه في مرحله تدريب هيبتدي ادم المراجعه هتوصل لنور نور هتسلم لزهره زهره هتسلم لنوح يعني ادم بيبدأ ونوح بينهي مفهوم
نور وزهره ..مفهوم
ليل..محتاجين توضيح لاي حاجة
زهره..لا يا مستر ليل
ليل..عموما اي حاجه تقدرو ترجعوا لادم ونوح هما مش هيسيبوكم
وبص لعشق اللي كانت مستنيه تعرف دورها فالمجموعة
ليل..اما عشق فا دورك هيبقى كبير شويه..اولا هتكوني سكرتيرتي الخاصه يعني تقريبا شغلك هيكون يشبه شغل
تمارا شويه مع اختلاف الشغل تمارا بتظبط مواعيد جاسر بتنظم مواعيد اي ميتنج وبتقدر تتصرف لو في معاد معقد وزي ما قولت هي نجحت في ده
اما انتي ياعشق فا هتشتغلي معايا زي مانا بشتغل بالظبط
عشق..اسفه بس انا مش فاهمه شغل
حضرتك عباره عن ايه
ليل..اولا هتشوفي معايا اي صفقه بتتعرض عالمجموعه وتدرسيها وعالاساس ده نقرر اذا كنا مبدأيا موافقين او لا وافقنا جاسر وتمارا بيستلمو مننا تمارا بتحدد معاد الميتنج وجاسر بيحضره ويتفق على كل حاجه ولو حصل الاتفاق بنبتدي الشغل وبعدها نوح وادم وزهره ونور بيجي دورهم في مراجعة الحسابات يعني الشغل بيبتدي مني انا وانتي وينتهي فالمراجعات عند ادم ونوح
عشق..بس انا هقبل على اساس ايه
ليل..فالبدايه هتاخديلك اسبوع اسبوعين على حسب قدرتك عالفهم
عشق..بصتله بغضب
ليل..كاتم ضحكته على منظرها بعد كده هتقدري تشتغلي وفي اوقات ممكن تحلي مكاني فالمجموعه
عشق..ازاي
ليل..يعني لو انا مسافر واتعرض عالشركه صفقه وانتي شايفه انها مش مناسبه للمجموعه او مش هتفيدها تقدري ترفضيها باختصار هيكون معاكي كل الصلاحيات بتاعتي
عشق..ايوه بس يعني ازاي ومستر جاسر ومستر ادم و
ليل..قاطعها ليل مفيش بس هما عارفين كويس طبيعة شغلك معانا وموافقين عليه وبعدين هما شغلهم بعيد عن شغلي يعني انتي مش هتتحكمي في شغلهم انتي هتقدري تتحكمي فالشغل بتاعك وهيكون في اجتماعات لازم احضرها هتكوني معايا ومش هتكوني وقتها سكرتيرتي الخاصه وبس انتي هتقدري تكوني متحدثه بمعني انك لو في رأي حابه تضيفيه تقدري تتكلمي في اوقات ممكن نسافر بره مصر في اجتماعات مهمه هتكوني معايا جاسر مسؤول عن السفر داخل اي مكان جوه مصر لكن انا بره
عشق..بتوتر بس انا بتهيألي مش هقدر اعمل كده
ليل..هتقدري ياعشق فالاول انا مش هسيبك هفهمك كل حاجه بعدها هتلاقي الموضوع سهل وتاني مهمه ليكي
عشق..هو لسه في مهمات تاني
ليل..اهم مهمه هتحلي مكان حاج محمد
عشق..ازاي
ليل..حاج محمد كان ليه شغلته هنا فالشركه توصيل اوراق يجبلنا امضت اطراف معانا يودي ورق الشهر العقاري طبعا دي ملكيش دعوه بيها لكن كان ليه مهمه تانيه خالص ودي كانت اكبر مهمه والوحيد اللي مكنتش آمن اي حد غيره انه يعملها
عشق..بترقب واللي هي ايه؟
ليل..يودي فلوس الشركه اللي ماسكها مستر سراج او يجيب منه فلوس او يحط فلوس فالبنك
والفلوس دي رقم ياعشق
عشق..ايوه بس انا مش هقدر اعمل كده
ليل..ليه
عشق..بابا كان بيحكلنا ساعات انه بياخد من حضرتك مبالغ كبيره وانا اخاف اعمل كده
ليل..متقلقيش هيكون معاكي سواق هتتحركي بيه براحتك يعني هتكوني في امان
عشق..امان ايه وانا ماسكه شنطه فيها ملايين لا انا اشتغل واتعلم اي حاجه إلا دي شوف حد تاني يقدر يعملها
ليل..وانتي اللي انا شايف تقدر تعملها بعد حاج محمد ياعشق وهتقدري
عشق..بتوتر بلاش يامستر ليل
ليل..متقلقيش ياعشق انا واثق انك هتقدري ونهى الكلام معاها عشان متعترضش
كده الكل فاهم شغله صح
الكل تمام
ليل..هنيجي بقي لكلام مهم بعيدا عن الشغل
طبعا كلكم حابين تعرفو سبب اني اصمم تكونو شغاليين هنا وتحت عيني وسبب اني ابعدكم عن البيت
سمعوه البنات بترقب بس خاب املهم في انهم يعرفو في اخر لحظه
ليل..فالتوقيت ده مش مهم تعرفو بس كل اللي حابب اعرفهولكم اننا اكيد لينا اعداء وللاسف انتو دخلتو في دايرة الاعداء دي او بمعنى اصح في خطر ناحيتكم فا حبيت اني اكون مطمن عليكم قريب هتعرفوا كل حاجه بس من هنا لحد ما اعرفكم احب اقول كام حاجه كده
اولا نور بصتله نور بانتباه اول ما قال اسمها
ليل..انا يوم ما حاج محمد مات قولتلك اني هجيب الكلب اللي عملها ده في اسرع وقت وعايزك بس متفكريش اني نسيت الموضوع انا وقتها قولتلكم ان العربيه اللي عملت الحادثه الرجاله بتاعتي ملاقوهاش عشان يعرفو مين اللي عملها بس ده مش حقيقي انا عرفت مين اللي وراها
نور..وهي الدموع في عنيها مين
ليل..مش هينفع الوقت في حاجات لسه مش واضحه ادامي بس احط ايدي عليها هعرفك وهخليكي تاخدي حقك وهرجع حق حاج محمد بنفسي
تاني حاجه عشق وزهره ونور الكلاب اللي دخلو عليكم الشقه لسه تحت ايدي هسلمهم بس لما يتربو وأتأكد الاول واعرف وراهم حد ولا مجرد عيال صيع انتهزو فرصه انكم لوحدكم
تالت حاجه وده الاهم اي وقت حد فيكم انتو الاربعه يلاحظ اي حاجه غريبه من اي حد برانا احنا الاربعه يبلغنا فورا محدش يسيب حاجه حتى لو صغيرة وميعرفهلناش اللي بالنسبه ليكم صغير بالنسبالنا كبير ويمكن يوضح حاجات من اللي لسه موصلنلهاش
مفيش مرواح اي مكان غير بعلمنا اي مكان حابين تروحوه تعرفونا قبلها باب الشقه ميتفتحتش لاي حد غيرنا احنا الاربعه وطبعا اللي جاي فينا هيبلغكم غير كده لو الباب اتهد عليكم من الخبط متفتحوش وعموما انا مش عايز اقلقكم الامن هنا مفتح عينه ومبلغهم ان مفيش حد يطلع غيرنا اي حد تاني لا
عشق..هو حضرتك كده مش بتقلقنا ده حضرتك بتتكلم على ان في ارهابي او مافيا بيحاولو يقتلونا
ليل..لا مش للدرجادي ياعشق بس الامان حلو وانا حبيت افهمكم مبدأيا ان في خطر ايه نوع الخطر بقى ده مش وقته
عشق..طيب احنا اكيد مش هنفضل محبوسين
ليل..مين قال انكم محبوسين
عشق...يعني نقدر نخرج
ليل.طبعا بس نكون عارفين فين وامته
عشق بدون مقدمات بكره
ليل رفع حاجبه هو ايه اللي بكره
عشق..يعني احنا كنا ناوين ننزل بكره مع بعض نجيب حاجات نقصانا ونقضي اليوم بره
ليل..هتنزلو امته
عشق..لسه منعرفش
ليل..تعرفو وتبلغوني كده انا خلصت كل حاجه حد عنده اي سؤال
الكل ساكت
ليل..يبقي اتفقنا ياريت محدش ينسى اي حاجه اتفقنا عليها نور
نور..نعم
ليل..فاضيه انهرده بعد ما تروحي
نور.اه ليه
ليل..والدتي كانت حابه تيجي تعزيكي
نور..طبعا تشرف اي وقت انا اكيد موجوده
ليل..تمام
يلا اتفضلو على مكاتبكم وعالساعه 5تقدرو تمشو
الكل..تمام
ليل..عشق تعالي ورايا عشان اوريكي مكتبك
- تابع الفصل التالي عبر الرابط: "رواية دار الايتام" اضغط على أسم الرواية