رواية ارهقتني مجنونه الفصل العاشر بقلم ميرولا ممدوح
رواية ارهقتني مجنونه الفصل العاشر
رامي دخل البيت بعد م وصلوا حراسه واقتحموا البيت بس اتفاجئ لما لقي ان البنت اللي كان بيتخانق معاها هي الضحيه،
وشها كان متبهدل بسبب الكدمات والدم، بس لسه موجود فيه براءة الطفوله
لسه شايف فيها البنت المشاكسه اللي بتعمل مقالب، حتي وهي علي حافة الموت جريئة وقويه ومإستسلمتش
رامي راح لساندي بعد م حراسه مسكوا كل الرجاله اللي كانوا موجودين وكتفوهم بس المجهول كان هرب خلاص
رامي بقلق _ انتي بتعملي ايه هنا، ومين دول وعملوا فيكي كده ليه
ساندي بتعب = ا..انت مين
وقعدت تكح دم بضعف وبعدين اغمي عليها
رامي كان شفقان عليها وعلي حالتها، كان حاسس ان رغم المشاكل اللي هو فيها وبيتذمر منها غيره عنده مشاكل اكتر بكتير بس مبيتكلموش وبيواجهوها بشجاعه
رامي فاق علي صوت مريم الباكي
مريم ببكاء _ سااااانديييييي، هما ليه بيعملوا كده، استفادوا ايه من كل ده، دي عمرها م أذت حد ف حياتها
بيتر راح لساندي وكان ماسك دراعه علشان الرجاله ضربوه كتير ومكنش قادر يحركه
بيتر = يله ناخدها للمستشفي بسرعه علشان يلحقوها
مريم ببكاء _ هناخدها فين ؟! المستشفي اللي اعرفها بعيده عن هنا
رامي = في واحده اعرفها قريبه من هنا
بيتر _ طب يله مستنيين ايه، بس الحته دي مقطوعه ومش هنلاقي عربيات بالساهل
رامي = انا جايب عربيتي بره، بس بسرعه بقي علشان تتلحق
مريم ببكاء وهي بتحضم ساندي _ هترجع زي الاول صح هي مش هيجرالها حاجه انا عارفه
بيتر راح يشيل ساندي علشان يوديها العربيه بس دراعه كان واجعه ومقدرش ف وداها رامي ووقتها بيتر كانت عينيه فيها شرار م الغيره
ف المستشفي~~~~~~~
رامي نادي الدكتور بلهفه علشان وضع ساندي كان بيسوء = الدكتوووووور اللي هنا فين بسررررعه
الدكتور جه لرامي _ ايه يا استاذ رامي خير ان شاء الله
رامي وهو ماسك الدكتور من هدومه بعصبيه = تلحقها وترجع احسن م الاول كمان، لو جرالها حاجه متلومش غير نفسك بعد كده انت فااااهم
الدكتور برعب علشان هو عارف رامي كويس وعارف هو يقدر يعمل فيه ايه _ ح....حاضر هحاول اعمل اللي اقدر عليه
وراح هو وكام دكتور كمان علشان يشوفوها
بينما بره كانت مريم منهاره م العياط،
كانت بتعيط بهيستيريه،
مريم ببكاء _ انا اللي غلطانه، مكنش لازم اسيبها تطلع م البيت، انا اللي وقفت معاها وسيبتها
لو مكنتش وافقت وكنت قولت لخالتو ع اللي هي كانت ناويه تعمله مكانتش سابتها ومكنتش رسائل التهديد وصلتلها
لفت انتباه رامي اللي ساندي كانت بتقوله، من حيث رسائل التهديد والخروج م البيت
هو ايه الحكايه ورسائل ايه اللي كانت بتوصلها دي ياتري انتي حكايتك ايه يا ساندي، الواضح كده ان وراكي حاجات كتير
رامي لمريم = لو سمحتي يا آنسه، سمعتك وانتي جبتي ف سيرة رسائل تهديد، ممكن تقوليلي ايه الرسائل دي وكان مكتوب فيها ايه
مريم حكتله كل حاجه بدايه من الراجل اللي كان بيراقبهم ورسائل التهديد اللي وصلتلهم لحد م مشيت وراها وقابلت بيتر ودخلوا البيت
رامي _ طب ممكن توريني الماسدجات دي لو سمحتي
مريم = اتفضل اهي
وادته الفون بتاع ساندي
رامي بعت الرقم لحد معرفته _ بقولك ايه عايزك تعرفلي كل حاجه عن الخط ده وصاحبه وموقعه دلوقتي
بعدها بشويه وصلتله مكالمه = الخط حاليا ف المكان ده ****** وصاحب الخط لسه شاريه انهارده الصبح ومفيش اي معلومانت تاني عليه
رامي _ خلاص تمام تسلم هبقي اكلمك لو عوزتك ف حاجه تاني
= تحت امرك يا استاذ رامي، سلام
وقفل الخط
اما بيتر ف الدكتور جبسله ايده لانها حصلها كسر
بيتر طلع بره مع ان الدكتور نصحه بانه يرتاح وقعد يبص لساندي وهو واقف بره
عينه دمعت بس مسح الدمعه بسرعه لما شاف رامي جاي نحيته
رامي _ مش لاقي حاجه لحد دلوقتي
بيتر = انا هحاول اشوف الموضوع ده
رامي _ انا لحد دلوقتي ماعرف اسماءكوا ايه
بيتر = انا بيتر ودي مريم واللي جوه دي ساندي
_ طب متعرفش اي حاجه غريبه او تصرف غريب من ساندي قبل انهارده
= لا انا مكنتش موجود اصلا معاها علشان كنت طول الوقت بره علشان ظروف شغلي وكده
_ ليه انت بتشتغل ايه ؟
= ف المخابرات بس واخد اجازه اسبوع وكويس اني اخدت
_ طب متعرفش هي متخانقه مع حد او في حد بيكرهها ولا لأ
بيتر بعينان تلمعان من وصفها = ساندي..... هه... ساندي دي مفيش زيها، دمها خفيف ولطيفه وعمرها م أذت حد، كل اللي بيعرفها بيحبها وقلبها ابيض وبتنسي الزعل بسرعه
رامي افتكر لما عملت فيه المقلب وقعد يقول لنفسه _ مجانين كلهم مجانين دول تقريبا مشافوش اللي عملته فيا
ابو بيتر راح علشان يطمن عليه لما بيتر كلمه وعرف اللي حصل
سمير بقلق = انت ايه اللي حصلك، ومين اللي عمل فيك كده
بيتر _ مفيش يابابا هبقي احكيلك لما نروح
سمير بعصبيه = انا لازم اعرف اللي عمل فيك كده وادفعه التمن غالي اوي
بيتر _ مش لازم، انا اللي هعرف مين اللي عمل كده ف ساندي وعايز منها ايه وهعرفه مقامه كويس
ساندي بتعب وهي بتسند ع الحيطه = بس انا عرفت مين اللي عمل كده.......
ياتري ساندي عرفت فعلا مين اللي عمل كده ؟!
وهيعملوا ايه ف الحاله دي ؟!
يتبع الفصل الحادي عشر اضغط هنا
- الفهرس يحتوي على جميع فصول الرواية كاملة :"رواية ارهقتني مجنونه " اضغط على اسم الرواية