رواية فارس الحى الشعبي الفصل الثاني عشر 12 بقلم اميرة أسامة

   رواية فارس الحى الشعبي الفصل الثاني عشر بقلم اميرة أسامة 

رواية فارس الحى الشعبي  الفصل الثاني عشر 

في صباح يوم جديد تطل شمس المعز وتعكس شمسها علي ابطالنا..نروح عند فارس... اللي يومه كان مشغول جدااا.

فارس...ادهم...خد الطلبيه دي بسرعه وديها للحاج .. عدنان..واديله الفلوس دي..

ادهم... ياعم حرام عليك... ما تديني كل الطلبيات مره واحده..

فارس... معلش ده اتصل بيا من نص ساعه بس والطلبيه جاهزه فانوديها ونخلص..

ادهم... باين عليه..التعب.. ماشي يافارس..

فارس... مالك .. انت تعبان ولا ايه..

ادهم..لا انا تمام.. بس دايخ شويه.

فارس... انت مكلتش ولا ايه..

ادهم.. لا ولله مكلتش..

فارس... وطبعا سجاير وشاي وقهوه من الصبح الساعه داخله علي اربعه ولسه مفطرتش..

ادهم... هخلص الطلبيه دي ولما ارجع ابقي اكل..

فارس... لا اعد كل ..في داهيه الطلبيه...زيييين. يا زييييين..

زين..ايوه جاي ..

ادهم... ايه ياعم انا كويس ولله مفيش اي حاجه..

فارس... واضح انك كويس..

زين.. ايه يا معلم.

فارس....زين معلش خد الطلبيه دي للحاج عدنان بسرعه وديهالو واديله الفلوس دي...عشان ادهم مكلش وتعبان..

ادهم... ياعم ولله انا بخير..

زين... تمام خليك..انا كده كده... خلصت اللي ورايا جوه..

واعد كل وشك اصفر صحيح..

ادهم... بعصبيه بسيطه... هو انا عيل صغير يا جدعان ولله انا كويس .

فارس...خلص الكلام يا ادهم... يلا زين انت بسرعه الراجل مستني...

زين... هواااااا سلام..

فارس... مسك الموبايل...

نجوي... ايوه ياحبيبي مش بعاده يعني تتصل وانت فالشغل.

فارس...ايه يا امي مش عايزه تسمعي صوتي..

نجوي... لا ياحبيبي يارب ديما اسمع صوتك بخير..

فارس... ربنا يخليكي ليا... المهم انا هطلعلك ابنك الوقت عايزك تشربي عصير.وتأكليه.. البيه مكلش لحد الوقت والجو اصلا نار وشكله مهبط وتعبان..

مجوي...بخضه... يالهوي طب هو كويس.

فارس ...بخير يا امي متقلقيش.. اكليه بس ولما يتظبط يرجعلي..

نجوي.... ماشي ياحبيبي ربنا يخليكم لبعض ياحبيبي يلا سلام هحضرله اكل.. طب ما تطلع انت كمان تاكل حاجه ياحبييي

فارس... لا يا امي انا كلت من شويه ولله انا وعمر وزين..

انا هتعشي بليل علي طول.

نجوي... ماشي ياحبيبي..سلام.

فارس. سلام..

ادهم.... عجبك انت كده السياح ده..

فارس... بصوت عالي شويه...سياح ايه يالا وانا قولتلهم ادعم حد اغتصبه.. يلا ياض اطلع كل وانزلي..

ادهم... بضحككك حاضر ياعمررررري..

فارس... يابني هضربك وانت مش حمل بوكس واحد..

ادهم... خلاص طالع يخربيت ام الدايه اللي ولدتك..

فارس... الدايه هي اللي ولدتني بردو

ادهم... اقصد اللي شدتك..يلا نصايه وراجعلك.

فارس... اتصل برحمه..

رحمه... ايوه يافارس...

فارس... ازيك يامدام رحمه..

رحمه... هتفضل تقولي مدام دي علي طول..

فارس... بضحك..طيب اقول ايه..

رحمه... قول طنط قول ماما ياسيدي قول رحمه حتي .بس بلاش مدام دي...

فارس... حاضر ياطنط.

رحمه... ايوه كده...

فارس... ماشي المهم ياريت حضرتك تبتدو تجهزو شنطكم الوقت عشان ساعه كده وهعدي عليكم .الست ثنيه فوق فالشقه بتظبطهالكم عشان تكون جاهزه اول ما تيجو..

رحمه...وليه التعب ده بس ما كنت عملتها لما جيت انا.

فارس... حضرتك زي امي بالظبط ومفيش تعب ولا حاجه. وبعدين هي مش فيها حاجه الشقه.. بس تظبيط بسيط..مش اكتر هي بس تخلص وهطلع اشوف الشقه كله تمام هعدي اخدكم عشان تطلعو علي طول..

رحمه... حاضر يافارس هقوم انا والبنات الوقت نحضر..

فارس... تمام هسيبكم انا بقي الوقت..

اما رحمه فكانت واقفه جمبها فريده.. بتسمع كل الكلام.. وفجأه شاورت لمامتها انها تكلم فارس..

رحمه... لحظه يافارس..

فارس... نعم..

رحمه... فريده عيزاك.

فارس.. من الفرحه كان هيرقص..

فريده... الوووو.

فارس... مبسوط انه سمع صوتها ..لاول مره يكلمها فالموبايل

فارس....الووووو..

فريده... خدت الموبايل وراحت علي اوضتها...

ازيك..

فارس... انا بخير الحمد لله.وانتي..

فريده...انا كمان بخير..

فارس... بيرخم عليها..ايه كنتي عايزه حاجه..

فريده.. واتلخمت فالكلام.. انا لا ابدا بس يعني.. مفيش.

فارس... ايه في ايه نسيتي الكلام ولا ايه.. ايه اللغبطه دي كلها..

فريده.. بعصبيه من طريقته البارده معاها..خلاص مفيش انا اسفه اني عطلتلك..

فارس... ماشي ياستي .. عايزه حاجه قبل ما اقفل..

فريده.... اووووف بارد لا مش عايزه..

فارس... فريدددددده اعدلي لسانك

فريده.. بخوف من صوته.. انا اصلا غلطانه اني كلمتك.

فارس... بعد ما سكت دقيقه.. طيب ممكن تقولي كنتي عايزه ايه.

فريده.. بزعل زي الاطفال. مش عايزه

فارس... عشان خاطري قولي.. وانا اسف ياستي بس انتي اللي بتنرفزيني..

فريده.. فرحت انه فارس المعز اعتزرلها..مفيش بس كنت عايزه اسألك.. يعني هو انت ليه بتتصل بمامي تبلغها كل حاجه وليه مش بتتصل عليا انت حتي لحد الوقت مش قولتلي انك عايز رقمي..

فارس... من جواه كان طاير انها مضايقه من قله اهتمامه وانها بتطلب منه انه يكلمها هي..

فارس... اولا انا بكلمها عشان دي الاصول مينفعش اتصل عليكي من غير اذنها.. ولا ايه.

فريده... هو انت حضرتك نسيت اني بقيت مراتك..

زادت فرحه فارس بجملتها واعترافها بنفسها انها بقت مراته.

فارس.. حب يحرجها ويعاكسها شويه.. انك بقيتي ايه..

فريده... مش قولت..واسكت بقي

فارس.. ضحك .. طيب خلاص هسكت عشان وشك الجميل اللي احمر ده..

فريده... انت قليل الادب علي فكره..

فارس... هو انا قولت حاجه فين قلت الادب دي..بس

وبعدين ياستي خلاص نتكلم جد شويه..

فارس... بصي ياستي فعلا الاول كمت بكلمها عشان ميصحش بس انتي عندك حق بعد كده هقولك انتي بس في دي بالذات مكنش ينفع اقولك كان لازم اكلمها عشان تجهزو نفسكم وتيجي وهي مش محرجه مينفعش اتصل بيكي انتي وهي لا.. تاني حاجه بقي وده الاهم.. هو انتي ادتيني رقمك وانا قولت لا.. انتي مدتهونيش فاحسيت انك مش عايزه بس..

فريده.. لا ما هو مينفعش بردو انا اديك رقمي وانا اللي حاسه انك مش فارق معاك..

فارس..مين قال كده انتي فارقه معايا يافريده..ده انتييييي. وانتبه لنفسه وسكت..

فريده... بتوهان... انا ايه .

فارس... انتي انتي.. شكلك كده هوعطليني وتعطلي نفسك يلا شويه وهعدي اخدكم عشان اطلعكم الشقه..

فريده... بنرفزه.. اووووف طيب.

فارس... اووووف تاني انتي عارفه انتي لو ادامي الوقت كنت عملت فيكي ايه..

فريده... ايه..

كنت عملت فيكي زي امبارح كده لما النور اتقفل فالمطعم..

فريده... وحطت ايديها علي بوئها علي فكره كده عيب...

فارس.. بضحك.. نيتك وحشه اوي علي فكره اقصد كنت هأكلك بأيدي..

فريده.. انت رخم..علي فكره.

فارس. بضحك... رخم وقليل الادب.. محدش قدر يتجرأ علي فارس السيوفي قبل كده مش فاهم انا سكتلك ليه..

فريده... بضحك... طيب مش هتاخد الرقم..

فارس... رقم مين..

فريده... هو ايه اللي رقم مين رقمي.

فارس... واخده ليه وهو معايا.

فريده.. باستفهام.. معاك ازاي..

فارس.. معايا من يوم ما بقي في ايدك..

فريده... بعصبيه... ما شي يافارس وعمموما اصلا هعملك بلوك واي وقت تكلمني مش هتعرف تكلمني...

فارس... بضحك... طيب ابقي جربي تعمليها كده.. يلا بلاش دلع عايز اخلص بسرعه عشان اعدي عليكم..

فريده... بغضب اطفال..طيب باي.

فارس... باي يا بيبي.

قفلت فريده.. وهي مضايقه من فارس...وفنفس الوقت مبسوطه من مشاكسته ليها..

قفل معاها فارس.. ومر بعض الوقت.. وطلع يشوف الشقه جهزت ولا لا..

فارس.... خبط الباب..فتحتله الست ثنيه واختها..

الست ثنيه... تعالي ياسي فارس..احنا خلصنا خلاص وكنا لسه هننزل

فارس... الله ينور...تسلم ايديكم..

الست. ثنيه... الله يخليك..

طلع فارس.. فلوس يحاسبهاا.. اتفضلي ياست ثنيه .

الست ثنيه... خيرك سابق يا سي فارس.. والنبي خليها عليا المرادي.. انت ديما بتدينا بزياده ولله.

فارس.. عيب متقوليش كده ده حقك.. وبعدين حد يقول للرزق لا ..

الست ثنيه... ربنا يباركلك ويكرمك ياربهننزل احنا بقي متأمرش بأي حاجه تاني..

فارس... تسلمي يارب المهم متنسيش بكره بأمر الله هتروحي علي شقه الست رحمه..تظبطي الشقه عندها بردو عشان تتقفل وهي نظيفه واي حاجه فالمطبخ والتلاجه حلال عليكي.

الست ثنيه... كده كتير ولله

فارس.. ولا كتير ولا حاجه تستاهلي كل خير واي وقت تحتاجي حاجه تجيني..

الست ثنيه.. ربنا يباركلك يا ابني.. مع السلامه.. نزلو من الشقه وفارس نزل وراهم...

وخد العربيه.. وراح للسوبر ماركت وخد معاه عمر..

((ملحوظه )).......الست ثنيه واختها عايشين فالمعز من زمان الاتنين اخوات واهلهم ماتو من زمان والاتنين بيشتغلو فالبيوت عشان يقدرو علي ظروف الحياه الاتنين مش متجوزين او فاتهم قطر الجواز زي ما بيقولو لحد سنهم ماكبر الست ودخلو ال50وديما فارس يبعتلهم عشان يساعدو والدته وبيبعتهم لاي حد هو واثق فيه ويعتبر هو مصدر رزقهم عشان كده مبيقدروش يرفضوله طلب...عشان جدع معاهم..

نرجع تاني.. وصل فارس السوبر ماركت هو وعمر...

عمر... ايه هنجيب ايه...

فارس... كل حاجه..انا عايز ميبقاش في حاجه نقصاهم عشان ميبقوش محروجين انهم معانا في نفس البيت وميبقوش قلقانين من الاختلاط ويكونو فامرين اننا بيت عيله وكده.. فاعايزهم يعتبرو انهم مع نفسهم وحريين .

عمر... صح كده..طب انا معرفش المفروض نجيب ايه.

فارس.. يعني انا اللي اعرف انا المره اللي فاتت اللي كنت بلاقيه كنت بجيبه.. المهم يلا عشان منضيعش وقت امسك عربيه وتعالي ورايا..

فضل فارس.. وعمر . يلفو فالسوبر ماركت وتقريبا مسابوش حاجه غير وجابوها...

وجه. ساعت الحساب عمر طلع الڤيزا واداها للكاشير.. فارس مسك ايده..

فارس.. بتعمل ايه يالا

عمر.. المع اللي فاتت انت اللي جبت المرادي خليها عليا..

فارس.. انت عبيط يالا انا بجيب لمراتي وامها واختها..

عمر...ماانا بجيب عشان..

فارس.. عشان ايه.. يا حلو..

عمر... يعني عشان انا قررت خلاص هخطب ريم

فارس.. لما تبقي تتنيل ابقي جيب واخلص يلا.

عمر... ياساتر..

فارس... طلع الڤيزا والكاشير سحب الفلوس.. وبعت معاه ناس تساعدهم لحد العربيه.. حطو الحاجه وانطلقوو..

وصل فارس وطلع الحاجه وادهم وزين ساعدوه...لحد ما خلص..

فارس... يلا انزلو انا جي وراكم..

دخل فارس عالمطبخ.. وطلع من بين الشنط كالعاده شنطه خاصه بفريده ودخل علي واحده من بين الغرف واللي اختارها فارس تكون غرفه لفريده.. تكون خاصه بيها وسبلها الشنطه عالسرير... وطبعا الشقه كانت مساحتها كبيره جدا مقارنتآ بشقتهم.. شقتهم كانت اصغر نظرا ان والدهم كان واخدها للدراسه وبعدين اتجوز فيها مؤقتا وسافرو كنت شقه بدايه زي نا بيقولو اما شقه فارس.. فا كانت مساحتها اكبر بكتير وطبعا لانها في بيت عيله...

نزل فارس...وخد معاه عمر وزين اتوجهه علي بيت فريده طلع وخبط...

رحمه..من الداخل.. ايوه..وفتحت.

فارس . السلام عليكم..

رحمه... عليكم السلام تعالي يافارس..ادخل.

فارس.. لا معلش الشباب معايا عايز بس الشنط..

رحمه... طيب ادخلو ميصحش نسبهم كده..

فارس معلش عشان بس لسه ورانا شغل كمان..

رحمه.. طيب حاضر لحظه اجبلك الشنط..

فارس... ينفع ادخل اساعدك ..

رحمه.. طبعا اتفضل..

دخل فارس جوه الصاله وابتدا يخرج شنطهم عالباب لزين وعمر...خدو كل واحد شنطه ونزل وطبعا راجعين تاني خصوصا ان البنات جابو كل لبسهم وهما جايين من امريكا..

اما فارس لمح بعينه فريده وريم خرجو من الاوضه..

ريم.. ازيك يا فارس..

فارس... الحمد لله ياريم.

فارس.. ازيك يا فريده..

فريده.. الحمد لله..

فارس مجهزتيش ليه .عشان ننزل

فريده.. ما انا جاهزه اهو .. كانت لابسه بنطلون چينس مقطع.. وتيشيرت ابيض أوف شولدر..

فارس... اللي هو ازاي يعني.. هتنزلي كده ..

فريده.. ايه في ايه..

فارس.. في شنطتين الشباب خدوهم ليكي حاجه فيهم..

فريده.. لا مخدوش مني ولا شنطه الشنط البينك اللي ادامك دي بتعتي...

ريم.. وانا الشنط الحمرا واللي خدوهم الاتنين الاسود دول بتوع مامي..

فارس.. طيب حلو خدي شنطه منهم بسرعه تطلعي منهم حاجه بسرعه تلبسيها ومتتأخريش...

فريده.. هو انا لسه هلبس انا لبسي كويس ومش هدخل اغير..

فارس... فريده.. ثواني تكوني مغيره..

رحمه.. عشان تقلل من التوتر ومتخليش بنتعا تعانده اكتر من كده..

يلا يافريده.. اسمعي الكلام ثواني وتكوني مخلصه..

فريده.. يامامي هو مل حاجه كده وبعدين اشمعني انا ما ريم محدش بيقولها البسي ايه ومتلبسيش ايه..

فارس... اولا اسف انتي اللي تخصيني يظهر انك نسيتي انك مراتي..ثانيا فريده.. قاطعت كلامه.. هو ايه اللي انتي مراتي ما قبل مااكون مراتك بردو كنت بتدخل في لبسي ومكنتش بتدخل في لبس ريم..

فارس.. سكت ومعرفش ينطق ولا يقولها ايه..وفضل باصصلها وهو قافل حواجبه وعينه بتطلع شرار..اما فريده علي اد خوفها من نظرته بس حست من جواها بأنتصار عشان معرفش يرد..

فارس .. بعد ما جمع نفسه.. فريده انا مش هعيد كلامي تاني . وعايز اقولك ان لو شوفت ريم في اي وقت لابسه حاجه اوڤر اكيد هقولها وهلفت نظرها عشان هي اد اختي ومحبش حد يتعرضلها.. وفدغير كده صراحه انا لحد الوقت مشوفتهاش لابسه حاجه اوڤر بالشكل اللي يعصبني..

ريم.. انا براءه ورفعت ايدها بضحك..

فارس.. ابتسلملها علي طريقتها.. براءه..ورجع بص لفريده.. ثواني وتكوني مخلصه.. وفاللحظه دي رجع الشباب.. وخدو شنط تاني من شنط ريم..

انا فريده.. فضلت تنفخ وراحت تشد الشنطه خدها من ايدها من غير كلام ودخلها الاوضه وخرج.. اما هي كانت هتولع منه..ودخلت عشان تغير فتح الباب بايده قبل نا تقفله.. يكون في علمك تلبسي علي جول حاجه كويسه.. عشان لو اللبس معجبنيش انا عندي استعداد افضل اعد مستنيكي انشالله تلبسي كل اللبس اللي فالشنط لحد ما حاجه تعجبني.. وابتسملها ببرود ورجعها من كتفها لجوه الاوضه وسحب الباب وخرج.

فريده .من جوه ... بارد..

فارس.. من بره.. سمعتك .

اما رحمه وريم كانو واقعين من الضحك علي جوز المجانين دول..

رحمه.. معلش يافارس استحملها شويه..ربنا يعينك

فارس... بضحك.. ماانا مستحمل اهو.. هنزل انا انزل مع الشباب وراجع تاني...

خد شنطتين من بتوعها ونزل بيهم..

وطلعهم عالشقه وتحديدا خد الشنط اللي تخص فريده ودخلهم عالاوضه اللي اختارها...

ونزل يكمل مع الشباب..

خدو الشباب اخر شنط ريم ووفريده.؟واتبقي شنطه واحده اللي مع فريده..

طلع فارس..طنط رحمه.. ان شاء الله الحاجه ثنيه بكره هتيجي تظبط الشقه هنا عشان تكون مقفوله وهي تمام وطبعا بعد اذنك الحاجه اللي فالمطبخ انا عرفتها تاخدها ليها..

رحمه... ليه التعب بس الشقه مش محتاجه .وطبعا تاخد كل حاجه اصلا انا سيباهم زي ما هما اكيد مش هعرف اخد كل ده هناك انا كنت هنزل اخر النهار اجيب غيرهم..

فارس... لا متتعبيش نفسك كل حاجه جهزت فالشقه مش فاضل بس غير انك تفضي الشنط..

رحمه . بجد يافارس اللي بتعمله ده كتير وبيحرجني اوي..

فارس... انتي ليه مصممه تزعليني منك دي حاجات بسيطه..

ريم.. بمشاكسه يارب بس يكون في شنطه شيكولاته

فارس. بضحك.. في يامجنونه بس ليكي شنطه لوحدك ومتديش منها فريده هتلاقي الشنط كلها فالمطبخ وفيهم شنطه بتاعتك لوحدك..

ريم... يعني مديش فريده..

فارس.. اه متديهاش..

ريم.. انت اللي قولت طب احلف كده .

فارس... ولله العظيم بتاعتك انتي ياستي..

فاللحظه دي خرجت فريده .وهي متنرفزه..

هو ايه ده اللي مش عايزين تدوني منه.

ريم.. اصل فارس جاب شوكلت وقاللي ان الشنطه اللي فالمطبخ بتاعتي ومدكيش منها..

فريده.. لفارس... انت قولتلها كده..

فارس.. بابتسامه... اه في حاجه..

فريده... لا مفيش وبصت لريم.. اشبعي بيها..

فارس ورحمه بضحك علي جنان ولادها..

فارس.. يلا جاهزين ..

رحمه.. اه خلاص...

فريده..وهي متعصبه وشنطتي يعني مين هيجيبها

فارس.. هو بيحاول يتجنبها بيعض علي شفايفه من غيزه منها.. انتي كمان بتؤمريني..

فريده.. مش هقظر اشيلها..

فارس... ليه ماانتي عامله علي طول السبع رجال..

فريده.. يعني ايه السبع رجال

فارس... لا ولا حاجه اوعي كده من ادامي.. ودخل عالاوضه جاب الشنطه وخرج..

فارس... مفيش اي حاجه ناسينها..

رحمه.. لا مله تمام انا بصيت قيل ما تيجو فالشقه كلها مفيش .

فارس... طيب تمام... يلا..

ونزلو راحو عالبيت وشقه الجد كانت مفتوحه وعمه ووالده كانو جوه ومعاهم نحوي وطبعا رباب والبنات.. دخلت رحمه.. والبنات والكل رحب بيهم وبعد ما كانو متوترين ومحروجين فكو خالص وحسو انهم من العيله بس طبعا رباب كانت مش طيقاهم ولا طايقه نفسها..

فارس.. هطلع انا اطلع الشنطه دي..

ريم.. ينفع نطلع نشوف الشقه..

فارس.. تعالي يافريده.. معانا..البنات في صوت واحد.. واحنا كمان.

فارس.. انتو محشورين كده في مل حته..

ريم... صحابي يجو معانا في اي حته لو سمحت..

فارس... اللللله كنا بنسميهم الثلالثي المرح وشكلكم هتبقو رباعي.. البنات مسكو فريده.. ياسمين اخته.. حضرتك احنا بقينا خماسي

الجدد.. ربنا يستر منكم .

الكل ضحك وطلع فارس مع البنات..

فتح فارس الشقه ريم وفريده معجبين بالشقه وبشكلها جدا كانت تصميمها مودرن جداا وشيك اوي... وبالرغم من انهم بيسكنو في مكان شعبي لاكن كل الشقق كانت مفروشه علي احدث صيحات الموضه..

ريم... ايه ده الله الشقه تحفه..

فارس... عجبتك...

ريم... عجبتني بس ده بتفكرني بالڤيلا بتاعتنا في امريكا. وجريت هي والبنات يفرجوها باقي الشقه.

فريده... لفارس.هي فين شنطي شنط مامي وريم بس اللي موجوده..

فارس... في اوضتك..

فريده.. اوضتي..

فارس... اه نا انتي ليكي اوضه مستقله وحطيتلك الحاجه بتاعتك فيها..وحضرتك بتختارلي الاوضه ليه..

فارس... اصلي بحب الاوضه ده اوي..

فريده.. اشمعني..

فارس... قبل نا نبني الدور الخامس لما ابتديت استقل وحبيت اعيش لوحدي طلعت فالرابع وكنت اعد فالاوضه دي وبعد ما بنيت الخامس. بردو اخترت نفس الاوضه.

فريده.. طيب انت حبيتها ممكن انا محبهاش..

فارس... لا هتحبيها..

فريده.. لا انا هنام مع ريم..

خرجت ريم.. انت عارف يافارس..انت بقيت غالي عندي اد ايه.

فارس.. ليه ده كله اشمعني..

ريم... انا كنت هموت ويبقالي اوضه لوحدي وعلي الرغم من الڤيلا كان كلها اوض.. بس ربنا كان رازقني بأخت بتخاف من خيالها.. وكانت ديما عايزه تاعد معايا..

سمر وسما وياسمين بيضحكو..

سمر... ايه ده انتي بتخافي يا ديدا..بجد

فريده... انا لا.. اقصد بصراحه اه..

سما ... ده يابنتي احلي خاجه فالدنيا انك يبقي عندك اوضه مستقله كده..

فريده.. لا مش عايزه الله الغني..

فارس... بضحك.. عشان مده بتقولي مش عايزه الاوضه

فريده... انت بتضحك علي ايه.. اه بخاف واه هنام مع ريم ..

ريم... ولله ابدا ده علي جثتي..

فريده... ريمو حبيبتي مش هعرف انام..

ريم..... لا فكك من ريمو والجو ده...انسي.

فريده... ماشي ياكلبه.. خلي فارس يقويكي عليا.

فارس... انا مالي ببس.

فريده.. اصصلا عادي مش عايزه منك حاجه وعادي هنام لوحدي هيخصل ايه يعني

ياسمين... ايوه كده اجمدي متخليهمش يتريقو عليكي..

فريده... حاضر

بعد فتره من الضحك طلعت رحمه ومعاها نجوي .

ودخلت شافت الشقه..

نجوي .. ايه رأيك.. عجبتك..

رحمه... ماشاء الله تحفه.

نجوي..عجبتكم يابنات..

ريم... تحفه ياطنط.

فريده.. جميله اوي ياطنط.

نجوي... طيب يلا بقي يابنات عشان نسبهم براحتهم .واعملو حسابكم انهرده هنتعشي كلنا مع بعض عشان يبقي عيش وملح..

فريده.. بلاش تتعبو نفسكم كفايه اوي لحد كده اللي عملتوه.

نجوي .. متقوليش كده تعبكم راحه.. وبعدين انهرده هنتعشي كلنا وبعد كده اعتبرو نفسكم لوحدكم وخدو راحتكم احنا عموما يوم فالاسبوع بننزل كلنا تحت وتاكل سوا لو مش حابين طبعا براحتكم..

رحمه... لا طبعا ازاي تقولي كده.. انا حبيت الجو ده اوي طول عمرنا محرومين منه..ربنا يديمها عليكم يارب

نجوي... اوعي تزعلي مني انا بس حابه اسيبكم براحتكم خصوصا البنات عشان ميبقوش متقيدين بعادات وتقاليد العيله هنا..

ريم... بصي ياطنط انا اصلااليوم اللي مش هتنادو عليا في اي اكله حلوه هتتعمل فالبيت ده هزعل اوي..

الكل ضحك عالمجنونه اللي خطفت البيت بضحكها وروحها الحلوه.

فريده... مفجوعه

سما... وياريت باين عليها.

فارس... ما يلا بقي نخلص كده ونسيبهم

نزلو كلهم ونزلو البنات عشان يسيبوهم يرتاحو لحد معاد العشا...

اما ريم.. فا ابتدت تاخد شنطها عالاوضه اللي اختارتها ورحمه خدت شنطها عالاوضه...

رحمه... يابنات تعالو الاول قبل ما تفضو الشنط ساعدوني نشيل الحاجه اللي فالمطبخ دي ونشيل حاجه التلاجه عشان مش تبوظ.

ريم... ايوه يلا وعشان اخد الشنطه بتاعتي

فريده...رخمه..

ابتدو يرصو الحاجه وريم خدت شنطه مليانه شوكولاتات وحجات حلوه وجريت بيها.. اما فريده.. كانت مش طيقاها..وخلصت مع رحمه.. ودخلت علي اوضتها وهي زعلانه عشان الشوكلت وعشان فارس قلها متديش فريده..

دخلت عالاوضه.. وابتدت تفتح الشنط وترص الحاجه فالدولاب وتعلق فالشماعات وابتدت ترص البرفانات والميكب عالتسريحه.. ولمحت بعينها.. شنطه عالسرير .. راحت تفتحها بسرعه.. وفجأه لقت شنطه كبيره مليانه شوكلت وشيبسي وحجات كتيرررررر. بقت تتنطت زي الاطفال من الفرحه.. فرحه انه منسيهاش فرحه انه اهتم بيها فرحه انه رخم عليها بس لاكن مهانتش عليه.. ومن غير ماتحس مسكت الموبايل وكلمته...

فارس... الوووو..

فريده... هي الشنطه دي بتاعتي...

فارس... انا قولت لريم..

فريده... بس ريم خدت شنطتها وانت قولت ان في شنطه فالمطبخ ومتديش منها لفريده صح

فارس... حصل..

فريده.. طيب انا لقيت شنطه اكبر بس فالاوضه بتاعتي..

فارس... تبقي بتاعتك .. وبعدين انا قولت لريم شنطتك فالمطبخ وقولتلها متدكيش عشان انا جايبلك شنطه اكبر من شنطتها.وبعدين ينفع اجيب لريم ومجبش للبنوته الصغيره بتاعتي.

فريده... ابتسمت ..بنوتك الصغيره..

فارس... ايه معترضه ..

فريده.. لا

فارس. بضحك... طيب يلا يامجنونه.. روحي ظبطي اوضتك عشان نتعشي سوا.

فريده... حاضر .

فارس... سلام.

فريده... فارس..

فارس.. عيونه..

فريده.. ابتسمت باحراج .. علي طريقته اللي اتغيرت معاها.

كنت عايزه اقولك.. شكرا..

فارس.. علي ايه..عالشوكلت

فريده.. علي كل حاجه..

فارس... بلاش عبط يامجنونه ويلا روحي متعطلنيش.

فريده.. حاضر يلا باي.

فارس. باي...

خلص اليوم والشغل خلص. وطلع فارس علي شقته خد شاور ولبس بنطلون بيتي باللون الاسود وتيشيرت فيراني راسم شكل عضلاته.. ورش البرفيوم بتاعه..وبعد اتصالات كتير من نجوي والدته اخيرا رد..

فارس... الووو ايه يا امي خير.

نجوي... خير ايه يا فارس بقالي سنه بتصل عليك مبتردش.

فارس... كنت باخد شاور يا امي في ايه.

نجوي... يلا ياحبيبي انزل عند جدك الاكل جهز وطلعت جبت حماتك وبناتها من فوق ونزلنا يلا يا ابني عشان مراتك كمان متبقاش محروجه..

فارس... حاضر يا امي نازل حالا يلا سلام..

فارس.. كان هيموت من تصرف امه.. كان عايز يعدي هو ياخدهم عشان يطمن من اللبس اللي فريده لبساه..

دقايق كان فارس نزل وخبط ..

الجد... تعالي يافارس.. كل ده يا ابني هنموت من الجوع..

ادهم.. ماهو علي طول مجوعنا انهرده كنت هموت منه..

فارس.. السلام عليكم جميعا.. هوموت مني انا بردو انا اللي قولتلك متفطرش لحد العصر..

ادهم ماانت اللي اعد تديني في ميت طلبيه ورا بعض ..

اما فارس.. فاكان بيدور بعينه علي فريده..

وطبعا كان مراقبه جده...

يلا ياجماعه يانجوي.. ادخلي نادي البنات من اوضه سما يجو يساعدوكم ..ويص لفارس وابتسم وهز راسه شمال ويمين..حب يعرف فارس. انه فاهمه..

فارس... بيعض علي شفايفه من غيزه من جده اللي كاشفه ديما... راح انضم لجده ووالده وعمه وادهم وزين واعده عينه عالباب وبيهز في رجله...

نجوي... يلا يابنات تعالو خدو الاطباق مننا..

خرجو البنات واخيرا فارس لمح فريده... واتنهد براحه اول ما شافها لابسه بنطلون چينس وبدي تلت كوم كان طقم بسيط وهادي وفنفس الوقت شيك ومكنش في اي اعتراض من فارس. حضرو الاكل وابتدو ياكلو وقضو وقت طويل مع بعض مابين ضحك وهزار ادهم.. وجنان البنات حسو بالحب والدفا وحسو بوجود العيله خدو عالجو بسرعه....وبعد ما الوقت اتأخر استأذن الكل عشان يطلع شقتهم.. وكل واحد راح علي شقته.......

بعد ما الكل راح علي شقته بعد ما قضو وقت طويل مع بعض والوقت اتأخر اخيرا جه وقت النوم ..ريم دخلت اتقتلت وعشان تضمن ان فريده مش هتيجي قفلت من جوه بالمفتاح....فريده.. اه ياكلبه.. بتقفلي عشان ما جيش...ريم من جوه... علي اوضتك يا فريده ولله نا هنام معاكي..

فريده... بصوت شبه باكي عشان خاطري .

ريم... تصبحي علي خيررررر.

فريده..مشيت علي اوضتها واعدت عالسرير وضمت رجلها علي صدرها..هنام ازاي انا الوقت..

فارس... ونطقت اسمه واتصلت بيه..

بعد رن كتير...رد عليها وهو صوته شبه نايم..

الووووو.

فريده... انت كمان جايلك نوم بعد اللي عملته فيا..

فارس... انتبه وهو مخضوض في ايه يا فريده..ايه اللي حصل..

فريده... مش عارفه انام انت السبب فاللي انا فيه ده..

فارس... ليه بس.. كده انا عملت ايه

فريده... ريم مش راضيه تدخلني انام معاها وانا خايفه.. ومامي استحاله تدخل حد فينا معاها ممنوع اصلا.. انا مش عارفه انام...

فارس... طيب وانا مالي انا قولتلهم ميدخلوكيش..

فريده.... لا انت اللي خليت ريم ماتصدق يبقي ليها اوضه انت السبب..انام ازاي انا الوقت..

فارس... بقله ادب.تعالي نامي معايا..

فريده... انت قليل الادب..

فارس... هو انتي دماغك كده علي طول شمال انتي مش خايفه وهما نامو وسابوكي اطلعي نامي معايا.

فريده... انا كنت بنام انا وريم في حضن بعض انت السبب خليتني مش هنام في حضنها تاني...

فارس... بسيطه ..اطلعي وهاخدك في حضني.

فريده... هدعلي فكره كده عيب وانا غلطانه اني كلمتك يلا باي ياسافل.

فارس... بضحك..باااااي. وقفل الموبايل وسابه جمبه.. وغمض عينه عشان ينام..دقايق بسيطه واتصلت بيه تاني...

فارس.... اللهم طولك ياروح.. في ايه تاني.. بتكلميني ليه مش انا قليل الادب وسافل..عايزه ايه وبعدين سبيني انام عشان الحق اقوم للشغل..

فريده... بصوت خايف بجد.. فارس.انا خايفه بجد مش عارفه انام..

فارس.... وهو نايم علي نفسه... طيب قوليلي اعملك ايه وانا اعمله..

فريده... مش عارفه ..

فارس... انتي بتعيطي ولا ايه.. مغلطش ولله لما قولت عليكي بيبي...بالزمه ينفع فارس السوفي مراته تبقي بتخاف من خيالها..

فريده.. اه ينفع عادي علي فكره..

فارس... قام اتعدل عالسرير وفتح نور بسيط جمبه ومسك علبه السجاير وولع سيجاره.. وادي اعده يافريده.. وادي السيجاره.. مبسوطه الوقت لما النوم طار من عيني...يلا قولي عايزه ايه بقي..

فريده... عايزه انام ومش عارفه..

فارس... واشمعني انا اللي اخترتي تقلقيه كان سهل تدخلي عند ريم وتنامي جمبها...

فريده... ماهي الملبه قفلت بالمفتاح من جوه..

فارس... هقولها علي فكره .

فريده... مش بخاف...

فارس. وفريده... اعدو.. يتكلمو ويرغو في حجات كتير اوي فارس عرف عن فريده حجات كتير وتقريبا اغلب تفاصيل حياتها.. فريده عرفت حجات عن فارس... المكالمه دي فرقت جدا مع الاتنين ..

فارس... قوليلي بقي ياستي نفسك في ايه..

فريده... نفسي في حاجه واحده بس بس مش عارفه هتحصل امته او هتحصل ولا لا..

فارس... ايه هي...

فريده... نفسي بابي يخلص من اللي هو فيه .. ده نفسي يظهر برائته نفسي ميحصلوش حاجه وحشه.. نفسي اشوفه اوي وعيزاه يرجع او احنا نروحله المهم يكون بخير..

فارس... وليه بتقولي ان ممكن ميحصلش ده..

فريده... عشان چون ده وحش جدا وبيكرهه بابي اوي.. خايفه يعمل فيه حاجه انا مش مهم عندي ان الفلوس والشركات وكل ثروه بابي ترجع او لا انا عايزه بابي وبس..عايزه ارجعله تاني..

فارس... عايزه تسافري يعني... ايه نفسك تخلصي من الهم بتاعي ولا ايه.

فريده... مقصدش علي فكره.. اقصد انه وحشتي وبس..

فارس... ماشي ياستي . طيب واللي يحققلك اللي انتي عيزاه ده...

فريده.... يااااااه ده يبقي صحاني من اسوء كابوس في حياتي..

فارس.. ماشي بس هتقدميله ايه مقابل ده...

فريده... اللي هو هيطلبه هنفزه من غير تفكير...

.فارس.. ان شاء الله كل اللي نفسك فيه هيتحقق يافريده وبابي هيكون معاكي قريب ...

فريده... وهي ببتاوب زي الاطفال... ياااارب.....

فارس... بنوتي الحلوه مش هتنام بقي...

فريده... هتقفل...

فارس... انا فاضلي ساعتين بالظبط واصحي حرام عليكي...

فريده... لا ما هو اعمل حسابك طول مافريده... مش موافقه تدخلني معاها كل يوم هكلمك وتفضل معايا لحد ما يجي النوم ..

فارس... ده تعذيب ولا ايه..

فريده.. ايوه مش انت السبب..

فارس.. ياستي سواء انا السبب مش انا السبب انا موافق ومعنديش مانع..

فارس... ممكن تنامي بقي

فريده... مش هتقفل..

فارس... ياستي مش هقفل بص ادي الهاند فري في ودني.. وانا معاكي اهو لحد ماتنامي..

فضلت فريده.. تتكلم واول ماتحس فارس سكت تنادي عليه وتصحيه وفضل الحال ده نص ساعه وفالاخر تعبت وراحت فالنوم فارس كان بيقاوم النوم عشان يفضل معاها واول ما حس بانتظام نفسها عرف انها نامت واستسلم للنوم....

بعد حوالي ساعتين ...المنبه ضرب.. فارس قام بسرعه وده لانه نومه خفيف جدا صخي بس وهو مش قادر وافتكر كلامه مع فريده ابتسم.. وافتكر انه مقفلش معاها ركب الهاند في ودنه تاني بعد ما وقعت وهو نايم...سامع صوت نفسها عايز يقفل ومش قادر يدوس عالزرار بعد تفكير قرر يقفل عشان يسيبها براحتها وعشان اكيد عمر شويه وهيكلمه...ومش عايزه يلاقيه وايت عشان ميرخمش عليه..

دخل خد شاور وبعد فتره خرج لبس وظبط نفسه... وفجأه.. رن عمر...

فارس... نعم..

عمر .. ياساتر... يابني هو انا جوز امك..

فارس... عايز ايه ياعمر انجز انا مش نايم كويس ومش قادر .

عمر... من اول يوم كده سهر يا معلم

فارس... اقفل ياعمر..

عمر... خلاص ياعم براحه.. انا تحت واخوك نزل هو وزين وانت متأخر ليه انا قولت اطمن عليك...

فارس... انا نازل حالا...

نزل فارس... وابتدو شغل وعدي نص اليوم...فارس. لعمر... عايزك انت وزين وادهم بعد الشغل ضروري..

عمر.. وزين وادهم...

خير...

فارس... خير ان شاء الله..

ادهم.... عاركه..

فارس... يابني وهو انا وشي مكتوب عليه شكل للبيع..لا يمكن تكون حاجه اصعب...

زين... استر يارب..

فارس.. بقول ايه خلونا نخلص شغل الاول وبليل عايزكم فوق فالمكان عندي...

عمر... امين..

ادهم... تمام يامعلم ..

زين... تمام..

صحيت فريده. بعد محاولات كتير من والدتها وهي رافضه تصحي...

فريده... صحيت خلاص يامامي.. هي الساعه كام..

رحمه.. الساعه 6المغرب...

فريده... ايه..انا نايمه كل ده...

رحمه... صحيتكم ميت مره وريم صحتك ميت مره ..

فريده... كنت خايفه انام ونمت الصبح.. هي فين ريم...

رحمه..نزلت تحت تاعد مع البنات عند سمر...

يلا اصحي افطري...

ولا اتغدي ولا اقولك استني شويه واتعشي..

فريده... بضحك.... علي والدتها... اتعشي احسن..

خرجت رحمه...ومسكت فريده الموبايل تتصل بفارس...

فارس.... لسه بدري يا شيخه كل ده نوم تنامي انتي وترتاحي وانا اعد هموت وانام..

فريده... صباح النور... انا اسفه بجد .. انا سهرتك كتير اوي..

فارس... ولا يهمك ياستي المهم نمتي كويس...

فريده... اه نمت كويس جدا ..

فارس... طبعا كويس جدا الساعه 6جنابك...

فريده... خلاص بقي ميبقاش قلبك اسود كده

فارس... اعملي حسابك مفيش دلع انهرده..

فريده... مليش دعوه يبقي تقنع ريم..

فارس... مش هقنع حد انتي تتصرفي وبعدين ياريت نكبر كده شويه ..

فريده... مليش دعوه هفضل اتصل بيك..

فارس... بضحك ماشي ياستي.. يلا قومي كلي حاجه..

فريده... حاضر هاخد شاور وهاكل..

فارس... اجي معاكي..

فريده... تيجي فين..

فارس.. اساعدك فالشاور...

فريده... وشها احمر من جرئته انت سافل ...

فارس... الحق عليا قولت اساعد فالشاور زي ما بساعد فالنوم كده..

فريده... لا شكرا خليك فالنوم وبس...

فارس... بوقاحه... ياسلام انا اطول اخليني فالنوم ..

فريده...ماانت كنت معترض الوقت بقيت تطول..

فارس... انا معترض عالنوم بتاع التليفون ولعب العيال ده... انما في نوم تاني صراحه هموت عليه...

فريده هو انا خاسه ان نيتك مش كويسه صح..

فارس... انا لا خالص انتي اللي ديما بتفهمي غلط..

بس صراحه المرادي فهمتي صح..

فريده.. تصدق ان انت قليل الادب ومش مؤدب.. ومش مكلماك تاني ابدا...

فارس.. اكيد

فريده... اكيد .

فارس... ماشي هنشوف..وقفل معاها وبعد مده طويله خلصو شغلهم وطلعو كلهم وعمر روح يتعشي مع والدته ويرجع تاني لفارس...

فارس.. كان بيتغدي مع والدته في الشقه...وخلصو ..

ياسمين... ماما عايزه مني خاجه قبل ما اطلع انا والبنات فوق..

نجوي لا يا ياسمين..

فارس.... تعالي تعالي هنا فوق فين..

ياسمين ... هناعد كلنا فوق فالسطخ اتفقنا انا والبنات..

فارس... مين قال اصلا اني موافق..

ياسمين ..هو انا قولت هناعد جوه عندك يا ابي بقول فالسطح

فارس... ولا سطخ ولا عندي...

والده... ماتسبهم يابني يطلعو شويه ..

فارس.. ماهما غلي طول فوق ومبتكلمش...بس انهرده مش هينفع..عمر جاي وهناعد شويه مع بعض انا والشباب...

والده... خلاص يا ياسمين اعدو هنا او عند اي حد ..

ياسمين... بزعل بعد ما اتفقت معاهم وحضرنا نفسنا ناعد سوا..

فارس... متبقيش تتفقي غير لما تعرفي مني الاول..

ياسمين بزعل.. حاضر.. ومشيت علي اوضتها...

والده... ليه زعلتها يا ابني..

فارس... مقصدش ازعلها.. بس كمان اضايقت عشان اتفقت معاهم وكانو مرتبين نفسهم...عموما هدخلها.

دخل لقاها اعده عالسرير ومكشره..

فارس... متزعليش..

ياسمين ... مش زعلانه..

فارس.. امال مكشره ليه...

ياسمين.. عشان اتفقت مع سما وسمر وريم وفريده وكنا هناعد مع بعض..

فارس... معلش انهرده بس وحقك عليا ياستي اعدو انهرده هنا او عند فريده وريم.او عند حد من المقاطيع التانيين

ياسمين... ماشي امري لله...

فارس.. باسها من راسها.. يلا انا طالع..سلام.

ياسمين.. بحب . سلام.

اتصلت ياسمين بيهم وبلغتهم.. واتفقو انهم هيأعدو عند ياسمين... اما والدها نول هو وعمها لجدهم.. واجتمع نجوي ورحمه مع بعض في شقه رحمه ورباب رفضت الانضمام بحجه اعمال المنزل..

اما عند فارس... اجتمع بعد ما عمر جالهم.. وبعد رغي كتير...

فارس.. ياريت نبطل رغي بقي ونركز شويه ..

عمر... خير..

فارس...انا عندي خطه في دماغي كده نقدر نساعد بيها والد فريده..

ادهم... لا ولله واحنا اللي هنعرف نرجعه ونجبله حقه..

فارس.. انا مخلصتش كلامي..الراجله بتاعتنا ورا چون من يوم ما جه وعارفين كل تحركاته وعارفين الفندق اللي نازل فيه وتقريبا مراقبينه جوه الجناح بتاعه واليومين اللي فاتو انا وعمر لمينا شويه تفاصيل عنه..

زين.. وهتقدر تثب برائته يازين ولا هتجيبه مصر وبس.

فارس... الاتنين.. وبعد كده هو حابب يرجع تاني هو حر..

ادهم... الله شغل عصابات

فارس... بصله.. بطرف عينه وبرقله..

ادهم... كمل يا كبير

زين... طيب فهمنا

هنعمل ايه. وابتدا فارس يحكي.

يتبع الفصل  الثالث عشر اضغط هنا

• الفهرس يحتوي على جميع فصول الرواية كاملة :"رواية فارس الحى الشعبي" اضغط على اسم الرواية