رواية ليلة رأس السنة الفصل الثاني بقلم جنى حمادة
رواية ليلة رأس السنة الفصل الثاني بقلم جنى حمادة
Part 2
*****
وقفنا المرة اللى الفاتت عند شهد وعلا ورنا لما راحوا الكافتيريا يلا نكمل 💖
********
كنا قاعدين جه لرنا مكالمة
رنا:الو ايوة يا بابى عامل ايه
دكتور عزت (أبو رنا):تمام ها ايه الأخبار
رنا:كله بخير وكان عندي محاضره وخلصت وفي محاضره بعد ساعة وانا في الكافتيريا
علا:بت يا شهد
شهد: ايه عايزة ايه يا علا
علا:ماتقولى لرنا تشغلنا عند ابوها في اى مستشفى من بتوعه
شهد:يا بت اسكتى لسة عرفاها من ساعتين واقولها كدة انتى حاجة تكسف
علا:تكسف ليه يا اختى انشاء الله
رنا خلصت المكالمة
رنا: شهد انتى جايبة كام في المجموع
شهد ٩٩,٥ وانتى
رنا ٩٨,٥شكلك شاطرة
علا: شاطرة دى دحيحة يا اختى بس يا خسرتها
رنا:ليه بس
علا:الظروف لا تسمح
شهد: هههههه بس يا علا الحمد لله احسن من غيرنا
خلصت المحاضره الثانيه وروحت كل واحدة على بيتها
**********
فى بيت شهد...........
شهد: ماما حبيبت قلبي عاملة ايه سيبى يا ست الكل انا هاعمل كل حاجة اطلعى برة كفاية عليكى كده
ام شهد: ايه اخبار الجامعه
شهد: الحمد لله كويسة بصى يا ماما انا هحاول ادور على شغل مصاريف الجامعه كتير وانتى كفاية عليكى كده
ام شهد:لا يا شهد متقوليش كده ربنا بيقوينى
شهد: عارفه بس لازم اساعد نفسى بكرة أن شاء الله ادور على مستشفى منها شغل ودراسة تمام
ام شهد باستسلام: ماشى اللى تشوفيه
شهد:يلا الغدا جاهز علشان تاخدى الدواء
**********
في بيت علا..........
علا: ايه ده يا ماما ده احنا مش عيشين
أم علا:ليه يا بت احسن من غيرنا
علا:لا يا ماما عربيات ايه ولبس ايه وبرفنات ايه مش قادرة اقولك
أم علا:ماشى ياختى اجدعنى تبقى زيهم
علا: حاضر
**********
في بيت رنا.........
عزت (دكتور عزت أبو رنا): ايه اخبار الكليه
رنا:كله تمام اتعرفت على بنتين كويسين جدا وأوائل على مدرسهم في ثانوى
أم رنا: ماشى يا حبيبتي عيزاكى احسن منى ومن باباكى كفاية اخوكى اللى كره الطب وسافر يدور على حلمه برة
رنا: معلش يا ماما كل واحد بيدور على حلمه وانتى عارفة انو بيحب الرسم
ام رنا: يلا انا املى في ربنا وفيكى بإذن الله
********
فى صباح يوم جديد على ابطالنا في الكلية عند شهد
شهد في المحاضره وكانت مركزة اوى وعمالة تسأل الدكتور والدكتور كان معجب بذكأها وبأسألتها وبعد المحاضره
رنا:يلا نعد في الكافتيريا عقبال ما المحاضره الثانيه
شهد:لا يا بنات استأذن انا كدا ساعة واجى احضر المحاضره
رنا:ليه يا شهد في حاجة
شهد:لا بس عايزة ادور على شغل في مستشفى او عيادات خاصه علشان المصاريف عليا على امى وهي تعبانة مش حمل مصاريف زيادة
رنا: طب وهتعرفى توفقى
شهد:اه اكيد طبعا ان شاء الله منها مذاكرة ومنها شغل يلا استأذن انا
رنا:طب انا هاكلم بابا واشوفشهد:مش هينفع يا رنا علشان مسببلكيش مشاكل سلام
بقت قاعدة تلف وتدور كله بيقولها لسة صغيره ومفيش خبرة رجعت الجامعة تحضر المحاضرة
رنا: شهد يا شهد
شهد: نعم يا رنا
رنا:بابا عايز يشوفك ويساعدك
شهد:مش هينفع يا رنا كله بيقول مفيش خبرة
رنا:طب تعالي اقعدى مع بابا وشوفى ها قولتى ايه يلا نخلص المحاضره ونروح المستشفى عنده تمام
شهد:طب هاكلم ماما الاول علشان متقلقش
كلمت شهد مامتها وقالتلها
رنا:يلا
شهد:يلا
وصلوا المستشفى رنا بتخبط على الباب تك تك (عارفين يا جماعه فكرتنى بكرتون بيتر بان اما كان بيقول لكابتن هوك تك توك تك توك التمساح ورا كابتن هوك 😂😂 سورى على المقاطعة بس مقدرتش معلقش 😂😂😂احم احم نرجع للرواية)
عزت: أهلا أهلا رنون حبيبت بابى
رنا: أهلا بابا شهد وعلا زمايلى فى الجامعة
عزت: أهلا حبيبى المستشفى نورت
شهد:منورة بحضرتك
عزت:مين شهد ومين علا
شهد: أنا شهد
علا: وانا علا
عزت:ايه الحلاوة دى لا الدفعة دى حلوة قوى (عيب عليك يا حج بتعاكس بنات قد بنتك 😂😂😂)
ضحكوا كلهم
عزت:شوفى يا شهد انا هشغلك معانا تحت التدريب انتى وعلا بس بشرط
شهد بلهفة: ايه هو
عزت:رنا تبقى معاكم
رنا:لا يا بابا لسة بدرى
عزت:اكسبى خبرة يا رنا ومش هتبقى لوحدك
رنا:لا مش هقدر
عزت:اتعونى مع زملاتك جربى ولو قصرتى في الدراسة اقعدى خلاص
رنا:بس انا مش هنتظم تمام
عزت:تمام
عزت:تمام
علا:طب نستأذن احنا
شهد:مش عارفه اشكر حضرتك ازاى لا شكر على واجب انتى زى بنتى
علا: شكرا يا عمى سلام
عزت ورنا: سلام
*********