رواية عشقني متوحش البارت السادس 6 بقلم ميسون عبدالمجيد
رواية عشقني متوحش الفصل السادس 6
طارق بأبتسامة:تربيتك ي كبير
عمرو:تمام كدة انت عرفت اللعبة وهتبقي انت وسيدرا مع بعض
طارق:طب وانت
عمرو: أنا هحركم من بعيد لبعيد منتا عارف عاصم اول بس ما بيشوفني بيشك في أي حاجة
طارق: تمام سلام بقي عشان متأخرش عليه
طارق مشي وعمرو ابتسم بشر وغل
بقلمي ميسون عبدالمجيد
نشوي بغيظ:ليه ي بابا حد قلك اني الفلبنية اللي جبتهالك الست الوالده
عاصم ببرود وهو ماشي:قطع لسانك هييقي علي ايدي
عاصم مشي من قدمها ونشوة قربت تطق جت علي دمغها فكرة ابتسمت بمكر واتجهت للمطبخ
نشوي بأبتسامة مكر:دادا بشمهندس عاصم كان بينده عليكي
دادا حسناء:بجاد طيب انا ريحاله
الدادا خرجت ونشوي ضحكت بخبث وبدات تعمل العصير
في الخارج
دادا حسناء:نعم ي عاصم بيه
عاصم بأستغراب:خير ي دادا
دادا حسناء بأستغراب:مش حضرتك كنت بتنده عليا
عاصم بعدم فهم:لا
دادا حسناء:امال..
طارق:مسا مسا
الدادا دخلت
عاصم بعنين حادة:انت جاي تعمل ايه هنا
طارق بتأثر مصطنع:بتطردني بطردني من ڤلتك وهونت عليك
عاصم بغيظ:اخرس انت مرحتش الشركة ليه
طارق بأبتسامة وبرود:جيت اصبح عليك ي خال عيالي
عاصم بصله بقرف
نشوي وهي خارجة:احلي كوبايه عصير مش هدوك زيها في حياتك
عاصم بصلها بعدم راحة
طارق بأبتسامة:ايييه دااا انتي بتعملي ايه هنااا
نشوي بتكبر وغرور:ابدا بشمهندس عاصم اتصل بيا وقالي تعالي واعتذرلي وفضل يترجاني ارجع الشغل وانا وافقت بعد محايلات كتير منه
عاصم برفعة حاجب:الكداب بيروح النار
نشوي بأستفزاز:لا بيروح مرينا
عاصم بقرف:هههه ايه الخفة دي
نشوي بطفولة:نينيني اشرب بقي العسير
عاصم بقرف:عسير اسمه عسير
نشوي بزهق:ما تشرب بقي
طارق بيبصلهم وبيضحك
عاصم اخد بق استطعمه لكام سنية
عاصم كح علي ما اخر ما عنده
عاصم بيكح بقرف:ايييييه داااااا حطااااا ايه علي الكويي
نشوي بصدمة مصطنعه:لاااا متقولش اني نسيت وحطيت ملح
عاصم بصلها بصدمة وغضب وطارق بيضحك على ما اخر خا عنده
عاصم رمي الكوباية في الارض جامد العصير اكب والكوباية اتكسرت
نشوي بأبتسامة وبرود:كدة خلاص اخدة حقي ومسمحاك
سيدرا وهي داخلة من الباب:عاصم حبيبي وحشتني أو...
قطعت كلامها لما شافت نشوي وقفة مبتسمه
سيدرا بغضب وغل:انتي بتعملي ايه هنا
نشوي ببرود واستفزاز: بصراحة انا صاحيه النهارده مليش مزاج اضرب حد وايدي وجعتني من اللي حصل امبارح ههه فهمها انت بقي ي حبيبها
نشوي سابتهم ودخلت الفيلا
سيدرا بغيظ وغل:البنت دي بتعمل ايه هنا تاني ي عاصم
طارق بضيق: عاصم انا رايح الشركة سلاام
عاصم:سلام ي صاحبي
سيدرا:رد عليا انت اللي قلتلها تيجي ولا هي اللي جت من نفسها
عاصم:ملكيش دعوة ي سيدرا دا موضوع يخصني انا وانتي ملكيش دخل في تمام
سيدرا بصتله بغضب وسكتت
في الداخل
بقلم ميسون عبدالمجيد
نشوي وقفة في المطبخ بتشرب
نشوي بتقلد سيدرا: عاصم حبيبي وحشتني اوي نينيني ظرافة اتلمت علي خفاش حيوانات الاهي وانتي مشيا بطولك دا تقعي تكسر رقبتك ي فسادة وانت ي خفاش ربنا ياخد غرورك و..
عاصم من وراها:ها وايه كمان
نشوي بغباء:وتكبرك علي خلق الله ودمك التقيل وا...
نشوي لفت وبصت بصدمة
نشوي بأبتسامة خوف واحراج:طبعا انا لو حلفتلك اني مكنتش بتكلم عليك مش هتصدق صح
عاصم بعنين حادة:سمعيني كنتي بتقولي ايه بقي
نشوي بتهرب:بطل غرور وتكبر شوية ربنا هيسخطك قرد
عاصم بحدة:متحوريش انطقي
نشوي ببراءة:تشرب سوبيا
عاصم بصلها لكام سانية وضحك بخفة غصب عنه
عاصم بيضحك بغيظ:يبنتي انتي اييه هااا اييه وقعتي عليا من انهي مصيبة
نشوي ضحكت برقة:دا انا ياريت كل المصايب تبقي ربع جمالي
عاصم بابتسامة:دنتي ا...
سيدرا من برا:عااصم عاااصم حبيبي انت فين
نشوي نفخت بضيق
نشوي ببرطمة:الظرافة وصلت
عاصم كتم ضحكته
عاصم بجدية:نعم ي حبيبتي
نشوي بصيت غير مسموع:حبيبتي نينيني
سيدرا دخلت المطبخ وبصتلهم هما الاتنين
سيدرا:انتي بتعملي ايه هنا
نشوي بغضب:انا..
عاصم قاطعها:انا كنت جاي اشرب ي حبيبتي وكانت بتساعدني ممكن كوباية ميا
نشوي بأبتسامة ضيق:عنيا ☺️😁
عاصم اخدها منها وخرج
بعد وقت
نشوي وسيدرا قعدين مع بعض في الريسبشن
سيدرا:بفكر اغير الديكور كله البيت مش عاجبني
عاصم بسخرية لم تلاحظها سيدرا:اه طبعا وماله
سيدرا:وكل العفش دا نجيب غيره
عاصم بنفس الطريقة:ايوا ايوا وماله
نشوي جت عليهم
نشوي بضيق:الاكل علي السفرة الدادا حضرته وجنبيه البرشام اللي المفرود حضرتك تاخده
عاصم:تمام انتي راحة فين
نشوي بجدية: هروح بيتي بعد كدة هاجي في معادي الساعة التمنيه وهمشي في الوقت دا
سيدرا بضيق:احسن بردو
نشوي بصتلها من فوق لتحت بقرف وابتسمت بأستفزاز ومشيت
عاصم بهدوء حاد:سيدرا مش هكررها تاني اي حاجة تخصني هنا ملكيش دعوة بيها
سيدرا:في ايه عاصم حصل ايه لكل دا
عاصم:اللي حصل ان ياريت تتجنبي الكلام مع دكتورة نشوي خالص حشيها من ذاكرتك تمام
سيدرا نفخت بضيق:انا مشيا
عاصم بضيق:خليكي اما نتعشي
سيدرا بضيق:نفسي اتسدت
سيدرا قامت خرجت قابلت طارق عند باب الڤفة العمومي
سيدرا بضيق وهمس:ابقي خلص وتعالي
طارق بهمس:تمام
طارق دخل ودخل للريسبشن
لقي عاصم بياكل
طارق بأبتسامة:والله كنت هقول حماتي ميته بس للاسف ميته
عاصم برفعة:وحيات امك وهي مين بنت حماتك علي كدة
طارق بتهرب:بهزر ي عصوم بهزر انا هموت من الجوع و ورق العنب دا بيخليني أضعف
عاصم ضحك وبدؤ يكلو
عاصم:كلمة الدكتور
بقلمي ميسون عبدالمجيد
طارق وهو بياكل:ايوا هيرجع المانيا كمان تلات شهور ونص وقلي هرن عليك كمان كام يوم وهيحدد معاد العمليه
عاصم بضيق وقرف:تمام
طارق بياكل:صحيح نشوي فين اوعي تكون اتخنقت معاها تاني ههه
عاصم بقرف:اقفل بقك وانت بتاكل
طارق بصله بأحراج وكملو اكل
★*★*★*★*★*★*★*★*★*★*★*★*★*★*★*★*★*
نشوي رجعت البيت واول ما دخلت لقيت هايدي في وشها
نشوي بفزع:بسم الله الرحمن الرحيم انصرف انصرف فوووف
هايدي بعنين حادة:كنتي فين
نشوي بأرتباك:هاا
هايدي بعنين حادة: كنتي فيييين
نشوي بأستهبال: كنت بشم الهوا الجو النهادرة جميل اوي
هايدي:نشوي انطقي كنتي فين
نشوي بضيق:اوووف كمت عند عاصم
هايدي بغيظ:رحتي تعمله عنده ايه تاني ي مهزأة
نشوي:اووف بقي هو طلب اجي اخد النوت بتاعتي نسيتها ولا رحت طلب مني مسبش الشغل
هايدي:وانتي قبلتي علي طول
نشوي بغرور:لا طبعا خليته يعتتذر
هايدي بغيظ:ي بنتي انتي مهزأة يبنتي كرامتك خلاص ماتت وانا اللي قلت لو جلها لغاية هنا مستحيل ترجع دا انا انا عملت ليا كرامه ومردتش اروح الشغل اللي المفرود اول يوم ليا وانتي ريحاله برجلك
نشوي ببرود:خلاص بقي ي هوهو متكبريش الموضوع هو اعتذر وانتي عرفاني قلبي رهيف ومش بستحمل
هايدي بغيظ:خليكي كدة قلبك رهيف اما هيجي اللي يكسره خالص
هايدي سابتها ونزلت بس الجملة عمالة تتكرر في ودن نشوي
(خليكي كدة قلبك رهيف اما هيجي اللي يكسره خالص)
نشوي حاولت تنسي وتطيرها من دماغها
عدي الليل بظلامه علي ابطالنا
__________________________________________________
اشرقت شمس يوم جديد يحمل كثير من الاحداث
نشوي صحيت اخدة شاور وصلت فردها ولبست دريس اسود عليه خمار نبيتي وشوز نبيتي كانت قمر
نشوي نزلت من بيتها وخبطت علي بيت هايدي ومازن
نشوي عمالة تخبط بصوت عالي
مازن فتح بغضب:ايييه اييييه براحة مش في بهاااايم نيمااا ولا مفييش دمممم
(مازن يبقي اخو نشوي في الرضاعة)
نشوي بلا مبلاه:ميزو حبيبي هدي اعضائك روح اندهلي اختك المهزأة من جوا
هايدي من وراه:انا اللي مهزأة بردو ي اللي معندكيش كرامه
مازن بعدم فهم ونوم:انتو بتتكلمو عن ايه
الاتنين مع بعض:ولا حاجة
مازن بغيظ وشك:احسن جاتكم القرف انتو الاتنين هدخل اكمل نوم عشان عندي شغل كمان شوية اياكم اسمع صوت عالي
مازن دخل وسابهم
نشوي:مش عندك شغل انتي مش لبستي ليه
هايدي بضيق:مش راحة في حته اصل انا عندي كرامه
نشوي بغيظ:بطلي بقي وخلاص اللي فات مات روحي اللبسي ونركب سوا
هايدي بضيق:مش راحة انا خلاص
نشوي: قلت هتروحي يلا و..
ما تشوفي الزفت اللي عمال يرن وعصبني دا
هايدي:رقم غريب
نشوي بطفولة:طب ردي وافتحي لسبيكر
هايدي عملت كدة فعلا والاتنين قربو ودنهم من الفون
هايدي بجدية:اللو
طارق: بشمهندسة هايدي القاسم
هايدي بشك من الصوت:ايوا انا مين حضرتك
نشوي بهمس:دا طارق انا متاكدة
هايدي ضربتها في كتفها بغيظ عشان تسكت
طارق:احم حضرتك معايا
هايدي:ايوا معاك قلت مين معايا
طارق بجدية:انا بشمهندس طارق زناتي مدير شركة UB اللي المفرود كان يبقي اول يوم ليكي فيها امبارح انا مستنيكي وياريت تيجي حالا
طارق مستنهاش ترد وقفل في وشها
هايدي بصدمة:قفل في وشي
نشوي بتضحك علي ما اخر ما عندها وهايدي قربت تطق
بعد وقت نزلت هايدي مع نشوي وكانت لبسا دريس كحلي عليه خمار بيج وشوز بيج كانت جميلة جدا
بعد وقت
وصلت نشوي الڤلة دخلت وكانت الساعة تمنيا الا دقيقتين
دخلت واستغربت لما ملقيتش عاصم صاحي وقاعد في الجنينه
خبطت فتحت الدادا
نشوي بأستغراب: امال بشمهندس عاصم فين
دادا حسناء:نايم ولسة سيدرا هانم دخلاله
الدادا دخلت المطبخ
نشوي نفخت بضيق ودخلت لقيت عاصم خارج وسيدرا وراه
نشوي بأبتسامة ضيق:صباح الخير
عاصم بهدوء:صباح الخير
مشيو خطوتين
بقلمي ميسون عبدالمجيد
سيدرا ببرود وغرور:بقلك يااا قولي للدادا تحضرلنا الفطار
نشوي بنفس الطريقة:ليه ي حبيبتي ما تقوللها انتي ولا احبالك الصوتيه اتقطعت
سيدرا بصتلها بغضب وغل ونشوي ابتسمت ببرود ومشيت من قدمهم
نشوي بصوت سمعته سيدرا وعاصم:داداا حضري الفطار بتاع بشمهندس عاصم عشان ياخد الدوا
سيدرا بغضب:البنت دي يا انا ي هي هنا
عاصم بهدوء:سيدرا محطيش نفسك في مقارنه مع أي حد مهما كان عشان اكيد هختارك انتي بس نشوي بتشتغل هنااااا افهمي بقي هتشووو
سيدرا بأبتسامة:يعني هتخترني انا مقارنه بأي حد
عاصم بأبتسامة:طبعا هتشوووو
سيدرا بمكر:طب لو انا كنت وقفة في طريق وطارق واقف جنبي وفي عربية هطسنا هتنقز مين فينا
عاصم بصلها ومردش
سيدرا بتزقه وبسخرية:كنت عارفة
سيدرا في سرها:اااخ لو تعرف اللي بتحبه دا بيعمل ايه من وراك
★*★*★*★*★*★*★*★*★*★*★*★*★*★*★*★*★*
في الشركة عند طارق
(الشركة دي ملك عاصم وطارق شريك معاه وهو بيديرها لغاية ما عاصم يرجع)
هايدي دخلت بأندفاع:انت ازاااي ي بني ادددم انت تقفل الفون في وشي هااااا قلي ازاي
طارق بيكتم ضحكته: أنتي اللي فارق معاكي اني قفلت في وشك
هايدي بصاله بغيظ
طارق ضحك:علي العموم اسف ويلا اتفضلي ورحمه هتعرفك مكتبك فين ولا اعرفك انا اهو اللي قدام مكتبي دا علي طول
(المكتبين مع بعض بيغرقهم ازاز يعني هيكونو شيفين بعض)
هايدي بغيظ:انا مش...
طارق قاطعها:عارف عارف انك مبسوطة يلا اتكلي علي الله بقي
هايدي بغيظ:ايه اتكلي علي الله انا بشحت منك
طارق بحدة مصطنعه:يلااا بقي علي شغلك
هايدي خافت من صوته ومشيت من قدامه بغيظ
وطارق ضحك بخفة
★*★*★*★*★*★*★*★*★*★*★*★*★نرجع لعاصم
عاصم قاعد مع سيدرا
عاصم في الفون:تمام يعني كل حاجة كويسه هتشوووو
نشوي بتديله البرشام:اتفضل
عاصم هز راسه بمعني شكرا
عاصم:ماشي هقفل معاك دلوقت عشان محمود بيه بيرن عليا
عاصم قفل
عاصم:هتشووو
نشوي بقلق:انت كويس
عاصم:ايوا هتشووو
نشوي:بس انت باين انك مش كويس وشك اصفر وواضح انك سخن ممكن تحط ايدك علي راسك تشوف نفسك سخن ولا لا
عاصم:ملوش لزوم قلت كويس هتشووو
نشوي بصتله بغيظ ودخلت
وطبعا الحوار دا كله مكنتش سمعاه ولا شيفاه سيدرا لانها كانت مندمجة مع الفون والهاند فري
عاصم حط ايده علي راسه ولقي نفسه فعلا سخن
بص لسيدرا اللي قاعدة ولا معاه اصلا ولا مهمتيا بيه وافتكر نشوي ابتسم بسخرية
عاصم عمال يعطس
سيدرا خلعت من ودنها الهاند فري
سيدرا:حبيبي مالك ملاحظة انك عمال تعطس
عاصم بسخرية:لا بجد ملاحظة ي شيخة كتر خيرك
سيدرا بضيق:ي عاصم منا كان عندي شغل مهم انت عارف أنا سيبا الشركة في لبنان لوحدها
صحيح انا جبتلك عصير حلو اوي معايا
عاصم بصلها بأهتمام
سيدرا طلعته وكان عصير معلب (يعني في علبه مش عليها اسم او نوع)
سيدرا:عصير هيعجبك اوي
عاصم بقلق:دا عصير ايه دا
سيدرا:عصير كدة طعمه هايل خليط كذا نوع فاكهه مع بعض وكمان صحي جدا
عاصم بصلها بقلق وبدء يشرب ومش حاسس بأي طعم ليه
سيدرا:يلاا باااي بقي واسفة ي حبيبي مش هقدر اجيلك بليل لان عندي شغل مهم هجيلك بكرا بدري سلام
عاصم:هتشووو سلام
عاصم بص لاثرها وابتسم بسخرية
بعد وقت
★*★*★*★*★*★*★*★*★*★*★*★*★*★*★*★*★*عند طارق في الشركة
طارق قاعد في مكتبه بيشتغل وكل شوية يرفع راسه يبص علي هايدي في مكتبها يلاقيها بتشتغل ولا معبراه اصلا
طارق مسك الفون الخاص بالشركة واتصل علي فون هايدي
طارق بيتكلم وهو باصصلها:تعاليلي المكتب
هايدي بضيق وهي بصا للورق اللي في اديها:تمام جيا
طارق قرب يطق لانها ولا معبراه لانه معروف في الشركة بوسمته وانو اجمل شاب فيها وكل بنات الشركة بيموتو عليه
هايدي نفخت بضيق وخبطت ودخلت
هايدي بضيق:خير حضرتك عايز ايه
طارق بتكبر وغرور مصطنع:خدي رتبي الفيلات دي
هايدي بصدمة: أنا لسة مخلصتش السبعه اللي ادتهمني
طارق ببرود:ومدام انتي مش قدها بتشتغلي ليه
هايدي بنرفزة:لا منا اكيد مش درسة اربع سنين في الكليه وبقيت مهندسة ديكور عشان شغلتي تبقي ترتيب فيلات
طارق بأبتسامة مكر:تمام جهزي نفسك بكرة هنروح ڤلة راجل كبير اوي والڤلة محتاجة مهندس ديكور فوق العظمة ودي هتكون بداية عشان اقيم شغلك
هايدي بصدمة:لا مهو مش بالسرعة دي وتديني حاجة كبيرة
طارق:الا لا عايزة دا ولا خلاص خليكي في ترتيب الفيلات
هايدي بضيق وغيظ:لا خلاص مش هرتب فيلات انا محتاج حاجه تاني
طارق باصصلها وسرحان في عنيها اللي من اول مرة شفها وعشقهم وبيتمنها يفضل يبصلها ديما
هايدي اتوترت من نظراته
هايدي بضيق وحدة:شششش انت سرحان فين
طارق فاق:احم ولا حاجة اتفضلي علي شغلك
هايدي بصتله بضيق ومشيت
نشوي كانت جوا وكانت قلقانه جدا علي عاصم بس مش عيزا تخرج عشان ميكسفهاش تاني بس مقدرتش وخرجتله واتنفست براحة لما لقيته لوحده
نشوي:احم انت كويس
عاصم مغمض عينه
نشوي بخوف:عاصم انت كويييس
عاصم بتوهان:ايوا ايوا انا كويس
عاصم وشه بقي زي الدم وباين عليه انو مش في وعيه
نشوي بدات تخاف:انت متأكد مال وشك أحمر كدة ليه
عاصم:لا رد
نشوي بتهزه:عاصم
عااااصم
نشوي اتربعب لما لقيته مش بيرد اتصلت بطارق بسرعة
طارق رد بعد كام سنية
طارق:اللو ي دكتورة خير في حاجة ولا..
نشوي بلهفه وخوف: طااارق ابعت دكتووورة حالا علي الڤلة
طارق:..
- تابع الفصل التالي عبر الرابط: "رواية عشقني متوحش" اضغط على أسم الرواية