رواية تزوجت معاقا ذهنيا البارت الثامن 8 بقلم شهد محمد موسى
رواية تزوجت معاقا ذهنيا الفصل الثامن 8
شوية ودخلوا الخدم المطبخ .....
نادين بشهقه وصدمة :ايه ده.......
في الحقيقة المطبخ كان عبارة عن مولد وصاحبة غايب مكانش فيه حته مفيهاش دقيق والشكولاته مغرقة الارض والدنيا كانت بايظة وفي وسط الخراب ده كله نلاقي الثلاثي المرح " ريناد.. إلياس...أحمد.." قاعد في الارض قدام الفرن مستنين الكيكة وكانوا في قمة سعادتهم ......
نادين بسؤال:ايه الي حصل هنا......
ريناد قامت وقفت واتكلمت بإبتسامة بسيطة: بصي احنا كنا بنعمل الكيكة بس إلياس حدف علينا الدقيق فاحنا مش هنسكت فروحنا حدفنا عليه الشكولاته وفي النهاية الدنيا باظت كده وعملنا الكيكة........ انا اسفة علي البهدلة دي بس هروقهولك وهخليه زي ماكان......
نادين قربت من ريناد وعلي وشها ابتسامة حنونة......
نادين بإبتسامة:انتي شكلك عايزة ترفدينا كلنا النهاردة.......
ريناد بعدم فهم:ليه هتترفدوا.....
نادين بإبتسامة:عشان يا حبيبتي المفروض ايدك متجيش في اي حاجة في البيت والمفروض متدخليش المطبخ كمان بس انا سمحتلك تدخليه وده ضد الاوامر لكن توصل بيكي الدرجة انك تنضفيه يبقي انتي عايزة ترفدينا.....
ريناد بعدم فهم:بردوا مفهمتش هتترفدوا ليه واوامر ايه....
نادين ضحكت برقة وقالتلها: اوامر امجد بيه و ياله اطلعوا خدوا دش وغيروا هدومكم الي باظت دي ومتسأليش كتير......."وبدأت تزقها براحه بره المطبخ وإليةس وأحمد خارجين وراها"
ريناد :طب استني هروقه واشوف الكيكة استوت ولا لسة.....
نادين وهي بتزقها:ياله روحي ومتقلقيش علي الكيكة انا هشوفها.....
ريناد بتزمر طفولي:اوووف طيب...
ياله يا عيال .......
"وطلعت هي وإلياس وأحمد فوق"
احدي الخدم بإبتسامة:انا مشوفتش زي ريناد هانم قبل كده دي زعلانه انها مش هتروق المطبخ....
نادين إبتسمت للخدامة وسرحت ..........
Flash back💙
من حوالي 27 سنة فاتوا.......
تقف في المطبخ فتاة ذات بشرة بيضاء كالحليب وذات عيون زرقاء كالبحر وشعرها الكستاني الغجري المنسدل حتي خصرها ولابسه قميص نوم كب واصل لغاية ركبتها....فكانت تخطف القلوب لا الانظار فقط....... المهم.....
واقفة في المطبخ ومندمجه في عمل الكيكة وبتغني بصوتها العذب .....
زينب بغناء: حييرت قلبي معاااك وانااااا بداري وأخبي....... قولي اعمل اي وياك ولا اعمل اي وياا قلبي....... بدي أشكيلك من نار حبي..امممم...بدي أحكيلك علي الي في قلبي....اممم....بدي أشكيلك من نار حبي ...اممم...بدي أحكيلك علي الي في قلبي...اممم..
واقولك علي الي سهرني ..واقولك علي الي بكاني واصورلك ضني روحيي وعزت نفسي منعاااني...وعزت نفسي منعانييي......"زينب مندمجة حدا في الي بتعمله"
أمجد جه من وراها وراح حاضنها من ظهرها وباسها في خدها وحط دماغه علي كتافها........وكمل...
أمجد وهو يتمايل معها: يا قااسي بص في عنياا وشوووف ايه إنكتب فيهاا...
زينب بضحك:..لاء..مش فاضية دلوقت بعمل كيكة هبقي ابص بعدين.....
أمجد بضحك:روحي يا شيخة منك لله فصلتيني......
زينب بضحك:الله وانا مالي يا رمضان مانت الي جاي في وقت غلط وتقولي بصي في عنيا ......
أمجد راح لفها ليه ابتسم بخبث وقالها: دا انا جاي في الوقت الصح الصح عشان اشوف الصاروخ ارض جو الي قدامي ده........
زينب بخجل:بس احترم نفسك ....
أمجد بإبتسامة وهي بيقرب وشه منها :بقي حد يبقي شايف الوتكة الي قدامه دي ويحترم نفسه دا حتي يبقي مترباش........
زينب ضحكت برقة واتكلمت بخجل: دي ألفاظ راجل محترم.....
أمجد بضحك:ومين قالك اني محترم اصلا انا واحد مشوفتش بربع جنية تربية طول مانا موجود معاكي.......
زينب بضحك وخجل في نفس الوقت: طب اوعي خلينا اعمل الكيكة واخلص .....
أمجد وهو بيقرب من شفايفها :تؤتؤ...
فهي غمضت عنيها بحركة لا إراديه منها........ بس فتحتها فجأة......
زينب بغضب محبب:أمجدد والله لوريك.. "اصله استغفلها وحط علي وشها دقيق لما غمضت عنيهاا😹"
وراحت ماسكة الدقيق ورشت عليه ...
أمجد بضحك:انتي قد الي عملتيه.....
زينب بإبتسامة وتحدي:ايوه......
أمجد:طب خدي....
والاتنين اشتغلوا يحدفوا علي بعض الدقيق وسط ضحكاتهم العالية والسعادة الي كانت محاوطهم وبعدين أمجد راح مكتف ايديها وخدها في حضنه .....
امجد بإبتسامة وهمس جمب ودنها:بحبك يالي آسرتي قلبي في سجن عيونك الزُرق...."وراح بايسها في خدها"
"انا: منك لله يا امجد بيه الواحد مرارته اتفقعت🙂🦦"
زينب مسكت ايده الي مكتفها بيها وحطتها علي بطنها واتكلمت بحب:انا كنت بحبك قبل ما يبقي في حته منك جوايا لكن دلوقت انا بعشقك بكل جوارحي.......
أمجد لفها ليه وحضنها جامد وهي حضنته وقالتله برقة:ربنا يخليك ليا....
أمجد بإبتسامة:ويخليكي ليا يا حوريتي.....
زينب راحت بعدت عنه وبصت للمطبخ والي حصله وقالتله بمرح:ياله بقي شد همتك معايا كده عشان هنضف البهدلة الي عملناها دي......
أمجد حاوط كتفها وقالها بإبتسامة: لاء البهدلة دي الخدم هينضفوها واحنا هنطلع ناخد دش.....
زينب بمرح:لاء احنا الي بوظناه فاحنا الي هنعمله هما ملهومش ذنب يتعبوا في حاجة احنا الي خربناها .....
أمجد بهدوء:لاء اولا انتي حامل ثانيا ده واجبهم......
زينب حطت ايديها علي خده واتلكت برقة: اولا انا كويسة والحمل مش هيحصله حاجة ثانيا بقي ده واجبهم لو هما الي بوظوه وبعدين هما مش شغالين عندنا هما بيسعدونا وبس ....وبلاش كلام كتير بقي وياله نقوم ننضفه بسرعة ونعمل الكيكة ....
أمجد بصلها بحب حب وراح باس كف ايديها وقالها بحب: مبحبكيش من فراغ......
زينب ابتسمتله وقالت:طب ياله ....
أمجد اتنهد وابتسم: ياله وامري لله.....
"والاتنين نضفوا المطبخ وعملوا الكيكة وكل ده حصل ونادين كانت واقفة بس هما مش شايفنها ".....
Back💙
فاقت نادين من شرودها علي صوت الخدامة بتناديها........
نادين للخدامة:جاية وفي نفسها: الزمن بيعيد نفسه من تاني..........
وراحت تكلم الخدامة.....
__________🤎___________
_في بيت نورين_
نورين قاعدة بتتفرج علي التليفزيون وبتمشي ايديها في شعر قاسم الي حاطط دماغه علي رجليها ومغمض عنيه..............
نورين بهدوء:قاسم...
قاسم:امم
نورين بهدوء:انت رايق دلوقت....
قاسم بنبرة لا تحتمل النقاش : لاء يا نورين ومتتكلميش معايا في اي حاجة.......
نورين برقة وهي بتمشي ايديها التانية علي وشه:خلاص مش هتكلم بس اهدي....
قاسم حس انه مش مستحمل لمستها فبعد ايدها وقام وقف.....
نورين بإستغراب :قمت ليه.......
قاسم وهو ماشي رايح الاوضة :نازل ومتسأليش فين .....
سابها ودخل يغير هدومه.......
__________🤎___________
_الساعة 5 مساءً_
_في شركة MCK_
أمير بإبتسامة:اتمني تكونوا استمتعتوا باول يوم ليكوا و متنسوش تتفرجوا علي ال CD الي معاكوا عشان هيساعدكم كتير في العملي بتاع بكرة
بالتوفيق للجميع......
جميع الطلاب: شكرا لحضرتك....
والجميع خرجوا من المكتب لانه كان نهاية اليوم .......
بسمة بتعب:انا فيصت من اول يوم....
سجي بتعب:عندك حق والله والفكرة انه احنا معملناش حاجة بإيدينا.......
بسمة بمرح ولا كأنها كانت تعبانه من ثانية:بقولك اي متيجي نتغدي بره النهاردة.......
سجي بإبتسامة:ياله بس الحساب عليكي.....
بسمة بمرح:انا بقول نروح احسن لانه الواحد تعبان.....
سجي :ههههه دانتي مصيبة......
أمير نادي علي بسمة : بسمة...
بسمة لسجي :هشوفه عاوز اي واجي...
وراحت لأمير ....
بسمة بإبتسامة: نعم........
امير بتوتر لانه مش عارف يبدأ الكلام ازاي........
أمير بتوتر واضح بس حاول يكون طبيعي:ممكن اخد رقم تليفونك.......عشان اعرف اتواصل معاكي لو في حاجة......
بسمة استغربت انه هي الوحيده دونا عن الباقي الي طلب رقمها بس ردت عليه :اكيد طبعا 010...............
أمير بإبتسامة:شكرا ليكي.....
بسمة بإبتسامة: العفو..اقدر امشي
أمير بإبتسامة:طبعا .....
بسمة بإبتسامة :عن اذنك ....
هز أمير دماغه وقال:اتفضلي.....
مشيت بسمة وراحت لسجي
سجي بفضول:كان عايز اي
بسمة بلا مبالاه:كان عاوز رقمي عشان يتواصل معايا لو في حاجة....
سجي بإستغراب:واشمعني انتي....
بسمة لوت شفايفها وقالتها:الله اعلم...المهم هناكل فين عشان انا هموت من الجوع......
سجي بمرح :مش قولتي نروح احسن....
بسمة بمرح:بهزر يا رمضان الله.....
سجي:طب ياله هوديكي عند احسن واحد بيعمل سمك فيكي يا اسكندرية..........
بسمة بمرح: ياهوو ياله.....
وراحوا مشيوا
__________🤎___________
_الساعة 7 مساءً_
_في المستشفي_
عز قاعد في مكتبه ومغمض عينه وسرحان ..........
شخص:ايه الي واخد عقلك......
عز فتح عنيه واتكلم بسخرية:
يابني والله في حاجة اسمها احترام الخصوصية
الشخص بسخرية:خصوصية ايه يابو خصوصية هو انا فتحت عليك بابا الحمام.......
عز بملل:عارف لولا انه المستشفي عايزاك كنت حدفتك بأي حاجة فتحتلك بيها دماغك.......
الشخص بإبتسامة فخورة:يا حبيبي انت اصلا متقدرش تعملي حاجة لاني حبيبك......
عز بإبتسامة:جاي ليه يا خالد.....
خالد:لقيت نفسي فاضي ومفيش حالات قولت اما اجي ارخم عليك....
عز بسخرية:لاء فيك الخير والله....
خالد بفضول:قولي بقي كنت سرحان في مين يا نمس"وراح غمزله"
عز ابتسم لما افتكر هو كان سرحان في اي........
خالد بمناغشة:الابتسامة دي وراها واحده ست انا عارف....
عز ضحك وقاله: صح ....
خالد بفضول:حلوة....
عز بشرود:اوي
خالد بفضول:يا سيدي يا سيدي لاء احكيلي شوفتها فين وازاي واتكلمتوا ولا لاء ولا اقولك تعالي نشرب حاجة في الكافية الي جمب المستشفي واحكيلي هناك......
عز بضحك:ياله يا مجنون....
خالد بمرح:الله يكرمك......
والاتنين خرجوا من الاوضة ونازلين..
ممرض:دكتور خالد طالبينك بسرعة في حالة مستعجلة......
خالد بجدية:طيب... انزل انت يا عز وانا هشوف الحالة واجيلك.....
عز بهدوء:طيب...
ومشي عز بس شد انتباهه صوت بنوتة واقفة بتعيط جامد فبيبص عليه
عز بقلق :سجي..
- الفهرس يحتوي على جميع فصول الرواية كاملة: "رواية تزوجت معاقا ذهنيا" اضغط على أسم الرواية