رواية وسيم قلبي البارت الرابع 4 بقلم سما محمد
رواية وسيم قلبي الفصل الرابع 4
"يلعب القدر لعبته مره أخرى لنجتمع ثانياً أيها الوسيم"
_زين بعصبيه: انتي ازاي تجيلك الجرأه وتدخلي اوضتي لا وكمان تدلقي عليا مايه وانا نايم ايه قلة الذوق دي وبعدين في آنسه محترمه تدخل شقة راجل وتدخل اوضته تصحيه ولا انتي علشان ملكيش حد يحكمك
"الدنيا وقفت.. اتصدمت معقوله هو شايفني كده ولا انا اللي عملت كده لما وافقت عمو ودخلت فعلاً بس وربي انا داخله بحسن نيه، بس ازاي يقول كده"
_زينه بصدمه ودموع: ا انا اسفه انا فعلا غلطانه وغلط كبير كمان عن اذنك
_اسماعيل بقلق: في ايه يا زين بتزعق ليه وانتي يا زينه مالك
اخيراً زين استوعب اللي قاله وكان نفسه ان يرجع بيه الزمن والارض تنشق وتبلعه قبل ما يحصل كده
_زينه وهي بتمسح دموعها: مفيش يا عمو محصلش حاجه عن اذنك انا همشي انا
_اسماعيل: طب ايه الحاجه المهمه اللي كنتي عايزه زين فيها
_زينه بسخريه: هي حاجة كان ليها علاقه بعيلتي بس معلش بقا ملقتش حد يحكمني فهخرج من هنا عن اذنكوا
خرجت زينه وجواها وجع كبير.. ليه بيحاسبها علي حاجه ملهاش دخل بيها ليه بيحاسبها علي قدر وقعها في اب ندل ايه ذنبها ان الدنيا لفت واخدت منها اعز شخص عليها هي ذنبها ايه في كل ده محدش بيختار حياته بإيديه بس هي اللي غلطانه ايوه فعلا انا اللي غلطانه هو عنده حق في كل كلمه قالها دلوقتي فعلاً مكنش ينفع اعمل كده وادخل اوضة شخص غريب"
دخلت الشقه ودموعي لحد الآن مش واقفه عارفه ان عنده حق بس مكنش ينفع يجرحني كده
فتحت الفون شوفت الماسدج اللي جاتلي اول ما صحيت اللي هي السبب اصلاً اني ادخل عند زين وانا بفكر فيها كويس جدا
********
"نرجع عند زين"
_اسماعيل بغضب: انت غبي وعديم الذوق هي كانت رافضه فكرة انها تدخل بس انا اللي صممت علي كده لكن انا غلطان
_زين بحزن: بابا اانا..
_اسماعيل بمقاطعه: متبررش غلطتك مهما عملت هس ملهاش ذنب انك تعايرها بأهلها
_زين: انت عارف اني عصبي وكمان مش بحب حد يصحيني من النوم وخصوصاً بالطريقه اللي هي عملتها دي
_اسماعيل: تقوم تبجح في الناس وتدوس علي الناس صح
_زين بأسف: عارف اني غلطت وحقك عليا والله
_اسماعيل: هي اللي تسامحك مش انا دي لو قبلت اصلاً تبص في وشك تاني يبقى كويس والله
نعرفكم علي زين علشان نسيت"زين اسماعيل النويري من عيله كويسه مادياً كانوا عايشين في فيلا هو وعيلته بس حصل فيها حريق من سنتين ادي الي موت والدته عنده 25 سنه وهو ظابط والده عنده شركات للأدويه بس احياناً زين بيروح بس اكتر الوقت بيسلمها لصاحبه "
خرج زين وخبط علي باب زينه فتحتله وعنيها منفوخه من كتر العياط
_زين بحزن: زينه ا اانا اسف والله مكنش ق..
_زينه بجمود: مفيش داعي للأسف يا زين انا فعلاً اللي غلطت ومكنش ينفع اعمل كده وأدخل اوضة شخص غريب عني
_زين: والله انا مش عارف قولت كده ازاي هو بس انا اتعصبت من الطريقه اللي صحيت بيها فقومت مفزوع علشان كده
_زينه: تمام عن اذنك علشان رايحه مشوار
_زين بتساؤل: علي فين
_زينه: اظن ان انا مليش حد يحكمني ويقولي رايحه فين وجايه منين وانت كمان مش هتحكمني يعني باي
نزلت زينه ولقت عربيه مستنياها تحت البيت ركبتها
"فلاش باك"
صحيت زينه من النوم لقت حاجه غريبه لقت ماسدج علي الفون من رقم غريب مكتوب فيها"زينه عز 19 سنه مامتك اسمها سلمي متوفيه من سنه انا اعرف كل حاجه عنك لأني اكون عمك زينه انتي عندك عيلة وجدك نفسه يشوفك
"بااك"
فاقت زينه من شرودها وبتفكر يا تراا هل ده صح او لا ان هي تروح كده لاي حد بس قالت في نفسها هتروح ومش هتخسر وصلت المكان بعد ساعات ونزلت قدام بيت مكون من طابقين قديم بس راقي بيت وسط زرع وحواليها فلاحين "منظر جامد تخيلوا معايا"
لقت زينه رجالين كبار في سن الاربعين بيستقبلوها
_زينه بخوف: انتم مين
_شخص1:انا عمك سالم
_شخص 2:انا عمك حسام
دخلنا جوه وكان في 3 ستات بس في اتنين تقريباً عايزين يقوموا يجيبوني من شعري بس لقيت واحده من مجرد ملامحها الحنينه فيها شبه من ماما مش شكل لا ولكن ملامحها بتحضنك
_سالم: قعدي يا بتي جدك جاي
_زينه: حاضر ياعمي
جه راجل كبير في اواخر الستينات ملامحه باين عليها القوه والجمود ومش طيب لا "وانا عايزه اروح"
_قعد وقالي: كيفك يا بت سلمي
_زينه بإستغراب: كويسه يا جدي
_الجد: اعرفك دي ساميه مرت حسام قامت الست الحقوده دي وايه ده دي هتاخدني بالحضن لا انا خايفه سلمت عليا وباستني وقالي والتانيه دي نجلاء مرت سالم
بصيت علي التالته اللي فيهم حقيقي حبيتها من قبل ما اعرفها وقولت: طب ودي يا جدي
_الجد بجمود: عمتك زهره قومت انا حضنتها وقعدنا فتره كده
_الجد سعيد: جراا ايه عاد هتفضلوا فحضن بعض كتير.. خديها يا زهره فرجيها اوضتها
_زينه بإستغراب: اوضتي؟
_سعيد: اه من هنا وجاي راح تعيشي معنا اهني
_زينه بإعتراض: بس يا جدي م...
_سعيد بغضب: كلمتي معتتسمعش؟.. مكانك اهنه وسط اهلك ليكي مين هناكَ
_زينه: بس كليتي
_سعيد: يتحرج(يتحرق) العلام
طلعت مع عمتي زهره وانا كل حزن الدنيا جوايا
_زهره بحب: معلش يا حبيبتي حقك عليا.. كان نفسي اوصلك واقولك متجيش هنا. ده مش مكانك ولا عالمك
_زينه: ليه بس؟
_زهرة: مش هيرحموكي يا زينه
_زينه: ازاي بس يا عمتي
قاطع كلامنا دخول تنك الحربوئه مرات عمي
_نجلاء بحقد: جدي بيخبرك اتجهزي حالك الليله كتب كتابك يا قطه
_زينه: نعاااام
- تابع الفصل التالي عبر الرابط: "رواية وسيم قلبي" اضغط على أسم الرواية