رواية فقلبي زعيم مافيا البارت السابع 7 بقلم نعمة احمد
رواية فقلبي زعيم مافيا الفصل السابع 7
لقيته جاى من بعيد وبيشاورلى:تعالى بسرعه
"حاولت اقوم أمشي لكن وقعت على عالأرض واغمى عليا بشكل جزئي"
جرى عليا:ملك ملك فوقى
"بعد فتره من الوقت معرفش قد إيه بالظبط"
فتحت عينى ببطء:أنا ف.فين
"لقيت نفسي نايمه على سرير و فيه ست غريبه قاعده جمبى"
_أ انتى مين
قومت قعدت:وفين الياس
اتكلمت: متخفيش يا حبيبتى
"لقيت الياس داخل"
*هوا إيه اللى بيحصل
قرب عليا:متخافيش ، بعد ما انا رجعتلك كان اغمى عليكى ولقيت البيت ده خبطت عليه وفتحتلى الست الطيبه دى وجبتك هنا..بس
عيطت: أنا عايزه ارجع البيت
طبطبت عليا:مينفعش تخرجى فالجو ده وانتى كده يا بنتى ،استنو للصبح هنا يكون الجو اتحسن وبعدين امشو
سكت شويه
*طيب حضرتك معاكى تليفون
_آه يا حبيبتى ،خودى اهو
"اتصلت على ماما ادانى انتظار شويه وبعدين ردت"
*الو يا ماما
بدموع:م ملك
*أيوه يا ماما انا ملك
_انتى فين ده كله يا حبيبتى قطعتى قلبي عليكى
*انا كويسه يا ماما متقلقيش عليا ، لما أجى هفهمك كل حاجه
_طيب أنتى فين دلوقتي هخلى ابوكى يجى ياخدك
*لا ياماما متخليهوش يطلع فالجو ده عشان خاطرى ، انا هاجى بكره الصبح
_يا بنتى فهمينى،طب انتى فين وايه اللى حصل،يابنتى متخوفنيش عليكى
*يا أمى بالله عليكى أنا كويسه ، انا هاجى بكره ان شاء الله
_طيب خودى كلمى ابوكى
*لالا يا ماما ،انا مش ناقصه وهعيط اصلا ، طمنيه انتى عليا
_طيب يا ملك بكره الصبح هتصل عليكى
*ماشي يا ماما ،سلام
أديت للست التلفون: شكرا
""على ايه يا بنتى ،انا هروح اجيبلك مرهم كده تحطيه على رجلك عشان يسكن مكان الكسر لحد بكره
"راحت الست تجيب المرهم وجه إلياس قعد جمبي"
_انا آسف
*لو قصدك عالبهدله وقله القيمه دى لا مفيش داعى
ضحك:خلاص آسف
"سكت شويه"
_شايف فعنيكى سؤال
*بعيداً عن الجو الرخيص ده بس أنا عندى سؤال فعلاً
_افاجئك اكتر
*إيه
_انا عارف السؤال كمان
*ام محمد المغربيه لف السحر وجلب الحبيب
ضحك:عايزه تعرفى انا جيبتك هنا ازاى صح
*صح
_شيلتك
وديت وشي الناحيه التانيه:...
_خلاص خلاص بهزر ، انتى موافقتيش بكده وانتى فايقه ف مش هاجى اعمل كده وانتى مش فوعيك
*اهى دى اخلاق المافيا المحترم
_صدفه غريبه
*مفيش حاجه اسمها صدفه،كل حاجه بتحصلنا لسبب معين،هنعرفه دلوقتى او بعدين
_ويا ترى ايه سبب الصدفه دى
*مش عارفه بس اكيد هتعرف
"لقيت الست داخله ومعاها صنيه أكل"
""تعالو يلا عشان تاكلو
_ معلش تعبناكى
""ولا تعب ولا حاجه يبنى، انتو جيتو ونستونى والله
حطت الاكل:تعالى يبنى يلا
جت عليا وفإيدها علبه المرهم:تعالى يلا عشان احطلك
*مسكت ايدها:انتى هتعملى ايه يا طنط،لالا انا هحط لنفسي
""يبنتى اسمعى الكلام انا هحطلك
_يا طنط والله ..
""مش هقبل بأى كلام تانى
تدخل الياس: بصراحه كده أنا ميت من الجوع ، متنجزى يا ست ملك
برقتله:كل انت ياخويا ملكش دعوه
"اتغلبت عليا فالأخر وحطتهولى"
*مش عارفه أقولك إيه والله يا طنط على تعبك معانا
""انتو زى عيالى يا حبيبتى، وبعدين يلا بقا عشان الولد اللى هيموت من الجوع ده
ضحكت :يلا
"قومت ورحنا ناكل وقعدنا نتكلم ونهزر وكان وقت لطيف"
*عن إذنك يا طنط انا هشيل
_لا يحبيبتى انتى تعبانه اقعدى
إلياس:بصراحه يا طنط ملك معاها حق المره دى انتى تعبتى معانا سيبينا إحنا نعملهم
*وأنا رجلى خفت أصلا ايدك فيها بركه يا ست يا طيبه
"وبعد نقاش دام لأكتر من ربع ساعه أخيرا وافقت"
""ده انتو فظاع
*اتعلمنا منك يا طنط والله
ضحكت
"شيلنا الحاجه أنا والياس ودخلناها المطبخ "
*حط الأكل ده فالتلاجه وهات الطباق عشان اغسلها
_لالا اقعدى أنتى هنا بس ، انا هغسلهم
*يا عم اقعد على جمب وأنت بتعرف تعمل حاجه
_اقعدى بس عشان رجلك
*لا انا رجلى خفت
_انتى قدرتى تقنعى الست اه،لكن انا لا
"قعدنا نتناقش اكتر من ربع ساعه"
مش عارفه إيه الناس اللى بالها طويل دى😂😂
*خلاص انا هقعد،يخربيت اللوك لوك يا شيخ
ضحك وقعد يغسل المواعين""
"خلصنا وطلعنا على بره"
"تعالى يا بنتى انتى نامى فالاوضه دى وانت يابنى نام هنا
*وانتى يا طنط هتنامى فين
""هنام هنا
*وأنا مش هسيبك تنامى هنا
""أنتى لسه فيكى حيل تناهدى
*بصى لو هنتكلم للصبح انا معنديش مشاكل ، ف منعا لده كله نامى انتى مكانك وانا هنام فالصاله،ده مكانى المفضل اصلا
بصت لإلياس:ما تقولها حاجه يبنى
_دى ولا هتاخدى معاها لا حق ولا باطل
ضحگت: طيب أنا هدخل جوه ولو احتجتو حاجه نادونى
روحت حضنتها: شكراً
"دخلت جوه"
إلياس: ادخلى نامى جوه
*مش هنام جوه
_لا ماهو بصى انا مش الست الطيبه دى هتتكلمى للصبح هتكلم ومش هزهق
ضحكت: خلاص يا سيدى أنا داخله ،تصبح ع خير
_وانتى من أهله
"دخلت الاوضه وفضلت قاعده لحد ماروحت فالنوم"
صحيت تانى يوم على صوت التلفون بيرن
_الو
*ايه يا ملك يا حبيبيتى هتيجى امتى
_ساعه بالكتير وهكون عندك
*ماشي يحبيبتى متتأخريش،سلام
""قومت طلعت بره لقيت إلياس قاعد وطنط لسه بتحط الاكل"
*صباح الخير
ردو عليا:صباح الخير
""تعالى يا حبيبتى يلا عشان تفطرى
*لا أفطر ايه ماما لسه مكلمانى دلوقتى وقولتلها جايه
"
""خلاص هحطلك الاكل وتاخديه
*يا طنط والله...
_مفيش يا طنط
*انت ساكت ليه ما تقول حاجه
_ وانا مالى
*طب كلم سي زفت صاحبك خلينا نمشي بقا
_مش مستنى سيادتك تقولى،عملت كده من بدرى وهو جاى فالطريق
*اخيرا عملت حاجه صح
"جت طنط ومعاها كيس مليان أكل"
""خودى يا حبيبتى يلا
*اى ده كله يا طنك
_كان ايه لزمته التعب بس
""ولا تعب ولا حاجه عشان تسلو نفسكو وانتو ماشيين
روحت حضنتها: شكراً
طبطبت عليا:خلى بالك على نفسك
*حاضر
_وانت كمان يبنى خلى بالك على نفسك وخد بالك منها ، ومتنسوش تعزمونى عالفرح بقا
*احم لا حضرتك فهمتى غلط والله
إلياس ضحك عليا
برقتله : ده لو آخر واحد فالدنيا مستحيييل اتجوزه
""ربنا يوفقكو فحياتكو يا بنتى
""بعد شويه نادر جه وركبنا معاه""
قعدو يتخانقو شويه ويزعقو وانا باكل
بصلى فمرايه العربيه:هاتى سندوتش
*لا
_متخلنيش انزلك وأبقى روحى بيتكو زحف بقا
*لا وعلى ايه قله القيمه خود خود، وانت يا نادر تاخد واحد
كان لسه هيقول لاء :خود انت كمان متتكسفش مش ناقصه وجع بطن عالصبح
"بعد شويه وجع رجلى زاد اوى"
*بتعب:الياس
لف لى:فيه ايه
*رجلى وجعانى اوى مش قادره
كلم نادر:اطلع على اقرب مستشفى بسرعه
"طلعنا عالمستشفى والدكتور جبس رجلى وكان كسر بسيط واتصلت على ماما وبابا عشان يجولى عالمستشفى"
*بقولك ايه
_مفيش داعى للشكر
*شكر ايه،هاتلى كيس السندوتشات اللى جمبك ده
_سندوتشات!!! خودى يختى
بعدين قرب عليا
*اى ده فيه إيه، انت جاى تطلع روح المافيا اللى جواك
_هاتى سندوتش
*اديته الكيس:اطفح
"بعد شويه لقيت ماما وبابا داخلين جرى"
ماما:ملك
- تابع الفصل التالي عبر الرابط: "رواية فقلبي زعيم مافيا" اضغط على أسم الرواية