رواية الاسطى حور البارت الواحد والعشرون 21 بقلم نورا اسلام
رواية الاسطى حور الفصل الواحد والعشرون 21
شرحلهم المحاضره اللى فاتتهم وقبل ما يمشي
حور:دكتور تامر
تامر : نعم يا حور
حور مدت ايدها بفلوس وقالت: فلوس الادويه اللى حضرتك جبتها .. حضرتك مش ملزم تصرف عليا
بصلها ورفع حاجبه وهو بيقول:ايه كمية حضرتك الكتير ديه .. اومال لو مكنتش اكبر منك بسنتين .. كنتى قولتلى يا ابيه
كارما ضحكت وحور بصتلها فسكتت وهى متابعه الموقف
حور بجدية:اتفضل
تامر: اعتبريهم هدية
حور: بمناسبة ايه ان شاء الله!!
تامر: يا ستى من غير مناسبه
حور: وانا مُصره .. لو سمحت خد فلوسك
تامر: وإن قولت لا
حور: مش هاخد الدوا تانى
تامر: يعنى تتعبى نفسك علشان فلوس
حور:اه .. انا مقبلش ان حد يصرف عليا ..
تامر بلامبالاه: وهو انا بصرف عليكى!!
حور:بص .. انا مش هتكلم كتير .. بس بردو هتاهد الفلوس .. ومليش دعوه
تامر: ايوا عايزه مصاصه يعنى ولا ايه!!
كارما ضحكت تانى .. وحور بصتلها
حور: يوووه .. خد فلوسك ومتتريقش
تامر: خلى الفلوس ومش هتريق
حور: انت رخم ليه
تامر: حد يقول للدكتور بتاعه رخم
حور بحرج: احم.. اسفه .. بس هتاخد فلوسك يعنى هتاخد فلوسك
تامر بجدية : مش هخدهم وده اخر كلام
___________________
وصل بيته وهو بيسأل عن تامر
ومكنش فيه غير يارا بس اللى فى البيت
ابو تامر بتعب: اومال تامر فين يا يارا؟؟
يارا: راح عند حور يذاكرلها شويه المحاضرات اللى فاتتها
ابو تامر: مقلكيش هيرجع امتى!!
يارا: اتصلت بيه من شويه.. وقال نص ساعه وهيجى .. بس معرفش اتاخر ليه
سمعوا صوت الباب بيخبط .. يارا فتحت وهى بتقول: حمد الله على السلامه .. كملت بتريقه نص ساعه وجاى بس
تامر دخل وقال: لمضه .. لمضه .. اهدى على نفسك شويه
يارا: ادخل وبطل رخامه
تامر بصلها ودخل قعد قصاد ابوه
ابو تامر: اتاخرت ليه!!
تامر بتعب: عنيده اوى
ابو تامر: حور!!
تامر:اه .. حبستنى فى البيت عندها ومخلتنيش اخرج الا لما تدينى فلوس الدواء بتاعها
ابو تامر: وانت خدتهم!!
تامر: فظيعه يا بابا .. بهدلت الدنيا .. وام صاحبتها كارما نزلت .. ولقيت عم كمال طالع يهدى فيها .. وهى. مُصره انى اخد الفلوس وقلبت الدنيا
ابو تامر بضحك: هى غلبويه بس طيبه
تامر: هو انا اللى مصبرنى عليها غير طيبتها
__________________________
كارما : يا جبروتك يا شيخه
حور: اتمسي وقولى يا مسا
كارما: بئا يجى لحد عندنا ويشرحلك المحاضره اللى فاتتك ويشرحلى معاكى وفى الاخر تفرجى عليه الناس
حور رفعت كتفها وقالت: ما هو اللى مرضاش ياخد الفلوس
كارما:يا سلام
حور بجديه: كارما انتى عارفه انى مش بقبل على
نفسي ان حد يصرف عليا مليم
كارما: بس يا حور بردو .. مش كدا
حور: مش هو اللى عنيد
كارما: وانتى اعند منه بمراحل
_____________________
يارا على الاكل: عمو، تامر
بصلها وهما مستنين منها تتكلم
يارا بكسوف:، انا اتصلت. بالشاب اللى عايز يتقدملى وقالى انه هينزل مصر الاسبوع الجاي
ابو تامر: على بركة الله يا بنتى .. لو شاب كويس فاحنا اكيد هنوافق
يارا بتسرع: هو كويس والله انا عارفه
تامر ضحك وبصلها وقال: طب احترمى انى قاعد طيب
يارا :اسكت انت يا بتاع حور
ابو تامر بصله وضحك. ويارا كذلك ضحكت
_________________
عدى يومين وحور كانت بتقعد فى البيت تذاكر وتكلم كارما .. وكان العمال هما اللى بيشتغلوا فى الورشه ومحدش كان بيشتغل على عربية تامر بامر من حور
تامر قعد فتره مش بيشوفها علشان يسمح ليها تذاكر زى ما هى عايزه من غير ما يعطلها . وهى كان كل اهتمامها بالمذاكره لانها نفسها تكون معيده فى الجامعه
خلاص بكرا الامتحان .. قعدت فى البيت وهى بتذاكر وبتحاول تتكلم قصاد المرايه علشان بكرا الامتحان شفوى ومينفعش تقول اى كلمة عربى ..
نامت من كثر تعب المذاكره وصحيت لوحدها الساعه ٦ الصبح
قامت صلت الفجر وقرات قران وبعدها صلت الضحى .. مسكت الكتاب قرات فيه تانى .. معاد الامتحان الساعه ١٠ .. الساعه دلوقتى ٩
كارما خبطت عليها وهى كانت لبست وجهزت
اول ما كارما خبطت عليها خرجت بسرعه وقفلت الباب ومشيت معاها
كارما فى محاولة انها تهدى حور من التوتر اللى هى فيه: اهدى يا حور .. ان شاء الله خير
حور بصتلها وهى بتقول: ان شاء الله
وهى ماشية قابلت عم كمال
عم كمال: ربنا يوفقك يا بنتى ... ويكتبلك النجاح يارب
حور : تسلم يا عم كمال .. معلش انا مستعجله ..يالا يا كارما
ركبوا الاتوبيس ونزلوا قدام الجامعه دخلوا وكل واحد مستنى دوره علشان يدخل يكلم الدكتور. ..
واحد ندى وهو بيقول:كارما محسن عبد التواب
كارما دخلت وفضلت حور واقفه مستنيه دورها
حور جمال عبدالله
دخلت وكان الدكتور اللى هتعمل معاها الامتحان الشفوى هو تامر
بصلها بابتسامه وهى قعدت. وكانت بتلعب فى ضوافرها
تامر: اهدى يا حور .. وكان بيناولها مايه
حور: مش عايزه
رحع الميه مكانها وهى اخدت شهيق وزفير. وقالت:اتفضل يا دكتور
بدأو يتكلموا المانى وحور كانت بتحاول تركز قدر الامكان .. تامر سالها سؤال برا الامتحان وكان:
Haben Sie jemals geliebt? عمرك حبيتى قبل كدا!
حور : Nein
.. لا
تامر ابتسم بارتياح وقال: fertig.. Bitte
schön
خلصنا .. اتفضلى
قامت حور وخرجت برا القاعه
وكانت كارما واقفه مستنياها
_____________________
حور خرجت وقبل ما تروح راحت مع كارما فكت الخيط ..
وبما ان فيه ٣ايام على الامتحان التحريرى اشتغلت
اليوم ده وهى راجعه من الجامعه
__________________
تامر روح بعد اليوم الطويل ده .. يارا كانت قاعده مستنياه
يارا: ايه التاخير ده كله
تامر: امتحانات .. فتره امتحانات اعمل ايه!!
يارا : طيب.. هو جاى بعد اسبوع
تامر رفع حاجبه وقال: مين
يارا ضربته على كتفه و قالت: تامر بطل استهبال.. انت عارف
تامر ضحك وقال: ينور فى اى وقت
__________________
وهى فى الورشه تليفونها رن وكان اياد
ردت وهى بتقول: ازيك يا اياد عامل ايه
اياد: الحمد لله بخير. . عامله ايه وحشانى
حور: انت اكتر ..
اياد:حور .. انا نازل مصر بعد اسبوع ..
حور:هستناك
- تابع الفصل التالي عبر الرابط: "رواية الاسطى حور كاملة" اضغط على أسم الرواية