رواية تار صعيدي البارت الثالث 3 بقلم ملك شاهين
رواية تار صعيدي الفصل الثالث 3
سمعوا صوت ضرب نار عند الحريم راحو هناك كلهم جري وقفوا يبصوا بصدمه
سالم : ايه حصل هنا
سميه : مفيش ده انا كنت ببارك للعروسه يا عمي بس باين عليها انها خوافه حبتين جريت علي فوج اول مشافت البندجيه وسمعت صوت الرصاص والجده راحت وياها
فراس بعصبيه : انت اتجننت يا سميه من امتي والحريم بيضربوا نار او بيمسكوا بندقيات
سميه : يووه يا ولد خالي جولت اوجب مع العروسه اومال هي اي عروسه دي عروسه فراس الجناوي
سالم بقلق : يوسف اطلع شوف اختك بسرعه ..وبعدين بص لسميه ..بنتي لو حصلها حاجه مش هرحملك
سميه : وه هو انا لمستها عاد ده انا ضربت طلجتين في الهوا هي الي مدلع دلع ماسخ
فراس طنش كلامها وبص لسالم : هي مضربتش عليها يعني متأذتش اكيد
سالم بقلق : عندها فوبيا من صوت الرصاص
فراس : ليه
سالم بقلق : بعدين يا بني بعدين نطمن عليها الاول
يوسف نزل
سالم : ها كويسه
يوسف : متقلقش يا بابا تيته الي فوق دي هدتها وبقت كويسه
بعد شويه الكل مشي وجه وقت ان فراس ياخد عروسته على البيت فراس كان عنده فضول يشوف مين دي الي الكل بيتكلم عنها وجدته حكت عنها فجأه وصلته رساله على موبيله من رقم غريب " ازيك يا فراس بيه ليك وحشه هسيبك كام يوم تتهنى بالعروسه بس بعدها هيتفتح عليك ابواب جهنم " فراس كان عايز يعرف مين فضل يفكر لحد اما قطع تفكيره يوسف وهو بيقوله
يوسف : اهي نزلت اهي
فراس رفع عينه علشان يشوفها واتصدم وفضل متنح قدامها وهي فضلت باصه في الارض وماسكه في ايد بابها فاق فراس على ايد سالم وهو بيقولوا
سالم بهمس وخوف : مش هوصيك عليها تاني يا فراس فلير اغلى حاجه في حياتي يبني
فراس : قولتلك في عيني يا عمي متقلقش
فراس خدها وركبوا العربيه هي فضلت ساكته وهو سرحان مش عارف يبدأ كلام معاها ازاي فاق من شروده على سؤالها
فلير : اسمك ايه
فراس باستغراب : اسمي فراس بس انت مبصتيش على العقد وانت بتمضي
هزت راسها بنفي
فلير : ممكن اتكلم معاك بصراحه
فراس : اكيد
فلير بكسوف وتوتر: طبعا انت عارف الظروف الي اتجوزنا فيها والتار وكده فاكيد جوازنا مش هيكون طبيعي زي اي اتنين
فراس : اه اه فهمك تمام كملي
فلير : انا مكنتش العروسه الي هتتجوزك العروسه كانت اختي الكبيره بس هي رفضت
فراس : وانا مالي ده شئ ميخصنيش
فلير باحراج : اه تمام
بعد شويه
فراس وهو من غير اما يبصلها
فراس : هي دي عينيك
فلير : ها اه عيني ليه
(نعرف فلير بمانها البطله 😂 عندها 22 سنه عندها مرسم وبتحب الرسم جداا ورثت الشعر الاحمر الناري والعين الزرقا من مامتها هاديه جداا وبتتعامل مع الامور كلها بهدوء )
فراس بسرحان : بيفكروني بعيون حد ولما فاق لنفسه قال ..وصلنا وصلنا يلا انزلي
فلير نزلت ودخلت القصر الي كان بالنسبه ليها شبه بيت الرعب اول لما دخلت جالعا قابضه في قلبها معرفتش سببها طلعوا الجناح
فراس بهدوء : ده هيبقي جناحنا في اوضتين انا اوصه وانت اوضه تقدرس تاخدي الاوضه الي انت عايزاها
هزت راسها ودخلت في اوضه من الاوضتين خدت شاور وحاولت متفكرش كتير ونامت
عند فراس خد شاور ونام على السرير وفضل باصص في السقف
فراس برجاء : ياارب يارب متتعبش قلبي تاني يارب دي بذات مش هينفع يارب
تاني يوم الصبح فلير صحيت ولبست اسدال وخرجت من اوضتها لقت فراس صاحي وقاعد على الاب
فلير : صباح الخير
فراس من غير اما يبص : صباح النور
فلير : فطرت
فراس : مبفطرش
فلير : طب هنا في مطبخ او اي حاجه اعمل فطار
فراس : اه في بس هطلبك فطار من تحت هما اصلا اكيد هيطلعوه دلوقتي
فلير قعدت على كنبه الي قصاده
فلير بتردد : هة ممكن اسألك سؤال
فراس وهو بيبصلها ويينفخ لانها كل شويه تقاطعه : اسألي وياريت بعدها تسكتي
فلير : ححاضر ..هي مين الي عيوني فكرتك بيها
فراس وهو بيقوم بعصبيه وبمسكها من كتفها : وانت مالك بتدخلي فلي ملكيش فيه ليه ياريت تخليكي في حالك احسنلك علشان انا ماسك نفسي عليكي اصلا بالعافيه
فلير بخوف : ححاضر
ساب كتفها وزقها وفتح باب الجناح ونزل ورزع باب وراه فضلت هي قاعده مكانها بتبص جنبها لقت الاب مفتوف ضحكت بخبث ومسكته وفضلت تقلب فيه وبعدين بعتت ماسدج لحد وقفلت كل حاجه وقامت بس لقت الخدامه بتخبط
فلير : ايوا في حاجه
فراس بيه بيجولك انزلي علشان الفطور جاهز والكل متجمع تحت بس البسي حجابك علشان معاه ضيف
فلير : حاضر وقفلت الباب
فلير بسخريه : ده على اساس اني قلعت الطرحه قدامه فهنزل اقلعها تحت شكلي داخله على ايام ما يعلم بيها غير ربنا بس كل يهون علشان اوصل للعوزاه
فلير لبست ونزلت واول لما دخلت اوضه الاكل اتصدمت من الي قاعد
فلير بصدمه وتوتر : بدر
بدر رفع رأسه من الموبيل واتفاجأ بيها و..
يتبع الفصل الرابع 4: اضغط هنا
- الفهرس يحتوي على جميع فصول الرواية كاملة: "رواية تار صعيدي" اضغط على أسم الرواية