رواية نور ملكي انا البارت الثالث بقلم ميسون عبدالمجيد
رواية نور ملكي انا الفصل الثالث
نور بارتباك:انا انا م موافقه
عمر بصلها وابتسم كانه كان متأكد
عمر قام قعد قدمها
عمر بجدية:حلو كدة انتي هتتوظفي هنا وهتبقي خطيبتي قريب
نور:ماشي هستلم شغلي امتي
عمر:لالا بلاش تسرع هو مش لعب عيال ما ممكن الله واعلم بعد ما تتثبتي هنا ترجعي عن قرارك
نور بصتله بضيق
عمر قام وقف تاني جاب ورق
عمر:هتمضي علي العقد دا عشان لو فكرتي تتراجعي عن قرارك هتدفعي مليون جنيه ولو انا مش وظفتك او انا اللي طردتك هدفعلك مليون جنيه
نور نفخت بضيق:انا عيزا افهم
عمر بضيق:ملكيش انك تفهمي أنتي ليكي انك تسمعي الكلام وبس
نور وقفت بغضب:لا منا مش بهيمه هنا هسمع كلامك واقول حاضر وطيب ونعم انا عيزا افهم ليه اخترتني ادخل في التمثلية دي وايه غرضك من كدة
عمر بغضب:وانا قولت انك ملكيش انك تفهمي
نور بغضب اكتر؛تمام يبقي فرصة سعيدة ي بشمهندس
عمر بحدة وضيق:خلاص وطي صوتك اتفضلي انزلي هنروح نقعد في كافيه وهفهمك كل حاجة
نور بصتله بضيق ونزلت
بعد وقت قصير كانو قعدين سوا في الكافيه
نور بضيق:ها اتفضل فهمني
عمر بهدوء:اول حاجة انا شفت الملف بتاعك وعجبني عندك خبرة حلوة وكمان تقديرك حلو عشان كدة هعينك السكرتيرة بتاعتي
نور بأندفاع:نعم نعم السكرتيرة بتاعتك بقي انا درسه اربع سنين هندسه وطلعت عيني واخدة كرسات وفي الاخر ابقي سكرتيرة ليك اجبلك القهوة وانظملك جدولك
عمر بغيظ ونرفزة:وطي صوتك الناس بتتفرج علينا مقصدش انا عندي سكرتيرة اقصد انك هتبقي زي مديرة اعمالي معاية في كل حاجة لان قلت خبرتك حلوة وهتفديني هتبقي زي حاتم حاتم مهندس معماري بردو وممتاز وديما معايا اقصد انك هتبقي شريكة في الشغل
نور هديت وفهمت
نور:تمام كدة فهمنا الشغل فهمني موضوع الخطوبة دا
عمر بضيق:انا كنت معجب وحدة وهي بتعشقني وكل ما تقولي اتقدملها اقلها لا مش مستعد هي عشان تغظني راحت اتخطبت لواحد تاني وانا عايز اخطبك عشان اخليها تغير وترجعلي انا
نور بتبصله بصه ملهاش معني
عمر بعدم فهم:مالك
نور بقرف:يعني بشكلك وهيبتك دي كل دا عشان حب وكلام فاضي ميجيش علي شكلك
عمر بصلها بضيق
نور:اسمها ايه سمو الاميرة
عمر:زينه هعرفك عليها لما نرجع
نور:واحنا هنتنيل نعمل الخطوبة دي امتي
عمر بضيق:مش علي طول الاول هوظفك في الشركة بعدها بفترة كدة قد شهر هنعلن خطوبتنا
نور بصتله بضيق
عمر:بس عايزك تعملي انك بتقربي مني عايزها تيجي تقولي اتجوزني تعملي حركات البنات المستفزة دي
نور بنرفزة وغيظ:مهي كانت قدامك كل السنين دي حسيت انك معجب بيها اما اتخطبت ولا لازم تقرف اهلي انا
عمر بضيق:اللي عندي قولته ولو موافقه اتفضلي امضي علي الاتفاقيه دي
نور مسكتها:وايه دي كمان أن شاء الله
عمر:فيها مجموعه شروط هتمضي عليها وإلا تدفعي المليون جنيه
نور مسكتها وبدأت تقرأ
نور بتعجب: المفرود اسمع كلامك في أي حاجة ومعرضكش واحترمك ومثل قدمها اني بموت عليك
عمر بأبتسامة سذجه:بظبط
نور كملت قراية:محدش يعرف بالكلام دا وألا هدفع
عمر:بظبط
نور:هجيلك البيت كتير وهي تكون عرفة
عمر:بظبط
نور فضلت تقرأ وقربت تتشل
نور:طب بص ي حلو انا كمان عندي شروط اول حاجة ملكش دعوة بيا برا الشغل لو عملت حاجة ضايقتك وفكرة تنهي الكلام دا تكتبلي شيك بمليون جنيه
عمر بصلها بصدمه
وفضلو يضايقو بعض وفي الاخر اتفقو علي كل حاجة
رجعو الشركة تاني
عمر بهمس:هي دي زينه
نور بصدمه:لااا متقولش انك معجب بالبت الظرافه اللي مشفتش ربع ساعة رباية دي
عمر سحبها من اديها برا الشركة بأحراج
عمر بحدة وغضب:بلاش غباء مش بحبه احترميها زينه صديقة الطفولة وانا بحترمها جدا
نور بصتله بقرف ودخلت الشركة وهو دخل وراها
زينه شافتهم قربت من عمر
زينه بابتسامة ونعومه:عمر في اجتماع كمان نص ساعة
عمر:...
نور:بجاااد جب اتفضل ي مستر ي عمر وانا هجبلك قهوتك وهعمل اللي تطلبه
زينه بضيق:انتي ايه اللي جابك تاني ي بتاعه انتي
نور ببرود واستفزاز ودلع:اولا اسمي ي نور ي حبيبتي ثانيا جيا هنا بصفتي مديرة اعمال مستر عمر ثالثا وادا الاهم انا هتولي كل امور مستر عمر ملكيش أنتي دعوة
زينه بغضب:ايه الكلام دا ي عمر وانتي ازاي تكلميني كدة انتي متعرفيش انا ابقي مين
نور ببرود:لا وميهمنيش اعرف انتي مين تمام اتفضل ي مستر عمر وانا جيا وراك
عمر مشي وهو حاسس انو في حرب هتقوم وهو السبب فيها
نور ركبت الاسانسير لقيت حاتم واقف فيه
حاتم ابتسم بهدوء وهي كذلك
الاسانسير بدء يطلع
حاتم:مش انتي اللي كنتي مع عمر امبارح
نور:ايوا منا بقيت مديرة اعمال مستر عمر
حاتم بأندهاش:مستر عمر ومديرة اعماله!!!!اهااا ماشي
نور بصتله بعدم فهم والاسانسير فتح وهي راحت علي المطبخ تجيب لعمر فنجان قهوة وحاتم راح لمكتب عمر
حاتم دخل لعمر علي طول
عمر بغيظ:هما عملين الباب ليه
حاتم بلا مبلاه:عشان ندخل منه
عمر بنرفزة:وعشان في حاجة اسمها احترام اللي انت متعرفش عنها حاجة والمفرود نخبط قبل ما ندخل
حاتم:خلاص بقي مش طلبه نصايح علي الصبح
عمر بصله بغيظ
حاتم:صحيح هي المزة اللي كانت هنا امبارح بقيت مديرة اعمالك
عمر بحدة:ايوا وبطل الكلمة دي ليها اسم اسمها نور
حاتم بمكر:وانت مالك مقموصلها كدة ليه
عمر بضيق:عشان موظفه في الشركة ولازم نحترمها
حاتم بصله بشك
الباب خبط
عمر:ادخل
دخلت نور ومسكا فنجان قهوة
نور وهي دخلا:القهوة ي مستر عمر
ولسا بتحطها اتكبت علي المكتب وجت علي الورق
نور بصدمة:احيييييه
عمر بصدمة وغضب:اييييييه إللي عملتييييه دااااا
نور بخوف:احم اسفة والله اسفه
عمر بغضب:شيفا دا ورق الاجتماع اللي هيبتدي دلوقت
نور:خلاص هو الاجتماع قاعد عليه قد ايه
عمر بغضب وضيق:تلت ساعة
نور اخدة الورق من ايده
نور:عشر دقايق بظبط وهتلاقي الورق عندك
نور خرجت بسرعة
وعمر قرب يطق
حاتم ضحك علي ما اخر ما عنده:باينلها هتعلمك الادب ي معلم
عمر قرب منه بغضب: حاتم اطلع برا
حاتم بأحراج:استني ط..
عمر بحدة:براااااا
بعد وقت
كان الكل بيجهز للاجتماع
عمر قاعد في مكتبه بيشتغل علي اللاب نور خبطت
عمر شاورلها تدخل
دخلت وكان الباب مفتوح
نور بفخر:اتفضل الورق جاهز
عمر بص الساعة:علي فكرة بقالك عشر دقايق وتلاتين سانيه
نور بصتله بغيظ وجزت علي سنانها
نور قربت من عمر
نور برقة:عمر قصدي مستر عمر
عمر بصدمة من تصرفها:في ايه
نور قربت منه قعدة علي ايد الكرسي وكان المسافة بين وشه نور لوش عمر كان سنتطي
نور برقة:كنت بقول لحضرتك يعني هو لو ينفع
عمر من كتر التوتر جسمه سخن جدا ونور حثا بالسخونه
نور مسكت ايده:كنت بقول لو ينفع نقعد مع بعض بعد الشغل وتفهمني الحجات اللي قلت عليها
عمر:..
زينه بضيق بداريه
زينه بابتسامة مصطنعه:احم عمر الاجتماع هيبتدي
عمر اتعدل ونور بصتله بمعني افهم هي كانت بتعمل كده ليه
عمر بجدية:احم تمام انا جاهز
نور بدلع:مستر عمر هنقعد مع بعض ولا لا
عمر بسرعة:ايوا ممكن تجيلي الشقة وافهمك كل حاجة
زينه برقت بصدمة ونور ابتسمت بخبث وعمر بيلعن نفسه علي اللي قاله
علي تربيزة الاجتماع كان قاعد عمر علي المقدمه وعلي شماله زينه وخطيبها زياد اللي يبقي محامي الشركة وبقيت العملا والمفرود مكان حاتم اول كرسي علي يمين عمر
حاتم جاي يقعد
نور بهمس:بقلك بدل معايا
حاتم بنفس الهمس:ليه
نور بهمس:كدة اعتربها جميلة لاختك الصغيرة
حاتم بصلها وضحك وقعد في تاني كرسي ونور قعدة علي اول كرسي جنب عمر وعمر استغرب بس حاول يكون طبيعي
عمر:ها خير
زينه بجدية:دلوقت في مشكله في المبني اللي بيتبني
عمر بعصبية: ايه ليييه يعني ماله
زينه:عمر اهدي المشكله ان الاوتيل الجديد دا محتاج مزانيه عاليه جدا لانه مكانه كويس جدا وعلي البحر علي طول وكمان في امكانيات من جوا عاليه جدآ وعشان يكون بالصورة اللي رسمنها محتاج علي الاقل خمسين مليون جنيه
عمر بهدوء وحدة:والحل انا لو هفلس كدة مش هوقف المشروع دا
زياد بجدية:هو في حل
عمر: واللي هوا ايه
زياد:ان يكون ليك شريك
عمر:نعم شريك بعد كل دا وادخل معايا شريك لا طبعا
زياد بهدوء:مقصدش ي عمر شريك بمعني الكلمة اقصد ان مستر مايكل الالماني اتعاقدنه مع شركته قبل كدة وهو راجل كويس ممكن تقابله وتعمله مقابله حلوة في مطعم شيك تحاول تخليه يتأكد ان الاوتيل دا احسن مشروع وممكن يمدنا بفلوس زي قرض
عمر بعدم ارتياح:مش مقتنع
زياد بقلة حيلة:كدة خلاص ان قلت حلي
نور قربت من عمر
نور برقة:مستر عمر انا عندي حل
عمر بصلها بمعني تتكلم
نور برقة وهدوء:ممكن يكون حل استاذ زياد كويس ممكن اروح انا معاك وانت تطلب من مستر مايكل انك عايز تقابله بحكم ان بقلكم كتير متجعتوش وتخليه يجيب مراته معاه ونقعد نتكلم وانت تفتح موضوع الاوتيل دا كا صدفة ونحاول نقنعه
عمر بصلها بأعجاب وزينه قربت تطق
عمر بهدوء:تمام اتفضلو الاجتماع خلص
كله قام اتبقي حاتم وعمر
حاتم بص اتأكد ان الكل مشي
حاتم قام قعد علي اول كرسي وعمال يبص لعمر
عمر برفعه حاجب:نعم
حاتم بيبصله ويلعب بحواجبه
عمر بضيق: اخلص في ايه
حاتم بغمزة:ايه الحوار هاا ها
عمر بعدم فهم:حوار ايه
حاتم بمكر:نور هانم يظهر ليها تأثير جامد عليك
عمر بغيظ ضربه بالورق اللي في ايده: اطلع برا ي حاتم
حاتم:ماشي اهرب اهرب
حاتم قام وكان خارج من المكتب لقي نور دخله
حاتم بيعملها باي بأيده:نور باااي
نور ضحكت برقة وعمر قرب يطق
عمر قام قعد علي مكتبه ونور وقفت قدامه
نور:دي الملفات اللي طلبتها
عمر وهو باصص فيهم:هنقعد امتي
نور بعدم فهم: نقعد امتي وليه
عمر يصلها:عشان افهمك الشغل اللي مش فهماه
نور ضحكت بسخرية: لالا انت صدقت دا ازوم التمثيل ي باشا مالك كدة اهدي
عمر بصلها بغيظ
عمر بضيق:انا كلمت مستر مايكل وكلمته اننا هنقابله بكرة بليل
نور:تمام
عمر بحدة:والله خايف منك توقعي الشركة
نور بغرور:والله الشركة دي لو نجحت هتكون بسببي
عمر بصلها بقرف
ونور كذلك وسابته ومشيت
نور مشيا في الكوريدور وكانت زينه خرجا من مكتبها
زينه ببرود وغرور:انتي ي اااا
نور بصتلها
نور بأبتسامة مستفزة: نور ي حياتي اسمي نور
زينه ببرود:وات ايفير مش فرقة المهم روحي هتيلي درنك بسرعة هتلاقي بتاعي المخصوص في التلاجه
نور قربت منها
نور بهدوء:انتي خريجة ايه
زينه بضيق:مهندسة ديكور
نور بحدة وغضب:تمام يعني دخلاها من تسعين في الميا انا حبيبتي جيبا ٩٧٪ وخريجة هندسه عمارة يعني اعلا منك بكتير وانا هنا مديرة اعمال مستر عمر مش سكرتيرة تمااام عندك اهي السكرتيرة
وشاورت للسكرتيرة سس ي سكر ممكن تجيبي لزينه اقصد استاذة زينه الدرنك الخاص بتاعها
السكرتيرة:حاضر ي فندم
زينه بصتلها بغضب ونور ابتسمت بغرور ومشيت
وكل دا كان متباعه حاتم لان مكتبه جنب مكتب زينه
نور كانت معديا جنب حاتم
حاتم بهمس:جامد يسطا طيرتي كرامتها دي اقل وحدة هنا وديما عملا انها وزيرة
نور بغرور:اتعلم بقي
حاتم بصلها وضحك وهي كذلك
اخر اليوم
نور وقفه قدام الشركة مستنيا أي تاكسي يعدي
زينه من وراها:ايه دا دا دا انتي مش المفرود تروحي مع عمر عشان يفهمك الشغل
نور بصتلها ومش عارفه ترد
عمر وهو خارج:ايوا ي زينه انا قلتلها تستناني تحت
وداس علي الريموت فتح باب العربيه
عمر:اتفضلي ي نور
نور بصاله بتوتر
عمر بيجز علي سنانه:نووور اركبي
نور بصتله وابتسمت بغيظ وركبت وزينه قربت تطق
عمر وهو بيركب:سلام ي زينه
زينه اكتفت بأبتسامة
عمر ونور مشيو
وزينه وقفه
زياد من وراها:مالك ي حبيبي وقفه كدة ليه
زينه بتوهان وبص لعربية عمر:هاااا
زياد:زينه بكلمك
زينه فاقت:لا ولا حاجة ي حبيبي يلا نمشي
زياد بصلها بشك ومشيو
في عربية عمر
نور:ممكن اعرف احنا ريحين فين
عمر ببرود:شقتي
نور بصدمه:نعاااام
عمر بقرف:متخافيش مش هتحرش بيكي انا قرفان ابص لخقتلك بس زينه مجنونه ممكن نروح نلاقيها مستنيانا هناك عشان تشوف مع بعض ولا لا
نور بغيظ:ولزمته ايه ام الحوارات دي متروح تتنيل تقولها بحبك وخلصنا وطلعني انا من الليلة دي
عمر بضيق:ملكيش دعوة واحترمي نفسك
نور بضيق:افتح الشبابيك
عمر ببرود:التاكيف مفتوح غلط
نور بغيظ:انا اتخنقت
عمر بصلها ببرود ولا اكنها اتكلمت
نور بصتله بغيظ وداست علي زرار فتح سقف العربية كله
عمر بصلها بغيظ شديد:انا ممكن اطردك عشان الحركة دي
نور ابتسمت بأستفزاز:وماله بس متنساش تبعتلي الشيك ابو مليون جنيه
عمر ابتسم بغضب وزود السرعة جدا ونور خافت
بعد وقت وصلو البرج كان برج جميل جدا وكبير بيطل علي البحر
وهما ركبين الاسانسير
نور بفضول:انت ليه مش ساكن في فلة مع انك تقدر
عمر بهدوء:مش بحب الافورة انا واحد عايش لوحدي اجيب فلة اعمل بيها انا البرج دا كله بتاعي اصلا
نور بصتله بصدمة
عمر:وانا واخد اخر شقة هي شقة كبيرة شويتين دابل وفيها سلالم اكبر شقة انا اللي مصمم البرج كله وصمتت الشقة بتاعتي مخصوص كدة
نور ابتسمت بهدوء
وصلو الشقة وعمر فتح ونور اتصدمت من جمالها ورقتها وكان معظمها باللون الاسود وجميلة اوي
نور كانت متوترة لانها معاه لوحده
عمر قفل الباب
عمر:ها طلعي أي حاجة افهملهالك
نور بصدمة:انا مجبتش معايا أي شغل
عمر بصلها بغيظ
عمر قلع الجاكيت وحط المفاتيح علي المكتب
عمر:قهوتك ايه
نور:نعم
عمر:اخلصي هنشرب أي حاجة اكيد مش هنقعد نتأمل بعض
نور بضيق:مظبوطة
عمر دخل المطبخ وبدء يعمل قهوة في المكنه ومطبخه علي النظام التركي يعني مفتوح ويشوف اللي قاعد
نور بدات تدخل وقلعت شنطتها وفضلت تتمشي بهدوء في البيت وبتتفرج علي الحجات
عمر جاب القهوة
عمر:تحبي تقعدي في التراس في الهوا
نور بهدوء: أي حاجة
عمر:تعالي روايا
عمر مشي ودخل التراس ونور وراه
قعدو نور قعدة علي المرجيحه وعمر واقف بيشرب وبيبص للبحر ونور بتبص للقمر
نور:شقتك جميلة اوي علي فكرة
عمر بابتسامة:شكرا
عمر حب يفتح كلام
عمر:كلميني عن نفسك عشان لما تبقي خطيبتي ابقي عارف عنك أي حاجة
نور بهدوء:اسمي نور العابدين عندي ٢٤ سنه خريجة هندسه عمارة بحب تخصصي جدا وعيزا انجح في عندي اهداف واحلام كتير يس القدر مش مساعدني اصلي اسكندرانيه بس اتنقلت القاهرة بس اهلي عيشين في اسكندريه ....
وقعدة تحكيله عنها
نور:وانت احكيلي
عمر بهدوء:انا ابقي عمر خالد توفيق البحيري غني عن التعريف طبعا وا..
نور قطعته:بلاش غرور بلاش مش بحبه
عمر ضحك:تمام عندي..
قطعه رن الجرس
نور قامت:انا هفتح
نور اتجهت للباب وعمر وراها
نور:مين حضرتك
_انتي اللي مين
عمر بص بصدمة
- تابع الفصل التالي عبر الرابط: "رواية نور ملكي انا" اضغط على أسم الرواية