رواية نور ملكي انا البارت الرابع بقلم ميسون عبدالمجيد
رواية نور ملكي انا الفصل الرابع
نور:مين حضرتك
كرمن:انتي اللي مين
عمر وهو بيقرب:مين ي نو..كرمن!!
كرمن فتحت الباب وزقت ايد نور ودخلت ونور مصدومه من تصرفها
كرمن بأبتسامة وخبث:اه كرمن ي عمر مالك مصدوم كدة ليه مش تعرفنا بالقمر
عمر بضيق بيداريه:كرمن مرات اخويا ودي نور مديرة اعمالي
كرمن بأبتسامة وخبث:اااه انا زي اخته الصغيرة بظبط
نور ابتسمت بغضب
كرمن بأبتسامة ومكر:مش كدة ي عمور
عمر ابتسم غصب عنه
كرمن وهي بتلف حوالين كرمن:مين بقي القمر اللي قعدة معاك لساعة عشرة دي
عمر:قلتلك نور مديرة اعمالي وكنا بنشتغل
كرمن بخبث :بتشتغلو اوووه وانا اللي ظنيت فيكم ظن مش تمام اكمن قعدين لوحدكم وا..
نور قاطعتها بحدة:لا هو اللي مش تمام ان وحدة زي حضرتك في الوقت دا تسيب جوزها وتيجي لخوه لوحدها كدة
زينه بصتلها بغضب ومعرفتش ترد وعمر اضايق جدا بس بص لنور وابتسم بخفوت انها كسفتها
نور اخدة شنطتها:سلام ي مستر عمر نكمل شغلنا في الشركة
كرمن ببرود:اوووه لا متقوليش اني جيت قاطعتكم
نور بصتلها بقرف ونزلت
عمر بسرعة:لحظة ي نور هاجي اوصلك
وبص لكرمن بتوعد ونزل وراها بسرعة
تحت البرج
عمر بأحراج:مش عايزك تزعلي من كارمن خالص هي كدة علي طول
نور بأبتسامة:لا عادي ولا يهمك بااي
عمر: لحظة هوصلك
نور بضيق بداريه:لا ميصحش تسيب ضيوفك هركب تاكسي
تاكسي
وفعلا نور ركبت تاكسي ومشيت وطول الطريق سرحانه في عمر وحياته وكل ما تفتكر نظرات كرمن ليه تضايق
اما عمر اتأكد ان نور مشيت وطلع لكرمن وهو في قمة غضبه
عمر فتح الباب بفضب:كررررمن
كرمن ببرود:نعام ي عمر
قالت كدة وهي بتصب القهوة
عمر بغضب:انتي ايه متعرفيش يعني ايه رباية منظري يبقي ايه قدام موظفه عندي لما تشوف مرات اخويا جيالي في وقت زي داااا هااا
كرمن ببرود:طب وانت بقي هي كانت بتعمل ايه عندك
عمر بعصبية شديدة:وانتي ماااالك هاا ماااالك ايه رايك كنت هعمل معاها حاجة غلط حاجة عيب حاااجة حرام انتي مالك ومال حياتي
كرمن بدموع:عمر انا بحبك
عمر بغضب شديد:اخرسي بقلك انتي اقذر بني ادمه شفتها في حياتي انتي ازاي كدة ازاي بتقدري تضحكي علي اخويا بالشكل دا واقنعتيه انك بتحبيه
كرمن بدموع:انا فعلا كنت بحب اخوك بس لما شفتك اتعلقت بيك
عمر بحدة وغضب:كرمن الشقة مليانه كاميرات يعني كل كلامك متسجل
كرمن بصتله بصدمه وخوف
عمر بهدوء رغم العاصفه اللي جواه: فا اتفضلي امشي بأدبك وارجعي لجوزك ولو فكرتي تقربي مني تاني من بعيد او من قريب والله هفضحك قدام اخويا وقدام الناس كلها
كرمن بصتله بغضب ما بين دموعها
عمر بغضب:برااااا
كرمن بصتله بعنين حادة:ماشي ي عمر انا وانت والزمن طويل طويل اوي وهتشوف
كرمن خرجت وعمر قفل الباب بغضب واخد نفسه بسرعة اثر الزعيق
عند نور
رجعت البيت ولبست بجامتها وقعدة تتفرج علي التي في بس هي اصلا مكنتش بصاله كانت بصا للفراغ وسرحانه
تاج قعدة جنبها
تاج:دا حب جديد دا ولا ايه
نور نوور نووور
نور بفزع:ايييه ايييه مالك
تاج:انتي اللي مالك جيا متأخر ومن ساعت ما جيتي وانتي في عالم تاني
نور بضيق وتهرب:مفيش تعبانه وعايزة انام
تاج بصتلها بغيظ
_____________________________________________
اشرقت شمس يوم جديد
نور صحيت اخدة شاور ولبست بنطلون جينز عليه تيشرت ابيض وكوتشي ابيض وشنطة كحلي وخرجت
ركبت تاكسي واتجهت للشركة
عند عمر كان بيلبس الجاكيت الباب خبط
راح يفتح
عمر بأبتسامة:وانا اقول صاحي مبسوط ليه اتاري القمر بنفسه جيلي
الجدة بأبتسامة:يلا بطل تاكل بعقلي حلاوة
عمر حضنها:ي بطوط بحبك دنتي لو كنتي اصغر مني بسنتين بس كنت اتجوزتك
الجد ضربته بهزار:ي واد بطل بقي
انت رايح الشركة
عمر:اه والله
الجدة بحزن:طب خلاص روح وانا هقعد هنا استناك
عمر بتفكير:طب وليه تعالي معايا
الجدة بذهول:اجي معاك فين بس دنا اكسفك قدام زمايلك
عمر بحب:ي بطوط انتي تشرفي أي حد ولا فكرة انك كبرتي دنتي اللي يشوفك يقول اختي الصغيرة
الجدة بضحك وحب:ربنا يجبر بخاطرك يبني
عمر:طب يلا يلا نروح عشان متأخرش
الجدة:لا روح انت وانا هستناك
عمر بتصميم:والله ما يحصل
وبعد كلام كتير عمر اخدة جدته معاه وهي ست شيك وجميلة ومحجبه
بعد وقت قصير
وصلت نور الشركة ونزلت من التاكسي
كانت الجدة فاطمة واقفه ستنيه عمر يركن العربيه
نور معديه من جنبها
الجدة:لو سمحت يبنتي المحفظة وقعت مني ومش قدرة اوطي اجبها
نور بأبتسامة:حاضر حضرتك هجهالك
نور وطت جابتها
نور بأبتسامة:اتفضلي
الجدة بأبتسامة:شكرا يبنتي مش عرفة اقلك ايه
نور:ولا أي حاجة حضرتك زي جدتي
الجدة بأبتسامة: خلاص قوليلي ي تيته زي حفيدي قوليلي انتي بتشتغلي هنا جديد اول مرة اشوفك
نور:ايوا لسة متعينه امبارح
الجدة:وعلي كدة بتشتغلي ايه
نور:انا مهندسه معماريه وبشتغل مديرة اعمال مستر عمر مدير الشركة
الجدة بأتسامة وخبث:اهااا وعلي كدة بتحبي عمر
نور بصدمة من سؤالها:نعم!!!
الجدة:احم اقصد يعني انو كويس معاكي كدة ومحترم وبيعاملك كويس
نور جزت علي سنانها:طبعا واحلي معاملا مستر عمر دا من احسن الناس اللي اتعاملت معاهم ويارتني ما اتعاملت
بس حضرتك تعرفيه منين
الجدة:..
عمر:هاا ي تيته انا جي..
نوور
نور ابتسمت
عمر:اعرفك ي تيته نور المساعدة بتاعتي وتيته ي نور
نور ابتسمت بحب
نور: عن اذنكم وفرصة سعيدة
نور سابتهم
الجدة بتبص لعمر من فوق لتحت
عمر:عارف انا النظرة دي لالا متفهميش غلط
الجدة بنص عين:ي واااد عليا بردو من امتي وانت عندك مديرة اعمال انت من يوم ما فتحت الشركة وانت مش معاك غير سكرتيرة
عمر بتهرب:تغير ي تيته تغير
اكمل عمر بحدة مصطنعه:بطوووط خلينا حلوين مع بعض انهارده ماشي
الجدة بصتله بغيظ وهو ضحك ومسك اديها ودخلو
بعد وقت
عمر كان بيلف في الشركة علي الموظفين وجدته قعدة لوحدها في المكتب
خبطت نور ودخلت
نور بأبتسامة:احلي فنجان قهوة من ايدي مخصوص لاحلي تيته
الجدة ضحكت بحب:ي حبيبتي تسلمي قوليلي انتي اسمك ايه
نور بأبتسامة:نور اسمي نور
الجدة بحب:نور وانتي اسم علي مسمي بدر منور
نور ضحكت بحب
عمر دخل
عمر بأبتسامة:تيته والله منورة الشركة
الجدة بحب:منورة بيك ي قلبي
عمر قرب منها باسها ونور بصاله بأستغراب من طريقته الختلفه تماما مع جدته رغم عصبيته وجنانه ونرفزته وغروره لكن مع جدته حاجة تاني خالص
نور فاقت:ها بتقول ايه
عمر بحدة وضيق:بقالي ساعة بقول روحي شوفي الحسابات تحت
نور بضيق:طيب خلاص براحة
نور كانت خرجة وقفتها زينه
زينه بأبتسامة:فاطمة هانم منورة الشركة
الجدة بأبتسامة مصطنعه:شكرا ي زينه
زينه بخبث:ايييه دا انتو لسة قعدين مش هتروحو سهرتكم بقي لالا سيبو كل الشغل وانا هعمله وانتو روحو سهرتكم واستمتعو
الاتنين بصولها بصدمة وغيظ
الجدة بعدم فهم:سهرة ايه ي عمر
زينه بأبتسامة:طب اسبكم واجلكم شوية كدة
زينه خرجت وعمر جز علي سنانه بغيظ
الجدة:متفهمني ي عمر
عمر:..
نور:ابدا ي تيته دي سهرة عمل يعني هروح انا وعمر نقابل ناس جيا من بلاد برا كأنهم وحشونا ونبسطهم ونحاول نقنعم انهم يمدو عمر بفلوس زي القرد كدة
الجدة بأبتسامة ومكر:اهااا طب وانتي ي حبيبتي لسه قعدة هنا يلا روحي اجهزي انا عرفة البنات بتاخد وقت ياما عشان تجهز
عمر بتدخل وضيق:لا ي تيته عندنا شغل
نور بحزن مصطنع وتمثيل:خلاص بقي ي تيته ابقي اروح في معادي وحاول اخلص بسرعة
عمر بصلها بغيظ وهي ضحكت بهمس
الجدة بحدة:مفيش الكلام دا انا بنفسي بقلك روحي يلا وجهزي نفسك
نور ببراءة مصطنعه:خلاص ي تيته مدام انتي عيزا كدة عن اذنك ي مستر عمر اشوفك بليل
عمر ابتسم بغضب وهي خرجت
مرت ساعات حتي عم الظلام
نور في بيتها وكانت بتلبس فردة الحلق
قامت مسكت الشنطة في اديها وبصت لنفسها في المرايا
تاج من وراها بصتلها وصفرت
تاج بغمزة:بطل والله هتلاقي الرجالة مشيا وراكي صف
نور بصتلها وضحكت
نور سلمت علي تاج ونزلت
بس اتفجأت لما لقيت عمر واقف مستنيها قدام العمارة وساند علي عربيته
عمر اول ما شفها اتعدل ويصلها بصدمة كانت نور لبسه فستان اسود بحمالات رفيعه لغاية ركبه وفي فتحه من تحت وحطا ميك اب خفيف وفردا شعرها ولبسه شوز اسود وشنطة سودة كانت عملا زي نجمة بتملع
نور وشها بقي زي الفرولا من الكسوف
عمر كان لتبس بدلة رماضي غامق جمدة اوي
نور حاولت تطقع الصمت دا
نور بخجل:احم انت ايه اللي جابك هنا وجيت ازاي
عمر عمااار
عمر فاق:هاا انتي مين
نور:انا مين ايه انا نور
عمر بصدمة:لالا مش معقول سواقة التكتك اللي بتبقي في الشركة الصبح هي نفسها اللي وقفه قدامي
نور بغضب:والله طب اتفضل خلينا نتنيل نمشي عشان مصورش قتيل هنا
عمر ضحك بخفة:ايوا كدة نور رجعت الحمدلله
نور عدلت وشها وضحكت
عمر فتحلها باب العربية وهي ركبت وعمر كذلك واتحرك بالعربيه
بعد وقت وصلو المطعم وكان مطعم جميل وقيم جدا
نور انبهرت من جماله وفختمه
وصلو لباب المطعم وكانو مشيين جنب بعض
عمر بصوت واطي:اظن مش حلوة نمشي جنب بعض كدة احنا مش في الشغل هاتي ايدك وبلاش مستر عمر دي وابتسمي شوية اللي يشوفك يقول جيابك بعلقة
نور بغيظ: كلمة كمان وهمشي وهكسفك قدام الناس
عمر بصلها بغيظ وسحب اديها غصب عنها ومسكها نور بصتله بغيظ
عمر بهمس:ابتسمي
نور مبتسمه غصب عنها وجزة علي سنانها
وصلو للتربيزة
عمر بأبتسامة:مستر مايكل اهلا بحضرتك اهلا ي هانم
مايكل:عمر وحشتني كتير
ليليان زوجته:اهلا ي عمر مش متخيل مبسوطة ازاي انك جبت حبيبتك معاك
عمر ونور بصو لبعض بصدمة
نور:لا حضرتك انا ابقي م..
عمر قرب من نور وحط ايده علي خسرها وقربها منه جدا
عمر بأبتسامة:والله انا فرحت لما حضرتك اتبسطي وكمان نور حبيبتي مبسوطة جدا انها هتقعد معاكم وتتعرف عليكم
نور بصاله بصدمة من كلامه وأفعاله وتوترت جدا من قربه
عمر بصلها وابتسم وبيجز علي سنانه عشان تتفاعل معاه
نور ابتسمت بصدمة وقعدة جنب عمر
قعدو وطلبو اكل
ليليان:بس انتي قمر اوي ي نور شبه عمر وليقين علي بعض
نور كانت بتشرب كحت علي ما اخر ما عندها
عمر ابتسم بغضب:سلامتك ي حبيبتي ومسك اديها وفضل يضغط عليها عشان تفوق من صدمتها عشان مضيعش الليلة
نور ابتسمت بمكر وقررت انها تخلي عمر يقول حقي برقبتي
نور تبتت علي ايده
نور بأبتسامة:الله يسلمك يحبيبي شكرا
عمر اتصدم بس مبينش وكان هيسيب ايد نور بس هي فضلت مسكاها وهو حاول يهدي
مايكل:قوللنا بقي اتعرفتو ازاي واعترفتو بحبكم لبعض ازاي
عمر:انا بقول نتكلم في الشغل..
نور قاطعته
نور بأبتسامة وهي مسكة ايد عمر: كان اجمل يوم في حياتنا انا كنت مشيا عادي فجأة عمر وقفني وسط الناس وقلي بحبك بصوت عالي وانا فرحت جدا ومن يومها واحنا حبايب
ليليان بهيام:الله قصة حبكم جميلة اوي
نور ابتسمت ببراء
عمر بيبصلها وبيبتسم بتوعد
مايكل:انا سمعت انك بتعمل مشروع هايل اوي ي عمر وهيغطي علي كل الشركات
عمر:فعلا والله بس للاسف محتاج علي الاقل خمسين مليون جنيه عشان نكمله والميزانية بتاعت الشركة مش مستحملة
مايكل:هو المشروع كويس متاكد
عمر:طبعا خضرتك دا لو خلص علي نفس تصميمه هيبقي...
ليليان قاطعتهم:قوليلي بقي ي نور سافرته مع بعض قبل كدة اصل انا دلوقت اعرف ان الهاني مون بيتعمل قبل الفرح ههه
عمر جز علي سنانه وضغط علي ايده
نور بأبتسامة وقربت من عمر:طبعا سافرنا واكتر من مرة فاكر ي عمر لما سافرنا تيلدنا هههه ولا بلاش بس اللي انبسطنا فيها بجد تركيا واو واو واو
عمر بهمس شديد:المكان هيولع بينا من كتر كذبك دا كفاية
نور بصتله وابتسمت وصغط علي ايده
عمر: كنت بقول لحضرتك انو المشروع دا لو خلص علي نفس التصميم هيبقي احسن مشروع السنادي وكمان ممك..
ليليان قاطعتهم:وعلي كدة نويين تعملو خطوبة امتي
عمر فقد اعاصبه وخبط بأيد علي التربيزة
نور بحزن مصطنع:والله انا نفسي بس عمر بيقولي لسه مستعد دلوقت مع ان بنحب بعض اوي صح ي عمري
عمر بابتسامة غضب:امممم
عمر بحدة:ممكن نرجع للشغل
قعدو يتكلمو في الشغل شوية وعمر ونور بيحاول يقنعوهم بكل الطرق
نور قامت:عن اذنكم هدخل التويلت اظبت الميك اب
نور سابتهم ودخلت
بعد كام دقيقة نور خرجت بس اول ما وصلت لصالة المطعم نور المطعم كله طفي وظهر نور واحد علي عمر وعمر كان قاعد في نص المطعم علي ركبه
نور قربت منه وهي مش فاهمه حاجه
نور بعدم فهم:هو في ايه
عمر بابتسامة:نور تتجوزيني
نور بصدمة:نعم
- تابع الفصل التالي عبر الرابط: "رواية نور ملكي انا" اضغط على أسم الرواية