رواية احببت مجرما الفصل الثاني والعشرون 22 - بقلم روان ابراهيم

رواية أحببت مجرما "احببت مدمن" البارت الثاني والعشرون 22 بقلم روان ابراهيم

رواية أحببت مجرما الفصل الثاني والعشرون 22

فاروق:- كانت بتروح لمحمد يا باشا

حازم بثقة:- كنت واثق إن الهانم هي اللي ورا كل حاجة بتحصل، وعرفتولي فين مكان محمد بالظبط

فاروق:- ايوا يا باشا وكمان مسكناه وجبناه في المخزن

حازم بفخر من رجاله:- عاش يا وحوش عايزك تبعتلي أسد ورعد يصبحولي على محمد ويروقوه مهما كان ضيف وإكرام الضيف واجبنا(ثم ضحك بِشر) 

(أسد ورعد من أضخم رجال حازم وأشدهم قوة)

حازم بتساؤل:- وفين الست إنچي يا فاروق

فاروق:- في النادي يا باشا وفي رجالة بيراقبوها هناك 

حازم:- الله ينور عليك (ثم شرد بذهنه لحظة)

فاروق وهو يجذب انتباه حازم:- حازم باشا خير في حاجة حصلت مع حضرتك

حازم:- في حاجة غريبة حصلت يا فاروق ومش عارف أبرر الموقف دا

فاروق:- خير يا باشا

حازم بتذكر:- في خمرة في القصر يا فاروق ووصلت لملاك وشربت منها

فاروق بصدمة:- حضرتك بتقول ايه يا حازم باشا وحضرتك عرفت دا أزاي

حازم:- ريحتها خمرة يا فاروق والريحة مش غريبة عليا والوحيد اللي كان بيدخل القرف دا في القصر هو محمد لما كان بيستغل غيابي ويشربها في القصر وكذا مرة قولتله الزفتة دي تتشرب برا القصر لكن شكله أتجرأ وبعت الإزازة مع الهانم إنچي بس وربي وربي لأبهدلهم

فاروق بتساؤل:- حضرتك تؤمرني بإيه يا باشا وهيتنفذ فورًا

حازم:- كل اللي مطلوب منك تخلي الرجالة تسلملي على محمد ويروقوه لحد ما أفكر إني أجي أسلم عليه بنفسي وأنا هشوف شغلي مع الست إنچي

 فاروق وهو يغادر الغرفة:- أمرك يا باشا(ثم غادر القصر وصعد حازم غرفته وخلد للنوم بجانب ملاكه)

حازم وهو يحتضنها ويشم عبيرها:- اسمك ملاك وفعلا ملاك خطفتي قلبي يا ملاك بطبيعتك اللي بتجنني دي(ثم قبلها من رأسها ودخل في سُبات عميق)

في الصباح وخاصة في غرفة حازم وملاك:-

(كان حازم في الشرفة ويشرب قهوته)

ملاك وهي تتثاوب:- صباح الخير يا حازم

حازم وهو يقترب منها:- صباح النور يا ملوكة

ملاك وهي تمسك راسها:- راسي وجعاني أوي يا حازم مصدعة أوي

حازم وهو يضع صينية الطعام أمامها:- أفطري يا ملاك وخدي شاور وأشربي القهوة وتعالي علشان نتكلم في موضوع مهم

ملاك وهي تنظر له بحب:- حاضر يا حازم ويلا علشان تاكل معايا(وبدأوا في تناول الطعام سويًا)

حازم بحمحمة:- احم احم ملاك بقولك ايه أنتي فاكرة حاجة من ليلة أمبارح

ملاك باستغراب:- حاجة زي ايه يا حازم

حازم:- طب بصي أحكيلي عملتي ايه أمبارح

ملاك بتذكر:- أممممم فطرت وذاكرت كتير وإنچي قعدت معايا أه صحيح هقولك على حاجة غريبة حصلت أنا لحد دلوقتي مش مصدقة

حازم وهو يقبل يديها:- زي ايه يا ملوكة

ملاك بتذكر:- البت إنشي دي أم بوهية على وشها

حازم بضحك شديد:- إنشي وبوهية فصلتيني يا شيخة(ثم ضحك بشدة) مالها الست إنشي ق قصدي إنچي

ملاك بتكملة:- إنچي قعدت معايا وصالحتني وقالتلي نبقى صحاب وأخوات علشان هي مش عندها أخوات بنات ولا صحاب خالص وأتصالحنا وكمان جابتلي عصير تفاح(وبوجه طفولي وقرف) إعععععع طعمه كان وحش أوي يا حازم بس هي قالتلي..

فلاش باك:-

إنچي بحزن كاذب:- ليه كدا يا ملاك مش معقول هتكسفيني ومش هتشربي العصير من إيدي بس عالعموم مش هجبرك هروح أشوف عصير تاني

ملاك ببرائة:- اممم خلاص يا إنچي هشرب عصير التفاح مقدرش أكسفك كفاية إنك جايبهولي بنفسك

إنچي بفرحة:- شكرا يا ملاك يلا أشربي العصير (ثم ذاقت ملاك ذاك العصير و..)

ملاك بقرف:- يععع طعمه وحش أوي ريحته كمان مش حلوة أنتي متأكدة إن دا عصير تفاح

إنچي بتمثيل:- أيوا يا بنتي دا طعمه جميل جدا يمكن علشان أنتي مش متعودة عليه فمستغربة طعمه لكن هو جميل جداااا

ملاك بإقتناع:- عندك حق أنا علشان مش بحبه فبقول كدا بس هشربه كله المهم متزعليش مني

باك:-

ملاك لحازم:- دا اللي حصل بالظبط يا حازم أنا مستغربة جدا أنت ايه رأيك

حازم يجز على أسنانه ولنفسه:- أه منك يا بنت الكلب شربتي مراتي القرف دا بخطتك ال.... حسابك تقل يا إنچي

حازم بتساؤل:- ايه اللي حصل بعد كدا يا ملاك

ملاك بتذكر:- مش فاكرة حاجة خالص يا حازم راسي وجعاني ومش قادرة أفتكر

حازم لنفسه:- أوووف الحمدلله إنها مش فاكرة

حازم لملاك:- أسمعيني كويس يا ملاك، مش عايز أي علاقة تربطك مع إنچي نهائي هي مش بتحبك وعمرها ما هتحبك هي بتنتقم منك ومتستغربيش لإن الهانم لسه عايزة تحقق اللي في دماغها وتبقى ليا بس أنا مش هناولها اللي في بالها فأبعدي عنها وخليكي قوية قدامها مش عايز ملاك الهادية والرقيقة دي أنا عايز واحدة شرسة مع الزفتة دي حطيها في دماغك واحدة عايزة تخطف منك جوزك ومن قدام عينك هتعملي فيها ايه!!

ملاك بشر:- هجيبها من شعرها يا حازم وهمسح بكرامتها الأرض.

حازم بفخر بصغيرته:- وهو دا المطلوب إنه يتعمل مع إنچي لإنها هتتربى من أول وجديد ودا هيبقى على إيدينا وحسك عينك تاخدي أي حاجة من إنچي سواء بقى عصير أكل أي حاجة ممنوعة كلامي مفهوم

ملاك بنظرة حب:- مفهوم يا بابب

حازم بتعجب:- بابي!!

ملاك بحب:- أنت زي بابي أوي يا حازم أنت خايف عليا زي

ما بابي بيخاف عليا علشان كدا قولتلك يا بابي

(أقترب منها حازم وأحتضنها فتشعر ملاك بالأمان في أحضانه وتتشبث به بقوة)

حازم بحنان:- ملوكة قومي يلا خودي الشاور بتاعك وانا نازل أخلص شوية حاجات ولما تخلصي أنزلي وذاكري اللي وراكي

ملاك:- حاضر يا زوما

حازم بضحك:- زوما يخرب عقلك يا ملاك ايه زوما دي يا بت

ملاك وهي تقرصه من خده:- دا دلعك أنت يا حازم(ثم قبلته من خده وركضت من أمامه وذهبت للاستحمام)

حازم لنفسه بسعادة:- شكلك ناوية تقضي عليا بدلعك دا يا ملوكة

في الأسفل:-

إنچي بصوت مرتفع:- سعاد أنتي يا زفتة يا اللي اسمك سعاد

سعاد مسرعة:- أيوا يا ستي أؤمريني

إنچي بقرف من سعاد:- فين حازم وملاك

سعاد:- الست هانم ملاك وحازم بيه فوق في أوضتهم

إنچي بحاجب مرفوع:- وبيعملوا ايه في أوضتهم كل دا

سعاد بلامُبالاة:- والله يا ستي العلم عند الله أنا معرفش حاجة غير إن الست ملاك تعبانة وحازم بيه أخدلها الفطار

إنچي بخنقة:- غوري من وشي وأعملي القهوة بتاعتي

سعاد:- أمرك يا ستي

إنچي بغضب شديد:- بقى الحيوانة دي عاملة فيها تعبانة وقاعدالي جنب حازم ربنا يهدك يا ملاك

حازم من خلفها:- لسانك في بوقك يا إنچي وحسك عينك تجيبي سيرة ملاك تاني وأوعي تكوني فاكرة إني مش واعي للي بيحصل تؤتؤتؤ أنا حازم السيوفي يا إنچي وعندي علم بالصغيرة قبل الكبيرة وقرب اليوم اللي تغوري فيه من وشنا

إنچي بكره ظاهر:- أنت بتقولي أنا كل دا علشان الهانم بتاعتك، دي عيلة صغيرة يا حازم فوق لنفسك أنت هتقضي معاها يومين وهترميها في الشارع وفي الآخر هترجعلي هترميها لكلاب السكك ينهشوا فيها يا حازم دي واحدة متستهلش حازم السيوفي

حازم وهو يصفعها على وجهها ويمسك شعرها بقوة:- أخرسي يا إنچي أنا هربيكي أهي اللي بتجيبي سيرتها بكلام مش بطال أشرف منك ومن عشرة زيك على الأقل هي مش دايرة على حل شعرها زيك تحبي أفضحك ولا ايه يا هانم أنطقي

إنچي ببكاء:- ق قصدك ايه يا حازم ايه الكلام اللي بتقوله دا

• تابع الفصل التالي عبر الرابط: "رواية أحببت مجرما" اضغط على أسم الرواية