رواية الاسطى حور البارت الثاني والعشرون 22 بقلم نورا اسلام
رواية الاسطى حور الفصل الثاني والعشرون 22
وهى فى الورشه تليفونها رن وكان اياد
ردت وهى بتقول: ازيك يا اياد عامل ايه
اياد: الحمد لله بخير. . عامله ايه وحشانى
حور: انت اكتر ..
اياد:حور .. انا نازل مصر بعد اسبوع ..
حور:هستناك
اياد:استنينى فى المطار .. عايزك تكونى اول حد اشوفه
حور: هكلمك قبلها اقولك لو عرفت اجى .. علشان انا فى فترة امتحانات
اياد: طيب يا حور .. خلى بالك من نفسك
حور: حاضر
قفلت معاه
وكملت شغل. فى عربية تامر
عم كمال: اطلعى ارتاحى يا بنتى .. انتى من ساعة ما جيتى من الجامعه وانتى شغاله
حور كامت فعلاً تعبت سابت. العده وهى بتقول: حاضر يا عم كمال .. هطلع استريح .. وخليهم يقفلوا الورشه هما كمان تعبوا
عم كمال: طيب يا بنتى .. اطلعى
طلعت غسلت وشها وايديها ونامت من كثر التعب
_______________
صحيت اليوم اللى بعده وذاكرت لحد الساعه ٢ الظهر وبعدها نزلت اشتغلت لحد الساعه ٨ بليل وطلعت وعملت كدا بردو اليوم اللى بعده
_________________
يارا: ياعم اتهد واقعد بئا
تامر وهو رايح يمين وشمال: مشفتهاش بقالى يومين .. من ساعة الامتحان
يارا: ما تروحلها
تامر: ما انا بردو عايز احافظ على برستيجى
يارا بتريقه: انت ببرستيجك بكرامتك بكلوا .. مسحنا بيهم بلاط الشقه
تامر بغيظ: يا بنت ال .. طب والله لاوريكى .. اصبرى عليا
وطلع يجرى وراها وهى بتجرى منه فى البيت
__________________ after 1 hour
يارا بتعب:خلاص .. والله ما قادره .. اضربنى وقت تانى علشان اقظر ادافع عن نفسي
قالت كدا وهو ماسكها من زعبوط البيجامه
سابه بقرف وهو بيقول: يعنى انا اللى قادر .. منك لله .. هديتى حيلى
يارا قعدت جمبه وهى بتقول بتعب: هو ازاى عمو مصحاش مع اننا جرينا الجرى ده كله
تامر: بابا لما بينام لو علقتيله طبل بلدى مش بيصحى
يارا: زى حور يعنى
تامر: اه
________________
حور اليوم اللى بعده منزلتش الورشه وقعدت تذاكر فى البيت ....
تامر كان مستنى يوم الامتحان علشان يشوف حور بفارغ الصبر
كانت قاعده بتذاكر. لما سمعت صوت تليفونها بيرن ...
حور:الو يا كارما
كارما: اعاااااا .... مش فاهمه حاجه
حور بعدت التليفون عن ودنها
قربته تانى وهى بتقول: حد يصرخ فى ودن حد كدا
كارما بصراخ تانى:اعااااا... اطلعى يا حور انا مش فاهمه حاجه
حور وهى بتقفل الكتاب اللى قدامها: حاضر .. طالعه
طلعت حور ل كارما اول ما دخلت اوضة كارما وبصت على الارض قالت بصدمه: ايه كل الكتب والمذاكرات ديه يا كارما .. فيه ايه!!
كارما: لفيت على نص بنات الجامعه وكل ما لاقى واحده معاها مذكره او شيت اصوره
حور: ربنا يهديكى.. لمى معايا الهبل ده ولما نشوف هنذاكر ازاى
كارما ابتدت هى وحور يلموا الورق رتبوا المكان وقعدوا يذاكرو ٣ساعات وبعدها ناموا على الارض مكانهم
___________________
مامت كارما. فتحت الباب علشان تصحى كارما للامتحان شافت حور وكارما نايمين وكل واحد فى جهه
راحت عند كارما وهى بتهزها جامد وبتقول
بصوت عالى: الامتحان فاتكوا .. اتاخرتوا
كارما صحيت وبصت على حور اللى لسه نايمه وقالت:صحيها السرعه يا ماما .. ادلقى عليها شوية مايه
بعد ما صحيت حور بالعافيه راحت الامتحان مع كارما خلصوا وقعدوا على الكافتيريا شويه
مى قعدت جمبهم وهى بتقول بمرح: عاملين ايه .. عملتوا ايه فى الامتحان
حور فى نفسها: اطلع من امتحان مؤرف اشوف كائن مؤرف
بصتلها بقرف وقالت: الحمد لله ..
_______________
كارما وحور امتحنوا وعدى يومين وحور كانت بتشتغل على عربية تامر لحد ما خلصتها وبقت كويسه
وجيه ميعاد الامتحان الثانى
راحت الامتحان مع كارما .. وطلعت اول ما خلصت بسرعه على المطار علشان تستقبل اياد .. كان عايز يشوفها اليوم ده بس ملحقش .. شافها بتركب تاكسي ومشيت
اخد تاكسي لحد البيت وروح بيأس انه مشفهاش النهارده
اول ما دخل
يارا: انت لو مرفود من شغلك مش هتكون مبوز فى وشي كدا
تامر: مبوز .. انا عايزه اعرف كنتى عايشه برا ازاى بالفاظك ديه
يارا بتناكه مصطنعه: انا برا بكون كيوت يا بابا
تامر: اترزعى طيب
____________ فى المطار
حور: لو سمحتى الطياره اللى جايه من امريكا. هتوصل امتى؟؟
البنت بصتلها من فوق لتحت باستغراب وقرف
حور علت صوتها وقالت: ما تقولى هتوصل امتى وبلاش النظرات المقرفه ديه ..
_ وصلت وبينزلوا الشنط
حور بقرف:شكراً
فصلت واقفه نص ساعه شافت اياد طالع وبيشاورلها
متنكرش انها لما شافته تانى فرحت والابتسامه اترسمت على وشها .. اول ما جه سلم عليها وباس راسها وهو بيقول: وحشتينى
حور بابتسامه: وانت كمان وحشتنى اوى .. يالا
اياد: استنى معايا واحد صاحبى
حور باستغراب: واحد صاحبك
اياد : اه .. اهو جاى اهو
صاحب اياد جيه وقف جمبه وهو بيقول: انتى حور صح!!
حور : اه
مد ايده علشان يسلم وقال: اسمى مصطفى ...اياد حكالى عنك
حور مسكت ايد اياد وابتسمت ابتسامه صفرا وهى باصه ل مصطفى وسكتت
اياد: احم... حور مش بتسلم يا مصطفى
مصطفى بحرج: احم..اسف ..
اياد: تعرفى العنوان ده ******* يا حور
حور بصت فى العنوان وقالت: اه... ممكن نوصله بتاكسي
اياد: طيب عايزين نروحه دلوقتى قبل ما اروح
حور بعدم فهم: ليه .. ما تروح الاول
اياد: لا .. هنروح الاول بس .. تعالى معانا علشان مش نتوه فى السكه
حور : حاضر
خرجوا وركبوا تاكسي و وصلوا لحد العنوان
حور : هى ديه الشقه اللى مكتوبه فى العنوان
اياد رن الجرس وكانت حور واقفه قدام السلم بتعب
عدى دقيقه وتامر فتح وبص ل حور بصدمه وقال: حور !!
حور فضلت بصاله وبعد كدا رجعت نظرها ل اياد وقالت: انت جايبنى عند دكتور تامر!!
اياد: العنوان كدا .. معرفش ..
مصطفى: ده بيت انسه يارا
يارا خرجت وكانت لابسه بيجامه وقالت: مين يا تمر
" ايوا قالت تمر مش تامر"
اول ما شافتهم واقفين برا دخلت بسرعه الاوضه ورزعت الباب وراها
تامر بصلهم وقال: اتفضلوا .. ايوا هو
حور لاياد: انا ماشيه
اياد: هنتوه ومش هنعرف نرجع .. خليكى معانا
مصطفى دخل وفضل واقف مستنى اياد. وكان تامر واقف وسمعهم
حور: بس انا مش عايزه ادخل جوا
تامر بصلها بحزن وهى لاحظت كدا
حور:خلاص ..
دخلت وقعدت جنب اياد
وتامر كان قاعد مركز معاها
حور لاحظت فبصت عليه و قالت:، عربيتك جهزت تقدر تيجى تاخدها فى اى وقت
تامر حب يستفزها ف قال: انتى جايه علشان تقوليلى العربيه خلصت ..
اياد: لا مش بالظبط كدا .. ما تكلم يا درش
مصطفى: احم.. انا اللى انسه يارا قالتلك عليه .. انا اللى جاى اتقدملها
تامر: منور يا درش .. ثوانى اشوفها
خبط الباب ويارا سمحتله يدخل .. دخل لقاها لابسه فستان وقاعده
تامر. برفعة حاجب: مش هتخرجى تشوفيه
يارا: عمو جيه
تامر: لا لسه ..
يارا: طيب
تامر: اطلعى معايا مستنينك
_____________
حور: شوفت قال ايه ..قولتلك مش عايزه ادخل
اياد: معلش يا حور علشان خاطرى استحملى
حور سكتت وكانت مضايقه جدا من تصرف تامر
تامر خرج ويارا كانت وراه وماسكه فى ايده ..
قعدت جنبه وبصت. ل حور بابتسامه وقالت:ازيك يا حور
حور : الحمد لله
مصطفى كان مركز مع يارا .. ابتسمت بكسوف وضغطت على ايد تامر جامد
مصطفى: انا كنت جاى اتقدم للانسه يارا
تامر: عارف .. بس بردو عايز اعرف عنك شوية حاجات
مصطفى: وانا تحت امرك. فى اى حاجه
___________________
بعد المناقشات العائليه اللى كانت حور ساكته فيها وبتبص ل تامر بغيظ علشان احرجها .. قام اياد ومصطفى سلموا على تامر
تامر: هبقى اجى اخد العربيه بكرا يا حور
حور بصتله وسكتت ونزلت مع اياد
مصطفى سكن فى فندق واياد روح مع حور اللى طلعت عالطول
اليوم اللى بعده نزلت تشتغل وهى شغاله تامر جالها
حور بصتلها بقرف وهى شغاله: العربيه هناك
تامر جرب العربيه. وقال: ميه ميه يا اسطى حور
حور مردتش عليه
تامر: علفكره انا كنت بهزر امبارح
حور: ميهمنيش .. علاقتى بيك كدكتور هتنتهى كمان اسبوعين ومش هاكون عايزه اعرفك تانى
- تابع الفصل التالي عبر الرابط: "رواية الاسطى حور كاملة" اضغط على أسم الرواية