رواية صعيدي مودرن الفصل الحادي عشر 11 - بقلم حنين عادل

رواية صعيدي مودرن البارت الحادي عشر 11 بقلم حنين عادل

رواية صعيدي مودرن الفصل الحادي عشر 11

ادم: فرحنا بعد بكره

فرح بصدمه: لأ بتهزر ....

ادم: لأ واللهي مش بهزر 

فرح: ازاي يا ادم هوا احنا لحقنا؟!

بينزل ادم من العربيه وبيقف قصادها..

ادم: عاوز أسألك سؤال

فرح: اسأل

ادم: بتحبيني او لحقتي تحبيني عشان كل حاجه جت بسرعه ؟!

فرح: مش عارفه بس عارفه حاجه واحده بس عارفه اني حاسه معاك بالأمان وده بالنسبه ليا اهم من الحب الحب ممكن يجي ويروح انما الشعور بالأمان صعب يجي

ادم: ولما تحسي بحبي ليكي هاتحبيني اكتر ما بحبك كمان 

فرح: انا متأكده بس ارجوك يا ادم بلاش تضيع شعور الأمان اللي حاسه بيه 

ادم: ليه بتقولي كده

فرح: عشان قلبي ماعدش حمل انه ينكسر 

بيقرب ادم منها ...

فرح: ادم احنا في الشارع تصبح علي خير..

بتطلع فرح تجري علي فوق..وبيضحك ادم عليها..

................................

في الصباح...

بتصحي فرح علي رنه تليفونها

فرح: الووو

ادم: صباح الخير ياعروستي يلا اجهزي ورانا يوم طويل 

فرح: دلوقت 

ادم: ايوه يلا بلاش كسل

فرح: طيب 

بتقوم فرح وبتاخد شاور ..وبتلبس بنطلون جينز وفوقه بلوزة .

بتنزل وبتلاي ادم قاعد في عربيته

ادم: ساعه ...

فرح: مش لما جهزت ..

ادم: الصبر يا رب

بتركب فرح معاه بيمسك ادم ايدها وبيبوسها ..

ادم: بحبك يا فرح الادم

بتبتسم فرح بكسوف..

ادم: لأ الكسوف لسه ماجاش ميعاده

فرح: ادم بطل قله ادب

ادم: قله ادب مين انا محترم جدا وبكره اثبتلك 

فرح بضحك: سوق وانت ساكت بقا 

ادم : سوق علي مهلك سوق بكره الجو يروق

بيوصل ادم قدام محل لفساتين الزفاف

بينزل هوا فرح ..

فرح بتختار فستان وبتقيسه وادم بيبقي قاعد

فرح: ها ايه رايك

ادم: خشي استري نفسك مكشوف اوي

فرح بتذمر: طيب

بتدخل  تقيس فستان تاني وبتطلع

ادم: وبالنسبه لرجلك دي ايه هانفرج المعازيم مثلا 

فرح: ماعتش مختارة قوم اختارلي انت

ادم: لازم اعمل كل حاجه بنفسى يعني 

فرح: هههه معلش 

بيقوم ادم وبيختار ليها فستان مقفول مش مبين حاجه بس قمه في الجمال

ادم: يلا ادخلي قيسي

بتدخل فرح تقيسه وبتطلع

فرح: ها ايه رايك 

ادم: ايه ياشيخه ..ايه يا شيخه

فرح: في ايه المرة دي ماكله مقفل ومش مبين حاجه اهو

ادم: اجبلك ايه تلبسيه يداري جمالك كل حاجه بتلبسيها بتبقي قمر البسك ملايه مثلا

فرح بتضحك علي كلامه ..

بيدفع ادم تمن الفستان وبيروح ينقي ليه بدله 

فرح: انا اللي هانقي

ادم: تمام بس شوفيلي حاجه تبين عضلاتي 

فرح: واللهي 

ادم: كده كده ماشاء الله هاتبان

فرح: ماشي يا عم عضلات 

بيخلصوا وبيروحوا يفطروا وبعدها فرح بتروح الكوافير

ادم: اجي اخدك امتي يعني

فرح: لأ مش عارفه انا هاروح انا وبعدين عاوزة اوحشك 

ادم: توحشيني اكتر من كده 

فرح: يلا يا ادم امشي انت بقت نظراتك مش مريحه

ادم: علطول ظالماني 

بيمشي ادم بعربيته لحد ما بيوصل بيته..

ادم: ساره ..ياحبيبتي

سارة: ايوة يا أبيه

ادم: خودي قيسي الڤستان ده

بتطلع ساره الفستان من شنطته وبتنبهر بجماله

سارة: دا جميل اوي يا أبيه

ادم: انتي أجمل يا حبيبتي 

..........................

في المساء

بتطلع فرح من الكوافير ..

وتليفونها بيرن..

ادم: ايه

فرح: خلصت يا ادم 

ادم: كل ده بتعملي ايه

فرح: حاجات ستات

ادم: اموت انا

فرح: ادم

ادم: ادم ادم ..ايه خلاص 

فرح: انا مروحه اهو 

ادم: طيب اما تروحي كلميني 

فرح: اوك

بتقفل فرح مع ادم..

كامل: ممكن اوصلك 

فرح: لا شكرا ..

كامل بيمسك ايدها: ليه بس

فرح: استاذ كامل انت اتخطيت حدودك معايا احترم نفسك 

بتمشي فرح وهيا متعصبه لحد ما بتوصل لبيتها

بتكلم ادم ..

فرح: انا وصلت ..

ادم: نام بدري بقا يا جميل عشان بكره يوم طويل

فرح: تصبح علي خير 

ادم: تصبحي علي جنه ..

.............................

كامل: جهزت اللي قولت عليه

* ايوه يا باشا

كامل: تمام اوي خليك علي اتصال

............................

في الصباح

بتصحي فرح وبتاخد شاور وبتنزل وادم بيكون مستنيها عشان يوديها للكوافير.

ادم: هاتبقي احلي عروسه 

فرح بتبصله وبتضحك

فرح: ادم

ادم: يا حته حته من قلب ادم

فرح: احم ..سارة فين ليه ما جبتهاش تبقي معايا

ادم: هاجيبها عشانك 

بيوصل ادم فرح للكوافير وبيروح يجيب سارة وبتطلع لفرح..

.............................

في المساء...

بيلبس ادم بدلته وامجد معاه

امجد: عيشت وشوفتك عريس يا ادم انا مبسوووط 

ادم: عقبالك يا أمجد

امجد: يارب وابقي في نفس جنانك ده اخطب واتجوز في خلال شهر واخلف تاني شهر

ادم: يابني دي قدرات 

امجد: ايه يا جدع بتستقل بيا ولا ايه

ادم: لاعاش ولا كان اللي يستقل بيك يا جدع 

بيخلص ادم لبس بدلته وبيعدله ادم الببيون بيرش برفانه وبيكون قمه في الوسامه

امجد : تدري؟!

ادم: ادري ايش

امجد: تدري لو كنت بنت ماضيعتك من ايدي  ايه الجمال ده يا قناوي 

ادم: هههههه ماشي

بيطلع ادم وامجد معاه بيروح علي الكوافير

بيطلع ادم وبيشوف فرح

ادم: بسم الله ما شاء الله قمر 

بتبص فرح في الارض بكسوف

كانت طالعه زي الاميرات

بتقرب سارة علي ادم : مبروك يا أبيه

ادم: الله يبارك فيكي يا حبيبتي 

بيأنكج ادم فرح وسارة ..فرح في ايد و سارة في ايد

وبينزل ...

بيتىكب ساره جمب امجد اللي كان بيبصلها بإعجاب ملحوظ

وبيركب ادم جمب فرح 

بيوصلوا لقاعه كبيرة 

اول ما فرح وادم بيدخلوا الورد بيقع فوقهم وبيفضلوا ماشين علي الورد والشموع محاوطاه من الجمبين لحد الكوشه..

فرح : انا فرحانه اوي

ادم: مش قدي

فرح: تصدق بالله انا بحبك

ادم: ما انا عارف

فرح بتبصله وبتضحك ...

الناس بتسلم عليهم وبتتصور معاهم 

لحد ما بيجي وقت رقصه السلو

بترقص فرح مع ادم وهيا حاسه ان الفرحه مش سيعاها ..

بيشيلها ادم وبيلف بيها والكل بيسقف وكانهم في عالم تاني مش واخدين بالهم من حد ..

أسر كان واقف بعيد : ربنا يسعدك يا فرح ..

وأمجد كان مركز مع سارة ..

بيرجع ادم وفرح الكوشه بيروح أسر وبيبارك لها

اسر: مبروك يا ...قلت اسمك ايه

ادم برفعه حاجب: ادم

اسر: لو زعلتها اوضايقتها هامحيك من علي وش الدنيا ههه

ادم بيجز علي سنانه؛ لا متخافش فرح في عيني

فرح: ربنا يخليك ليا يا أسر

اسر: حياتي ليكي🥰

ادم: يا قلبي .

بينزل اسر من علي الكوشه وهوا مش طايق ادم وادم مش طايقه بيخبط في بنت

اسر: انا اسف .

بتبص ليه البنت ...

اسر: يادين النبي علي الجمال 

بتبصله البنت بقرف وبتمشي

اسر بيمشي وراها: استني بس يا جميل طب سنجل ولا مرتبط

بتقف البنت مع واحد عضلات بشكل يخوف 

بيكمل اسر مشي وبيعمل انه بيكلم حد

اسر: ياعبصمد خد هنا يا راجل بس كده مش طريقه حوار دي

بيخلص الفرح مع اجواءه المبهجه من رقص وموسيقي وفرحه ادم وفرح الكبيرة ..

بيكون ادم حاجز جناح ليه وهوا وفرح..

بيفتحه وبيدخل وبتدخل فرح مكسوفه ..

بيشتالها ادم مرة واحده..الباب بيخبط

ادم: من اولها ..

بينزل ادم فرح وبيفتح الباب ...

الجرسون: الجواب ده حد سابه لحضرتك 

ادم: شكرا..

بيقفل ادم الباب وبيحط الجواب علي الترابيزة

فرح: مش تشوف هوا فيه ايه يمكن حاجه مهمه

ادم: مافيش اهم من دلوقتي دقت ساعه العمل 

فرح: ايه وبترجع لورا ..

بيشتالها ادم وبيدخل الاوضه بيحطها علي السرير بيقرب منها وبيبوسها برقه وفرح دايبه بين ايديه وبيبدأ يقلعها الفستان برغبه مش بتنتهي...

اتوحدوا وبقوا واحد

وطبع ملكيته ليها بقت حرم ادم القناوي ..

........................

في الصباح 

بيصحي ادم قبل فرح بيبص علي فرح وهيا نايمه جمبه شبه الملاك ..بيبوسها وهوا مبتسم

بيقوم وبيدخل الحمام ..

بياخد شاور وبيقعد في الريسبشن..

بيشوف الظرف وبيقرب منه وبيفتحه

بتصحي فرح بتلاقيها عريانه ومتغطيه بتفتكر اللي حصل وبتبتسم بخجل وبتدخل تاخد شاور ..

بتطلع وبتلبس قميص قصير مثير..

وبتطلع بتلاقي ادم قاعد وضهره ليه

فرح بتقعد علي رجله ..

ادم بيديها بالقلم وبيمسك شعرها وبينزل فيها ضرب.....يتبع..

ولسه اللي جاي تقيل مع كاتبه الجيل😎

• تابع الفصل التالي عبر الرابط: "رواية صعيدي مودرن" اضغط على أسم الرواية