رواية فقلبي زعيم مافيا البارت الثامن والأخير بقلم نعمة احمد
رواية فقلبي زعيم مافيا الفصل الثامن والأخير
بعد شويه لقيت ماما وبابا داخلين جرى
ماما:ملك
بابا:كنتى مختفيه فين يا حبيبتى،طب احنا دايقناكى فحاجه
حاولت اقوملوهم بس كنت هقع و إلياس سندنى،
ماما جت هيا وبابا وحضنونى
بعياط:انتو أحسن اب وام فالدنيا دى كلها
ماما بصتلى ومسحت دموعى:اومال ايه اللى حصل يا حبيبتى فهمينى
إلياس:طيب أنا هستأذن دلوقتى
*لالا خليك ، انا هقولكو كل حاجه،انا كنت نازله أشترى طلبات وأنا ماشيه لقيت عربيه سوده شكلها مش تمام وفيه بنت بتصرخ حسيت أن فيه حاجه غلط،بلغت البوليس بس هما سمعونى وخطفونى
بصيت لإلياس وكملت:وهو اللى انقذنى
بصدمه:_.......
ماما حضنتنى: دماغك دى اللى هتوديكى ف داهيه،طالعه لأبوكى
بابا:فخور بيكى يا ملك عرفت أربي
راح بابا عند الياس وطبطب عليه:انت ردتلى روحى يبنى ،مش عارف اشكرك ازاي
_انا معملتش حاجه ده واجبي يا عمى
ماما:طب افرض اللى خطفك كان إبن حرام وعمل فيكى حاجه ولا أذاكى
*لا متقلقيش كان الطف ما يكون
ضحك إلياس:....
ماما:طيب يا حبيبتى احنا هنروح نخلص الأوراق وندفع الرسوم واجيلك
*ماشي يا ماما، وهاتيلى حاجه اكلها عشان جعانه
_بصدمه:جعاانه!!!اومال مين اللى خلص الكيس ده كله
ماما ضحكت:دى ملك يا حبيبي ،مبتشبعش
*ماما لو سمحتى يعنى تقاطيع نوو اى حاجه الا التقاطيع دى
_ماشي يملك أنا هسبق ابوكى
"بصلى إلياس"
_ليه مقولتيش الحقيقه
*انهى حقيقه
_انى أنا اللى خطفتك
*هوا أنت بتسمى ده خطف!!طب اتنيل على عينك
_بلاش الخطف يا ستى، انقذتك ازاى
*انقذتنى لما مسبتنيش لوحدى ولما شجعتنى ولما كنت معايا ومسبتنيش فضعفى ولما طلعت جبتلى سندوتشات فعز البرد ولما طلعت من البيت بتاع المزرعه والجو كان شبه مستحيل نخرج فيه اصلا فحين انك كان ممكن تقولى روحى لوحدك
ابتسم: شكراً
_المفروض انا اللى اشكرك ،عشان فتحتى عينى على حاجات مكنتش واخد بالى منها
*منا قولتلك قبل كده كلنا أسباب لبعض
_تنهد: وبعدين
*بعدين ايه...
_خلاص كده رحلتنا خلصت
ابتسمت:شوفت ،اخيرا هتخلص منى
_ولو قولتلك أنى مش عايز أخلص منك
*يعم خلاص انا اديتلك كل الصلاحيات،تقدر تمشي متخافش
_انا بتكلم بجد
*هوا إيه اللى بجد
_انا مش عاوزك تمشي من حياتى
*احنا تلاقينا لسبب معين والسبب ده خلص ، يعنى مهمتنا مع بعض خلصت
_بس أنا ... بحبك يا ملك
ابتسمت وبصيتله:يااه فيه حد بيلحق يحب حد فيومين
_صدقينى اليومين دول تقدرى تقولى غيرولى حياتى
*بيتهيقلك
كنت عاوزه أقوله انى برده حاسه بنفس اللى هوا حاسس بيه بس خوفت يكون بيتهيقلى
_لا أنا متأكد
*بس أنا مش متأكده يا إلياس
بصلى بحزن:ماشي يا ملك ،انا همشي بس لازم تفتكرى أنى فعلاً حبيتك
"مشي إلياس ،حسيت بحاجه غريبه،كان نفسي اقوله خليك معايا متمشيش، بس هوا ده الصح"
لقيت ماما داخله وبتبصلى بعتاب:ليه يا ملك
_ليه اي يا ماما
*شكله بيحبك فعلاً
_لا يا ماما مستحيل حد يحب حد فالوقت القليل ده، ممكن يبقى مجرد إعجاب او اى حاجه، مش عايزه اظلم نفسي واظلمه معايا ، انا هاخد وقتى وساعتها هعرف اذاكان ده حب ولا لأ
*ويمكن لما تعرفي يكون الوقت فات ، مش أنتى بتقولى ان كل حاجه بتحصل بسبب
_اه
*وليه ميكونش ده السبب اللى اتقابلتو عشانه
بتفكير:معرفش يا ماما معرفش
_خودى وقتك وفكرى براحتك
تنهدت:ماشي
"مر تلات شهور واتأكدت انى فعلاً بحبه،ندمت أنى سيبته يمشي ، منسيتهوش مره من دعائي،بس أنا متطمنه لانه لو لينا نصيب نتلاقى هنتلاقى"
فيوم كانت الدنيا بتمطر وبتعلن عن زوال الشتاء خلاص
*ماما يا ماما
_ايه يا ملك
*انا نازله
_انتى مجنونه،هتنزلى فالجو ده ازاى
*ماما حبيبي ماشي لازم اودعه
بابا:حبيبك مين يابت
*الشتاء ،صفى النيه يا حج ، انا نازله ماشي
_يا بت...
*سلاااام
"نزلت تحت المطره وكأنها اخر مطره هتعدى عليا، دعيت ف آخر مطره انه يرجعلى ، فضلت ماشيه ورجلى ودتنى لأول مكان اتقابلنا فيه"
_ايه ده معقول ، دى نفس العربيه ، لالا بيتهيقلى
لفيت ضهرى وكنت همشي بس رجعت وقربت عالعربيه بحذر كان فيه حد نايم فالعربيه خبطت عالإزاز
نزل الازاز وبصلى
"الصدمه والتوهان صيطرو عالوضع
انا: إ الياس
طلع من العربية: ملك ، عذبتينى اوى
*كنت غبيه ، وانا كمان اتعذبت
تنهد:ويا ترى حددتى موقفك ولا لسه
*اه حددت ، انا كنت صح
بصلى بصدمه:يعنى ايه
بإصطناع: يعنى كان مجرد شعور وراح
بصدمه:بردو
ضحكت: فعلاً الغباء ليه ناسه
"المطره زادت"
_طيب تعالى نركب فالعربيه
*لا أنا نازله من البيت مخصوص عشان المطر لكن يشاء القدر ان....
_ان إيه
*إنى اقابلك ،فاكر لما قولتلك قبل كده ان كل حاجه بتحصلنا لسبب
_اه
*وأنا عرفت إيه سبب اللى حصل ده
_ايه
*اننا نبقى شخص واحد مش اتنين
_يعنى...
*ضحكت :تقبل تتجوزنى
حط ايده على بوقه: ايه المفاجأه دى لالا سيبينى افكر
*لسه عندك حيل تفكر ، وخلاص لقيت الاجابه
_وياترى ايه هيا
*انى بحبك
بصلى: وأنا كمان
ضحكت: وأنت كمان ايه
بكسوف مصطنع:بحبك
"حد لعب فالاعدادات يا جماعه ❤️😂"
فالنهايه أحب أقول ان كل حاجه بتحصل فحياتنا وحوالينا بسبب كل المواقف اللى بتشوفها كل الناس اللى بتقابلها بيظهرو فحياتك بسبب هتعرفو دلوقتى او بعدين
#تمت.. اقرا ايضا رواية تغيرت لاجلها كاملة عبر دليل الروايات للقراءة والتحميل
- تابع الفصل التالي عبر الرابط: "رواية فقلبي زعيم مافيا" اضغط على أسم الرواية