رواية معزوفتي السرمدية البارت التاسع بقلم لارا عبدالقادر
رواية معزوفتي السرمدية الفصل التاسع
تركتو ومشيت لجهة تانية وهي عم تفرك اصابعها وقالت بقلبها : بغير هالطريقة ما فيني افرض وجودي بحياة علي لحتى اخلص على مراد
قطعت حبل افكارها انسة الرياضة لما دخلت على الصالة...
الانسة هبة: بعتزر يا طلاب كان في شوية اشياء لازم اعملها ، الكل موجود بالصالة؟
واحد من الطلاب: لا مو الكل
الانسة هبة: اي لاحظت العدد ناقص ، بدنا ناخد اليوم مهارات كرة السلة المفروض الكل يكون موجود
طالبة من الصف: مس رنا واسيل مو هون
طالب تاني: اي انسة رنا الها يومين ما بتيجي
الانسة هبة: رنا انتقلت من المدرسة اصلا شو ما عندكم خبر؟
نصدموا كل طلاب الصف واطلعوا كلهم بيزن يلي كانت تعابير وجهو ما بتقل صدمة عنهم ، صارت تتعالى اصوات الطلاب وهمي يأكدو بكلامهن انو يزن هو السبب وراء نقل رنا لانو حلف الا ينتقم منها ، بس فعليا يزن ما عندو خبر بشي
قرب قصي من يزن وهمس بأذنو: ولاك يزن شو عامل من ورانا؟؟
غير يزن معالم وجهو بسرعة وقال وهو عم يعدل شعراتو : ههههه قلتلكن انا يزن مو اي حدا بلعب معي!
رفع يزن راسو بكبرياء وكل الطلاب بحكو عنو وبطلعو عليه وهو عامل حالو شي مشهور من مشاهير بوليوود ..
انفتح باب الصالة ودخلت اسيل وعيونها مورمين بكي ..
اسيل: بعتزر على التأخير كنت بالحمام
الانسة هبة: مو مشكلة ، اسيل فيكي شي مريضة!!
اسيل: لا
الانسة هبة: لكان تفضلي عالحصة
دخلت اسيل وماكان في مكان فاضي الا جنب يزن ، تأففت وراحت وقفت حدو ، كان يتطلع عليها ويحاول يسرق نظرات منها ، كانت شايفتو بطرف عينها بس حاولت قدر الامكان تتجاهل نظراتو ، حاول يمسك بأيدها ليقدر يستفزها بس هي سبقتو بالاستفزاز وراحت غيرت مكانها ووقفت باخر الصف على الطرف وهو عم يضحك على تصرفها ..
،،،،،
فاقت من بنج العملية بعد ساعات طويلة ، كانت الرؤية بتغبش ولا شي واضح متل يلي كان يتطلع عالشمس لفترة طويلة ، شوي شوي صارت الرؤية تصير واضحة كانت حاسة بشي غريب جسمها شبه مخدر ومو قادرة تعرف مكان هالاحساس تحديدا ، صدمت بعقلها تخيلات ، حطت ايدها على بطنها بسرعة وهي عم تبلع ريقها بخوف وعم تدعي بسرها يا رب لا ..
لانا: لا لا لاااا مستحييل
شالت السيروم من ايدها بغضب ، نزلوا دموعها بغزارة بدون سابق انذار ، صوت صراخها دوى بكل المشفى ، دخل مراد متوتر ومخطوف لونو على صوت صراخها فكر صار معها شي ، اول ما شافها بهالحالة حضنها وضمها لتهدى
بكت بحضنو وبعدها تزكرت كيف خسرت ابنها وشو السبب ، دفشت مراد عنها بعد ما ضربتو عدة مرات على صدرو
لانا: روووح انقلععع ما بدي اشوفكك
مراد: لانا حبيبتي...
لانا قاطعتو: مو حبيبتكك مو حبيبتكك انا بقرفف منك فاااهم
مراد: لانااا ..
قاطعتو للمرة التانية : انت السبب انت السبب انا خسرت ابني بسببكك ما رح اسامحك بحياتي
مراد: مو انا السبب انتي يلي فهمتي كلشي غلط اعطيني فرصة اشرحلك
حطت ايدها على راسها لتحاول تهدى وصرخت : شو تشرحلييي شو تشرحلييي
مراد: لانا هي رفيقة علي حاج تصغري مخكك
لانا: والسلسة ؟؟؟ معك متلها بالضبط انا شفتها بعيوني لا تنكر
تنفس بنفاذ صبر عدة مرات ما بدو يصرخ عليها لأنو بعرف وضعها الصحي والنفسي وقال : بخبرك كل شي لما تصيري احسن
قرب مراد لعندها حتى يحطلها السيروم بايدها بس هي صدتو بقوتها الضعيفة وخصوصا انها صحيت من دقايق معدودة : ازا ما قلت كلشي هلأ رح اطلع من المشفى وماني مسؤولة عن الي رح يصير
قعد جنبها على السرير وهو يبوس بأيديها ويمسد بايدو على راسها : لانا ببوس ايدك صحتك ما بتتحمل كبري مخك
لانا: انت حر
دفشتو للمرة التانية وقامت عن السرير وهي تتنهد من الوجع رغم انها حاولت تخبي صوتها بس هو سمعو ودغري مسكها من خصرها وقعدها من جديد على التخت
صرخت بصوت عالي كتير لدرجة انو حس طبلة اذنو نخزقت : مراااد اتركنييييي
مراد : اوكيه اوكيه خلص اهدي رح اقول كلشي بس حاولي امسكي اعصابك ولا تنفعلي
جلست لانا قعدتها بعد ما حطلها مراد السيروم مرة تانية بأيدها وقعد قبالها عالسرير ، ما كان حابب يخبرها لانو شاف وجع كبير بعيونها بس اول عن اخر رح تعرف ما رح يقدر يخبي اكتر
مراد: من 7 سنين تعرفت على بنت بالجامعة اسمها يارا اي اي سميت بنتنا على اسمها لا تستغربي ، انا كنت ادرس محاماة وهي سكرتارية حبينا بعض بالجامعة ، تخرجت انا من الجامعة واشتغلت بمكتب ابي الله يرحمو وما جبت اي سكرتيرة تشتغل عندي كنت استناها لتتخرج وفعلا بس تخرجت وظفتها عندي بسرعة كنا متفقين نتزوج بس هي عارضت لانو كانت بالاول بدها تحقق حلم اختها وتشتريلها بيت كبير كانت دايما تقلي يا مراد انا صح بحبك بس بحب اختي اكتر ،، واختها بتكون نوران هي رفيقة علي ، عرضت عليها اني اساعدها ماديا ونجيب البيت بس هي رفضت وقالت انها بدها تجيب البيت من تعبها هي ، وبيوم من الايام بتفاجئ بهدية من يارا يلي هي السلسة يلي شفتيها بجاكيتي وبعنق نوران هالسلسلتين يارا اعطتهم لاغلى تنين وبحياتها وهني نحنا ، وبعد 3 سنين اهل يارا ماتو وهي دخلت بحالة كآبة ما منها طلعة ، تغيرت كتير لدرجة كنت احسها ما عادت تحبني ، بليلة السنة السوداا تقاتلت معها على هالشي وطلعت من عندها وريتني ما طلعت نمت بهديك الليلة وانا عم فكر كيف صالحها وصحيت على خبر موتها
كانت لانا تسمع كلشي وكل كلمة تغرز بقلبها سكينة ، عيونها تغرغرو بالدموع حست كرامتها نهانت حست انها قضت كل حياتها على ولا اشي
لانا: تزوجتني لتنساها ؟ وعيشتني بكزبة طول هالسنين! اوهمتني بالحب ؟ يمكن كنت تشوف وجهها فيني لهيك صابر علي كل هالسنين وفوق كل هاد سميت بنتي باسمها
حط ايدو على راسو ونزل نظرو لتحت ليمنع دموعو من انها تنزل وقال بصوت مكسور: اسف يارا
صرخت وهي شبه فاقدة اعصابها متل المجانين تماما : اسمييييي لانااااا
ضرب راسو بقهر: اسف اسفف اسسف لانا
لانا: ههه
مراد: لانا انا مخنوق اكتر منك وتعبان اكتر منك بترجاكي اتفهميني
لانا: اناني مقرف
مراد: مو اناني قلتلك انا اسف من قلبي والله
لانا: اسفك برجع ابني؟ او كرامتي؟ او عمري يلي ضيعتو معك يا ترى؟؟؟
مراد: هاد قضاء ربنا يا روحي ان شاء الله ربنا رح يعوضنا
لانا: هههه يعوضنا !! واثق؟؟ اول ما اطلع من هون جهز وراق الطلاق
،،،،،،
بالمدرسة وتحديدا بغرفة المدير كانت اكرام موجودة والفرحة مو واسعتها انها سجلت بمدرسة احلامها وبحدها امها فريدة يلي ما كان عاجبها الموضوع كلو على بعضو وهالشي واضح متل الشمس،، وقبالهم المدير يلي كان طاير عقلو بالدعم يلي قدمتو فريدة للمدرسة من مختبر علوم وحواسيب ..
المدير: يعني انتي دخلتي هالمدرسة كرمال الموسيقى
جاوبت بفرح متل طفلة صار عندها غرفة كاملة من الحلويات والالعاب : اي
المدير: رح اعرفك على اشطر فرقة بكل المدرسة رح تنضميلهم وتنبسطي فيهم وينبسطو فيكي
ابتسمت اكرام بفرح اكبر ، رفع المدير سماعة التلفون وطلب اسيل ويزن وعلي وقصي بالاسم لغرفتو ، استأذنت فريدة لتمشي وتركت اكرام يلي ما كانت منتبهة اصلا بانو امها راحت ..
دق..دق..دق
المدير: تفضلوا
قصي: يزيد فضلك حضرة المدير حكولنا انك طلبتنا
المدير: اي تفضلو ارتاحو ، بدي اعرفكم على اكرام نضمت جديد للمدرسة وحابة تكون بفرقتكم موهبة بالغناء
اطلع فيها قصي بصدمة ورفع حاجبو باستفهام
ردت اكرام على نظراتو بقلة زوق وقت نسيت حالها انها بغرفة المدير وقالت : انت عديم الاحساس والمشاعر يلي قلبك حجر؟
ضحك قصي ضحكة صغيرة وقال بتحدي: وانتي الي مو محترمة ويلي بتغلطي على الناس بالشارع ؟
جحرت فيه بتحدي اكبر وقالت: انت كلب البراري الاناني يلي ما بتساعد حدا ؟؟
حرك رجليه وهو حاطت ايديه بجياب بنطلونو وقال: لك صحيح انت شو المصيبة يلي عاملتيها حتى كنتي هاربة ؟
اكرام: اخراس فشرت
صفن فيها قصي نظرة مو مفهومة وهي صفنت فيه ذات النظرة ...
علي: كملو ليش سكتو؟
المدير : ااحح احم الواضح انكم بتعرفوا بعض من قبل لهيك تفضلوا على باحة المدرسة تدربوا
نزلوا على الباحة وعيونهم عشرة على عشرة على اكرام ..
اكرام: هلأ انتو بدكم تقيمولي صوتي؟؟
علي: المفروض هيك
اكرام: هههه ما رح اسمعكم ياه
قصي: اي دخيلك ما بدنا يصير معنا شلل بالسمع
اكرام: فشرت للمرة التانية احترم حالك بقى
قصي: محترم حالي انتي المو محترمة
إكرام: فشرت للمرة التالتة
قصي: دخلك ما بتعرفي غير هالكلمة؟
علي: فشرت للمرة الرابعة
قصي: هههههههههههه
يزن: اسمعي يا بنتي وركزي منيح نحنا فرقة من 4 اشخاص مستحيل يصيروا 5 رفضنا من قبلك الف حدا لهيك توكلي على الله واطلعي من الفرقة بهداوة وبلا مشاكل
اكرام: باحلامكم المستحيلة اني اطلع
علي: اسولة حبيبتي ازا مو حابة يكون الك ضرة بالفرقة شوفي شغلك معها
شدت اسيل على قبضت ايدها وركضت على اكرام وبلشت حرب تمزيع الشعر ...
علي: الله حيو اكرام تتقدم ، لا لا اسييل تتقدم ههههههه
يزن: عليها اسييل اكسريها كسر
علي: اسيل تتوحش وهدف لاسيل
يزن: برافوو اسيييل
علي: اكرااام تأخد بثارها واكرام تتقدم ونطقة لاكرام والنتيجة تعادل هوووب
انتهت المعركة بكمشة شعر بايد اسيل وكمشة شعر بايد اكرام وقصي عم يضرب ايديه ببعض باستياء منهم
اكرام: شو هالفرقةةة المقدسة يلي ممنوع حد يدخلها
علي: فرقة النجم الساطع هي اسمها لحالو فخامة
صفنت اكرام بالاسم تزكرت شي وقالت وهي عم تضحك : ازا كنت ناوية اطلع فأنا غيرت رأيي تماما
قصي: ههه عجبتني ثقتكك
حملت اكرام حالها وطلعت من المدرسة بعد ما لوحتلهم بايدها وقالتلهم : بنلتقي بكرا يا فرقتي الحلوة
علي: هي المدرسة بيت الي خلفوها بتطلع وبتروح متى ما بدها؟
قصي: هههههه شكلها واصلة
علي: والله هيك الظاهر
بالطريق كانت اكرام ماشية وعقلها مو معها ابدا كانت عم تحاول تربط احداث قديمة كتير مع الواقع ،، احداث قديمة من ١٠ سنين تقريبا لتفهم يلي بصير ...
فلاااش باااك قبل 10 سنوات ...
طفلة صغيرة بعمر ال7 سنين عم تمشي جنب ست كبيرة بالعمر ..
اكرام: رايحين على الحديقة صح خالة سماهر
مربية اكرام (سماهر) : اي صح بس ما رح نطول لانو امك رح تبهدلني ازا تأخرنا بالرجعة عالبيت
لمعت بعيونها دمعة لما وصلت الحديقة وشافت كل الاطفال مع امهاتهم وهي لا لان امها دايما مشغولة عنها ، قعدت سماهر على المقاعد وقالت لاكرام تروح تلعب ، راحت اكرام على جنب وطالعت ورقة وقلم من شنتتها الصغيرة يلي كانت على شكل همتارو وكتبت (( انا كتير زعلانة ،، ماما ما بتحبني دايما وحيدة ما عندي حدا )) رسمت قلب مكسور وحطت توقيع باخر الورقة "النجمة الساطعة" طوت الورقة ودفنتها جنب وحدة من شجرات الحديقة ..... بتاني اسبوع رجعت مع سماهر وقررت تشوف شو صار بالورقة واستغربت انو الورقة تغيرت وكان مكتوب عليها (( ما تزعلي امك بتحبك بس يمكن مشغولة شوي )) وباسفل الورقة في توقيع "النجم الساطع " وبحد الرسالة في حبة شوكولا واستمرت طفولة اكرام هيك بدون ما تعرف مين النجم الساطع يلي كان يخفف عليها وحدتها دايما لحتى نقطعت رسائلو ...
باااك عودة للحاضر....
اكرام: اكيد هالشخص بكون واحد منن وانا لازم اعرف ميين او بالاقل بكون الو علاقة بهالفرقة
وصلت اكرام عالبيت استقبلها حارس الفيلا وهو مصدوم من رجعتها مشي
الحارس: اكرام خانوم ليش ما قلتي للسيد صابر يجيبك من المدرسة خطي هلأ رح يتبهدل من الست فريدة
اطلعت عليه من فوق لتحت وعملتلو بأيدها حركة بمعنى روح وكملت مشي لجوا الفيلا ، دخلت اكرام من الباب وكانت امها قاعدة بالصالون وعلى قبالها في رجال عم يضب وراق بشنتتو
فريدة: لكن اتفقنا استاز وائل ( مدت ايدها) تشرفت بمعرفتك
وائل:وانا اكتر
روح الضيف بعد ما وصلتو فريدة للباب ورجعت لعند بنتها ، اطلعت على الساعة بايدها وقالت: ليش مروحة هلا؟
اكرام: بكرا ببلش دوام
حكت هالجملة وطلعت ركض على غرفتها ، فتحت الباب بقوة ودخلت بسرعة وتوجهت عند الخزانة وطالعت صندوق زهري فتحتو وكان فيه كل الرسائل القديمة يلي كانت بين اكرام وهداك الشخص مجهول الهوية كانت تطلع عليه بفرح وهي تقول
اكرام: اخيرا رح اعرف مين انت
،،،،،
بعد ما خلص الدوام ورجعوا كل الطلاب على بيوتهم ، كانت نوران على باب بيتها عم تفتح فيه ، دخلت وسلمت على ستها ..
فاطمة: يعطيكي العافية شو كيف الدوام اليوم
نوران: منيح عادي متل كل يوم
فاطمة: غسلي ايدي وتعي تغدي يلا
نوران: يلا ( غسلت ايديها ورجعت ) : وين امال؟؟
فاطمة: طلعت على الماركت
بهالوقت نفتح باب البيت وكانت امال حاملة بايدها اكياس ..
فاطمة: جبنا سيرة القط اجى ينط ليكها اجت
قعدت امال معهم عالسفرة وبلشو اكل بهدوء..
قاطعت نوران الهدوء وقالت : امال في موضوع بدي احكي معك على انفراد بعد الغدا
نوران: اي تمام
فاطمة: مممم في اسرار من وراي؟؟
نوران: ههههههه لا ابدا
امال: ههههه
بعد ما خلصو غدا لمت فاطمة السفرة وصارت تجلي بالجليات اما امال ونوران اجتمعو بغرفة نوران يلي رح تخبر امال بالموضوع ..
نوران: مراد عندو بنت اسمها يارا
امال: عنجد؟؟
نوران: اي والله اليوم خبرني علي
امال: ممم ليكون عمل هيك ليبعد الشك عنو ازا صار بيوم من الايام ونفتح ملف قضية يارا
نوران: وانا هيك بقول
امال: بشو عم تفكري ؟؟
نوران: رح نرجع للتاريخ يلي انقتلت فيه يارا ونعرف مراد وين كان بوقتها هيك بنثبت التهمة عليه وبقدر اخد حقي وحق اختي
امال: وانا معك بكلشي يلا بدلي تيابك وارتاحي وادرسي
ابتسمت نوران لامال بحب ، طلعت امال من الغرفة وهي عم تضحك على غباء نوران
امال بقلبها: يعني يارا كانت غبية طلعت اختها اغبى بكتير !
،،،
بمكتب سارة كانت قاعدة وفاتحة اللابتوب وعم تشتغل بتركيز ليقطع عليها لحظاتها اتصال علاء
سارة : الو
علاء: مدام بدي اخبرك مراد ما اجى عالشغل اليوم
سارة: وليش بالله !
علاء: ما خبرنا
سارة : اعرف السبب وخبرني
علاء: امرك مدام
سكرت سارة المكالمة وحطت موبايلها على جنب وكملت شغل ، اندق الباب ..
سارة: تفضل
دخل لجوا ووقف قبالها والقى التحية
سارة: انت؟؟شو عم تعمل هون!!
تابع الفصل التالي عبر الرابط: "رواية معزوفتي السرمدية" اضغط على أسم الرواية