رواية بنتين من الصعيد الحلقة الرابعة 4 بقلم اسراء القاضي

رواية بنتين من الصعيد البارت الرابعة 4 بقلم اسراء القاضي

رواية بنتين من الصعيد الفصل الرابعة 4

اول ما دخلو الجامع شافو صفيه قاعده مع ساره ومندمجين في الكلام

مريم بذهول_ صفييه

_ ودي ايه اللي جابها هنا دلوقتي بقولك يامريم دي فرصتي وهيا اللي جاتلي برجليها انا هعلمها الأدب واربيها من أول وجديد 

مريم _ ودا وقتوا يانور، تفتكري عرفت ان احنا هنعلم ساره طيب وهيا جات هنا ليه دلوقتي معقول تكون ساره قالتلها بس ازاي وهيا كانت خايفه لحد يعرف. 

نور وهيا بتمسك مريم من ايديها وبتشدها لجوه_ تعالي ندخل جوه ونشوف ايه اللي جابها بدل الاسئله دي كلها، نور بغضب_ والله لأوريكي يا صفيه و.. 

_إياكي يانور إياك تعمليلها اي حاجه انا مش عايزه افضل اقولك كل شويه نفس الكلام  وبعدين يابشمهندسه احترمي بيت ربنا اللي انتي واقفه فيه يلا امشي بقي ومالكيش دعوه بيها 

نور بغضب _حاضر يمريم حاضرر 

_________________________

_احم ازيك ياصفيه، ازيك ياساره

ساره_الحمدلله بخير يامريم اخبارك ايه يانور معلش تعبتكو معايا 

نور بتبص لصفيه بغضب وعنيها بتطلع شرار لدرجة انها مسمعتش ساره لانها مركزه اوي مع صفيه  وهتموت وتتخانق معاها بس مش عايزه تزعل مريم، وصفيه بتبص للبنات وراحت حضنت مريم تحت ذهول الكل طبعا. 

صفيه بدموع مزيفه وهيا حاضنه مريم_ سامحيني يامريم يابت عمي حقك عليا الغيره كانت عامياني علشان انتو اتعلمتو واحنا لاء بس اناا عايزه نبدأ صفحه جديده مع بعض وتعلميني زي ماهتعلمي ساره وانا مش هزعلكو تاني صفيه بغل_ وبعدين انتي هتبقي مرت اخويا خلاص يعني مينفعش نكون زعلانين من بعض ولا ايه رآيك يابشمهندسه. 

نور بتبعد صفيه عن مريم_ ابعدي يابت الاول عنها كده واقفي اتكلمي معايا اناا بقي عايزانا نصدقك يا آمنا الغوله انتي ياللي بتتلوني مية لون بقولك ايه وبترفع صباعها اتجاه صفيه _مريم علي نيتها وقلبها ابيض لكن انااا غيير ميدخلش عليا الشويتين دول، قولي من الأخر عايزه ايه.

مريم بصوت عالي جداا_ نوووور فكري قبل ما تتكلمي وأعقلي كلامك شويه ومتنسوش ان احنا في جامع ايه هتتعاركو هناا كمان،.

  لأول مره  مريم ترفع صوتها علي نور ، لانهم صحاب من زمان ومريم عمرها مازعلت نور ولا اتخانقت معاها نهائي دايما هما الاتنين سوا وصداقتهم قويه جداا 

_بتزعقيلي يامريم علشانها، انتي مفكره انها عايزه تصالحك فعلا دي بتضحك عليكي وانتي صدقتيها زي كل مره ليه مش قادره تفهمي انها عمرها ما هتتمنالك الخير او تحبك! 

ساره بتحاول تهديهم_ جراا ايه ياجماعه مخلاص بقي اقعدي ياصفيه هنا يلا يامريم انتي ونور اقعدو وصلي علي النبي كده. 

كلهم في صوت واحد_عليه افضل الصلاة والسلام، البنات قعدو مع بعض فتره كانت مريم ونور بيعلموهم زي الاطفال والحروف صفيه كانت مع مريم ونور معاها ساره.

_وبسكدا المره الجايه ان شاء الله ناخد حرف الجيم شوفتو التعليم سهل وحلو ازاي

نور _ بس حقيقي ياساره انتي شاطره جداا انا كنت خايفه للموضوع ده احسن يعطلنا عن المذاكره بس حماسك وانك بتتعلمي بسرعه ده شجعني اننا نكمل عاااش بجد ياسو. 

ساره _ تسلميلي يانور ربنا يخليكي 

مريم_ طب يلا بقي يانور احنا نمشي ونتقابل المره الجايه يابنات بس هتكون في البيت عندي، وطبعا مش محتاجه اقولك ياصفيه ان الموضوع هيفضل سر بينا ومحدش يعرفه خاالص.

صفيه_ اكيد يمريم دول لو عرفو يقتلونا فيها.

هه ده انتي طيبه وعلي نيتك قوي يابت الشيخ اصبري عليا بس وانا هوريكي النجوم في عز الضهر وهخلي الكل يكرهك 

 في الجهه التانيه_نور بتبص لمريم بعتاب ومتكلمتش خالص ومريم لاحظت ده 

صفيه بتشديد_ والله ما ينفع ابداا يابت عمي انتو هتيجو معايا البيت دلوقت وناكل مع بعضينا واهو ع الاقل بلال يعرف اننا اتصفينا ومبقاش في بينا حاجه واصل

مريم _ لا ياصفيه مش هينفع بجد خليها مره تاني 

_ والله مايحصل انتو هتيجو ونتعشا كُلنا مع بعض يلا ياساره مشي قدامي علشان نجهز الأكل والبنات هيجوا ورانا،،كل ده بيحصل تحت نظرات عتاب نور لمريم 

______________________________نور حياتي زعلانه مني ليه 

_ متكلمنيش تاني لو سمحتي بقي بتزعقيلي يامريم دي آخرتها وبعدين دقيقه كده انتي مسكاني وماشيين ناحيه بيتهم احنا هنروح حقيقي ما يمكن تكون عامله لينا فخ

_اعمل ايه يعني ما اديكي شوفتيها وهيا بتشدد علينا نروح، مريم بفرحه_وبعدين مش هنخسر حاجه يعني 

_يارب ما نلاقيه هناك ياواقعه😂

(في بيت صفيه) 

نور ومريم قاعدين في الفرانده بيتكلمو وبلال داخل عليهم 

_ قلبي يانوور الحقيني ده جاي علينا ياخرابي، بس بصي قمر ازاي جوزي قرة عيني ده

بلال بفرح_وانا اقول البيت منور ليه اخبارك يادكتوره ازايك يابشمهندسه

_الحمدلله يا بلال اسيبكو انا بقي واروح اساعد البنات في الأكل

مريم في سرها_ اااه يانور الكلب والله ماشي 

بلال _ احم بقولك يامريم ابقي بلغي عمي اني هاجي انا والجماعه بكره نشرب الشاي معاه

مريم بعدم فهم_ ماتشربوه عندكو ليه تتعبهم وتيجي تشربو عندنا ولا هو تعب ليا وخلاص

بلال بنفاذ صبر_ بصي والله مع انك بقيتي دكتورة بس غبيه وشكلك هتشليني

مريم بغضب طفولي_ مين دي الي غبيه؟انااا غبيه يابلال طيب وريني بقي هتيجي تشرب الشاي عندنا ازاي وانا مش هعمل شاي هاااه

بلال بيضحك علي شكلها _ هههههه يخربيتك افصلي بالعه راديو انا قصدي اننا هنيجي بكره نحدد كتب الكتاب بغمزه_ياعروسة

مريم وشها قلب الوان ومردتش عليه فضلت ساكته 

بلال في سره_هااانت يامرومتي

_______________________

نور راحت تشوف البنات بس وهيا ماشيه سمعت صوت صفيه بتكلم حد ف وقفت جمب الباب تسمعهم

صفيه بحقد_ اصالح مين يابت انتي اتجننتي ولا ايه ده انا مبكرهش قدهم في حياتي انا بس كنت بجر رجلهم لحد هناا والبت مريم علي نيتها صدقتني الهبله

_ طيب بعد ما جمعتيهم هتعملي ايه معاهم بقي

صفيه بشر_ هقول للكل علي انهم عايزين يعلمو البنات قصاد ابويا العمده وبلال والكل والست مريم مبتعرفش تكدب ف هيكون الحل الوحيد للعمده ساعتها انو يطردهم برات البلد كلهااا 

_ده انتي ابليس يخاف منك ياستي صفيه..

نور واقفه تسمعهم في حالة ذهول واقفه مصدومه وطلعت تجري علي مريم وبلال 

نور وهيا بتنهج وبتشد مريم_ يلا نمشي يامريم يللا بسرعه

بلال بصدمه_في حاجه ولا ايه حد زعلك من الجماعه

_لا لا مفيش حاجه بس احنا لازم نمشي بسرعه معلش يابلال يلا يامريم وشدتها وطلعت تجري بيهاا

مريم بعياط_ انا عملتلها ايه يانور علشان تكرهني الكُره ده هيا بتعمل معايا كده ليه بس ده انا سامحتها وقولت ربنا هداها، ليه بتكرهني كده وكأني قتلتلها حد وعايزه تتنقم

نور بتاخدها في حضنها_خلاص يامريم بقي وقولي الحمدلله ان ربنا انقذنا منها ومن شرها المرادي. 

مريم بتمسح دموعها_خليكي معايا النهارده يانور وباتي معايا اصل بكره جايين يحددو الكتابه وانا مش عايزة ابقي لوحدي 

نور بفرحه وقد نسيت غضبها من صفيه_ ايوه بقي خلينا نفرح طبعا مش هسيبك دخليني جمبك بقي بدل ما انتي مسيطره ع السرير كده هيييه ومفيش مرواح جامعه بكره . 

(تاني يوم الصبح بدري) 

مريم صحيت من نومها وهيا فرحانه جدا ومن فرحتها نسيت حوار صفيه وانها كانت هتدمرهم، وبعدها صحت نور وفضلت نور معاها طول اليوم لحد ما الكل جه والباب خبط.. 

الشيخ سالم_يا ألف مرحب ياعمده اتفضلو اتفضلو 

بلال_ يزيد فضلك ياعمي 

فضلو يتكلمو شويه لحد ما طلعت نور ومريم  بصينيه العصير وبلال نسي وجوده اهله واخته وفضل باصص علي مريم، كنت لابسه دريس عيني كانت بتلمع من الفرحه مكنتش شايفه غيره باين اني واقعه ياجماعه ولا ابين اكتر؟ 

قعدت انا ونور جمب بعض بعد ما قدمنا العصير  وحقيقي نور دي اجمل حاجه في حياتي ربنا عوضني بيها وبقت هيا اختي وكل دنيتي مش صاحبتي بس

بلال بفرحه _  طبعا ياعمي حضرتك عارف احنا جايين النهارده ليه 

العمده ابو بلال_ نقرأ الفاتحه بقي ياشيخ سالم ولا ايه 

بلال وهيا بيبص علي مريم _لا لا انا بقول خير البر عاجله ونكتب الكتاب دلوقتي والفرح يبقي مع فرح صفيه

صفيه _هتتجوز واحده بتكسر تقاليدنا وعايزه‏ تعلم البنات يابن ابويا

‏"لَن تَجِدَني مؤذياً أبداً، حَتَّى و إن أحرقتني سَأُغَادِركَ بِلُطف ."💙

• تابع الفصل التالي عبر الرابط: "رواية بنتين من الصعيد كاملة" اضغط على أسم الرواية