رواية بطوطة عمر البارت الخامس بقلم فاطمة محمد
رواية بطوطة عمر الفصل الخامس
طارق مسك فاطمه ودخلها الاوضه وقفل عليها
فاطمه بصراخ : يعني انت كده بتثبت انك خايف علي مصلحتي مثلا انت مش اكتر من انسان طماع مش عايز حد يبقا احسن من ابنه ..... بحزن وعياط : وفي الاخر ماما تقول ده زي ابوكي ده مكان ابوكي لكن لا انا ابويا مات وانا شوفته وهو بيموت ف مستحيل تبقي زي بابا تخيل بابا كان عايش علشان يفرحني ومات برضوا وهو بيجيب تورته علشان تفرحني وعلشان عيد ميلادي مش زيك مش زي ماما ... بسخرية : ماما الي بتحاسبني علي حاجه مليش دعوه بيها هو أنا الي قولت لي العربيه تروح تخبط بابا يوم عيد ميلادي لكن اقول اي
عبد الرحمن : لا انت تشوف حل أنا اختي مستحيل تتحبس في الاوضه وبتكتب كتابها غصب عنها
كريم : يا عم اهدا ما أنا كمان موجود في نفس الموقف
عبد الرحمن : قووول حل أنا طول ما أنا سامع صويت اختي مش عارف اقعد
كريم بتفكير : تمم كده مفيش حل غير الهروب
عبد الرحمن : وانت عايز اختي تهرب
كريم: خلاص خليها تتجوز
عبدالرحمن : مستحيل اخليها تهرب
كريم بزعيق : يابني انت حمار علي العموم دي اختك وانت حر وتصبح علي خير بقا
عبد الرحمن راح نام
*# تاني يوم #*
كلهم صحيوا والحزن مالي بعضهم أما البعض الآخر كان سعيد
طارق و وفاء كانوا بيفتحوا الباب بتاع فاطمه
وفاء بصدمه : فاطمه مالك يابنتي
فاطمه بتعب : بطني بمووت .. فاطمه اغم عليها
طارق : حافظ انا الحركات دي
وفاء : البت بتروح مني لازم تروح المستشفى
طارق : طب هاتيها ونروح يارب تكون عملت حاجه في نفسها علشان اقتلها
راحوا المستشفى وفاطمه بدأت تفوق وافتكرت الي حصل امبارح
*# فلاش باك #*
كانت بتعيط لحد ما شافت خيال ورا الباب
فاطمه : انت مين؟ ونبي ساعدني
كريم بهمس : أنا كريم اهدي أنا جاي اصلا علشان اساعدك
فاطمه : هتعمل اي
كريم دخل برشامه ملفوفه في ورقه من تحت الباب
كريم : خدي دي كليها وبكره الصبح بطنك هتوجعك شويه لكن هتخرجي من هنا
ومشي ومش استنه ردها
فاطمه خدت البرشامه منغير تفكير
*# انتهي الفلاش باك #*
كريم خبط ودخل
فاطمه : اي ياعم استأذن الأول
كريم : يلا علشان تلحقي تهربي
فاطمه قامت وهربت بنجاح
فاطمه مشيت ومش عارفه تروح فين راحت القاهره وبعدها بيت عمر لكن كان عمر ساب البيت حاولت تفتكر رقمه لحد ما رنت عليه
*# عند عمر #*
كان في الشركه وفي اجتماع وفي رقم عمال يرن وهو مش بيرد لحد ما أخيرا لما الاجتماع خلص رد
عمر ببرود : الو
فاطمه قلبها دق وفرحت اول ما سمعت صوته وقالت : عمر
عمر ابتسم تلقائيا بس كدب نفسه وقال : مين
فاطمه : مش عارفني
عمر : معلش مش واخد بالي
فاطمه : أنا بطوطه انا فاطمه
عمر قلبه دق من تاني مش مصدق نفسه بس تماسك نفسه وقال ببرود : بطوطه مين
فاطمه بدموع : مش فاكرني انا فاطمه حسن
عمر : ااه افتكرتك خير في حاجه
فاطمه : عايزاك تقبلني في العنوان ده****
عمر : تمم
عمر راح واول ما شاف فاطمه عرف قد اي هي اتغيرت بس للاحسن والاجمل ....يتبع ♥️
- تابع الفصل التالي عبر الرابط: "رواية بطوطة عمر" اضغط على أسم الرواية