رواية هوس مريض الحلقة الخامسة 5 بقلم سمسمة

رواية هوس مريض البارت الخامس 5 بقلم سمسمة

رواية هوس مريض الفصل الخامس 5

• ماسه جت تفتح الباب علشان تمشي 

• والدها : يابنتى رايحه فين بس 

• هناء : سيبها يا ابو ملك خليها تعقل وترجع لجوزها 

• ماسه : ومين قالك إنى هرجعله 

• هناء : امال هتروحي فين يا هانم هتدوري على حل شعرك 

• ماسه : انا مؤدبه ومحترمه غصب عنك 

• ملك : إنتى بتغلطى في أمى يا ماسه مسمحلكيش أبدا 

• والدهم : ما تمسكوا في بعض أحسن قدامى 

• هناء : منتاش شايف طوله لسان بنتك 

• ماسه : انا اللى غلطت إنى جيت هنا كنت فاكره ان عندى اهل هيخافوا عليا ويحمونى 

• والدها : يابنتى احنا مشوفناش من كمال إلا كل خير نتهمه ليه بحاجه مشوفناهاش 

• ماسه : بقولك عايز يقتلنى مش هتصدق غير لما تشوفنى ميته يعنى يا خساره يا خساره يا بابا ياريتك يا ماما لسه عايشه مكنتش هبقي في اللى انا فيه دلوقتى 

• هناء : هه كانت هتعملك ايه يعنى احنا أدرى بمصلحتك يالا اطلعي من هنا على بيت جوزك وامى نفسك يابت 

• والدها : اسمعى كلام هناء يا ماسه وعيشي 

• بصتلهم ماسه بأسي وحزن وسابتهم وبتفتح الباب لقت كمال في وشها 

• ماسه : كمال متقربليش ابعد عنى حرام عليك 

• كمال : ماستى يا حبيبتى مالك بس ليه بتعملى كده في ايه 

• ماسه ببكاء : عايز تحرمنى من إنى اخلف يا كمال مع انى مطلبتش وكنت سعيده معاك ومش عايزه حاجه تانى من الدنيا اصلا 

• كمال بصدمه : إنتى بتقولى ايه يا ماسه انا اعمل فيكى كده ليه يعنى ده انا بحبك ومقدرش اعيش من غيرك 

• ماسه : انا سمعتك انت وهند عايزين تشيلولى الرحم 

• كمال : اهدى بس وتعالى نتكلم ومفيش حاجه هتحصل غير برضاكى يا حبيبتى 

• ماسه حسه لصدق في كلامه وراحت معاه راحوا قعدوا غي كافيه 

• كمال : انتى عارفه نص الحقيقه يا ماسه 

• ماسه : تنكر انك انت وهند مجهزين تعملولى عمليه تشيلى فيها الرحم 

• كمال : منكرش يا حبيبتى انا فعلا عملت كده 

• ماسه ببكاء : وانا عملتلك ايه علشان تعمل فيا الشيء البشع ده يا كمال ليه ليه عايز تعمل فيا ده 

• كمال ببكاء : علشان لو معملتش كده هتموتى يا ماسه إنا متفهم يا حبيبتى بس لازم اقولك كل الحكايه علشان تفتكري وتعرفي كل حاجه 

• ماسه : حكايه ايه 

• كمال : بصي في يوم من ٦ شهور روحنا نعمل شيك أب كامل ف لقينا مشكله عندك جامده في الرحم ولازم يتشال بس إنتى من يومها وتعبتى جامد ومتقبلتيش الحقيقه ودخلتى في إكتئاب وده فضل فتره طويله وروحنا من ٣ شهور لدكتور نفسي وانتى من وقتها بقيتى تنسي وتخترعى حوارات في خيال وتصدقيها ومنها انى هايز أأذيكى دلوقتى اهو 

• ماسه : انا مش مصدقاك 

• كمال : تعالى وانا هثبتلك كل حاجه بالدليل 

• كمال أخدها للدكتور واول ما شافها رحب بيها وعرفها واخدها لكذا دكتور تانييين اكدوا حالتها دى 

• ماسه استسلمت للواقع وشكت بجد في نفسها مش معقوله كل الناس دى بتكذب وهي اللى صح وفضلت ساكته وكمال فضل جنبها بيراعيها وبياخد باله منها وبيهتم جدا بمواعيد دواها وعلاجها وليحاول يخرجها من حالتها دى 

• كمال : حبيبتى مالك بس ليه كده ارجوكى ارجعيلى ماسه اللى بحبها اللى دايما مرحه ولطيفه مش الهادى الساكته دى ارجوكى خفي علشانى 

• ماسه : اللى انت عايزه هعمله يا كمال اسفه إنى شكيت فيك وجرحتك ودوست على كرامتك 

• كمال : يا حبيبتى انتى ملكيش غيري شوفتى حتى اهلك موقفوش معاكى ومسمعولكيش مفيش حد مهتم بيكى وبيحبك غيري 

• ماسه ببكاء : للاسف عرفت 

• اخدها كمال في حضنه : انا بحبك قوى يا ماسه وعايزك تخفي وتطلعي كل الاوهام دى من دماغك 

• ماسه : حاضر 

• كمال : هتصل بهند دلوقتى تجهز للعمليه كل ما نتأخر كل ما بيكون خطر عليكى وانا مش عايز حاجه تأذيكى أبدا هو جرح بسيط وبعدين كله هيرجع تمام وبخير 

• ماسه بتوهان : تمام يا حبيبي 

• ماسه صدقت كلام كمال لانه واضح جدا انه صح وتعايشت مع الموضوع بالفعل وخلاص هتشيل الرحم وتعمل العمليه علشان خاطر كمال وعلشان مش عايزه تموت وتسيبه كفايه انه ممكن يتجوز ويخلف ويحصل على كل حاجه بس هو بيحبها ومش عايز غيرها من الدنيا 

• وكمال جهز كل حاجه للعمليه وماسه خلاص هتدخل العمليات 

• ماسه ببكاء : خلى بالك من نفسك يا كمال لو حصلى حاجه اعرف إنى بحبك قوى ومش حبيت حد غيرك في الدنيا 

• كمال : متقوليش كده انتى هترجعيلى بخير وسلامه وهتعيشي معايا لحدما نعجز سوا انا بحبك ومقدرش اعيش من غيرك 

• ماسه : اوعدنى لو حصلى حاجه متوقفش حياتك وتكمل بعدى 

• كمال : مش هوعدك بحاجه لانى هكمل بيكى مش لوحدى 

• هند : يالا يا ماسه العمليات جاهزه يا حبيبتى هخلى الممرضين يجهزوكى لحدما اخلص الكشف اللى عندى 

• ودخلت ماسه للعمليات ..

• تابع الفصل التالي عبر الرابط: "رواية هوس مريض" اضغط على أسم الرواية