رواية وقعت في شباك صعيدي البارت الأول 1 بقلم ميروولا ممدوح
رواية وقعت في شباك صعيدي الفصل الأول 1
_ عايزه اقولك حاجه
= وانا عايز اقولك حاجه
_ خلاص قول انت الاول
= انا بحبك
الكون كله من حولي وقف اللحظه دي بس رديت بسرعه وكأني م صدقت
رديت بفرحه _ وانا كمان بحبك
فضلنا نبص لبعض فتره وبعدين طلعت اجري م الكسوف
روحت البيت وانا هموت م الفرحه، حاسه وأخيرا الدنيا بتضحكلي لأول مره ف حياتي ههههه
بجد مش مصدقه اللي سمعته، ده كان حقيقي ولا وهم
لقيته بعد خمس دقائق كده بيرن عليا، مكنتش عارفه ارد ولا لأ الصراحه وكانت ايدي بترتعش بس قررت اني ارد
روح = ا...الو يا أدهم
وليد _ الو يا روح، انتي جريتي ليه كنت عايز اقولك حاجه
روح = م..م انت خلاص قولت
وليد _ تفتكري هي هترد عليا كده
روح = هي مين
_ ياسمين، اصلي عايز اقولها ومش عارف اقولها ازاي ف قولت اجي اتدرب وتقوليلي اقولها بأنهي طريقه
روح = نااااعاااااام
_ ايه في ايه
= ااااا.اااا...لأ مفيش بكلم حد تاني، كنت بتقول ايه بقي
_ بقولك اني بحب ياسمين وعايزك تساعديني
= أنا اسفه بس مش فاضيه دلوقتي يا وليد نبقي نتكلم بعدين يله سلام
قفلت الخط ومكنتش مصدقه، مش فاهمه حاجه، هو يوم م الدنيا تضحكلي تعبس ف وشي تاني، هي ايه الحكايه، قفلت علي نفسي باب اوضتي وقعدت اعيط
بعد حوالي 10 دقائق كده من العياط روحت غسلت وشي وبعدين قررت اني مش هفكر فيه تاني
حضرت شنطتي وروحت البلد عند بابا، كنت قاعده هنا ف مصر لغرض الدراسه وبعد م خلصت وبقيت ديزاينر فضلت قاعده هنا علشان الشغل وأشوف أدهم لاني مكنتش بحبه وبس، ده انا كنت بعشقه كمان بس الواضح اننا ملناش نصيب ف بعض
دلوقتي بقي هروح اقعد شويه هناك اروق بالي شويه وبالنسبه للشغل ف مديري ف الشغل سمحلي اني اشتغل من مكاني وابعتله الشغل بتاعي من هناك عادي
روحت وانا عماله اتخيل او احاول اتخيل ف شكل البلد عامله ازاي، اه نسيت اقولكوا اني مروحتش هناك ولا مره ومن وانا صغيره وانا ف القاهره بس بابا روح الفتره الاخيره علشان عمتو كانت تعبانه شويه ف راح علشان يهتم بيها ويطمن عليها
روح بتنهيده _ ياتري ايه اللي مستنيني هناك
روح = الو يا بابا، اه انا قربت اهه خلاص ربعايه وابقي عندك يله سلا سلام ربنا يخليك طب سلام دلوقتي وانا هبقي ارن عليك بعد م انزل يله باي
روح بتنهيده بعد م قفلت الخط _ ربنا يسترها وميحصليش مصايب هناك ف الفتره دي
قعدت شويه عماله افكر، دماغي مدووشه من افكار كتير اوي بس حاولت انفضها كلها من راسي علشان ابدأ من جديد
_ وصلنا يا آنسه، آنسسسسه، يا أستاذة
روح = هااااا
_ بقالي ربع ساعه بقول لحضرتك اننا وصلنا وشكلك مش مركزه
= اه تمام ميرسي
روح لنفسها _ واضح اني بعرف انفض الافكار كويس ههههه
دفعت الحساب ونزلت
_ الو يا بابا، اه طب اوصفلي المكان وانا هاجي، تمام، يعني ادخل يمين ف شارع****** واحود شمال، ربنا يستر وأعرف اوصل يله طيب جايه اهه
مشيت ع الطريق اللي بابا وصفهولي بس وأنا ماشيه لقيت حد خبطني ووقعت
روح = اااااااه، ايه انت اعمي
_ بجولك ايه انا مش ناجصك امشي من جدامي دلوك
روح بصوت عالي = وكأني ناقصاك انت الاخر جتك القرف روح الاهي تتكعبل وانت ماشي
_ حرف واحد تاني وصدجيني لأندمك انا بجولك اهه، انتي علشان شكلك غريبه بس سايبك بمزاجي
روح بعصبيه _ ايه القرف ده، شايف نفسك علي ايه لتكون الريس ولا حاجه، يامامي خوفتني
مسك شعرها وكلمها بعصبيه = انا حذرتك لما اجتلك دلوقتي بجي متلوميش الا غيرك
وطلع مسدس ووجهه علي راسها
= انا الزعيم اهنه وكل اللي ف البلد عاد بيمشوا علي كلمتي انا
روح _ عاااااااا، بااااباااااااااا.....
- تابع الفصل التالي عبر الرابط: "رواية وقعت في شباك صعيدي" اضغط على أسم الرواية