رواية أحببت مجرما "احببت مدمن" البارت الثالث والعشرون 23 بقلم روان ابراهيم
رواية أحببت مجرما الفصل الثالث والعشرون 23
حازم بصوت قوي:- قصدي أنتي عارفاه يا هانم يا محترمة أوعي تكوني فاكرة إنك لما تسافري أمريكا هبقى مش عارف أوصلك أو أعرف عنك أي حاجة لا يا قطة أنا مش عيل صغير يتاخد على قد عقله أنا واعي كويس جدا لكل حركاتك القذرة اللي بتتعمل في أمريكا وياريتها أمريكا وبس لاء يا حلوة وعارف حركاتك اللي من تحت لتحت وشغلك القذر اللي مع محمد يا حيوانة بقى بتتفقي مع ابن الكلب دا على مرات ابن خالتك هو دا آخرة اللي بعمله معاكي أقسم بربي لو ما أتلميتي أنا اللي هلمك فأتعدلي كدا ومتجيبيش سيرة مراتي بكلام بطال علشان مكسرش رقبتك وحسابي معاكي بعدين لحد ما أصفي حسابي مع الحيوان دا غوري من وشي(وبصوت مرتفع جدا) غوري على أوضتك يا إنچي (ركضت إنچي على غرفتها وهي تبكي بشدة و..)
حازم بصوت مرتفع:- صباح يا صباح
صباح بخوف:- أمر أمرك يا بيه
حازم بغضب:- أقفلي الباب بالمفتاح على إنچي والمفتاح يفضل معاكي ومحدش يقرب من أوضتها نهائي مفيش دخول عندها غير في وقت ال٣ وجبات وأنتي اللي هتدخليلها الأكل وتخرجي علطول وحسك عينك أعرف إن الهانم خرجت من الأوضة ساعتها أعرفي إنك مطرودة
صباح بخوف شديد:- حا حاضر يا حازم بيه(ثم ذهبت لتنفيذ أوامر حازم)
(استمعت ملاك لكل ما حدث لدرجة أنها شعرت بالخوف الشديد من ذلك الحازم وقررت ألا تنزل ولكن رأها حازم و..)
حازم بصوت هادئ نسبيا:- بتعملي ايه عندك يا ملاك
ملاك بخوف:- م م مبعملش يا حازم أنا أنا رايحة أوضتي
حازم وهو يوقفها بصوته:- تعالي هنا يا ملاك متخافيش(استمعت له ملاك وذهبت إليه)
حازم وهو يمسك يدها:- عاملة ايه دلوقتي
ملاك بارتعاش:- كو كو كويسة الحمدلله
حازم:- مالك يا بنتي بتترعشي كدا ليه، أوعي تكوني خايفة مني
ملاك وهي تختبأ في أحضانه وببكاء:- حا حا حازم أنت أنت بقيت شرير أوي كدا ليه، ليه عملت فيها كدا وايه الكلام اللي أنت قولتهولها دا ليه كدا يا حازم وأزاي تمد إيدك على بنت يا حازم ليه تعمل كدا(ثم بكت، حرك حازم يده على ظهرها ليهدأها و...)
حازم بلين:- هي غلطت وأنا من حقي أعاقبها اللي يغلط فيكي أجيب آجله يا ملاك كله إلا أنتي
ملاك بتساؤل:- أنت ليه بتعمل كل دا يا حازم
حازم بحب:- هتعرفي كل حاجة في وقتها يا ملاك كل اللي أنا عايزه تركزي على مستقبلك
ملاك:- حاضر يا حازم بس أوعدني متمدش إيدك على أي بنت مهما حصل
حازم:- أوعدك يا ملاك المهم مش عايزك تخافي مني
ملاك بحب:- مش خايفة منك يا زوما
حازم:- يلا يا ملوكة روحي ذاكري وأنا قاعد في المكتب بخلص شوية شغل
ملاك بعين مليئة بالحب:- تمام يا حازم ربنا يعينك في شغلك ويبعد عنك ولاد الحرام يا حازم يا ابن طنط أم حازم
حازم بضحك:- أمشي يا بت من هنا أحسن أكلك جتك القرف في حلاوتك
ملاك بضحك بصوت أهتز له القصر:- ماشية أهووو متزوقش أنت بس(ثم ضحكت)
حازم بجنان:- يخربيت ضحكتك اللي هتودينا في داهية دي، أمشي يا ملاك يالا يا ماما من هنا(ثم غادرت المكان وذهب حازم لغرفة المكتب وجائه فاروق ليتناقشا في الصفقات الهامة)
فاروق بعملية:- حازم باشا الصفقة دي من أقوى الصفقات اللي أتعرضت علينا تبع شركة عامر بيه
حازم:- عامر تاني يا فاروق
فاروق:- المرادي العملية مش سهلة يا باشا، لازم نبعت أنواع الأسلحة المطلوبة والمخدرات مع السياح اللي هيرجعوا إيطاليا ودول هينزلوا مصر بس علشان الصفقة دي هينزلوا على إنهم سياح والدنيا تخلص ويمشوا علطول وكله بطريقة غير شرعية يا باشا
حازم بشك وهو يشعل سيجارته:- أنا مش مطمن لعامر دا وخاصة إن چو شريكه في الشركة وشكله كدا ناوي يلبسنا في حيط أصل مش معقول بعد الصفقة اللي رفضتها هيعرضوا صفقة جديدة ونتعامل مع بعض تاني عامر وچو لما يبقوا مع بعض يبقى الموضوع فيه حاجة دول مش بيعدوا بالساهل لازم ينتقموا
فاروق:- والحل يا باشا (ولكن حازم لمح خيال من أسفل الباب وأشار لفاروق بأن يكمل حديثه)
حازم وهو يفتح باب الغرفة:- بتعملي ايه هنا؟
ملاك وهي تحمل فنجان قهوة:- كنت بجيبلك القهوة، أتفضل.
حازم بنظرة تمعن:- أنتي واقفة هنا من بدري!
ملاك:- تؤ أنا لسه جاية هو في حاجة ولا ايه
حازم بشرود:- ولا حاجة يلا روحي كملي مذاكرتك(ثم ذهبت لإكمال مذاكرتها وظل حازم شاردا بعض الشيء ظنًا بحدوث شيء غامض في القصر)
في مكانٍ ما في القصر، وفي الهاتف:-
عامر وهو يحتضن ساندي ويتحدث في الهاتف:- ها في جديد
= طبعا يا باشا، حازم بيه وفاروق كانوا في المكتب وسمعتهم وهما بيقولوا......
عامر وهو يشعل سيجارته وبصوت حاد:- كنت واثق إن حازم هيفكر بالطريقة دي، عايز عينيكي على حازم ورجالته كويس جدا وتبلغيني أول بأول اللي بيحصل عندك
=عنيا يا عامر باشا
عامر بتساؤل:- قوليلي في حد شك فيكي لحد دلوقتي
= عيب عليك يا باشا، دول يا عيني مخدوعين فيا بس يلا يعيشوا وياخدوا غيرها
عامر ببسمة انتصار:- حلاوتك هتوصلك لحد عندك، خليهم على عماهم كدا كتير لحد ما صفقتنا تتم
=تؤمر يا باشا(ثم أنتهت المكالمة و...)
ساندي وهي تحتضنه:- في جديد يا بيبي
عامر وهو يغمرها بعشقه:- هو دا وقته كلام في الشغل يا ساندي احنا عايزين نتكلم في مواضيع تانية أهم(ثم غمز لها)
ساندي بضحك عالٍ:- طول عمرك شقي أوي يا حبيبي(ثم قبلته برقة)
عامر وهو يصفق بفرحة:- شكل سهرتنا صباحي يا ديدا (ونسيبهم مع بعض شوية الناس دي عيب🙃🔪)
في قصر السيوفي
في غرفة ملاك:-
ملاك لنفسها:- يلهوي يا ملاك ايه اللي هببتيه دا، أعترفتي لحازم أحيه أحيييه، كويس إني افتكرت كل حاجة بس كدا حازم بقى خطر عليا اللي كان هيعمله أمبارح دا لازم أعاقبه عليه
قلبها:- لازم تعترفيله بحبك وأنتي واعية
ملاك:- لاء طبعا مينفعش أعترفله
قلبها:- تمام أوي خليكي كدا محلك سر وخلي ست إنچي تكوش عليه وأنتي تبقي ماضي وانتهى
ملاك بانفعال:- لالالالا ماضي ايه دا أنا لا يمكن أسيب حازم للحيزبونة دي حازم ليا وهيفضل ليا وهاخده من إنشي بتاعته دي
قلبها:- أنتي بقيتي جامدة كدا أزاي يا ملاك
ملاك بعشق:- الروايات وجمالها بتغير حال الواحد والله وعرفت إن شخصيتي لازم تبقى أقوى من كدا وبعدين فهمت كل حاجة وعرفت أزاي همشي كلامي على زوما حبيبي (ثم أبتسمت بخجل) همشيه على مبدأ شوق ولا تدوق
قلبها:- وأنتي هتتجرأي تعملي حاجة كدا ولا كدا، دا أنتي أخرك تحضنيه ولا تبوسيه من خده ويوم ما تنحرفي تبوسيه من .... وأخرك في اللبس بيچامة مرسوم عليها ميكي ماوس ولا توم وجيري
ملاك بزعل طفولي:- يووووه بقى أنت معايا ولا عليا سيبني في حالي وأنا هطلع الأنثى اللي جوايا وهخلي ابن السيوفي يحلف بحياتي هجننك يا حازم هقلب كيانك هحول حياتك من جحيم الحازم لملاك الحازم حياتك هتتغير على إيدي يا يا حبيبي(ثم أبتسمت بخجل ووضعت يدها على وجهها)
(ثم ذهبت للاستحمام وأرتدت چيب قصيرة إلى ما قبل الركبة وبلوزة ستان كات مفتوحة من عند الصدر وأطلقت لشعرها العنان ووضعت ميك أب خفيف ووضعت برفيوم جذاب جدًا وأرتدت أنسيال في قدمها ووضعت تاتو على قدمها أسفل الأنسيال)
ملاك لنفسها في المرآة:- إن مدوختكش ورايا يا حازم مبقاش ملاك أنا أعترفتلك بحبي الدور والباقي عليك يا بطل بس أعمل اللي في دماغي وبعد كدا اللي جاي سهل بإذن الله (ثم سمعت طرق على الباب وعلمت أنها صباح، فذهبت لترى ماذا تريد منها)
ملاك بحب لتلك السيدة:- نعم يا دادة
صباح بانبهار:- يا صلاة النبي يا صلاة الزين ايه الجمال دا يا ست ملاك اللهم صلي عالنبي ربنا يحفظك من عين الحسود خمسة وخميسة في عين اللي ما يصلي عالنبي
ملاك بضحك:- عليه الصلاة والسلام ايه كل دا يا دادة، كتير عليا كلامك دا
صباح بحب:- والله ما يكتر على ست ملاك حاجة دا أنتي ست الستات وست الكل يا ملاك هانم، يا بخت حازم بيه بيكي ربنا يهنيكم ببعض
ملاك وهي ترفع يديها للسماء:- يارب يا دادة صباح يارب وربنا يهديهولي، صحيح أنتي كنتي عايزة مني حاجة
صباح بشهقة:- يقطعني الكلام أخدني ونسيت أبلغ حضرتك إن حازم بيه مستنيكي تحت في أوضة المعيشة
ملاك بتفكير:- قوليله إني نازلة، ومتجيبلهوش سيرة بأي حاجة تانية ولا أنا بعمل ايه ولا غيره، وخدي باقي الخدم وروحوا عايزة القصر فاضي، ولو حازم بيه سألك قوليلو أحنا خلصنا شغل بدري ودي أوامر الهانم، ولما تطلعوا من القصر رني عليا
صباح ببسمة:- أمرك يا ست البنات
- تابع الفصل التالي عبر الرابط: "رواية أحببت مجرما" اضغط على أسم الرواية