رواية نصيبي في الحب الفصل العاشر بقلم توتة
رواية نصيبي في الحب الفصل العاشر
نور: معتز ..!
معتز: ايه يا ريري لحقتيي تنسيني ده انا حتي بعتلك السلام مع داليا
نور: اه .... وانت بقا عايز مني ايه يا أستاذ معتز ؟ اوعى تكون فاهم ان انا خايفه ولا حاجه لا خالص شكلك وحشك اللعب تاني وماله م نلعب
معتز: تؤ تؤ تؤ يا ريري انا برضو لسه بحبك ده انتي حتي مراتي
نور: لا انت فعلا محتاج شابوه جامد كدبت الكدبه صح وصدقتها
معتز: بس محدش هيقدر يوقفني عن اللي انا بعمله يا بنت الدسوقي
نور: يبقي انت اللي غلطان بقا شوف هتقدر تعمل ايه واعمله فاكرني هخاف منك يعني
معتز: ايوه يا نور هتخافي وهتخافي جامد كمان
نور: وانت مين بقا عشان اخاف منك
معتز: متتحديش معتز الفقي
نور: لا استني افكر في كلامك كده يمكن اخاف
معتز: فكري براحتك خالص بس وحياتك عندي يا نور لو مسمعتيش اللي هقول عليه تبقي تلمي فضيحتك بقا
نور: أعلي ما في خيلك اركبه
معتز : تمام هستني موبايلك بليل يا تحمي نفسك يا تفضحيها ومش هتكوني لحد غيري
نور: انا قولت اللي عندي
وقفلت السكه في وشه
__________________________________________________________
نهال: ايه ده اومال فين نور؟
داليا: بره بتتكلم في الفون
ادم: هبه فين ؟
نهال: في المستشفي
ادم : ليه ؟
نهال: خدت برشام المهدأ كله مره واحده وجسمها مستحملش
ادم: يعني هيا في المستشفي دلوقتي ؟
نهال: اه
ادم: طيب اديني العنوان بسرعه وانا هروحلها
نهال ادته العنوان وراح يشوفها
______________________________________________
نور دخلت بحزن وخوف ولكنها تحدت نفسها أن تواجهه معتز الفقي لأنها معملتش حاجه غلط وأنها هتكون قويه بس هو ازاي يعرف عنها كل حاجه
نور: مساء الخير
نهال: رايحه فين يا نور؟
نور: معلش بس تعبت انهارده في الجامعه فطالعه اوضتي
نهال: ماشي ي بنتي
داليا: طيب انا هطلع اشوف نور
نهال: ماشي ي حبيبتي
____________________________________
يوسف : طيب تمام اعمل اللي انت شايفه بس مش عايز غلطه واحده
سيف: تمام ي فندم بس هما مش راضيين يأجلوا المعاد
يوسف : يبقى تلغي الصفقه معاهم وتقولهم صفقه خسرانه
سيف : بس دي صفقه مهمه واحنا قعدنا كتير عشان نرجعها
يوسف : مش هما رجعوا مره
سيف: ايوه بس احنا عملنا معاها شغل جامد ده اليوم ده هزقتني انا ونسرين جامد عشان ضاعت
يوسف: حتي لو مرجعوش ف داهيه
سيف: متأكد
يوسف: اسمع اللي انا بقولك عليه يا استاذ سيف
سيف: تحت امرك يا فندم
خالو: اي ي يوسف متعصب كده ليه
يوسف: شوية مشاكل في الشغل بس عادي يعني
خالو: ايه ده مش ده ادم؟
يوسف: اه هو بس هو ميعرفشاللي حصل لهبه
خالو: لأ راح الجامعه بدري وملحقهاش
ادم: ايه في اي اخبار ؟
يوسف: قاعدين نفس القعده من الصبح وحالتها مش مستقره
ادم: معلش بس انت برضو يا يوسف حكمت عليها حكم وحش وانت عارف هيا بتحب شغلها ازاي
يوسف: هيا متعرفش انا بحبها ازاي بس هيا اللي اضطرتني اعمل كده
ادم: افرض حصلها حاجه دلوقتي
يوسف: ونبي يا ادم مش ناقصاك انا ايه اللي كان نزلني مصر بس م انا كنت مرتاح
_______________________________________________
دخلت اوضتي وبعد دقايق بسيطة باب الأوضه خبط وكانت داليا
داليا: مالك ي قمر
نور: مضايقه شويه
داليا: هو كلمك؟
نور: اه كان بيهددني الحيوان فاهم اني هخاف
داليا: معلش يا نور م انتي عارفه أن هو معندهوش أخلاق ومش محترم
نور: اللي هيجنني ازاي عرف يجيب رقم تلفوني وعرف أن انا مش في القاهره
داليا: اكيد انسان زيه هيعرف كل حاجه ده ممكن يكون باعت حد يراقبك
نور: ده بيقولي لو مكلمتهوش انهارده هيفضحني
داليا: طيب هتعملي ايه هتكلميه؟
نور: لا طبعا انتي بتقولي ايه ده انسان خاين
داليا: طيب هتتصرفي ازاي
نور: بس ازاي كانت تايهه عني
داليا: ايه في ايه
نور: مازن وروان
داليا: مالهم
نور: هما اللي هيقفوا جنبي وهيساعدوني
داليا: اه فكره
نور: بس تفتكري هيرضو
داليا: مش عارفه بس جربي مش هتخسري
نور: ماشي بس انا غيرت خطي عشان الزفت معتز
داليا: ولا انا بس هحاول اجيبه
نور: هتجيبيه ازاي
داليا: هتصرف يا نور
_________________________________
وحل عليهم الليل ونور في اوضتها خايفه مما سوف يحدث معها
وكذلك يوسف وادم وعم محمد في المستشفى ينتظران أن هبه تفوق
ونهال علي أعصابها ومعها اولادها
______________________________________________
خرج الدكتور ويتسائل يوسف عن أخته هبه
يوسف: طمني ي دكتور
الدكتور: الحمد لله قدرنا دلوقتي نحكم على حالتها واتعدت المرحله الخطر
يوسف: الحمد لله يعني هيا بقت كويسه
الدكتور: بس هيا اتعرضت لصدمه ده أدي ليها انهيار عصبي
يوسف: يعني ايه يا دكتور
الدكتور: يعني متتعرضش لأي صدمات تاني عشان حالتها متدهورش
يوسف: طيب ممكن ادخل اشوفها
الدكتور: اتفضل
يوسف: شكرا
وبعد ما دخل لها
يوسف: هبه
هبه : انا فين ؟
يوسف: متقلقيش ي هبه انا معاكي
هبه بعياط : عايزه امشي من هنا
يوسف: طيب اهدي وانا هقول للدكتور يكتبلك خروج
هبه بتصميم: عايزه اروح البيت
يوسف: حاضر اهدي
وخرج يطلب من الدكتور يكتبلها خروج
ادم: حمد الله على سلامتك يا هبه
هبه:...........
خالو: هبه يا حبيبتي مالك يبنتي
هبه بصوت منبوح: انا عايزه اروح
خالو: حاضر يا حبيبتي
يوسف: يلا...!
خالو: هتقدري تقومي
هبه : ايوه
____________________________________________
كانت في اوضتها متردده بشده ومش عارفه تعمل ايه
نور في سرها : انا لازم اتصرف بس ازاي
وكانوا في الاسفل ينتظرون رجوع هبه بعد انا طمنهم يوسف أنا سوف تعود
وكانت داليا في اوضتها مع اخواتها تطمئن عليهم
ثم وصلت الى نور رساله
"أنا حذرتك واديتك فرصه مره واتنين عشان انتي اللي تكلميني قدامك من دلوقتي للساعه 10 لو مكلمتينيش اعتبري صوره جوازك العرفي في كل فونات مصر ومتطلبيش مساعده مازن وروان عشان مش هتلاقيهم باي يا عسل 
"
" لما نور شافت الرساله اترعبت وكانت لازم تعمل اي حاجه عشان متتفضحش
فكرت كتير وكانت ملامحها كلها استغراب ازاي بيعرف كل اللي انا هعمله مفيش وقت
خلاص نور خدت قرارها انها تقول لاي حد يساعدها
نزلت تحت لقت الكل واقف مستني حد
نور: انتوا واقفين كده ليه ؟
ساره: مستنيين هبه
نور: ليه
ندي قالت لنور اللي حصل باختصار شديد
نور: كل ده حصل وانا معرفش
واخيرا بعد انتظار دقائق وصلت هبه وهيا متعبه قليلا
نهال: ايه ي هبه اللي انتي عملتيه ده وقعتي قلبنا .
هبه بصوت منبوح : معلش انا اسفه
تيته: اطلعي اوضتك ارتاحي فيها ي هبه ي بنتي
هبه: حاضر
نهال: حد يطلع معاها يا بنات
فضلت افكر في المصيبه اللي انا فيها
_ واقفه لوحدك ليه؟
نور وهيا تمسح دموعها التي تنزل بيأس : ها ....... لا عادي
يوسف : انت بتعيطي !!
نور: لا...... ده...... في ... بس. رمله دخلت في عيني
يوسف: مش مصدقك خالص على فكره
نور: اها .. ليه بتقول كده
يوسف : شكلك محتاجه مساعده اتفضلي سامعك وممكن اساعدك
وقفت نور بتردد وهيا في دماغها الف سؤال ومش عارفه تعمل ايه تقول ولا لا م هي دي فرصه وجت لحد عندها
نور بتردد : ااا... انا
يوسف : لو مش عايزه تحكي مالك براحتك دي حاجه ترجعلك
نور: لا ..... هو بس
يوسف: ممكن متتوتريش وخلي عندك ثقه في نفسك شويه
نور: بصراحه كده انا في كارثه كبيره ومحتاجه حد يساعدني
يوسف: اللي انا قولته صح اتفضلي سامعك
نور بتذكر
Flash back
داليا: في مصيبه حصلت
نور بقلق : فيه ايه؟
داليا: معتز
نور: ايه السيره الزفت دي بس ماله
داليا : بعتلي الصوره دي
نور مسكت التلفون بصدمه : ايه ده
داليا: بيقول انك مراته وانك متجوزاه
نور: ده كداب والله م حصل
داليا : طيب اهدي
نور: هو قالك عايز ايه
داليا : تكلميه في الفون بكره
نور: وهو مفكر اني هخاف
back
ومن ساعتها وانا خايفه
يوسف: ده كان خطيبك ؟
نور: اه كان
يوسف: وانفصلتي عنه ليه
نور: عشان عرفت انه واحد مش بتاع جواز ولا زفت وأنه بيتسلي
يوسف: ومين عارف عنك كل حاجه
نور: داليا الوحيده اللي بقولها كل حاجه
يوسف : طيب احكيلي عنه اكتر وعمل معاكي ايه تاني
نور حكت له كل اللي حصل من اول م سابت القاهره
يوسف : بصي انا عارف ان الكلام اللي هقوله هيبقي صعب عليكي وهقولهالك صريحه
نور: هيا ايه
يوسف: داليا صاحبتك
نور: مالها
يوسف: هيا الوحيده اللي عارفه عنك كل حاجه
نور: لا متفكرش داليا عمرها م هتخوني
يوسف: بصي انا عارف انك مش هتصدقي بس احنا هنلعب لعبه عليها
نور : لا لا مستحيل انا بثق فيها ثقه عمياء يمكن اكتر من نفسي
يوسف: مشكلتك انك بتثقي في اي حد بسرعه انا اتعلمت من الحياه والخبره انك متثقيش في صوابعك
نور: لا مش هقدر اصدق اصلا أو استوعب
يوسف: وانا عندي الحل عشان اثبتلك إذا كانت وفيه أو خاينه
نور: لعبة ايه ..
يتبع الفصل الحادي عشر اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية