رواية القاسي والبريئه الفصل العاشر 10 بقلم الاء ابو العز
رواية القاسي والبريئه الفصل العاشر
جهزة اروي عشان تروح عند منه وخرجة
كان ياسين بيتكلم في الموبايل و واول ما شافها
ياسين:ماشي يا حبيبتي خلي بالك علي نفسك
الشخص:.........
ياسين:وانا كمان محمد رسول الله مع السلامه
قفل ياسين وكانت اروي واقفه قدامه
ياسين:يلا
اروي بهدوء:يلا
اتحرك ياسين للعربيه ومعاه اروي
ياسين في نفسه:عجبك كدا انت نازل وهي مبتسمه وبتضحك اديك نكدت عليها
اروي في نفسها:كان بيكلم مين بهدوء وحنيه كدا تلاقيه كان بيصالحها من الحصل امبارح
فضل ياسين و اروي طول الطريق سكتين لحد ما وصلوا
ياسين:انزلي وصلنا
اروي بهدوء:ممكن بس اعرف اي شقه
ياسين:البواب هيطلعك
اروي:تمام شكرا مع السلامه
نزلت اروي وهي في عنيها دموع وطلعت ل منه
..........................
فتحت منه الباب واخدتها في حضنها
منه بحماس:لما رمزي قالي انك جايه مصدقتش نفسي
اروي بهدوء:طب ندخل الاول ونشوف رمزي القال وازاي بتقولي رمزي كدا
منه بكسوف:احم طب ادخلي
دخلة اروي الشقه وشافتها
اروي:مشاء الله اللهم بارك بس ايه كل صوره دي دا ياسين بيه بجبروته مش عامل كدا
منه:هو قالي المها بس انا حباهم كدا
اروي بخبث:والله لي بقا
منه:هحكيلك
.........................
وصل ياسين الشركه ودخل مكتبه وقفل الباب بعنف
ياسين بصوت:زعلان ليه الوقتي هااا مش انت عايز تثبت ان هي مش تهمك سيبها بقا هناك شويه زعلت ليه لما شوفتها مدمعه
ياسين في نفسه:كان نفسي ما اسبهاش تمشي كان نفسي اخدها في حضني
دخلة ندي وقعد ياسين علي المكتب
ندي:ياسين بيه في اجتماع الساعه 2 مع شركة الصادق لامضاء العقود
ياسين:كلمي حسام ورمزي بلغيهم
ندي:تحت امرك
ياسين:ندي هاتيلي قهوه واي حاجه للصداع
ندي:حاضر يا فندم
خرجة ندي وقعد ياسين وحط ايده علي دماغه
ياسين:واخرتها ايه ارسى علي حل بقا
.........................
بدات منه تحكي لاروي الحصل لما اجو الشقه
اروي:واخرتها
منه:اكيد هنتجوز يا اروي
اروي:ماشي بس لامتا هتفضلوا كدا يعني
منه:معرفش بس احنا اتفقنا ان هو هيتغير الاول وبعد كدا هنشوف هنعمل ايه
اروي :وانتم اتفقتوا امتا بقا
منه:الصبح واحنا بنتكلم في التلفون
...........فلاش باك.............
صحت منه علي صوت تلفونها وشافت رقم غريب
ردت منه وفضلت ساكته
رمزي:صباح الفل علي احلي عيون
منه:رمزي بيه
رمزي بجزع:رمزي بيه اسمها رمزي بس او رموزتي اي دلع من عندك الانت عيزاه بقا
منه بخجل:حاضر صباح الخير
رمزي:دا صباح الفل والياسمين قومي يلا لان مرات البواب هتطلعلك حالا
منه:حاضر
رمزي:و انا كلمت ياسين عشان يبعتلك اروي النهارده تقعد معاكي تطمنك
منه:بجد هتيجي
رمزي:طبعا انا اهم حاجه عندي تكوني مبسوطه
منه:شكرا اوي
رمزي:احنا مفيش بنا شكر
منه بابتسامه:ماشي
رمزي:تعرفي انا نفسي نتجوز النهارده قبل بكرا عشان اكون برحتي معاكي بس انا قطعت وعد علي نفسي مش هتجوزك ولا اخدك غير لما استاهلك
منه:وانت هتستاهلني امتا
رمزي:لما اتغير وابقا انسان احسن من كدا انت لما قولت لي انك كنت بعيده عني بسبب اللي سمعتيه عني انا زعلت اوي
منه:لا متزعلش لعله خير من ربنا
رمزي:صح
منه:اسمها ونعمه بالله
رمزي بابتسامه:ايوا كدا هتلاقي حاجات كتيره تصلحيها
منه:وانا موجوده عشان اصلح
رمزي:طب يلا قومي افطري لحد ما اروي تجيلك
منه:ماشي
رمزي:لو احتاجتي اي حاجه كلميني علطول
منه:حاضر
رمزي:هاجي بليل اجبلك شوية حاجات مع السلامه
منه:مع السلامه
...........انتهي الفلاش باك............
اروي:كلام جميل وكل حاجه بس انا خايفه عليكي
منه:من ايه رمزي مستحيل يازيني هو كبر في نظري اوي
اروي:خلي بالك بردو
منه:حاضر قوليلي بقا اخبار ياسين معاكي ايه
اروي بحزن:كل شويه بحال
منه:يعني ايه
اروي:يعني امبارح كان كويس النهارده وحش وقالي افضل قاعده معاكي هنا لحد ما يحب يجي ياخدني
منه بفرحه:بجد الله بس انت زعلانه ليه اروي انت عايزه تروحي ليه تاني
اروي بحيره:مش عارفه يا منه بس حاسه ان عايزه افضل جنبه مش اسيبه
منه:اروي انت حبتيه
اروي:لا طبعا انت بتقولي ايه ممكن يكون تعود
منه:تعود من يومين يا رورو
اروي بحده:منه انا مش بحب ولا هحب تمام
منه:طيب طيب اهدي
...........................
الساعه 2
كان ياسين قاعد علي راس طاولة الاجتماع وعلي يمينه حسام وعلي شماله رمزي وقدامه عمه زين الصادق
(زين الصادق 59 سنه راجل دكتاتوري مش بيهمه حاجه قد الفلوس والمشاريع بيكره ياسين بسبب الامبراطريه العملها لنفسه)
(وجنب زين فهد الصادق ودا ابو حسام 53 سنه ونفس صفات زين بس الفرق ان هو ممكن حسام ابنه ياثر عليه )
ياسين:هنوقع العقد
زين:لا هنعمل تعديل الاول
ياسين:تعديل ايه
زين:انت نسبتك اكبر مننا وانا عايز نكون متساوين
ياسين:انا داخل ب 65% ازاي عايز نتساوي
زين:احنا هناخد 15% من حسام
حسام:مين اللي قال كدا
زين:ابوك شوف ابنك يا فهد
فهد:انت ليك 5% واحنا ال 15% يا حسام
زين:وممكن ياسين يديك ال 5% الزياده ال عنده وتبقا10% مكسبك
ياسين:والله دا مش هيحصل و دي العقود رجعوها وقدامكم ل بعد بكرا يا تيجوا نمضي يا نفضها سيره وشوفوا حد اقل منكم شركوه وخدوا انتم الارباح
زين:انت بتلوا درعنا يا ابن عز
ياسين:اسمه بشمهندس عز الدين وسميها زي ما تسميها
وقف ياسين وخرج وخرج وراه رمزي
بص حسام لباباه
حسام بكسره وحزن:ليه ديما مصمم تكسرني
زين:خليك ماشي ورا ياسين كدا
حسام:علي الاقل هو عادل هو مش متحكم وبدل ما تتكلم معايا شوف ابنك الانت سايبه داير ورا النسوان
فهد:حسااام
حسام:نعم يا فهد بيه ايه لسه عايز تعمل حاجه او تكسرني قدام حد وتاخد من فلوسي وتدي لعمي
سكت فهد وحط وشه في الارض
ضحك حسام بسخريه وسابهم وخرج
زين:انت الجبته لنفسك يا ياسين والمره دي هتموت فيها يلا يا فهد
قالها زين و وقف و وقف وراه فهد و مشي
...........................
دخل حسام مكتب ياسين وقعد جنب رمزي وقدامهم ياسين
حسام:شكرا انك موافقتش
ياسين:يبني انت عبيط اوافق علي اي
رمزي:الصراحه عمكم زين دا كل مده اكتشف ان هو ظالم اكتر
ياسين:ولسه هنشوف كتير
حسام:قصدك ايه
ياسين:ولا حاجه انا بس عايزك تقرب من ابوك وتبعده عن سكت عمك زين عشان لو حصل حاجه ابوك مش يجي في الرجلين
رمزي:ما تفهمنا يبني في حاجه احنا مش عرفنها
ياسين هتعرفوا كل حاجه في وقتها
..........................
مر اسبوع
كانت اروي نفسها تشوفه او حتي تسمع صوته لكن هو مسالش حتي عليها
كانت كل ما تشوف رمزي تساله عليه وتطمن عليه
دا غير زينب اللي هي بتكلمها كل يوم عشان بس تعرف بيعمل ايه وبياكل ولا لا
...........................
كان ياسين طول الاسبوع برا البيت اغلب الوقت مش عايز يروح من يوم ما مشت وهو حاسس ان البيت ناقص حاجه رغم ان هي مش قعدة فيه غير كام يوم بس كان بيحس بروحها في البيت وابتسامتها
حتي وقت الاكل كان بيحب يحس بيها و هي واقفه جنبه وبتبص عليه وهو بياكل
ياسين في نفسه:وبعدين معاك اخرها ايه
كان ياسين بيلف بالعربيه وفجاه لقه نفسه قدام بيت رمزي نزل
ياسين في نفسه:انا هطلع اجبها واليحصل يحصل بقا
..........................
كانت اروي ومنه و رمزي بيتعشوا سوا خبط الباب
رمزي:انا هفتح
راح رمزي فتح واتفاجئ بياسين
رمزي:ياسين
قلبها دق اول ما سمعت اسمه
ياسين:انت بتعمل ايه هنا
رمزي:كنت بتعشي مع منه و اروي تعاله ادخل اتعشي معانا
دخل ياسين واول ما دخل فضل يبص بعينه يمين وشمال
اخده رمزي للسفره
رمزي:الله اومال اروي فين يا منه
منه:بتجيب اطباق لياسين بيه ازيك يا ياسين بيه
ياسين:اهلا يا منه ازيك
قعد ياسين وهي اجت بالاطباق
واول ما شافته ابتسمت علي مظهره الجزاب كالعاده
اروي:ازيك يا فندم
اول ما سمع ياسين صوتها بصلها وابتسم
ياسين:ازيك يا اروي
اروي:الحمد لله
بدات اروي تحط ليه الاكل
وقعدة تاكل في صمت بس عنيها عليه كانها بتشبع منه
قطع عليهم العشا تلفون ياسين وكان من جلال
ياسين:ايوا يا جلال
جلال:ياسين بيه زينب اضربت بالنار في القصر
يتبع لفصل التالي اضغط هنا
الفهرس يحتوي على جميع فصول الرواية كاملة: "القاسي والبريئه" اضغط على أسم الرواية