رواية ليفل عالي "ابن الريف" البارت السابع 7 والأخير بقلم فدوى خالد
رواية ليفل عالي الفصل السابع 7 والأخير
= بصدمة : أسر !
كان هيتكلم بس طلعت حبيبة من جمبه و هى بتبصلها بقرف .
= حبيبة !
حبيبة : عايزة أية يا بتاعة أنتِ مني أنا و أسر جوزي .
= جوزك !
حبيبة : أيوة جوزي ..
= ازاي دة ؟
حبيبة : زي الناس روحنا للمأذون و كتبنا الكتاب و بقيت مراته .
= بس أنا خطيبته .
حبيبة بسخرية : دة كان زمان يا عمري ..مفيش كدة أبدًا ..احنا كنا بننصب عليكِ .
= تنصبوا عليا !
أسر : أكيد طبعًا بننصب عليكِ ..معاكِ فلوس و كنا هنستفيد ..دلوقتي أنتِ مفلسة .
= أنتو شياطين مش بشر !
حبيبة : و أنتِ الملاك صح ! أنا بكرهك يا موني ..و لا نقول أماني ..بكرهك يا أماني كل يوم ..بكرهك كل ما بشوف وشك ..بكرهك .
= أنتِ مريضة !
حبيبة : أنتِ إلِ مريضة و محدش بيحبك ..محدش بيفكر أنه يقرب منك عشان هتجيله لعنة ..اسمها لعنة كبريائك، أنتِ وحشة أوي، وحشة و متكبرة و محدش بيحبك يا أماني، كلنا كنا بنستغلك عشان مصلحة و دماغك الفاضية مستحملينك، أنتِ نكرة بدون فلوسك ..و بالفعل دلوقتي أنتِ نكرة !
= ياااه ..دا أنتِ شايلة مني أوي !
حبيبة : شايلة..مم أول مرة تعرفي ..بس كويس أنك عرفتي، أنا بكرهك ..بكرهك أوي و مكرهتش حد غيرك، عندك كل حاجة الواحد عاوزها ..مال و جمال و رقة ..حتى باباكِ إلِ مش راضية علية كان نفسي بابا يهتم بيا ..مولودة فى بوقك معلقة دهب و دايمًا الكل بيهتم بيكِ .
= كملي إلِ فى قلبك .
حبيبة : خلصت و مش محتاجة أكمل ..يلا برة و برة حياتي .
موني بصيتلها بهدوء و مشيت ..يااه صاحبة عمرها تعمل كدة ! دي كانت زي أختها .. و السؤال هنا هتروح فين دلوقتي ؟؟
________________________
شهاب كام قاعد بفكر ممكن يعمل أية مع موني ؟ هى عبارة عن معادلة غريبة بس كل مرة بيحبها أكتر ..أخيرًا أعترف أنه بيحبها ...بس مش عارف يعمل أية ؟! قال هيقوم يخبط عليها و يقولها ..
راح خبط على أوضتها بس محدش بيرد ..ممكن يكون حصلها حاجة !
نزل تحت يسأل عنها قالوله أنها خرجت ..اتنهد و هو بيحاول ميزعلش نفسه ..
لبس هدوم classic و راح الشركة بتاعتة ....دخل وسط الموظفين إلِ بيبصولة بإعجاب ..بيفتح باب المكتب لقى كامل الجدواني ..ابتسم ببرود و هو بيقعد على كرسي مكتبه .
= أهلا .
_ أهلا.
= جاي لية ؟!
_ سؤال يتسأل ل كامل الجدواني بردوة.
= اة يتسأل عادي ..جاي لية ؟
_ أماني الهواري !
= مالها ؟
_ ليا ؟
= تبقى بتحلم مثلا .
_ ليا !
= امم...هو أنا مقولتلكش .
_ قولت أية ؟!
= عامل ليك..مكافأة تحفة !
_ ههزر معاك مثلا .
= مش بهزر ..كل حاج عملتها اتهدت على فكرة .
_ و مين هدها ..أنتَ مثلا .
= هعد لتلاتة و هتشوف .
= 1....2....3...
دخل الضباط و هو هو وقف بإستغراب .
~ تقدر تتفضل معانا .
_ أتفضل فين ؟
~ حضرتك متهم بتجارة المخدرات ..غير كدة أنتَ أصلا مكتوب عليك شيكات بدون رصيد و أعمالك المشبوهه و كله متسجل .
_ عملتها يا شهاب يا جندي .
= تسلم يا حبيبي ..و الله ما عملت إلا كل خير .
_ هتندم و هطلع و هأخد موني ليا .
= بتحلم ممكن ..دا أنتَ أصلا هتبقى على حبل المشنقة .
_ هطلع هتشوف .
عقدة و خلصت منها فى حياتي بس ..ممكن ألقي موني مرة تانية ؟! .
________________________
معاذ نزل ل مدحت و ضربه جامد ..بس مدحت مش سهل بلغ البوليس قبلها و قال أن معاذ بيعتدي عليه ...و نرفز معاذ إلِ خلاه يضرب فيه بغضب .
= دي مراتي يا عديم الدم ..يعني أخش براحتي أو لا ..و بالرغم من كدة كنت قاعد على القهوة و بايت فيها ...شايف أنك أب ها ...مش ليك...عائشة مش ليك و ليا .
سمعوا صوت عربية البوليس ..لفوا كلهم لقوا الظابط بيتكلم بصوت عالي .
~ المهزلة دي تتفك فى ثانية .
كلهم بعدوا و مدحت قام وراح للظابط .
_ أهوة يا باشا مش قولتلك ..مش راضي يخليني أقابل بنتي و كل شوية على الحوار دة و يتخانق معايا ..شوفت يا باشا .
معاذ بصله و قال .
= عامر .
_ معاذ ..بتعمل أية هنا ؟!
= بسخرية : ما أنا إلِ بيتقال عني كل العبر دي من شوية !
_ نعم ! أنتَ و تعمل دة كله !
= شوفت بقا .
~ يا باشا هو دة إلِ بيعتدي عليا ..بالضرب و مش راضي يخليني أشوف بنتي .
_ اسكت .
معاذ ! أنا عشان عارفك بسألك ..أنتَ عملت كدة ؟
= تعرف عني كدة !
_ احكي الموضوع كله .
معاذ حكاله على كل حاجة .
_ تؤمر بأية !
= أبعده عني و متخليهوش يقرب ولا مني ولا المدام ؟!
_ اعتبره حصل !
_ يلا معايا .
~ يا باشا هو ..
_ هش ..بس ملكش دعوة بية فاهم .
معاذ بص لقى عائشة واقفة فوق فى البلكونة و بتعيط ...طلع بسرعة على السلم و خبط على الباب ففتحتله و هى بتحضنه جامد .
= أسفة يا معاذ ..أسفة .
باس رأسها و هو بيبتسم .
_ حد بيعتزر على حاجة معملهاش !
هزت رأسها بلا ..فابتسم و هو بيلعب فى خدودها ..
= يبقى خلاص مش محتاجة اعتزار..تمام .
_ تمام ...بس ........
= مفيش بس بحبك بكل حالاتك ..بحبك أوي يا عائش و عمري ما هسيبك خالص .
_ و أنا كمان بحبك أوي .
سوسن خرجت و هى بتبصله .
سوسن : قطعت فقرتك يا أستاذ نحنوح بس و الله كان على عيني كان لازم أقولك أنك لازم تحدد الفرح .
= بجد !
سوسن : بجد يا روح خالتك يلا نحدد الفرح .
= و الله ما عندي مشكلة ..يلا نحدده دلوقتي و معنديش مشكلة .
سعاد خرجت : بس يا مدلوق .
لعب فى شعره بإحراج .
= احم ..مدلوق أوي؟
سوسن : أوي !
= هو أنا مدلوق على حد ..دا انا مدلوق على القمر، ولا اية رأيك يا عائش .
عائشة بصيتله بكسوف و وشها الأحمر .
سوسن : بس فى شرط .
= ربنا يتسر .
سعاد : نعم ! تتشرطي على ابني لية ؟
سوسن : و دي بنتي بردوة !
سعاد : اسكتي لأضربك بوكس زي إلِ ضربتهولك و أنتِ ٣ سنين .
= يا مانت كريم يارب ..السنتين بقوا تلاتة .
_ بضحك : الحمد لله .
= قمر يا عائش و الله .
_ مجاملة مقبولة .
= بقولك اية تيجي أخطفك ؟!
_ نعم ؟!
= هخطفك بعيد عن كل دة ...فى مكان أنا و أنتِ لوحدينا .
_ و أنا موافقة .
= بتحبيني ؟
_ بموت فيك .
_______________________
شهاب نزل من الشركة و هو بيتمشى و بيفكر ..ممكن يعمل أية ؟!
فجأة لقى الحب مع الشخص الغلط، بس مش بإيده ..و فجأة اختفى و حاسس بفراغ كبير ..أيام بس و حب حد ؟!
صحيح ..غريب الحب مين فاهمة ؟؟
خلاه ماشي لغاية ما وصل للبحر و قعد قريب منه ..بس سمع صوت حد بيعيط ..بيبص بقاها موني ..معقولة ؟!
قرب منها و حط إيده على كتفها ...بصيتله و هى بتعيط و حضنته جامد .
= شهاب ...متسبنيش زي كله ما بيسبني !
اتصنم مكانه دايمًا هى مغرورة و متكبرة مش ممكن يقل كبريائها بسهولة .
= لية دايمًا الحياة ملطشة معايا ...ماما ماتت و أنا صغيرة و محدش كان بيهتم بيا و بابا كل همه يجمع فلوس و يديها ليا ..و صحابي بتوع مصالح ..لية كدة لية ؟؟ قولي لية ؟!
خرجت من حضنه و هى بتمسح دموعها .
= أسفة .
لفت عشان تمشي بس مسك إيدها .
_ حد قالك تمشي ؟!
هزت رأسها ب لا .
_ بتمشي لية ؟
= أكيد شايفني زيهم .
_ مين قال كدة ؟!
= أنتَ شايفني مختلفة ؟!
_ أكيد .
= تعبان صح ؟؟
_ أو عقلت ممكن ؟!
= مش فاهمة؟!
_ بحبك .
= بتهزر صح ؟
_ و اهزر لية ؟!
= لو سمحت همشي .
_ و تسيبيني ؟!
= أحسن من أنك تسمعني كلام زيهم .
_ عارفة يا أماني أنتِ قلبك أبيض بس مستنية إلِ يساعدك تتغيري و أنا معاكِ .
= لو فشلت مش هتستحملني .
_ هستحملك عشان بحبك .
= هتمل مني ؟
_ عمري ما همل .
= أبدًا .
_ أبدًا .
" و بعد أن غابت تلك الشمس، كنت أنتَ قمري المضئ فى وسط تلك العتمة "
تمت النهاية.. اقرا ايضا رواية حورية العسكرية كاملة عبر دليل الروايات للقراءة والتحميل
- الفهرس يحتوي على جميع فصول الرواية كاملة: "رواية ليفل عالي" اضغط على أسم الرواية