رواية مراهقتي الصغيرة البارت الأول 1 بقلم اسراء السيد
رواية مراهقتي الصغيرة الفصل الأول 1
- بقيتي عاملة اي دلوقتي يا رهف يا حبيبتي بطنك لسا بتوجعك .
- رهف:- اه يا ماما لسا برضو .
- طب اصبري هعملك كباية نعناع تاني وجيالك اهو .
- رهف :- ماشي .
___________&&________________ ا
- خدي يا رهف يا حبيبتي بالشفا ان شاء الله.
- رهف :- شكرا يا ماما .
- ما قولتلك يلا نروح للدكتور لازم يعني لما تخلصي امتحانات .
- رهف :- اه عشان متعطلش عاوزة اجيب مجموع حلو .
- يا رهف هي ٣ ثانوي ! دي ٣ اعدادي يا حبيبتي وبعدين الكشف مش هيطول يدوب .
- رهف :- لو تعبت قوي تاني هقولك ونبقا نروح همشي نفسي بالمسكن مع انه مش نافع .
- ماشي يا حبيبتي ذاكري اي حاجة تعوزيها اندهيلي وانا اجي اجيبهالك هقعد في الصالة اكلم سامية في التلفون .
- رهف :- ماشي وتبقي سلميلي عليها .
_____________ * ا
* مامتها طلعت وهي بدأت تذاكر تاني ..
# بره في الصاله#
- ازيك يا سامية عامله اي يا حبيبتي .
- سامية :- الحمد لله يا سارة انتي عامله اي .
- سارة :- كويسة الحمد لله العيال عاملين اي .
- سامية :- كويسين زي الفل رهف بقت عامله اي .
- سارة :- لسا زي ما هي برضو يا حبة قلبي .
- سامية :- طب ما تروحي يا سارة زي ما قلتلك والله الدكتور دا زي البلسم وشاطر قووي .
- سارة :- والله قولتها بس هي مش راضية تروح الا لما تخلص الامتحانات .
- سامية : هي امتحناتها امتا صحيح .
- سارة :- يوم السبت هتبدأ وهتخلص يوم الخميس ان شاء الله.
- سامية :- علي خير ان شاء الله تخلص وتبقي تروحي بيها .
- سارة -: بإذن الله .
- سامية :- ماشي هكلمك بكرة تاني ان شاء الله هقوم احط العشا عشان توفيق جه .
- سارة :- ماشي سلام يسامية .
* سارة قامت بحزن واتنهدت وبتفتكر ايامها مع جوزها الي اختفي من خمس سنين دخلت اوضتهم ومسكت صورتهم مع بعض وقعدت تعيط وتتكلم مع الصورة اكنه قدامها :- كدا برضو يا أحمد تسيبني لوحدي وتمشي قولتلك ماتروحش المهمة دي بس انتا مسمعتش كلامي وصممت تروح سيبتني انا ورهف لوحدنا سيبتني وانا كنت بتسند عليك في الدنيا يا حبيبي ايامي صعبة قووي من غيرك ...* وقفت كلامها واخدت الصورة في حضنها وقعدت تعيط وهي بتفتكر ايامهم كلها مع بعض كان شاب طموح من بداية عمره حبها وهي حبته واتقدملها واتجوزوا وفضلوا مع بعض سنة ونص لحد ما حملت في رهف وبعد كدا خلفتها وفضلوا عايشين مع بعض لحد ما رهف كان عندها ٩ سنين وهو كان عنده مهمة صعبة واتطلب فيها لأنه عنصر مهم و فضلت تتحايل عليه عشان ميروحش....
Flash Back:-
- سارة :- يا أحمد عشان خاطري ما تروحش وتسيبني انا مش متطمنه .
- أحمد :- يا حبيبتي والله ما ينفع سارة حبيبتي متخافيش يدوب مهمة هخلصها وارجعلك تاني انتي ورهف ان شاء الله ادعيلي انتي بس ويومين بالظبط وتلاقيني قادامك زي القرد .
- سارة بدموع :- انا قولتلك من الاول متكملش في الشغل دا وانتا مسمعتش كلامي .
- أحمد مسك وشها بين ايديه :- يا حبيبتي شغلي دا انا بحبة والي ربنا عاوزه هيكون .
- سارة :- ونعم بالله ..حضنته وكملت ..ارجعلي تاني يا أحمد ومتتأخرش عليا .
- أحمد :- ان شاء الله يلا بقا عشان امشي هنفضل في حضن بعض كدا مش همشي .
* فضل يتكلم معاها لحد ما ضحكت ودعها ودخل علي رهف براحة وباسها وطلع ومشا ...ومرجعش تاني وبعد ما المهمة ما خلصت وصلها خبر انه اختفا من وهما في العملية ومظهرش تاني وكله قاله انه مات ومن بعدها وهي منهارة .
Bake...
* سارة قامت عشان تحضر العشا ليها هيا ورهف وبعد كدا ندهتلها عشان ياكلوا مع بعض وطول ما هما بياكلوا سارة قاعده مسهمة ومبتتكلمش ورهف بصالها بحزن وعارفه هي بتفكر في إي مرضتش تتكلم وسكتت وبعد ما اكلوا شالت هي الأكل وسارة دخلت تنام وكملت عياطها تاني علي هذا الحال بقالها سنين.
- تابع الفصل التالي عبر الرابط: "رواية مراهقتي الصغيرة" اضغط على أسم الرواية