رواية ملجأي الفصل الخامس 5 بقلم نرمين محمد

رواية ملجأي البارت الخامس 5 بقلم نرمين محمد

رواية ملجأي الفصل الخامس 5

بص فى عيونى و قرب_يعنى أقصد مش هنتكلم دلوقتى فى حاجة أهم.

بعدت و قولت بأبتسامة_سيفو نصلى الأول ممكن..

أبتسم_طب يلا خوشى و انا هغير هدومى هنا و اتوضى و نصلى..

ابتسمت و هزت رأسى، و دخلت الاوضة و انا فرحة الدنيا مش سيعانى، قلعت فستانى و أخدت شاور، و اتوضيت، و لبست الاسدال كان لونه نبيتى، طلعتله كان، بالله مقدرش أوصف جماله يا جماعة، كان لابس تيشرت أسود، و بنطلون قطنى أسود، بجد بجد يعنى جامد، روحتله و انا مبتسمة، و قولت..

_يلا أنا جاهزة..

ابتسم هو كمان و فرشنا المصلية، و بدأنا صلاة، بدأنا حياة جديدة، و انت بصلى بدعى، بدعى بكل ذرة فيا أن ربنا يديم الحياة ديه، و مش مشكلة يحبنى، حبى يكفينا احنا الاتنين، والله بحمد ربنا على أنه بقا جوزى، جوزى قرة عيني القمر ده، خلصنا صلاة، و سلمنا، و بصلى و باسنى من جبينى، و قال دعاء جميل اوى بصوته، بالله أنا دمعت من الفرحة، بعد عنى و قال..

بأبتسامة_هاا..

ابتسمت_اممم ها ايه بالظبط..

رفع حاجب بضيق، و قام كنت بحسبه زعل، كنت لسة هقوم لقيته شالنى، و قال بمرح_هوريكى هاا ديه يعنى ايه بالظبط...

اتشعلقت فى رقبته اكتر و ابتسمت و بوسته من خده....أبتسم.

_____________________

كنت فى حضنه و هو بيلعب فى شعرى، الصراحة الجراءة و الشجاعة إلى كانوا معاه أختفوا، و بقى كسوف الدنيا كله فيا....

بصلى و ابتسم بمشاكسة و قال و هو حط أنفه على أنفى_مالك يا جميل..

ابتسمت ابتسامة بسيطة اوى و اتعدلت شوية و انا بلعب فى صوابع إيده_مافيش..

رفع حاجبه و قال_لو والله مالك فى ايه انا ضايقتك فى حاجة..

نفيت بسرعة_لا لا والله عادى مش كدا..

اتعدل و قعد فى مكانه و حط دراعه على كتفى و قال_مالك يا نرمين فى ايه أكيد فى حاجة..

بصتله و أبتسمت و قولت_لا عادى أ.أصل أصل يعنى، اول مرة، و كمان معاك فا إلى هو مكنتش مصدقة أصلا أنه يحصل ما بينا كدا و انا مراتك حلالك..

بصلى شوية و ابتسم و مسك وشى بأيديه الاتنين و قال_نرمين انا عايزك تنسى، مش عايز حاجة تكون حاجز ما بينا لمجرد ذكرى، بجد مش عايز، انا عايز أعيش معاكى حياة عادية زى أى اتنين متجوزين، و أكمل باقى حياتى معاكى انتى و بنتى..

ابتسمت و قولت بتصحيح_بنتنا...

ابتسم_بنتنا..

افتكرت و قولت_اه صح يا يوسف، انا عايزة اشوف نيروز، كانت فى الفرح مع مامتك، و شوفتها من بعيد كنت عايزة أشلها و ابوسها..

قولت أخر جملة بقمص شوية، لقيته ابتسم اوى، و قرص خدودى و قال_متزعليش انا هخلى أمى النهاردة و هى جاية تجيبها، بس تروح معاها تانى ماشى لأنى عايز أقدى معاكى اسبوع على الأقل..

فكرت شوية و قولت بأبتسامة_ماشى المهم انى أشوفها النهاردة..

ابتسم و خدنى فى حضنه تانى و قال_ننام بقا شوية، لأننا طول الليل ما نمناش خاالص..

قال أخر جملة بمشاكسة و هو بيبصلى، و انا وشى احمر و دفنت وشى فى حضنه و هو ضحك اوى و انا ابتسمت لضحكته....

_____________________

كانوا داخلين و انا بنسلم عليهم، اول ما لقيت نيروز حماتى شايلها، ختها منها و فضلت أبوس فيها، و أحضن فيها، و كله عمال يبصلى و يضحكوا عليا من ضمنهم يوسف إلى عمال يضحك و عيونه بتلمع لمعة اول مرة أشوفها....

قعدنا و هى كانت على رجلى و حبتنى اوى، و فضلت ماسكة فيا، كنت لسة هديها ليوسف عشان اقوم أجبلهم حاجة يشربوها بس مسكت فيا و قالت بزعل طفولى_اممم

أبتسمت و قومت و هى على إيدى، لقيت يوسف بيقولى_طب أجى معاكى أساعدك مش هتعرفى تعملى حاجة و هى معاكى...

ابتسمت و قولت_لا يا حبيبى خليك مع عمو و طنط ، و انا متقلقش عليا عيب عليك..

غمزتله فى أخر جملة و هو ابتسم و انا سبتهم و دخلت المطبخ بيها...

مامت يوسف بأبتسامة_مبسوط يا يوسف معاها..

ابتسم و قال_جدا، و كنت غبى اوى لما سبتها يا أمى..

طبطبت على كتفه و قالت_ده نصيب يابنى ، أكيد إلى حصل ده حكمة من عند ربك، ده محصلش صدفة أو كدا...

ابتسمتلها و بصيت قدامى و عايز اعمل أى حاجة تكون مبسوطة منها....

فى المطبخ....

حطتها على التربيزة إلى فى المطبخ، بس كانت عينى عليها، عطتها شيكولاتة تاكلها بصتلى و أبتسمت بطفولة حلوة اوى، بوستها من خدودها و ضحكت ضحكة جننتنى.....

لقيت يوسف داخلي و ابتسم، ضحك اول ما شاف نيروز ملخبطة وشها بالشكولاتة و إيديها كمان، شلها و راح عند الحوض يغسلها إيديها و وشها...

قال و هو لسة بيغسلها_يعنى أنا أسبهالك خمس دقايق تأكليها شيكولاتة، هتهيبر دلوقتى أصبرى عليها..

ضحكت و قولت _ليه بس، ديه حتى الشيكولاته حلوة..

بصلى شوية و ابتسم_يا حبيبتى، ديه لو كلت بس بسكوت مسكر، بتجنن عليا، أمال الشيكولاته هتبقا عاملة ازاى...

ضحكت و لعبت حواجبى_أصبر عليا، دانا هخليها شعنونة فى البيت، و انا كمان هاكل معاها..

بصلى و هو فاتح بوقه_شكلى كدا ادبست فى مصيبتين، بعد ما كانت مصيبة...

ضحكت و قولت_عندك مانع يا سيفو..

قرب منى و هو شايل نيروز_لا يا قلب سيفو، مانع ازاى و نرمين موجودة..

ضحكت و كان بيقرب عليا، لكن نيروز قالت بطفولة_ببا، مما حوة...

ضحك و قال_ما انا عارف يا قلب بابا، أن ماما حلوة..

ابتسمت بكسوف، و خدت الصينية و طلعت و هو طلع ورايا بنيروز، حطيت الصينية و قدمتلهم و كدا لقيت يوسف حط دراعه على كتفى و محاوطنى، محستش بحاجة غير و هو بيتأوه لما نيروز عضته فى دراعه إلى حاطه على كتفى، بعد ما قامت من على رجله، بص على نيروز و هو ساكت بذهول ...

وقال بصدمة_يا بنت المجنونة يا نيروز..

نيروز ضحكت بطفولة بعد ما قعدت على رجلى، و انا بصتله بضيق_انت بتشتمنى يا يوسف، انا مجنونة..

مش عارف يتكلم يقول ايه_ااا لا لا مش قصدى انا بقول على...

قاطعته_مانت بتقول يا بنت المجنونة، يعنى أنا مجنونة صح، طب ايه رأيك نيروز هتقعد معايا النهاردة و هنام انا وياها فى أوضته يلا بقااا و هنلعب كمان..

بصلى ببرود و قال_ده بعينك انتى سامعة،(قرب منى) و بعدين و انا كمان عايز ألعب معاكى، بس لعبى طبعاً غير نيروز، هنلعب عريس و عروسة...

الكل ضحك و انا أرتبكت، و بصيت فى الارض بكسوف، و نيروز اول ما شافتهم بيضحكوا ضحكت و هى مش فاهمة حاجة.....

فضلنا نضحك و نهزر و نتكلم لحد ما قاموا عشان يمشوا، و طنط عايزة تاخد نيروز و هى ماسكة فيا و بتعيط و مش راضية تسبنى نهائى، و انا عيونى دمعت من كدا...

حضنتها و قولت_لا يا يوسف معلش، مش هقدر، خليها خلاص بقااا..

رد عليا بضيق_يا نرمين ما هى كدا كدا هتيجى بعد أسبوع، مش لازم دلوقتى..

بصتلها و هى متبتة فى حضنى و دافنة وشها فى رقبتى و كانت دموعها نازلة، هى للدرجادى كانت محتاجة حنية الأم، مش هقدر أخليهم ياخدوها_لا سيبوها و هى كدا كدا عندها أوضتها يا يوسف هتنام فيها، سيبهالى بقااا...

بصلى شوية بعدين اتنهد و قال بأستسلام_ماشى يا نرمين الى انتى عايزاه...

مشيوا و انا ختها اوضتها و كانت نامت بس بردوا ماسكة فيا مش راضية تسبنى، هى صاحية مش نايمة بس مغمضة عينيها و دموعها نازلة، هى ازاى طفلة كدا، إلى بتعمله ده كأنها فعلا طفلة كبيرة، لقيت يوسف دخل الاوضة و ابتسم و قعد جمبنا و هى فى حضنى_نامت..

قالها بهمس، روحت رديت عليه بصوت عادى_لا، منمتش هى بس مغمضة عينيها و لسة بتعيط، يوسف هى روان كانت بتعمل فيها ايه، هى للدرجادى كانت محتاجة حنية أم و مش لاقية، و لما لقتنى كأنى طوق النجاة بتاعها، صعبت اوى عليا يا يوسف...

يصلها و بصلى و اتنهد فى حزن و قال_مكنتش أم أساساً، ديه كانت مرة عايزة تضربها بالحزام بس عشان كانت جعانة و عمالة تعيط، ولما أعاتبها تقولى هى بتعصبنى و انا خلقى ديق، كانت لما ننزل عند أمى تسيبها قاعدة فى الارض لوحدها مش حتى تقعدها على رجلها لا كانت بتسبها و تفضل تضربها علطول، كانت بتكرها لأنها منى، أنا مش عارف كان عقلى فين لما فكرت أتجوزها...

عيونى دمعت و بصيت لنيروز و قولت_عشان كدا اتعلقت بيا و مكنتش راضية تسيبنى، يا حبيبتي انا مامتك و هفضل طول عمرى مامتك يا نن عينى..

يوسف بصلى و ابتسم و قال_تعرفى انى اول مرة فى حياتى أخد قرار صح...

استغربت_ايه هو...

ابتسم اكتر و مدد جمبى على السرير و خدنى فى حضنه و قال بصوت حنين اوى_انتى انتى الحاجة الصح إلى فى حياتى يا نيمو...

ابتسمت اوى، لقيت نيروز قامت من حضنى بس لسة شايلاها على إيدى و لقيت إيد يوسف على كتفى، كشرت و بعدت إيده، عاند معاها و حطها تانى، اتعصبت بطفولة، و بوقها رايح على إيده عرف أنها هتعضه، بعد إيده بسرعة، و انا ضحكت و هى ضحكت معايا بطفولة، يوسف بصلها بغضب مصتنع و قال_دانتى باردة بقااا ايه يا بت ، انتى مأخدتيش حاجة من أبوكى غير الرخامة..

ضحكت اوى و هى طلعتله لسانها بطفولة اوى، مقدرش يمسك نفسه من شكلها، ضحك و قرب باسها من خدودها_حبيبة أبوكى انتى يا نااس...

يوسف حط إيده ورا ضهرى و لسة فى حضنه، بحيث هى متشوفش إيده، و هى نامت نهائى فى حضنى و انا كمان كنت هنام، لقيت يوسف قال بضيق_تصدقى انا كنت عارف أنها مش هتخلينى أقرب منك بعد ما تتعامل معاكى، لأنها هتغير عليكى منى...

ضحكت و بوسته من خده و قولت_حبيبى، والله هنام و شوية و هقوملك بس والله عشان بجد عايزة أنام...

بصلى و ابتسم و باسنى على شفايفى برقة و قال_براحتك نامى يا حبيبتي..

ابتسمت و حضنت نيروز كويس و هى بينى انا و يوسف، و فضلت أكرر الحمدلله، و أدعى أن حياتى ديه تستمر و بس..

• تابع الفصل التالي عبر الرابط: "رواية ملجأي كاملة" اضغط على أسم الرواية