رواية منقذة منتحر الحلقة الثامنة 8 بقلم أمل صالح

رواية منقذة منتحر البارت الثامن 8 بقلم أمل صالح

رواية منقذة منتحر الفصل الثامن 8

كنت لسة هرد عليها بس الباب خبط ودخل بعدها بنت محدش عرفها بس الظاهر ان طنط هدير وعامر عارفينها بصيت ليها باستغراب وقولت..انتي مين..

بصت البنت لعامر بارتباك..انا حنين..

قولت بتريقة ..عرفتك انا كدا يعني حنين مين يعني..

سمعت عامر من ورايا بيقول..خطيبتي السابقة..

بصتلها من فوق لتحت بغيظ مش عارفة ايه سبب الصراحة وقولت وانا بمد في الحروف..خطيبتك قولتلي ويترا مدام حنين عايزة ايه..

بصتلي بدهشة..وعرفتي ازاي اني مدام..

روحت وقفت جنب عامر وقولت وانا بضغط على كل حرف..أصل عامر ابن عمي مش بيخبي عليا حاجة..

بصت حنين لعامر بصدمة وقالت بهمس شبه مسموع..بنت عمك..

زعقت بصوت عالي اتخضوا كلهم بسببه..م تقولي عايزة ايه..

اتخضت وبصتلي بضيق..ممكن توطي صوتك..

رفعت حاجبي..صوت ابوك..

وقبل ما اكمل قام عامر بسرعة وقف قصادها..اتفضلي يا حنين..

ضربته في كتفه وقولت..مدام حنين يا عامر بيه..

قعدت الحربوئة حنين وقالت بتوتر باين عليها اوي..في حاجة لازم تعرفوها..

بصيت ليها ببرود..ياريت نخلص..

اتكلمت..عماد اللي اتهموكي في قتله يبقى جوزي وهو عمل..

بص عامر ليها بصدمة وقال..دا قد ابوكي يا حنين..

وهو مال امه هو قد ابوها قد جدها هو ماااااله مسكت نفسي وبصيتله وقولت..هي حرة يا عامر..

كملت الحربوئة كلامها..هو خطط لكل دا عشان عاوز يئذيكوا بعد ما عرف اني كنت مخطوبة لعامر وانه ابن محمود حمدي رؤوف بدء يدور وراه لحد ما عرفت ان والدك كان في بينهم عداوة زمان ولما عرف ان دي بنت عمك..

قالتها وهي وبتشاور عليا قومت زعقت..حكم بقولك ايه ميغروكيش اني شكلي كيوت لا يا ماما دانا جنة والاجر على الله قال دي قال..

..لما عرف انها بنت عمك بدء يعملكوا مشاكل ويدور وراكم لحد ما عرف انها ممرضة قرر بعمل حوار انه تعبان عشان يلبسها تهمة القتل..

ماما اتكلمت بشك واضح على وشها..اسمه عماد ايه..

بصت حنين لينا كلنا بتوتر..اسمه عماد حمدي رؤوف..

• تابع الفصل التالي عبر الرابط: "رواية منقذة منتحر" اضغط على أسم الرواية