رواية عندما يكون العوض جميلاً البارت الثالث عشر والأخير بقلم نور محمود
رواية عندما يكون العوض جميلا الفصل الثالث عشر والأخير
سيد بصدمه : زهرة
زهرة بصدمة لا تقل عنه : سيد
احمد : انتوا تعرفوا بعض ؟
زهرة : ده يبقى جوزي
احمد وياسمين : نععععم
ياسمين : بابا انت اتجوزت
احمد : انتي اتجوزتي من ورايا
زهرة : انا كنت عايزة احكيلك من زمان بس مكنش في فرصة
احمد : واديها جت
زهرة : انا قبل ما اتجوز علي كنت متجوزه سيد كنت مراته الاولى جيت في يوم عرفت انه متجوز عليا كان بقاله 8 سنين متجوز عليا وانا نايمة على وداني كان عندك تسع سنين ساعتها اطلقت منه وفهمتك انه مات لانه كان مات بالنسبالي
سيد مكملا : في نفس اليوم ام ياسمين عرفت وماتت بحسرتها
احمد كأنه يحاول استعياب الامر : يعني ايه .....يعني ياسمين اختي ولولا ان عمر وصل في الوقت المناسب كان زماني مغتصب اختي
زهرة : اسمعني يا ابني
احمد بصوت عالي : متقوليش ابني انا لو ابنك مكنتيش عيشتيني يتيم وانا ابويا عايش
زهرة : مكنتش هتفهم
احمد بغضب : كنت كبير وهفهم كنت كبيير ...وانت مفكرتش تسأل على ابنك ....مش مسامحكوا احط عيني في عين اختي ازاي اقول لجوزها يخلي باله منها ازاي وانا اول واحد كنت عايز اكسرها قولولي ازااااي
نظر له سيد بخزى ثم نظر ارضا
خرج احمد واغلق الباب بقوة
ياسمين : ربنا يسامحكوا عاللي عملتوه فينا
خرجت بسرعة لدرجه انها لم تسمع نداء عمر لها فقرر اللحاق بها ولحقت هي باحمد
توقف احمد في مكان فارغ وصرخ بقوة : آآآآآآآآآآآآآآآآه يا رب انا عارف اني غلطت كتير اوي في حياتي بس انت حميتني من ذنب كنت هعيش فيه العمر كله الحمد لله الحمد لله
ربنا كبير اوووي : ده صوت ياسمين
احمد بخزي : فعلا كبييير اوي ....انا مش عارف افكر ازاي ولا اعمل ايه
ياسمين : سامح
احمد : اسامح !!؟؟؟ انتي اللي بتقولي كدا ؟ ده انتي اكتر واحده اتأذيتي في الموضوع ده
ياسمين : اذا كنت لو عملت ذنب وتوبت ربنا هيسامحك انا اكون ايه عشان انت تندم وانا ارفض اسامحك اهلنا غلطوا وغلطهم كبير بس هيفضلوا اهلنا ويكفي ان طلع ليا اخ
احمد : الاخ بيكون سند مش بيكسر
ياسمين : انت مكسرتنيش
احمد : بس حاولت
ياسمين : وربنا ستر الحمد لله وانا مش هحاسبك على مجرد محاولة
احمد : انا من كتر احساسي بالذنب مش قادر اقولك اسف
ياسمين بمرح ضربته في كتفه : يا عم اسف ايه ده انت هيطلع عينك طلبات بس اصبر
احمد : اللي تؤمري بيه بس تسامحيني
ياسمين : مسامحك بس بشرط
احمد : موافق على اي حاجه
ياسمين : هات بس حضن اخوي الاول من زمان نفسي في اخ
احمد فتح دراعاته ليها واخدها في حضنه : انا اسف على كل حاجه
اتفاجأ ببوكس في وشه وقعه عالارض
عمر هجم عليه : انا قولتلك لو قربت منها هموتك
احمد : افهم بس انا اخوها
ياسمين : عمر سيبه ده اخويا
عمر بعصبيه : اخوها ازاي ؟ ...اخوكي كيف ؟
احمد : اهدى بس واحنا هنفهمك
عمر سابه : هديت فهموني بقا
احمد : ايدك تقيلة اوي داخل زي الطور
عمر : ولااا هقوم اوريك الطور ضربه ازاي
ياسمين : خلاص يا عمر اهدى بقا
حكتله كل حاجه حصلت
عمر بتوهان : دلوقتي مين اخو مين؟
احمد : انا وياسمين اخوات من الاب
عمر : طب بما انك طلعت اخوها اقسم بالله ما اشوف حاضنها هدفنك مكانك
احمد : اختي يا عم في ايه
عمر : اللي عندي قولته
ياسمين فونها رن
ياسمين بخوف : الو
انجلينا بغضب : ياسمييييين
ياسمين ببرود : نعم
انجلينا : اين انتي انا في المطار منذ ساعة الم تخبريني انك ستأتين لاخذي
ياسمين : اسفه اسفة انا آتيه في الحال
انجلينا : امامك عشر دقائق اقسم ان لم تصلي اني سأعود بلادي
ياسمين : سأصل قبل ذلك اعدك...انا هروح اجيب آنجي من المطار
عمر : وانا هرجع المستشفى زمان بابا وصل هناك
احمد : وانا هرجع لعم ...اقصد بابا
في المستشفى
زهرة : حلو اللي عملته فينا ده منك لله
سيد بتعب : مغلطش واحدي انت كمان غلطانه ليه قولتيليه اني ميت
زهرة : كنت عايزيني اقوله ايه ها ..اقوله ان ابوه مدمن مخدرات؟ ولا اقوله ان ابوه بتاع ستات ؟ كدا اشرفله بكتير عاش حياته راسه مرفوعة ومحدش قدر يذله
سيد : انا ....اذيت كل ...اللي حواليا ..آآآه
وقع ارضا مغمى عليه وهنا دخلت ياسمين
ياسمين بخوف : بابااا بابا مالك ...بابا رد عليا
انجلينا تجسست نبضة : ما زال على قيد الحياة لننقله الى السرير توماس ساعدنا
ياسمين بخوف : سيكون بخير
انجلينا وهي تصله بالاجهزة : بالطبع فقط اهدئي رجاءٍ
قرأت انجلينا تقريرة وطلبت تحاليل اخري
انجلينا : ماذا ترى توماس
توماس بعملية : ارى انه يجب ان نقوم بالعملية الان
انجلينا نظرت الى ياسمين التي تجلس باحد الاركان تبكي : وماذا عنها
نظر لها توماس بحب فهو عاشق لها : ستكون بخير هي قوية
انجلينا : اذهب انت واخبرها اننا سنقوم بالعمليه اليوم
توماس : حسنا ...ياسمين
نظرت له ياسمين بترجي وعيون دامعه : سيكون بخير اليس كذلك
توماس : لا تقلقي سيكون بخير سنقوم اليوم بالعملية
ياسمين : اليوم!!!!؟ لكنكم متعبون وسيكون تركيزكم اقل
توماس : لا تقلقي نحن بخير وسيكون معانا اطباء اخرين لمساعدتنا
ياسمين : توماس انا اعتمد عليك كليا ارجوك لا تخذلني
توماس بابتسامة : لن اخذلك ابدا ....ساذهب الان لاجهز للعملية
ياسمين : حسنا
ثريا : ماله عايز ايه
ياسمين ببكاء: قال ان بابا هيعمل العملية النهارده مش هيقدر يستني لحد بكرة
ثريا : يا حبيبتي اهدي وان شاء الله هيقوم بالسلامة ادعيله
ياسمين : يارب يارب مش يوم ما نرجع لبعض يموت يارب رجعهولي
عمر جه وملامح وشه لاتبشر بخير ابدا : ممكن اعرف دكتور توماس ده ايه اللي جابه
ياسمين : جاي يعمل العملية لبابا ...ليه ؟
عمر : وانتي واقفه تتكلمي معاه ليه
ياسمين بغضب : عمرررر انا حرة واعمل اللي انا عايزاه
عمر بعصبيه : انتي بتعلي صوتك عليا انتي اتجننتي
احمد : عمر واطي صوتك وانت بتكلمها
عمر : انا اتكلم زي ما انا عايز ...وانتي لو شفتك واقفه معاه مش مسئول عن اللي هيحصل
ياسمين بصوت عالي : لا بقا ده انت اللي اتجننت رسمي انت مالك اكلم مين ومكلمش مين.
عمر : لا مالي ونص
محمد بصوت عالي : والله عال مش محترمين وجودي وقاعدين تزعقوا لبعض قدامي
ياسمين : شايف يا بابا بيعمل ايه
عمر : انا بردوا ولا انتي اللي مقضيها مع كل واحد شويه
هنا احمد ضربه : احترم نفسك وانت بتتكلم عن اختي
عمر كان هيرد عليه لكن محمد وقفه : عمرررر كفايه انت اللي غلطان وده مش ظرف نتخانق فيه اتفضل يالا روح على شغلك
عمر وهو ماشي : اللي قولته يتنفذ
توماس : ماذا حدث ياسمين لما كان صوتك مرتفع
ياسمين : لا شيء توماس مجرد شجار بسيط
توماس بحب : اذا ازعجك احد فقط ابغليني
ياسمين : لا تقلق فقط تولى امر ابي وسأكون شاكرة لك
توماس : حسنا انا في الخدمة في اي وقت
ياسمين : اعلم ذلك شكرا لك
توماس : ساذهب الان
ياسمين : حسنا
بعد اربع ساعات انتتهت العملية وخرج توماس منها اولا
ياسمين بلهفة : اخبرني ماذا حدث هل هو بخير ؟
توماس بابتسامة : لا تقلقي هو بخير لقد نجحت العملية
احضنته ياسمين مرددة: الحمد لله الحمدلله
خفق قلب توماس وكاد ان يطير فرحاً
ياسمين : انا اسفه لم اشعر بنفسي ...انا متشكرة جدا لن انسى معروفك هذا ابدا
توماس :لاداعي للشكر هذا عملي
ياسمين : اذهب الان للراحة اراك غدا
توماس : ساقضي الليلة هنا تحسبا لاي شيء
ياسمين: لا تقلق انا هنا
توماس : اذا احتاجتي شيء فقط اخبريني
توماس مشي وعمر كان واقف بيغلي وتوماس اخد شريط من كاميرات المراقبه للوقت اللي ياسمين حضنته فيه وكان بيتفرج عليه ويعيد فيه لحد ما نام
انجلينا : تهانينا لقد نجحت العملية
ياسمين : شكرا آنجي لقد اتعبتك كثيرا
انجلينا : ليس هناك اي تعب تعلمين اني لطالما حلمت بزيارة مصر
ياسمين : لذلك لم تجادليني عندما طلبت منك امس
انجلينا : لا لقد قلتي لي انجلينا وعندما تقولي اسمي كاملا اذا هناك مصبيه لذلك اتيت بسرعة
ياسمين : انت صديقة جيدة حقا اذهبي ...
انجلينا بمقاطعه : لن اذهب لمكان ساظل هنا
ياسمين : لكنك مجهدة
انجلينا : اليس في هذه المشفي غرفة للاطباء
عبدالله من خلفها : بالطبع لدينا غرفة مجهزة بالكامل لمبيت الاطباء انا عبدالله مدير هذه المشفى
انجلينا : تشرفنت انا انجلينا
عبدالله : غنيه عن التعريف هلا اتيت معي لادلك على الغرفة
انجلينا : بالطبع اراك لاحقا ياسمين
محمد : روحي ارتاحي يبنتي شويه
ياسمين : مش هقدر ارتاح الا لما بابا يفوق
محمد : لسه قدامة كتير على ما يفوق تكوني انتي نمتي شوية اليوم كان متعب عليكي
ياسمين : صدقني مش هقدر انام روح حضرتك ارتاح وخد ماما معاك
محمد : هنمشي ونسيبك واحدك؟
ياسمين : مش واحدي معايا احمد وعمر وآنجي وكل الناس هنا تتمنى تخدمني روح حضرتك عشان معاد الدوا بتاعك
محمد: ماشي لو احتاجتوا حاجه كلموني
ياسمين : ماشي
عمر : تعالى يا بابا اوصلك واخد شور وارجع تاني ...احمد خلي بالك منها
احمد : متخفش عليها
مرت الايام وتعافى سيد تماما وعاد منزله وعادت معه ياسمين تحت رفض الجميع
في منزل ياسمين كانت تسكن معاها انجلينا
ياسمين : بابا تعالى الاكل جاهز ....آنجي ؟
سيد : تسلم ايدك
ياسمين :بالف هنا
سيد : تعبك معايا
ياسمين : تعبك راحة يلا كل عشان تاخد الدوا
سيد : نفسك حلو في الاكل زي امك بالظبط
ياسمين : دي مواهبه
سيد : اعملي حسابك محمد جاي هو وعياله واحمد كلمني وجاي هو كمان
ياسمين : ماشي بس غريبه جايين مع بعض ليه
سيد : جايين يطلبوا ايدك لعمر ايه رأيك
ياسمين بخجل : اللي تشوفه حضرتك
سيد بابتسامة : يبقى موافقه
انجلينا : لما تتوردين خجلا ؟
ياسمين : ساخبرك فيما بعد
سيد : مالها
ياسمين : لا بتقولي ان الاكل حلو
سيد : بالهنا والشفا
بعد ساعة في غرفة ياسمين
ياسمين بتوتر : انا متوتره جدا
انجلينا : لماذا كل هذا التوتر انت تحبيه وهو واضح جدا انه يحبك
ياسمين : انا احبه ولكن لم اتصور ويوما انه يحبني
انجلينا : كيف لم تلاحظي فحبه واضح للاعمى
ياسمين : لا اعلم آنجي لا اعلم
انجلينا : دعكي من كل هذا فلنجهزكي لليلة
في المساء حضر احمد اولا ثم حضر عمر وعائلته كانت ياسمين تقف في المطبخ وتنظر للخارج وانجلينا تحضر عصير
انجلينا : ياسمين العصير جاهز هيا قديميه لضيوفك
ياسمين : اشعر بالخجل
انجلينا : خذي الموضوع ببساطه هؤلاء اهلك اعتبريه مجرد اجتماع عادي
ياسمين وهي تأخذ الصنيه : حسنا استطيع فعل ذلك
خرجت ياسمين قدمت العصير واحتضنتها ثريا بحب
ثريا : كدا تغيبي عني كل ده
ياسمين: معلش كان لازم افضل مع بابا
ثريا : مش مهم احنا جينا نرجعك لحضني تاني بس هتكوني مرات ابني
نظرت ياسمين للارض بخجل
محمد : بس يا ام عمر متكسفيهاش ...طبعا يا ابو احمد انت عارف احنا جايين ليه مفيش داعي للمقدمات قولنا طلباتك
سيد : يا ابو عمر انا لو قولت اي طلبات يبقى معنديش دم ياسمين بنتك وانا واثق انكوا هتحبوها وتحترموها
محمد : بس انا بردوا مش ضامن الظروف ومش هظلمها انا هجيبلها زي احسن عروسه ولو هي ليها طلبات انا سداد
ياسمين : انا ماليش طلبات اللي حضرتك وبابا تتفقوا عليه انا موافقه عليه
محمد : يبقى نقرا الفاتحه
قروا الفاتحه وعلت الزغاريط
محمد : احنا كل حاجه جاهزة والولاد يعرفوا بعض مفيش داعي للخطوبه ايه رأيكوا يكون الفرح الخميس الجاي
ثريا : لا طبعا الخميس يعني بعد خمس ايام مش هلحق اجهز حاجه العروسة خليها الخميس اللي بعده كتب الكتاب والفرح
سيد : انا متفق معاكي مش.هنلحق نجهز حاجه ولا نعزم حد
محمد : خلاص خليها الخميس اللي بعده
ثريا : بص بقا يا ابو احمد انت تروح مع ابو عمر عندنا وانا والبنات هنقعد هنا مع ياسمين عشان نجهزها للفرح
سيد : انا معنديش مانع خليكوا معاها
احمد : مبرووك يا ياسوا الف مبروك
ياسمين : الله يبارك فيك شكرا انك جيت
احمد : معقوله محضرش فاتحة اختي ...انا عايزك متقلقيش من حاجه انا في ضهرك في اي حاجه ولو زعلك قوليلي بس
عمر : انت بتقولها ايه
احمد باستفزاز : واحد واقف مع اخته انت مالك
عمر : اخته تبقى خطيبتي يبقى مالي ويلا روح اقعد مع الناس عايز خطيبتي في حاجه
احمد : ماشي ....لو ضايقك ناديني
عمر : ولااا روح شوف انت رايح فين
ياسمين بعد ما احمد مشي : نفسي اعرف انتوا بتكرهوا بعض ليه
عمر : اي حد فكر يأذيكي انا مستحيل اسامحه
ياسمين : بس هو ندم خلاص وربنا بيسامح
عمر : الندم مش كفايه
ياسمين : يعني يموت نفسه عشان تسامحه سامحه عشان خاطري
عمر : عشان خاطرك انا هعمل اي حاجه وهحاول اسامحه
ياسمين بصت في الارض بخجل : شكرا
عمر : جهزي نفسك عشان الفرح خلاص كلها كام يوم وتبقي في بيتي وملكي وملكتي
لم ترد ياسمين ولكنها توردت خجلا
انجلينا : مهلا يا عريس لاتخجل العروس هكذا
عمر : مرحبا انجلينا
انجلينا : لتكن على علم لن ترى العروس ولن تحدثها منذ اليوم الى يوم العرس
عمر : وكيف سنشتري الشبكة غدا
انجلينا : حسنا منذ يوم غد الي يوم العرس لن ترى العروس مرة مرة اخرى
عمر بجزع :ماذا ؟!!! لماذا ؟
انجلينا : حتى يزداد الشوق بينكم
عمر : انا مشتاق لها منذ الان
انجلينا : هذا جيد والان اسمح لي سآخذ خطيبتك
عمر بوقاحة : كم اكرهك آنجي
ياسمين : عمرر
انجلينا : اعلم ذلك ولك كل الحق في كرهي فسآخذ حب عمرك منك ....باااي
عمر : باي ....في داهية الله يعكنن عليكي
جلس الجميع سويا اكثر من ساعتين ثم عاد كلا لمنزله وانقضى الليل سريعا في الصباح اسيقظت ياسمين على صوت خبط عالي على باب البيت
ياسمين : استر يا رب
ارتدت اسدالها وفتحت الباب
ياسمين بدهشه : توماس ما الذي احضرك في هذا الصباح وكيف عرفت عنوان منزلي
توماس بغضب : هل حقا ستتزوجين
ياسمين : اسفه اعلم انك منزعج لاني لم اعزمك ولكن اقسم ان كل شيء انقضى سريعا
توماس : وماذا عني
ياسمين : كنت ساخبرك ان تأتي معي لشراء خاتم الخطوبه فانت صديقي المقرب
توماس بحزن : صديق مجرد صديق الم تشعري بحبي ولو مرة واحدة
ياسمين بصدمة : توماس !!! ماذا تقول هل انت واعي
توماس : انا في كامل واعيي لما تشعري بي لقد وقعت بحبك منذ الوهله الاولى كنت بجوارك بكل شيء حاولت اظهار حبي واهتمامي بكل شيء
ياسمين : توماس انت فاجئتني بقولك هذا لقد اخبرتك اكثر من مرة انك صديقي المقرب
توماس : كنت اطمع ان تتحول صداقتك لحب
ياسمين : هذا خطأك توماس سامحني ولكن احب عمر وسأتزوجه اتمنى لك السعادة مع فتاه اخرى تستحقك
توماس بحزن كبير : حسنا اظن ان هذا اخر لقاء لنا اتمنى لكي السعادة مع من اختاره قلبك ....علي الذهاب كوني سعيدة
ياسمين : لن اطلب منك البقاء لحضور زفافي ولكن اذا حضرته ستزيدني سعادة
توماس وقد تجمعت الدموع في عينيه : اسف ولكن طائرتي اليوم
ياسمين : رحلة سعيدة
توماس : شكرا
انجلينا بعد ذهاب توماس : لقد فطرتي قلب ذلك الامريكي
ياسمين : بحزن : لم ارغب ان يحدث ذلك ...لم ارغب ان اخسرة كصديق
انجلينا : لا تحزني
سيد : مين ياسمين ده وكان عايز ايه
ياسمين : ده دكتور توماس يا بابا اللي عملك العملية كان جاي يباركلي عشان مسافر النهارده
سيد : والله فيه الخير
ياسمين : ثواني ويكون الفطار جاهز
سيد : طب بسرعة عشان لازم امشي قبل ام عمر والبنات ما يوصلوا
حضرت الفطار وفطروا وسيد اخد الدوا ومشي وجت ثريا معاها البنات
ثريا : صباح الخير يا حبيبتي انا جيت لك من بدري عشان نلحق اليوم من اوله احنا النهارده ننزل نشتري الحاجات بتاعت العروسه
ياسمين : اللي تشوفيه يا ماما انا معاكي ودي الفيزا بتاعتي
ثريا : انا قابلت باباكي عندنا واداني فلوس كتير عشان جهازك وقالي لو احتاجتي فلوس كمان ابلغة
مرت الايام بسرعة في تجهيز العروس وجاء اليوم المنتظر يوم الفرح ارتدت ياسمين فستان ابيض ملائكي وزادها الحجاب جمالا تم كتب الكتاب وكان سيد وكيلها
المأذون : بارك الله لكما وبارك عليكما وجمع بينكما في خير
احتضنها عمر ودار بها كثير
عمر: اخيرا بقيتي ملكي انا مش مصدق نفسي آآآآآآآه لو تعرفي انا بحبك قد ايه مش هتسبيني ثانيه واحدة
ياسمين : انا كمان بحبك وعمري ما هسيبك
كان يوم مليئ بالبهجه والحب والفرح اتمنى ان يكتبه الله لكل عائلة والا يكسر قلب احد ابدا
تمت .. اقرا ايضا رواية مجنونة الاسد عبر دليل الروايات للقراءة والتحميل
- الفهرس يحتوي على جميع فصول الرواية كاملة: "رواية عندما يكون العوض جميلاً" اضغط على أسم الرواية