رواية عشقي الاول البارت الثالث 3 بقلم مريم صابر
رواية عشقي الاول الفصل الثالث 3
غمز وقالي يعني لو مكانها هتوافقي!
=وانا هبصلك ع اي امشي يلا روح ل حبيبه القلب
_رايح اهو رايح ادعيلي يا مريومتي
*هو مبسوط!!!! للدرجادي بيحبها يمكن كل ال انا كنت عايشه فيه دا وهم.. بس دا كل ال حواليا كانو عارفين انو بيحبني بسبب تصرفاتو يمكن هو اصلا طبعو كده حنين وبيغير.. يارب ريح قلبي يارب*
نزلت اتمشي شويه يمكن قلبي يرتاح.. زمانو راح وشافتو.. اكيد زمانهم قاعدين مع بعض وطبعا عمال يبصلها الخاين ال موتو هيبقي ع ايدي
تعبت من الجري كنت بجري بكل قوتي ك نوع من انواع جلد الذات ف قعدت شويه ارتاح
لقيت نفسي بعيط.. بعيط ع حياتي ال مبقاش باين ليها ملامح.. ع مستقبلي ال كنت بنياه مع واحد راح يخطب غيري ب لبس انا ال مختراه.. انا حقيقي تعبت
شوفت طفله جايه عليا ومعاها ورده
_ممكن تاخدي الورده دي مني ومتعيطيش تاني
=حاضر يا قمري
_ماما دايما بتقولي لما تشوفي اي حد زعلان لازم تفضلي معاه لغايه م يضحك ممكن بقا تضحكي عشان اتأخرت ع ماما ولازم اروحلها
=يا روح قلبي تسلم مامتك هاتي بوسه.. روحي ل مامتك عشان متتأخريش
_بااااي
انا بحب الاطفال جوزوووني عشان اجيب بنوته واربيها زي دي انا عايزه من دي
_طفله هتربي طفله ازاي يعني
=يوسف!! انت اي ال جابك
_روحتلك البيت مامتك قالتلي انك نزلتي تتمشي توقعت انك تبقي هنا
=اه طيب
_مالك
=مالي ازاي م انا كويسه اهو
_مريم انا مش اهبل انتي من امبارح متغيره ومش عايزه تقولي مالك انا اكتر واحد حافظك وكمان مسألتنيش عملت اي
=مفيش يبني انا اتأخرت ولازم امشي
لسه بمشي لقيتو مسك ايدي
_انا بكلمك
=سيب ايدي انت ازاي تمسك ايدي كده اصلا
_يا تلبسي الطرحه عدل وتدخلي شعرك زي الناس يا متخرجيش من البيت اصلا
=هي ال بتتزحلق وبعدين انت مالك انا اعمل ال انا عيزاه
_انتي عبيطه يعني اي تعملي ال انتي عيزاه وازاي انا مالي ما تتظبطي يا مريم
=ملكش انك تقولي البسي ومتلبسيش مين انت عشان تتحكم فيا
_اه دا انتي اتهبلتي ف مخك بقا يلا قدامي ع البيت ونكمل كلامنا هناك
شديت ايدي ال كان ماسكها ومحستش ب ولا كلمه م ال انا بقولها
=ابعد عنيييي بقاااااا سبنييي ف حااالي انا بكرهك ومبقتش طيقااااااك انت مفكرنيي لعبه ف ايييدك وقت م تحتاااجني تلاقيييني انت ملكش دعوووه بيااا فااااهم وابعد عنيي بقا ياا اخييي حرااام عليييك سبني ف حاااالي بقااااا
الدنيا اسودت ف وشي شيفاه واقف مصدوم منطقش ب ولا كلمه محستش بنفسي غير وانا ع السرير
=اي ال حصل
لقيتو قاعد بعيد وماما جمبي
_مش عارفه يبنتي انا لقيت يوسف جايبك وانتي مغمي عليكي وبسألو مش راضي يقول حاجه احكيلي يا بنتي في اي
=مفيش يا ماما دوخت ووقعت عشان كنت مرهقه شويه
_ممكن تسيبينا شويه يا مرات عمي
_حاضر يبني
فضلنا باصين لبعض شويه وساكتين
=عايز اي يا يوسف
_عايز اعرف مالك
=انا مخنوقه شويه عادي متاخدش ف بالك
_طب انا جبتلك شوكولاته
تلقائيا ابتسمت عشان انا مهزأه وهبله وبيتضحك عليا
=شكرا
_من امتي في بينا شكر
=هاا قول عملت اي
_لسه هيردو علينا بكره تفتكري ممكن متوافقش
=لو خير ليك ربنا هيجعلها من نصيبك
=يوسف
_قلب يوسف
*الله يخربيتك بقا*
=هي حلوه
_دي منجايا
*عيوني دمعت*
=حلوه اوي يعني
_اوي اوي
=يعني دي احلي واحده انت شوفتها
_ولا عمري شوفت واحده ف جمالك بس للأسف بقا انتي اختي
*دا انت قليل الادب بقا والادب مش هينفع معاك*
=اه اختك.. لا حنين
_طول عمري
=طب يلا طريق السلامه انت بقا عشان ماما متجيش تطردك
_انا اسف لو زعلتك من غير قصدي بس عايزك تعرفي ان زعلك عندي بالدنيا
*حد ياخد الواد داااا من هنا حاااالاااا*
=عمري م ازعل منك انت اكتر من اخويا يا يوسف
_انتي قفيله انا ماشي
=بالسلامه ياخويا
_اه صحيح احنا معزومين عندكو بكره
=مين ال عزمكو
_اكيد أمك امال هنستني واحده زيك تعزمنا يعني
=طب طير من وشي بدال م اجيلك
غمر _متيجي
=امشششي
*هو انا ليه ساعات بحسو بيحبني وساعات بحس اني ولا حاجه بالنسبالو ياااارب بقااا ابعدووو عني*
_صوتك يا متخلفه عندي صداااع
=حاضر ياست الكل الحماس بس واخدني معلش
رنيت ع فيروز اخت يوسف عشان كنت مخنوقه ومحتاجه اتكلم معاها شويه
_السلام عليكم .. الابله ال نسيانا
=وعليكم السلام.. والله انتي ال كلبه ولا معبراني
_مريم انتي لي مش عايزه تقوليلو انك بتحبيه. ما يمكن لما يعرف يلغي الخطوبه
=لا يا روز مش هخليه يسيب ال بيحبها عشاني هي زنبها اي مينفعش ابقا انانيه كده اخوكي مش صغير وعارف هو بيعمل اي
_عرفتي ان احنا معزومين عندكو بكره
=اه اخوكي قالي
_امم اخويا قالك دا انتو اتقابلتو بقا ايوااا يااعم
=ياختي اتنيلي اسكتي هو اخوكي دا بيحس
_المهم يعني فاكره عمر ال كنت حكيتلك عنو
=اه مالو
_اعترفلي ب حبو وكلم يوسف بس رفضو
=ما اكيد يا روز هو مش كويس اخوكي هيرفضو لي غير عشان كده
_لا هو رفضو عشان لسه طالب
=ما طالب يعني مش شايل مسئوليه ومش جاهز
_لا يا مريم هو جاهز لسه بس بيدور ع شغل لكن شقتو موجوده وكل حاجه عشان خاطري كلمي يوسف انتي الوحيده ال هتقدري تقنعيه
=حاضر هتكلم معاه متقلقيش
_مش بحبك من فرااغ
=غوري بقا وجعتيلي دماغي
_باااي
قومت عملت قهوه وعملتلو معايا ودخلت البلكونه لقيتو واقف مستنيني
_اي يا جميل
=اي يارخم
_متيجي ننزل نتمشي اجبلك شيكولاته ونرجع تاني
=انت مخلص فلوسك ع الشيكولاته ال بتجبهالي يبني والله
_لو اطول اجبلك القمر هجبهولك
=يلا ياخويا انزل بلا محن
_طب قولي ل أمك وانا هستناكي تحت
قولت ل ماما ووافقت لبست واتعمدت ابين شعري عشان اشوف رد فعلو..نزلت لقيتو مستني تحت يخربيتك وانت قمر خايفه تتخطف مني واحنا ماشيين
قرب مني.. =مالك يا يوسف
قرب اكتو..=ابعد يا يوسف في اي
شد الطرحه ل قدام.. بوظهالي الرخم
=يخربيتك الطرحه باظت
_ع فكره انا مش هقولك تاني شعرك ميبانش
=خلاص خلاص متعيطش معنتش هيبنو
_ظريفه ودمك يلطش
=هه انت تطول واحده ف خفه دمي
غمز _كفايه عليا انتي مش عايز واحده تانيه
=.........
_صحيح بقولك انا وانتي ال هنتطبخ بكره ابقي استنيني متعمليش حاجه ولا تخلي مرات عمي تعمل حاجه
=انا مبحبش حد يساعدني ف المطبخ ياعم بتوتر
_وهو انا حد باردو
=لا سبت هعهعهع
_غوري من وشي
وصلنا المحل لقينا بت ملزقه كده هيييح استغفر الله
:اتفضل اؤمرني تطلب اي
*دا اي البت المسهوكه دي ماهي اصلها مش طالبه امها خالص
_هو عم احمد صاحب المحل فين
:هيهي انت متعرفش ما انا جديده هنا
=جديده ع نفسك ياما انجزي هاتي الشوكااالااااطه
:ياااع اي البيئه دي جايبها منين
=وحيات امك لو ما ظبطي لسانك ل اجي اشدك من شعرك ال فرحنالي بيه دا
:بقولك اي يا حلو انت ما تسيبك من الشرشوحه دي وتيجي اجبلك الشيكولاته
*دخلت مسكت شعرها ماهو مبدهاش بقا دي بتتمايص ع جوزي دا انا ذات نفسي معملتهاش
=هو مين دا ال حلو يا زباله يا مايصه يا معفنه انتي امال لو مكنتيش حاطه الميكب ال ف بيتكو كلو هتبقي عامله ازاي
شالني عشان مكنتش راضيه اسيبها تستاهل عشان تبقي تتمايصي ع ابو عيالي
=نزلني يا يوسف خليني اربيها
_فضحتينا يخربيتك اي ال هببتيه دا
=دي بت مايعه وقليله الادب
_بس مش كده البت كانت هتموت ف ايدك
=اه حقك تدافع عنها ما انت مبسوط ب سفالتها
_بس بصراحه بت جامده
=تمم ماشي خلي الجامده تنفعك انا غلطانه اني جيت معاك اصلا
مسك ايدي وشدني.. _والله بهزر معاكي
=متهزرش
_انتي مدايقه لي
=مش مدايقه
_اوعي تكوني غيرانه
=احم هغير من اي يعني لا وسيب ايدي كده وابعد انت مقرب مني لي كده
قرب اكتر وبصلي _تصدقي شبه الملايكه من قريب
- تابع الفصل التالي عبر الرابط: "رواية عشقي الاول" اضغط على أسم الرواية